މާލެ އިން ޕާކިން ޖާގަ ކުއްޔަށް ދީގެން ކައުންސިލަށް 3.9 މިލިއަން

އަމީރުއަހުމަދު މަގުގައި ހަތަރު ފޮރޮޅުލީ އުޅަނދު ޕާކު ކުރުމަށް ހަދާފައިވާ ޕާކިން ޒޯނެއް: މިހާތަނަށް ދޫކޮށްފައި ވަނީ ހަތަރު ފުރޮޅުލީ އުޅަނދު ޕާކު ކުރުމަށް 776 ޕާކިން ޖާގަ ކަމަށް ކައުންސިލުން ބުނޭ.-- ފޮޓޯ: ނިޝާން އަލީ / މިހާރު

ފާތިމަތު އަޖްފާން، މިހާރު

22 އޯގަސްޓް 2023 - 12:35

28 comments

މާލެ އިން ދޫކޮށްފައިވާ ޕާކިން ޖާގަތަކުން ސިޓީ ކައުންސިލަށް މިހާތަނަށް 3.9 މިލިއަން ރުފިޔާ ލިބިފައިވާ ކަމަށް އެ ކައުންސިލުން ބުނެފި އެވެ.

އެ ކައުންސިލުން އެހެން ބުނީ، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން "މިހާރު" އިން ހުށަހެޅި ސުވާލުތަކަށް ދިން ޖަވާބުގަ އެވެ. "މިހާރު" އިން މިދިޔަ ޖޫން މަހު ސިޓީ ކައުންސިލްގައި އެދުނީ މާލޭގެ މަގުމަތިން ހަތަރު ފުރޮޅުލީ އުޅަނދުތަކަށް ކުއްޔަށް ދޫކުރި ޕާކިން ޖާގަތަކުގެ އަދަދާއި އެ ޖާގަތަކުން ލިބުނު ފައިސާގެ އަދަދު ތައް ހޯދުމަށެވެ.

މިދިޔަ މަހުގެ 8 ވަނަ ދުވަހު އެ އަށް ޖަވާބު ދެމުން ކައުންސިލުން ބުނީ، މާލޭގައި ދޫކޮށްފައިވާ ޕާކިން ސްލޮޓްތަކަކީ ވިއްކާފައިވާ ތަންތަން ނޫން ކަމަށައި އެއީ ކުއްޔަށް ދޫކޮށްފައިވާ ތަންތަން ކަމަށެވެ.

ކައުންސިލުން ބުނީ މި އަހަރުގެ މޭ މަހުގެ ނިޔަލަށް 776 ޕާކިން ޖާގަ ދޫކޮށްފައިވާ ކަމަށެވެ. އެއީ ޑިޕްލޮމެޓިކް މިޝަން ތަކާއި ވިޔަފާރި ވެރިންނަށާއި ސަރުކާރުގެ އިސް މަގާމުތަކުގެ ބޭފުޅުންނާއި އާންމުންނަށް (ޕްރައިވެޓް ވެހިކަލް ތަކާއި ޓެކްސީތައް) ދޫކޮށްފައިވާ ޖާގަ ތަކެވެ.

މާލެ މަގުމަތިން ކުއްޔަށް ދޫކޮށްފައިވާ ޕާކިން ޖާގަތަކެއް.-- ފޮޓޯ: ނިޝާން އަލީ މިހާރު

ކުއްޔަށް ދޫކޮށްފައިވާ ޕާކިން ޖާގަތަކުގެ އަދަދު:

1. ޑިޕްލޮމެޓިކް މިޝަންތައް، ވިޔަފާރިތަކާއި ސަރުކާރުގެ ވެރިންނަށް: 63 ސްލޮޓް.

2. ޕްރައިވެޓް ވެހިކަލްތަކާއި ޓެކްސީތަކަށް: 713 ސްލޮޓް.

މާލޭގެ މަގުތަކުން ޕާކިން ޖާގަތައް ކުއްޔަށް ދޫކުރަން ސިޓީ ކައުންސިލުން ނިންމީ މިދިޔަ އަހަރު އެވެ. ޕާކިން އަށް ދޭ ޖާގައިގެ ކުލި އުޅެނީ 750ރ. އާއި 3،000ރ. އާ ދެމެދުގަ އެވެ.

ޑިޕްލޮމެޓިކް މިޝަންތަކާއި ވިޔަފާރިތަކާއި ސަރުކާރުގެ ވެރިންނަށް ދޫކޮށްފައިވާ ޕާކިން ސްލޮޓްތަކުން 591،216.97ރ. ލިބިފައިވާ ކަމަށް ކައުންސިލުން ބުންޏެވެ. އާންމުންނަށް ދޫކޮށްފައިވާ ސްލޮޓްތަކުން ލިބުނީ 3،396،850ރ. އެވެ.

ޕާކިން ޒޯން ޕާކިން

28 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޭނަސީދު

24 August 2023

މީގެ ކުރިން ދައްކަމުން ދިޔައީ 1500 ރ މި މަހު ލިންކު ފޮނުވިއިރު 2050 ދައްކަން ޖެހިއްޖެ މުުއީޒު މީދެން ބޮޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިސާ

24 August 2023

ސިޓީ ކައުންސިލްގަ ތިބޭ ކުދިންނައް މުސާރަ ދޭށޭ ބުނެބަލަ ތިވަރައް ލާރި ވަންނަންޔާ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިބަކުރީ

23 August 2023

ރިސޯޓުތައްވެސް ވިއްކާލީކީ ނޫން. 99 އަހަރަށް ކުއްޔަށް ދިނީ. މާނައަކީ ކާރި މުސްތަގުބަލެއްގައި އެހެންބަޔަކަށް އެތަނުގެ ބޭނުމެއް ނުކުރެވޭނެޔޭ. މަގުތައްވެސް ދިގުމުއްދަތައް ކުއްޔަށް ދިނީ. އެމީހަކަށް ދިންތަނެއްގައި އެމީހުންތިބީ އިންވަކިކޮށް ރޯނުދަމައިގެން. އެއިންތަނަކުން މީހަކަށް ހިނގާފައިވެސް ނުދެވޭ. ދެން ކުއްޔަށް ދިނުމާއި ވިއްކުމާއި ހުރީ ކޮންތަފާތެއްބާ. މިދައްކަނީ ހިނގާބިނގާވެ އުޅެންއޮތް މަގެއްގެ ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

22 August 2023

މުއިޒަށް ބާރެއް ދިނީމަ މުޅި މާލޭ ހުސްތަން ކޮޅެއް އޮތިންޔާ ފާކިންއަށް ވިއްކާލަނި. އަދި ވެރިކަން ލިބިންޖިންޔާ ކިހާ ވަރެއް ދަށްކާލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޢިއްޒު.

22 August 2023

މަގުމަތިން ޖާގަދޭން ޖެހުނީ ޕާކިންގ ބިލްޑިންގ އަޅަން ސަރުކާރުން އެއްބާރުލުން ނުދީގެން ސަރުކާރައްޖެއްސުމައް.އުނދަގޫ އުފުލަން މިތިބީ އަހަރުމެން މިތާނގަ ދިރިއުޅޭމީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުލްފިގާރު

22 August 2023

ޕާކިން އަށް ދޭ ޖާގައިގެ ކުލި އުޅެނީ 750ރ. އާއި 3،000ރ. އާ ދެމެދުގައޭ ބުންޏަސް އެއަކުން އެއްވެސް އެއްޗެއް ސާފެއްނުވޭ، މަހަކު ދައްކަންޖެހޭ ވަރުކަމެއް، އަހަރަކު ދައްކަންޖެހޭ ވަރުކަމެއް ނޭގެ.