ބިއޯންޑްގެ ފްލައިޓް އިންނާނެ ގޮތުގެ ފޮޓޮއެއް. އެ އެއާލައިނަށް އޭވިއޭޝަންގެ ހުއްދަ ލިބިއްޖެ. -- ފޮޓޯ: ބިއޯންޑް
15 އޯގަސްޓް 2023 - 11:36
4 comments
ދުނިޔޭގެ ފުރަތަމަ ޕްރިމިއަމް ލަގްޒަރީ ލެޝާ އެއާލައިން ބިއޯންޑް އަށް ކޮންޓިނުއިން އެއާ ވާތިނެސް މެނޭޖްމަންޓް އޯގަނައިޒޭޝަން (ސީއޭއެމްއޯ) އެޕްރޫވަލް ސިވިލް އޭވިއޭޝަން އޮތޯރިޓީން ލިބިއްޖެ އެވެ.
ބިއޯންޑްގެ ޗީފް އޮޕަރޭޝަންސް އޮފިސަރު ނަންތާ ލެނިން ވިދާޅުވީ، އެ ކުންފުނިން ވަނީ ވަރަށް ތަފްސީލީ އޮޑިޓެއް ހެދުމަށް ފަހު ސީއޭއެމްއޯ ހުއްދަ ދިނުމުގެ ކުރިންސިވިލް އޭވިއޭޝަން އޮތޯރިޓީން ވެސް އޮޑިޓެއް ހެދި ކަމަށެވެ.
މި ހުއްދައާ އެކު އެއާ އޮޕަރޭޝަން ސެޓްފިކެޓް ހޯދަން ފަސޭހަވާނެ ކަމަށް ވެސް އޭނާ ވިދާޅުވި އެވެ. ބިއޯންޑް އިން އަންނަނީ އެއާ އޮޕަރޭޝަން ސެޓްފިކެޓް ހޯދުމުގެ މަސައްކަތް ކުރަމުންނެވެ.
ބިއޯންޑަށް ދާދި ފަހުން ވަނީ އެކި އިންވެސްޓަރުންގެ ފަރާތުން އިނީޝަލް އިންވެސްޓްމެންޓްގެ ގޮތުގައި 17 މިލިއަން ޑޮލަރު (262 މިލިއަން ރުފިޔާ) ލިބިފަ އެވެ.
މިއަހަރުގެ ފަހު ކޮޅު މި އެއާލައިންގެ ދަތުރުތައް ފެށުމަށް މަސައްކަތް ކުރާއިރު އެއާލައިނަށް ކެބިން ކްރޫއިން ނެގުމަށް މި ދިޔަ އޭޕްރީލް މަހު ވަނީ އޯޕަން ޑޭ އެއް ބާއްވައި ކުންފުންޏަށް ބޭނުންވާ މުވައްޒަފުން ނަގައިފަ އެވެ.
"ބިއޯންޑް" އަކީ ދުރު ރާސްތާތަކަށް ކުރާ ދަތުރުތަކަކީ ހިތްފަސޭހަ ދަތުރުތަކަކަށް ހެދުމަށް ތައާރަފް ކުރާ ލޭޝާ ލަގްޒަރީ އެއާލައިނެކެވެ. މިއީ ތިމާވެއްޓާ ރައްޓެހި، ސަސްޓެއިނަބަލް ޓެކްނޮލަޖީތަކެއް ހިމަނާ ފަރުމާ ކޮށްފައިވާ ފްލައިޓެކެވެ. އެ ފްލައިޓުގައި 68 މީިހުންގެ ޖާގަ ހިމެނެ އެވެ.
މި އެއާލައިނުން ޔޫރަޕާއި މެދުއިރުމައްޗާއި އޭޝިއާ ޕެސިފިކް ގިނަ ގައުމުތަކަކަށް ދަތުރު ކުރާނެ ކަމަށް ބިއޯންޑް އިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަމާރުހެއްދުންއާލެވެލްގަ
16 August 2023
ތީހަމަ ދިވެހިން ތަޅުވާ ބޮނޑިބަތްގަނޑެއް. މުޅިންވެސް އަރަނީ ދިވެހި ނޫސްތަކަށް، އިންޓަނެޓްގަ އަތްފީނާގެންވެސް ނުފެނު ތިކުންފުނީގެ ކުޅޭކުޅޭ ސައިޓްނޫންއެއްޗެއް
ހަސަން77
15 August 2023
ގެނައި ބޯޓައް 19.6 އަހަރު ވެފަ
މުރާސިލް
15 August 2023
ތިޔަ އެއާލައިންގައި މިވަގުތު ބޭނުންކުރަން ގެނެސްފައި އެވަނީ އެއާބަސް 320 އޭ މަރުކާގެ ބޯޓެކެވެ. އެފަދަ ބޯޓެއްގައި އެންމެ ގިނަވެގެން ދަތުރުކުރެވޭނީ 7 ގަޑި އިރެވެ. ޔޫރަޕާއި ދިވެހިރާއްޖެ އާއި ދެމެދު ތިޔަ އެއާލައިނުން ދަތުރުކުރަން ބަލާއި، ދިވެހިރާއްޖެއާއި އެންމެ ކައިރި ޔޫރަޕުގެ ޤައުމަށް ދަތުރުކުރަންވެސް 8 ގަޑިއިރަށްވުރެ ގިނަ ވަގުތު ހޭދަވާނެއެވެ. އެހެންކަމުން ތިޔަ އެއާލައިންގެ ދަތުރުތައް ޔޫރަޕަށް ލުރަންޖެހޭނީ ޓްރާންސިޓް ކޮށެވެ.
ބިއޯންޑް އޮފިޝަލް
15 August 2023
ތިޔަ ފަރާތަށް ލިބިފައިވާ މައުލޫމާތަކީ އަދި ސައްޙަ މައުލޫމާތެއް ނޫނެވެ. އަޅުގަނޑުމެންގެ ޙިދުމަތަށް ނެރެން ހަަމަޖައްސާފައި ވަނީ ބޮއިންގް 777 ގެ ބޯޓުތަކެކެވެ.