ވިޔަފާރި / ފައްޔާޒު އިސްމާއިލް (ކުރީގެ މިނިސްޓަރު)

އިހަވަންދިއްޕޮޅު ރާއްޖޭގެ އިގްތިސާދު ބަދަލުކޮށްލާނެ: ފައްޔާޒު

އިކޮނޮމިކް މިނިސްޓަރު ފައްޔާޒް އިސްމާއިލް ރޭ ބޭއްވި އިންޓަނޭޝަނަލް ބަންކަރިން ޕްރޮޖެކްޓް ހަވާލު ކުރުމުގެ ރަސްމިއްޔާތުގައި ވާހަކަ ދައްކަވަނީ-- ފޮޓޯ: އެސްޓީއޯ

ފާތިމަތު ޝަނާ މުހައްމަދު، މިހާރު

11 އޯގަސްޓް 2023 - 10:30

16 comments

ރާއްޖޭގެ އެންމެ އުތުރު، އިހަވަންދިއްޕޮޅުގައި ހަދާ އިންޓަނޭޝަނަލް ބަންކަރިން ހިދުމަތަކީ މުޅި އިގްތިސާދު ބަދަލުކޮށްލާ ވަރުގެ ޕްރޮޖެކްޓަކަށް ވާނެ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވެއްޖެ އެވެ.

ރޭ ކުރުނބާ މޯލްޑިވްސްގައި ބޭއްވި ރަސްމިއްޔާތުގައި ފައްޔާޒު ވިދާޅުވީ، ޓޫރިޒަމަކީ މިވަގުތު ރާއްޖޭގެ އެންމެ ބޮޑު އިންޑަސްޓްރީ ކަމަށް ވިޔަސް، އިހަވަންދިއްޕޮޅުގައި ފަށާ ބަންކަރިން ހިދުމަތަކީ ޓޫރިޒަމް ފަދައިން، ރާއްޖޭގެ އިގްތިސާދަށް ބޮޑު އާމްދަނީއެއް ވަންނާނެ ދާއިރާއެއް ކަމަށެވެ. އެހެންވެ، އިގްތިސާދު ޑައިވާސިފައި ކުރުމަށް މިއީ ވަރަށް މުހިއްމު ޕްރޮޖެކްޓެއް ކަމަށް އޭނާ ވިދާޅުވި އެވެ.

ފައްޔާޒު ވިދާޅުވީ މި މަސައްކަތް އެންމެ ފުރަތަމަ ފެށި އިރު މިއީ އެހާ ފީޒަބަލް ޕްރޮޖެކްޓެއް ނޫން ކަމަށް ބައެއް ފަރާތްތަކުން ލަފާދިން ނަމަވެސް، މިކަން އަލުން ކުރުމަށް ނިންމީ، މިއީ ރާއްޖެއަށް ބޮޑު ބަދަލެއް ގެނެވޭނެ ޕްރޮޖެކްޓެއް ކަމަށް ސަރުކާރުން ދެކޭތީ ކަމަށެވެ. އޭނާ ވިދާޅުވީ، ވަރަށް ދުވަހުގެ މަސައްކަތުން، މިކަން ބަޔަކާ ހަވާލުކޮށް، ވީހާ ވެސް އަވަހަކަށް މި ޕްރޮޖެކްޓް ފެށުމަކީ ސަރުކާރުގެ ބޮޑު އަމާޒެއް ކަމަށެވެ.

އިންޓަނޭޝަނަލް ބަންކަރިން ޕްރޮޖެކްޓް ހަވާލު ކުރުމަށް ބޭއްވި ރަސްމިއްޔާތުގައި އެއްބަސްވުމުގައި ސޮއިކުރަނީ. -- ފޮޓޯ: އެސްޓީއޯ

އިހަވަންދިއްޕޮޅުގައި ތެލުގެ ސްޓޯރޭޖެއް ހަދައި ތެޔޮ ބަންކަރިން ހިދުމަތް ދިނުމަށް ރޭ އެސްޓީއޯ އިން ގަތަރުގެ އާބަކޮން ޓްރޭޑިން އެންޑް ކޮންޓްރެކްޓިން (ޔޫސީސީ) ކުންފުންޏާ ވަނީ ހަވާލުކޮށްފަ އެވެ. ޔޫސީސީ އަކީ ގަތަރުގައި ބިޔަ ޕްރޮޖެކްޓްތައް ހިންގަމުން އަންނަ އެއް ކުންފުންޏެވެ.

ފައްޔާޒު ވިދާޅުވީ، އިހަވަންދިއްޕޮޅުގެ ތަރައްގީ ފެށުމާ އެކު އުތުރު ސަރަހައްދަށް ވަރަށް ބޮޑު ބަދަލެއް އަންނާނެ ކަމަށެވެ.

"އަޅުގަނޑުމެންގެ ވިސްނުމަކީ ނޯތަކީ އިގްތިސާދީ ހަބެއްގެ ގޮތުގައި ގާއިމް ކުރެވި، ހާއްސަކޮށް ޓްރޭޑިންއާ ގުޅޭ ކަންތައްތަކެއް އިހަވަންދިއްޕޮޅުގައި ކުރުމާއި، މެނުފެކްޗަރިން އާއި އަދި އެއާ ގުޅުން ހުރި އެތައް ކަމެއް މުޅިން އަލަށް ތައާރަފް ކުރުން،" އޭނާ ވިދާޅުވި އެވެ.

ފައްޔާޒު ވިދާޅުވީ، މި މަސައްކަތް ފެށުމުގައި އެސްޓީއޯއާ އެކު މަސައްކަތް ފެށި ނަމަވެސް، އަމާޒަކީ ކުރިއަށް އޮތް ތަނުގައި ބޭރުގެ ވިޔަފާރިތަކާއި ރާއްޖޭގެ ޕްރައިވެޓް ސެކްޓާތަކުގެ ވިޔަފާރިތައް ވެސް މިކަމުގައި ބައިވެރިކުރުން ކަމަށެވެ.

އެސްޓީއޯ އިގްތިސާދީ އިސްލާހީ ޕްރޮގްރާމް ފައްޔާޒު އިސްމާއިލް (ކުރީގެ މިނިސްޓަރު)

16 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢައްޔޯ، މަގޭ ޕުތާ

13 August 2023

ތިޔަކަން ވިޔަ ނުދޭން އެންމެ ބޮޑަށް ވިއްދާނީ..ލަންކާ އިން. ޢެއީ..ރާއްޖެ އަށް މަހަކު އެތެރެ ކުރާ 6500 އެއްހާ ކޮންޓޭނަރު،ކޮންމެ ކޮންޓޭނަރަކުން ޙާހެއްހާ ޑޮލަރު މާލޭގަ ހުންނަ ޓީޓީއެސް ކުންފުނިން ނަގާ...އެންމެ ބޮޑު ފްރެއިޓް ނަގާ އެއް ގައުމު ކަމަށް ރާއްޖެ ވެފައި އޮތީ މޮނޮޕޮލީ އެއް ގޮތައް ލަންކާ އަށް ދީގެން ފައްޔާޒު މެން ތިބީމާ .ސިޔާސީ މީހުން ފިލަން ގޮސް ޕުތާގެ ބެނިޔަން ކޮނޑު ކެނޑި ލައިގެން އުޅޭތީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

3435

12 August 2023

ހަނދާން ނައްތާލާ! ކަލޭމެން ކިތަންމެ ބޭނުންވިއަސް ތިކަމެއް ނުވާނެ. ސަބަބަކީ މިވެރިކަމަކީ އަޅުވެތި ވެރިކަމެއް. ބާރުގަދަ މީހާ ދިވެހިރާއްޖޭގެ އިގްތިސާދު ފުޅާވާކަށް ހުއްދައެއް ނުދޭނެ. ލޯނު ދޭނީ އެމީހުން ހުއްދަދޭ ޕްރޮޖެކްޓްތަށް ހިންގުމަށް. ބައިނަލް އަގްވާމީ ބަނދަރެއް ހެދިއަކަ ނުދޭނެ. މިނިވަން ބައެއް ވެރިކަމުގައި ތިބެގެންނޫނީ މިނިވަންކަމާއެކު ރާއްޖޭގެ އިގްތިސާދީ، ދީނީ އަޚްލާޤީ އިލްމީ ސިޔާސަތެއް ކަނޑައެއް ނޭޅޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފދފދސ

12 August 2023

ފައްޔާޒު މެނަކަށް ނުވާނެ. އެހެންނޫނަސް މިގައުމާ ކައިރީގަ ހުރި ބޮޑެތި ގައުމުތަކުން ތިކަން ވިޔަ ނުދޭނެ. ލޯނެއްވެސް ލިބެންއޮތީ ހަސަދަވެރިންގެ އަތުން. އެވެރިން ލޯނެއްދޭނެތަ އެވެރިންނަށް ގެއްލުންވަ ކަހަލަ ކަމެއް ކުރުން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކިރު

12 August 2023

ތިބުނާ ބަދަރު 2018- 2023 ގައި ނުކުރީ ކީއްވެތޯއެވެ. ތި ވާހަކައަކީ މާކުރީން ދެކެވެފައިވާ ހޮޅި ވާހަކައެކެވެ. ވޯޓު ހޯދުމަށް ވެސް ތިވާހަކަ ދައްކަނީ ވޯޓު ލިބޭނެކަމަށް ތޯއެވެ. ރައީސް ޔަމިން އަދި މިސަރުކާރުގައި ވެސް ކުރީން މިވާހަ ދެއްކިއެވެ. ލޯނު ނަގައިގެން ހަދަންފެށި ބުރިޖް 5 އަހަރު ވީއިރު ވެސް ނުވިކަމެކެވެ. ބުރިޖްގެ މަސައްކަތް އަވަސް ކުރުމަށް އިތުރަށް 25 މިލިއަން ރުގިޔާ ދިނީމާ ވެސް އެކަން އުވިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިއެދުރުގެ ޚިޔާލު

11 August 2023

އިހަވަންދިއްޕޮޅު ގެ ނަން އިހަވަންމާލެއަށް ބަދަލުކޮށް މާލޭގެ ބައެއްކަމުގައި ހަމަޖއްސައިގެން ނޫން ގޮތަކަށް އެތަން ތަރައްގީކުރުމުގެ ޝައުގެއް ނެތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭރުންތާ

11 August 2023

އޭރުން އިންޑިޔާއިން ސަޕޯޓްކުރާނީ ގާސިމަށް ނޫނީ ޑރ މުއިއްޒަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީ ދޫ

11 August 2023

ތިލަދުންމަތި ދިވެހި ރައްޔިތުންގެ އިގްތިސާދީ ހަބަކަށް ހަދާނީ ތިލަދުން މަތިން! ޢެކަން ލީޑްކުރާނީ ޑރ. މުއިއްޒު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްރާސް

11 August 2023

އިހަވަން ދިއްޕޮޅު މާލެކައިރިއަށް ގެނެވޭނެ ގޮތެއް ނެތްބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެބަންދިހާރު

11 August 2023

މަނިކުފާނު ތިޔާކަހަލަ ހަބަކަށް ލާމުވެސް ހަދާދީފި. ވަރަށް ބޮޑަށް ޝުކުރިއްޔާ. ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން

11 August 2023

40 ކުންފުނި ހަދާ ފޭލިވި އިކޮނޮމިކް މިނިސްޓަރަށް ތިކަން ވާނެކަމަށް ނުފެނޭ. ތިލަމާލެ އަޅަށް ރަގަޅު ކެރޭނު ގަޑެއް ލިބޭތޯ ބައްލަވާ ސިމެންތި ކޮޮޅު ގާވަނީ އެތާހުރެ.