ހުޅުމާލޭގެ މަތިން ނަގާފައިވާ ފޮޓޯއެއް: ހުޅުމާލޭގައި މީހުން ދިރިއުޅެން ދޫކޮށްފައިވާ ގޯތިތަކުގައި ދެން 10 ބުރިއަށް އިމާރާތް ކުރެވޭނެ.---ފޮޓޯ: އާބަންކޯ
18 އޯގަސްޓް 2023 - 08:19
47 comments
ހުޅުމާލޭގައި މީހުން ދިރިއުޅެން ކަނޑައަޅާފައިވާ ގޯތިތަކުގައި ހަތް ބުރީގެ ބަދަލުގައި 10 ބުރިއަށް އިމާރާތް ކުރުމުގެ ހުއްދަ ދޭން އާބަންކޯ އިން ނިންމައި އިއްޔެ އެކަން އިއުލާންކޮށްފި އެވެ.
ރާއްޖޭގައި އެންމެ ބާރަށް ކުރިއަރަމުން އަންނަ ރަށް ކަމަށްވާ ހުޅުމާލެ އިން ދޫކޮށްފައިވާ ގޯތިތަކުގައި މިހާތަނަށް އެންމެ އުސްކޮށް ވެސް އިމާރާތް ކުރެވެނީ ޓެރަސް ހިމަނައިގެން ހަތް ބުރިއަށެވެ.
ނަމަވެސް އެ އުސޫލު ބަދަލުކޮށް، 10 ބުރިއަށް މިހާރު އިމާރާތް ކުރެވޭނެ ކަމަށް އާބަންކޯ އިން ބުންޏެވެ. އެއީ ޓެރަސް ހިމަނައިގެންނެވެ. އެކަމަކު، ޕާކިން އަށް ދޫކުރާ ބޭސްމަންޓް އެ 10 ބުރީގެ ތެރޭގައި ނުހިމެނެ އެވެ.
"މި ގޮތުން 31 މީޓަރަށް މިހާރު ރެޒިޑެންޝަލް ޕްލޮޓްތައް ހިއްލޭނެ އެވެ،" އެ ކުންފުނިން މީޑިއާ އަށް ފޮނުވި ލިޔުމެއްގައި ވެ އެވެ.
ހުޅުމާލޭގައި މީހުން ދިރިއުޅެން ދޫކޮށްފައިވާ ގޯތިތަކުގައި އިމާރާތް ކުރެވޭނެ އެންމެ އުސް މިނަކީ ހަތްބުރި ކަމަށް މިހާތަނަށް ކަނޑައަޅާފައި އޮތަސް ސޯޝަލް ހައުސިން އާއި ކޮމާޝަލް ހައުސިންގެ ދަށުން އިމާރާތް ކުރާ ތަންތަން 12 ބުރިއަށް ވުރެ އުސްކޮށް ނެގުމުގެ ހުއްދަ އޮތީ ދީފަ އެވެ. އަދި ހުޅުމާލެ 2 ގައި ކުރީގެ ރައީސް އަބްދުﷲ ޔާމީންގެ ސަރުކާރުން 25 ބުރިއަށް ހިޔާ ފްލެޓްތައް ހެދީ ހާއްސަ ހުއްދައެއްގެ ދަށުންނެވެ.
އާބަންކޯ އިން ބުނިގޮތުގައި، އިމާރާތުގެ އިމުގެ ތެރޭގައި ޕާކިސް ސްލޮޓް ހެދުމަށް ވެސް ވަނީ ކަނޑައަޅައިފަ އެވެ. އެ އުސޫލުގެ ދަށުން ކޮންމެ ދެ ކޮޓަރީގެ އެޕާޓްމަންޓަކަށް މަދުވެގެން ދެ ސައިކަލެއްގެ ޖާގައިގެ ޕާކިންއެއް އިމާރާތުގެ އިމުގެ ތެރޭގައި ހަދަން ޖެހެ އެވެ. ކޮންމެ އެއް ކޮޓަރިއަކަށް އެއް ސައިކަލްގެ ޖާގައިގެ ޕާކިންއެއް ކަނޑައަޅަން ޖެހެ އެވެ.
ސައިކަލް ޕާކިންގެ ސައިޒަކީ އާބަންކޯ އިން ކަނޑައަޅާފައިވާ ގޮތުން ނަމަ މަދުވެގެން 2x0.8 މީޓަރެވެ. ކާރު ޕާކިންގެ ސައިޒަކީ މަދުވެގެން 2.5x4.8 މީޓަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިއްލެ
18 August 2023
އަނެއްކާ އަނެއް މާލެ. ވެރިންގެ އަމިއްލަ އެދުމަށް ހިންގާ ޖަރީމާ
1206
18 August 2023
ކޮބާ ރީތިވެއްޖެ. މީކުރިންވެސް ބުނަމުންއަންނަ ވާހަކަ. މިއަދު ގޯތީދޭއިރު ކޮންމެވެސް ކަމެއްނުވާނެކަމަށްދައްކާނެ. މާދަމާ ހުރިހާކަމެއްވެސްކުރެވޭނެ. އެހެންވެ ހިލޭ ގޯތި ނުބަހަންވީ. ފަގީރުން އިތުރަށް ފަގީރު މުއްސަނދިން އިތުރަށް މުއްސަނދި
ހުޅުމާލެ ދަ ނެކްސްޓް ސްލަމް
18 August 2023
ހޮންކޮން ކަހަލަ ސުލަމް އަކަށް ހުލުމާލެ ސޯލިހު ބަދަލު އެކޮއްލަނީ. މައުމޫނު ވަރަށް ހިކުމަތްތެރި ޕްލޭނެއް ހަދާފަ އޮތް ތަނެއް ސޯލިހު ވެރިކަމުގައި ހުންނަން ހަލާކު އެކޮއްލަނީ ކަލޭނޭ
މިނިމަލް
20 August 2023
ދެން ހިޔާ ފްލެޓްތައް 25 ބުރި ހަދާފަ ދިނީމަ އެ ނުވޭތަ ސުލަމް އަކަށް، އަނގަ އޮތީޔާ ޖެހޭނެ އެއްޗެކޭ ކިޔަން.
ނަސްރު45
18 August 2023
މިކަމާ ކަންބޮޑުވެގެން، ހުޅުމާލެ ތޮށް ޖޭހިދާނެ ވާހަކަ ލިޔާ މީހުން ކީއްވެބާ އެހާ ކަންބޮޑު ނުވީ ހިޔާ ފުލެޓުތަށް މީހުންނަށް ބަހާ ނިންމިއިރު؟
ބްރޯސް
18 August 2023
މިއޮތީ މާލޭ މީހުންނަށް ލޮޓަރީ ވިންވެފަ!!! ލިޔެ ސޮއިކޮށްފަ ދީފާނަން ތިތަނުން ގިނަ ބިންތައް ލިބުނު މީހުން ވިއްކާލާ ވަގުތީ ފައިސާކޮޅު ހޯދާލާނެކަން. އެއީ ތި ބިންތައް ލިބިފަ ތިތިބި ގިނަ މީހުންނަކީ ދިރިއުޅެން ތިބިން ބޭނުންވާ ބައެއް ނޫން. އެހެންވީމަ ތީ ހަމަ 19000 މީހުންނަށް ކޮންމެ މީހަކަށް 5-6 މިލިއަން ރުފިޔާ ދައުލަތުން ދިންކަހަލަ ކަމެއް.
ގުދުގުދާބެއްޔާ
18 August 2023
ކަލޭގެ ވިސްނުން ކޮށިކަމާއެވެ. ހުޅުމާލެއިން ދޭ ބިން ވިއްކާވެސް ނުލެވޭނެ! ވިއްކިޔަސް ރަޖިސްޓްރީ އޮންނާނީ އެ ގޯތި ދިން މީހާގެ ނަމުގައި! އާބަންކޯއަކުން އެކަން ބަދަލެއް ނުވެސް ކޮއްދޭނެ! މިހާރުވެސް މިގޮތައް ވިއްކި ގޯތި ތައް އެހުރީ ގޯތި ދިން މީހުންގެ ނަމުގައި. މިގޮތައް ގޯތި ގަތް އެކަކަށް ގޭވެރިފަތާތައް ޕުލެޓިނިޔަމް ރެސިޑެންޓް އިން ގޯތިގަތް މީހާއެޕާޓްމަންޓްއެއްދިން. އެކަމަކު ގޯތި ގަތްމީހާގެނަމަށް ބަދަލުނުކުރެވުނު. ގަތް މީހާއަށް ބޮޑުލަނޑެއް މިލިބުނީ!
ބްޜޯސް
19 August 2023
އަދި އެއްފަހަރު ވިސްނާލާ.. މަގޭ ވިސްނުން ކޮށިއިރުވެސް މަށަށް އެނގޭ އެގްރީމަންޓުގައި ވަކިގޮތަކަށް ލުޔެފަ ނެތްނަމަ ރާއްޖޭގެ ބިމާ ބެހޭ ގާނޫނުގައި އަމިއްލަ ގޯއްޗެއް ވިއްކާލެވޭނެކަން. ރަޖިސްޓރްީ ބަދަލު ކުރެވޭނެކަން. އާރބަންކޯގެ ހުރިހާ ބާރެއް މިގޯތި ކަންކަމުގައި ގެއްލިއްޖެކަން. ގޯތި ދިިނުމަކީ އަދި 10 ބުރިއަށް ނެގުމަކީ އާރބަންކޯއިން ބޭނުންވެގެން ކުރާ ކަމެއްނޫން، މުޅީން އާ އުސޫލަކުން ކުރާކަމެއް. މި ބިންތަކަށް ކޮންމެ ގޮތެއްވެސް ވަރިހަމަ.
މިނިމަލް
20 August 2023
މި ގައުމުގަ މިހާރު ގިނަ ވާނީ ހަރުދަނާ ވިސްނުން ގެންގުޅޭ މީހުން، ހަމަ ޖެހިގެން ދިރި އުޅެން ބޭނުން ވާ މީހުން، ތިކަހަލަ ތަންދޮރު ނޭންގޭ ޖާހިލުން މަދު މިހާރު، ހުޅުމާލޭގެ މަގުތައް ބޮޑެތިވާނެ މާލެޔާ ބަލާފަ، މިހާރުގެ ޖީލެއް ބޭނުމެއް ނުވާނެ މާލެއަށް މި ވެފަ އޮތްގޮތް ވާކަށް ހުޅުމާލެ އަކަށް، އެހެން ވީމަ އެކަމާ ވިސްނާނެ ހަމަ، ގޯތި ލިބުނު އެންމެން ވެސް ގޯތި ހަދާނެ، ހަމަ ޖެހޭ ދިރި އުޅުމެއް އުޅުމަށް
ޕަކާސް
18 August 2023
ގުއި ހޮޅިތައް ފުރެނީ !!!!!
ފައިވް
18 August 2023
10 ބުރިއަށް ނަގަން ހުއްދަ ދެވުނީމަ އެވީތަ؟ ކޮންމެ އިމާރާތެއް 10 ބުރިއަށް ނަގާނެ ކަމަށް ބަލައިގެން އެތަނަށް ޖަމާވާނެ އާބާދީއާ އެއްވަރަށް ވަސީލަތްތައް ގާއިމުކުރެވޭނެބާ؟ މަގުތައް މިހާރު ހުރި ވަރަށްވުރެ ފުޅާކުރެވޭނެބާ؟ މާލެއަށް އަންނަން އެންމެ ބްރިޖަކުންވާނެބާ؟ ވެހިކަލްގެ އަދަދު ކޮންޓްރޯލްކުރެވޭނެބާ؟ މިހާރު މާލެއަށް ވެފަ އޮތް ގޮތަށް ވެހިކަލާ މީހުން ތޮއްޖެހިގެން އެ ވާ ގޮތަކަށް ވާން އަނެއްކާ އަނެއް ތަންވެސް ދޫކޮށްލަންވީބާ؟
އެދުރި
18 August 2023
ދެވަނަ ސްލަމް ސިޓީ މާލެއަށް ފަހު. ޕްލޭން އެށް ނެތް. ކުޑަމިނުން ފްލެޓު އިމާރާތްތަކުގަ ކާޕާކް އެއް ނެތް. ބޯބުރާންތި ވިޔަސް ބޮޑުވަރު.
ބުރަންތި
18 August 2023
ކަލޯ މަ އެންމެ ކުރިންވެސް ބުނިން މީ ތަނެއް ދޮރެއް ނުދައްނަ އޮފީސް ގަނޑެއް ވެސް ހިންގާލަން ނޭގޭ ސަރުކާރެކޭ. މިޤައުމު ލަދުވެތިވާން ޖެހޭ މިބައިގަނޑަކާއި ހެދި އަތުން ފައިން މަސައްކަތެއް ކޮއްލަން އިނގޭ މީހަކު މިސަރުކާރަކު ނެތް. ދުވަހަކު ވެސް އޮފީހެއް ހިންގަން އުޅުނު ބަޔެއް ތިބިހެނެއް ހިޔެއް ނުވޭ. މިހާ ފީކާޅާ ބޯބުރާންތިންތަކެއް މިރާއްޖެ އަކުން ނުފެންނާނެ
ރަަށްރަށުން
18 August 2023
ރަށްރަށުން ގޯތި ނުދީ މާލެއިން ގޯތިދީ 10 ބުރިޔަަށް އެޅީމަ އެތަނަށް އަންނާނީ އެއްކަލަ ރާއްޖެތެރޭ މީހުން ކުއްޔަށް. ރާއްޖެތެރޭ 4ބުރިޔަަށް ސުކޫލް އެޅިޔަސް ކިޔަވާދެ މީހަކު ނުވާނެ
ސަލީމު2
18 August 2023
ރާއްޖެތެރެއިން މާލެއަށް ބަދަލުވަނީ ރަށުން ގޯތި ނުލިބޭތީތަ؟ ފަޅު ނުކޮނެވޭތީތަ؟ 4ބުރިއަށް ސުކޫލު ނޭޅިގެންތަ؟
ނޯސްލޭވްމޫވްމަންޓް
18 August 2023
#ނޯ ސްލޭވް މޫވަމަންޓް ގެ މަގުސަދަކީ، ހުޅުމާލެއިން ހިލޭ ބަހަ ރައްޔިތުންގެ ހައްގު ބިމުގައި ގެއަޅާ ކުއްޔަށް ދޭ އެއްވެސް ތަނެއް ކުއްޔަށް ނުހިފަންގޮވާލާ ހަރަކާތެއް. އެކަކުވެސް އެއިން ތަނަކުނަ ކުއްޔަށް ޖުނަގާތި. މާލެއިން ނަގަންވީ. ހުޅުމާލެއިންވެސް ބިންގަނެގެން އެޅިގެތަކުން ކުއްޔަށް ނަގަންވީ. ޢެކަމަކު ނަސްލީ ތަފާތުގެ ބިމެއްގައި ހުރި ތަނކުން އެކަކުވެސް ނުނަގަންވީ.
މޮޔަގޮވާ
18 August 2023
މޮޔަރާޖާ