މޯލްޑިވިއަންގެ ފްލައިޓެއް. ސްކޫލު ޗުއްޓީއާ ދިމާކޮށް 132،000 ފަސިންޖަރުން ދަތުރު ކުރި-- ފޮޓޯ: މިހާރު
13 އޯގަސްޓް 2023 - 12:24
8 comments
މި އަހަރުގެ ސްކޫލް ޗުއްޓީއާ ދިމާކޮށް، މޯލްޑިވިއަން އެއާލައިނުން 132،000 ފަސިންޖަރުން އުފުލައިފި އެވެ.
ގައުމީ އެއާލައިން، މޯލްޑިވިއަން އިން ސްކޫލު ޗުއްޓީގައި ވަނީ 3،600 ފްލައިޓު ރާއްޖޭގެ އެކި ސަރަހައްދުތަކަށް އަޅާފަ އެވެ.
އައިލެންޑް އޭވިއޭޝަނުން ހިންގާ މޯލްޑިވިއަން އެއާލައިނުން ބުނީ މިދިޔަ ޖޫން 15 އިން އޮގަސްޓް 1 ވަނަ ދުވަހާ ހަމައަށް އެންމެ ގިނަ މީހުން ދަތުރުކުރީ ސ. ގަން އިންޓަނޭޝަނަލް އެއާޕޯޓަށް ކަމަށެވެ. އެ އެއާޕޯޓު މެދުވެރިކޮށް 19،600 މީހުން ދަތުރު ކޮށްފައިވެ އެވެ. ކޫއްޑު އަށް 15،400 ފަސިންޖަރުން ދަތުރުކުރި އިރު ކާޑެއްދު އާއި ކައްދު އަށް 15،200 ފަސިންޖަރުން ދަތުރު ކުރި އެވެ. ކުޅުދުއްފުއްޓަށް ދަތުރުކުރީ 14،200 ފަސިންޖަރުންނެވެ.
ސްކޫލް ޗުއްޓީ އާއި އީދު ބަންދަށް ގިނަ ބަޔަކު ރަށްރަށަށް ފުރާތީ ޑޮމެސްޓިކް ދަތުރުތަކަށް ވަރަށް ބާރު ބޮޑުވި އެވެ. ގައުމީ އެއާލައިނުން ދުވާލަކު 50 އަށް ވުރެ ޑޮމެސްޓިކް ފްލައިޓު ވެސް ޝެޑިއުލް ކުރި ދުވަސްތައް އޭރު ދިޔަ އެވެ. އާންމުކޮށް ދުވާލަކު އޮންނަނީ ޑޮމެސްޓިކް ފްލައިޓުތަކުގެ 20-30 ދަތުރެވެ.
މޯލްޑިވިއަން އިން އަންނަނީ ރާއްޖޭގެ 15 ވަރަކަށް ޑޮމެސްޓިކް އެއާޕޯޓަށް ދަތުރުތައް ކުރަމުންނެވެ. އެ އެއާލައިންގެ ފްލީޓުގައި 14 މަތިންދާ ބޯޓު ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
14 August 2023
މާލެއިން އައްޑުއަށް ކުދިބޯޓްތަކުގައި ދުވާލަކު އެތައްދަތުރު ކުރުމުގެބަދަލުގައި ބޮޑް ބޯޓް A-321 ދުވާލަކު 1 ދަތުރު އަޅާނަމަ ހިންގުމުގެ ޙަރަދު (ޕައިލެޓުން ކުރޫސެޓަށް ކުރާ ޙަރަދު ފަދަ) ކުޑަކުރެވޭނެ. # އަދި ދެކުނުގެ ޑޮމެސްޓިކް އެއަރޕޯޓްތަކަށް (ތިމަރަ ފުށިން ފުވައްމުލަކާއިހަމައަށްހުރި އެއަރޕޯޓްތަކަށް) ދާން އެދޭމީހުން ގޭންއެއަރޕޯޓްގައި ޓްރާންސިޓް ވުމަށްފަހު ކުދިބޯޓެއްގައި އެތަންތަނަށްދިއުމަށް ފުރުސަތުއޮތުމުން އެތެރޭގެ ކަނެކްޝަންވެސް ފުޅާވެގެންދާނެ.
އޮނަރަބްލް އަފީފު ދީދީ
13 August 2023
ކުންފުނި އަނެއްކަވެސް ބަޤުރޫޓް ވުމުގެ ކުރިން ކުންފުނީގެ ސީނިއަރ މެނޭޖްމަންޓާއި ބޯޑް ބަދަލު ކުރާންޖެހޭ. # ހިންގުމުގެ ޙަރަދާއި އިސްރާފު ކުޑަކޮށް މުވައްޒިފުންނާއި ވަސީލަތް މިހާރަށްވުރެން ރަނގަޅަށް ބޭނުންކޮށް ކުންފުންޏަށް ބޮޑު މާލީ މަންފާއެއް ނުލިބުނު ކަމުގައިވިޔަސް "ކުންފުންޏަށް ގެއްލުން ނުވާގޮތަށް" ކުރެވެން ހުރި އެތައްކަމެއް ނުކުރަނީ މިދެންނެވި މީހުންގެ ގައިގައި ކަމާއި ގުޅުންހުރި ތައުލީމާއި ރޭވުންެރިކަމާއި ޤާބިލްކަން ނެތުމުގެ ސަބަބުން.
އޮނަރަބްލް އަފީފު ދީދީ
14 August 2023
މިހާރުވެސް ކޮންމެދުވަހަކު އައްޑުއަށް މޯލްޑިވިއަންގެ 3 ބޯޓް (18 ނުވަތަ 50 ޝީޓްގެ) ދަތުރުކުރޭ. މިބޯޓްތަކުން ދަތުރުކުރާ ދިވެއްސެއްގެއަތުން ރިޓާން ޓިކެޓަށް 4000ރ ނަގާއިރު ޓްއަރިސްޓެއްގެއަތުން 600-800 ޑޮލަރު ނަގާ. # މީގެބަދަލުގައި ކ.އަތޮޅު މާލެމަގުން އައްޑުއަށްދާ ޓްއަރިސްޓުނަށް އެންމެފަސޭހަ ގަނޑިއެއްބަލާ އެގަޑީގައި A-321 ބޮޑު ބޯޓް (ދުވާލަކު 1 ފްލައިޓް) ބާއްވާނަމަ ހުރިހާގޮތަކުންވެސް ޙަރަދުކުޑަވެފައި ކާގޯ އުފުލަން ފުރުސަތުލިބި އާމްދަނީ އިތުރުކުރެވޭނެ.
ދިވެހިންގެ އެއަރޕޯރޓް
13 August 2023
ކުޅުދުއްފުށްޓަށް ދަތުރުކޮށްފައިވަނީ ހަމަ ހުސް ދިވެހިންނެވެ. ގެސްޓުޒޯނަކަށް ނުވާތީ އެއެއަރޕޯރޓަކަށް ގެސްޓުން ދަތުރުނުކުރެއެވެ. އެހެންނަމަވެސް ދިވެހިން އެންމެ ގިނައިން ދަތރުކުރި އެއަރޕޯޜޓަކަށްވާނީ ކުޅުދުއްފުސީ އެއަރޕޯރޓްކަން ޔަގީނެވެ. އެތަން އަޕްގްރޭޑް ނުކުރަން ސަރުކާރުން ނޫޅެނީ ދިެވހިރައްޔުތުންނަށް ވާ ބޭއިންސާފެކެވެ.
ލޭމް
13 August 2023
އެކަމަކުވެސް ވަނީ ހުސް ގެއްލުމޯ.. ބަންގުރޫޓު ވަނީޔޯ..
އެޑްމުންޑޯ
13 August 2023
މީހުންވެސް ކިޔާނެ އަނގަޔާއި އަތާއި ދިމާނުވެޔޭ ދޯ
ސަސި
13 August 2023
އެކަމުވެސް މޯލްޑިވިއަން ހިންގަނީ ގެއްލުމުގައޭ އެއްވެސް ފައިދާއެއް ނުވެއޭވެސް ކިޔަނީ ހަމަ ތިޔަވެރިންދޯ
ފްލެޓް
13 August 2023
ފްލެޓް އެޅުމާއި ފްލައިޓެގައި ދަތުރުކުރުމުގައި ތަފާތެއް ވޭތޯ. މަތިންދާ ބޯޓެއްގައި ދަތުރެއް ކުރިޔަސް ފްލައިޓް އަޅަނީ. އިމާރާތެއް ކުރިޔަސް ފްލެޓް އަޅަނީ. އެއްޗަކުން އެއްޗަކަށް އެއްޗެއް އެޅިޔަސް އަޅަނީ. މިވަނީ ކިހިނެތް. އަޅަނީ. އެޅެނީ. އެޅުން މީ ހާދަ ޒާތެއްގެ ލަފުޒަކަށް ވެއްޖެތާއެވެ. މަތިންދާ ބޯޓުން 3600 ދަތުރުކުރީކީ ނޫންތަ!