ހއ. މޮޅަދޫ ފަޅުގައި އަޅާފައި ހުރި ކުދި ދޯނިތަކަކާއި ޑިންގީ ތަކެއް. ފަޅު ހަދާފައި ނެތުމުން މިއީ ލަފާ ފުރުން ދަތި ރަށެއް. -- ފޮޓޯ: އަބްދުﷲ އައުރާފް/މިހާރު
19 ފެބުރުއަރީ 2017 - 10:56
2 comments
މިއީ ހއ. އަތޮޅުގެ ރަށްތަކުގެ ތެރެއިން ސައިޒުގެ ގޮތުން އެންމެ ބޮޑު އެއް ރަށެވެ. އެކަމަކު އަތޮޅުގެ ނިސްބަތުން އާބާދީ އެންމެ މަދު ރަށެވެ. މިއީ 118 ހެކްޓަރުގެ ރަށެކެވެ. ރީތި ތުނޑިއެއް އޮވެ އެވެ. މިއީ ވެސް ގޮނޑުދޮށް ހިތްގައިމު ރަށެކެވެ.
އާބާދީ
މި ރަށުގެ އާބާދީ އަކީ 377 އެވެ. އެއީ 180 އަންހެނުންނާއި 197 ފިރިހެނުންނެވެ. ރަށުގައި އުޅޭ މީހުންގެ އަދަދު މިއަށްވުރެ ވެސް މަދެވެ.
ތައުލީމު
މޮޅަދޫ ސްކޫލްގައި ނާސަރީން ފެށިގެން ގްރޭޑް 10 އާ ހަމަޔަކަށް ކިޔަވައިދެ އެވެ. މި ސްކޫލްގައި އުޅޭ 55 ދަރިވަރުންނަށް ކިޔަވައިދޭން 17 ޓީޗަރުން އުޅެ އެވެ.
އެހެނިހެން ހިދުމަތްތައް
މި ރަށުގައި ހިންގަނީ ދެ ފިހާރަ އެވެ. ގެސްޓް ހައުސްއެއް ނުހުރެ އެވެ. ބޭންކިންގެ ހިދުމަތެއް އަދި ފުލުހުންގެ ހިދުމަތެއް ވެސް އަދި ގާއިމުކޮށްފައެއް ނުވެ އެވެ. ސިއްހީ ހިދުމަތް ދިނުމަށް ސިއްހީ މަރުކަޒެއް އަދި ބޭސް ފިހާރައެއް ހުރެ އެވެ.
ހއ. މޮޅަދޫގައި ބަޔަކު ފުޓްބޯޅަ ކުޅެނީ. -- ފޮޓޯ: އަބްދުﷲ އައުރާފް/މިހާރު
ދަތުރުފަތުރު
މޮޅަދޫއާ އެންމެ ކައިރި އެއާޕޯޓަކީ ހަނިމާދޫ އިންޓަނޭޝަނަލް އެއާޕޯޓެވެ. މޮޅަދޫ އާއި ހަނިމާދޫއާ ދެމެދު ސްޕީޑް ލޯންޗެއްގައި 50 މިނެޓުން ދަތުރުކުރެވޭނެ އެވެ. މި ރަށުގައި ބަނދަރެއް ނޯވެ އެވެ. ލަފާފުރުމަށް ބޭނުންކުރަނީ ފާލަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަދީހް
19 February 2017
ތިޔަހާ ބިންބޮޑު ރަށެއް ފަޅުކޮށް ބޭއްވުމަށް ވުރެ މަދު މީސްކޮޅެއް ތިބިރަށެއްގެ ބަޔަކު ބަދަލުކޮށްގެންވެސް ތިޔަޔަށްވުރެ ރަނގަޅު ތަރައްޤީއެއް ތިޔަ ރަށަށްވެސް ބޭނުންވޭ ނޫންތޯ !
ސަމަންދަރު
19 February 2017
މޮޅަދުއަކީ ވަގުތުން މީހުން ބާލަން ޖެހޭ ރަށެއް. އެ ރަށު މީހުން ބާލަން އެންމެ ރަނގަޅު އެއްރަށަކީ ހޯރަފުށި. ރައީސް މައުމޫންގެ ވެރިކަމުގައި މޮޅަދުއަކީ ސިޔާސީ މީހުން އަރުވާލާ ރަށެއް.