ޕީއެންސީގެ ރައީސް އަބްދުއްރަހީމް އަބްދުﷲ މުއިއްޒުގެ ކެމްޕެއިން ޖަލްސާއެއްގައި ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު
22 އޯގަސްޓް 2023 - 16:00
24 comments
ރައީސް އިބްރާހިމް މުހައްމަދު ސޯލިހުގެ ސަރުކާރުން އިދިކޮޅު ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ދެމުންދާ ބަހުގެ ހަމަލާތަކަށް އެއްވެސް ފަރުވާލެއް ނެތް ކަމަށާއި އެ "ހަމަލާތަކަށް" ރައްދު ދެެއްވާނީ ރިޔާސީ އިންތިހާބުގެ ވޯޓުން ކަމަށް ޕީޕީއެމް/ޕީއެންސީ ކޯލިޝަން ހިންގުމާ ހަވާލުވެ ހުންނެވި އަބްދުއްރަހީމް އަބްދުﷲ (އަދުރޭ) މިއަދު ވިދާޅުވެއްޖެ އެވެ.
ސ. މަރަދޫ ޖަގަހަ ހުޅުވުމަށް މެންދުރު ބޭއްވި ޖަލްސާއެއްގައި އަދުރޭ ވިދާޅުވީ އެ ކޯލިޝަންގެ ތެރޭގައި ފިތުނަ އުފައްދައި، ބައިބައިކޮށްލަން ބަޔަކު ވާހަކަތައް ފަތުރަމުންދާ ކަމަށެވެ. އެ ފުރުސަތު ވާދަވެރިންނަށް ނުދިނުމަށް އަދުރޭ އެދިވަޑައިގަތެވެ.
ޕީއެންސީގެ ރައީސްގެ މަގާމު ވެސް ފުރުއްވާ އަދުރޭ ވިދާޅުވި ގޮތުގައި، އެ ވާހަކަތައް ފަތުރަނީ ޕީޕީއެމް/ޕީއެންސީ އަކީ ކޯނޗެއް ކަން ވާދަވެރިންނަށް ނޭނގޭތީ އެވެ.
ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ ރިޔާސީ ކެމްޕެއިނަށް އައްޑޫ މަރަދޫގަަައި ޖަގަހަ ހުޅުވުމަށް ބޭއްވި ޖަލްސާގަައި އޭނާ ވާހަކަދައްކަވަނީ.-- ފޮޓޯ: ނިޝާން އަލީ | މިހާރު
"ޕީޕީއެމްއަކީ ޕީއެންސީ. ޕީއެންސީއަކީ ޕީޕީއެމް. މި ދެ ޕާޓީއަކީ ރައީސް ޔާމީން. އެހެންވީމާ ޕީޕީއެމް އިން ނުކުތަސް، ޕީއެންސީން ނުކުތަސް އެ ނުކުންނަނީ ރައީސް ޔާމީން ނެރުއްވި ކެންޑިޑޭޓް،" އަދުރޭ ވިދާޅުވި އެވެ.
އޭނާ ވިދާޅުވީ ކުރީގެ ރައީސް އަބްދުالله ޔާމީން ބޭނުންފުޅުވީ އެ މަނިކުފާނަށް މި ފަހަރުގެ ރިޔާސީ އިންތިހާބަށް ކުރިމަތިނުލެއްވޭ ހާލަތަކަށް ދިޔުމުން، ޔާމިން ގެންގުޅުއްވި ސިޔާސަތުތައް އެގޮތުގައި ދަމަހައްޓައި، ތަންފީޒުކުރެވޭ ވަރުގެ އަދި އެ މަނިކުފާނު ގެނެސްދެއްވި ތަރައްގީ ހަމަ އެގޮތުގައި ގެނެވޭ ވަރުގެ އެ ތަޖުރިބާ ހުރި، ގާބިލް ބޭފުޅަކު އިންތިހާބަށް ނެރުއްވުމަށް ކަމަށެވެ.
އެ ހުރިހާ ކޮލިޓީއެއް ހުރި ބޭފުޅަކީ މުއިއްޒު ކަމަށް އަދުރޭ ވިދާޅުވި އެވެ.
ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒާއި ޕީއެންސީގެ ރައީސް އަބްދުއްރަހީމް އަބްދުﷲ-- ފޮޓޯ: ނިޝާން އަލީ / މިހާރު
ވާދަވެރިން "ހާސްވެގެން" އުޅެނީ މުއިއްޒަށް އޮތް ތާއީދު ފެނިގެން ކަމަށް ވެސް އޭނާ ވިދާޅުވި އެވެ.
"އަތޮޅުތަކަށް ކުރާ މި ދަތުރުން އަޅުގަނޑުމެންނަށް އޮތް ތާއިދު ގިނަކަން އެނގޭ. އެ ތާއީދު ކުރަމުން ދިޔަަވަރަކަށް ވާދަވެރިންގެ ހަމަލާތައް ގިނަވާނެ، އެއީ ބަލިވަމުން ދާއިރު ކުރެވެން އޮތް ކަމެއް ކޮށްފައިތާ ދާނީ. އެއީ ކަމަށް އަޅުގަނޑު ގަބޫލުކުރަނީ. އަޅުގަނޑު މި ވަގުތު މާ ބޮޑަށް ރައްދުދޭކަށް ނެތިން،" އަދުރޭ ވިދާޅުވި އެވެ.
މުއިއްޒުގެ ކެމްޕެއިނާ ދިމާކޮށް، ރައީސް އިބްރާހިމް މުހައްމަދު ސޯލިހުގެ ކެމްޕެއިނުގެ ތަރުޖަމާން، ޑިފެންސް މިނިސްޓަރު މާރިޔާ ދީދީ ކޮންމެ ދުވަހަކު މިހާރު ބާއްވަމުން އަންނަ ޕްރެސް ކޮންފަރެންސްތަކުގައި ދަނީ ޕީޕީއެމް/ޕީއެންސީ އަދި މުއިއްޒަށް ބަހުގެ ހަމަލާތައް ދީ، ވަރަށް ބޮޑަށް ފާޑުވިދާޅުވަމުންނެވެ. ނަމަވެސް މާރިޔާ ފާހަގަކުރައްވާ ވަކި ކަންކަމަށް މުއިއްޒާއި ޕީޕީއެމް/ޕީއެންސީން މިހާތަނަށް ރައްދެއް ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަރުތަ
23 August 2023
މި ސަރުކާރުގެ "ހަމަލާތަކަށް" ރައްދު ދޭނީ ވޯޓުން: އަދުރޭ، ކަލޭ ތިހެން ބުނީމަ ގަބޫލުކުރަން ވަރަށް ދަތި، މިވީހާ ތަނަށް ކަލޭ ޖެހި ހިސާބެއް ދިމާވެފަ ނެތް، ޔާމީނުގެ ނަން ވޯޓު ކަރުދާސްކޮޅުގަ އޮންނާނެކަމާ، ޕީޕީއެމަށް ބައިވެރި ނުވެވޭ އިންތިޚާބެއް ނުބޭއްވޭނެ ކަމަށް ކަލޭ އަނގަފުޅާކޮށްފަ ގޮވީމެއްނު، މިހާރު ވަރަށް ތާހިރެއްނު، ކަލޭމެންގެ ނުބައި ރޭވުމަކުން ޔާމީނު ޖަލުގަ ބާއްވާފަ ޕީޕީއެމަށް ފުރުސަތެއް ނުދީ ޕީއެންސީން ދެމީހުން ނެރިގެން ތިއުޅެނީ.
ސޮއްސާލި
23 August 2023
ތިއީ ވޯޓު ގަބޫލުކުރާ ބައެއް ނޫން. އަމުދުން ބަލި ގަބޫލެއް ނުކުރެވޭ. ކުރީގެ އިންތިހާބުގައި ތިމީހުންޖެހި ފާހަނގަ ސޮއްސާލައިގެން ތިރީގައި އިން ގޮޅިއަށް ފޭބީޔޯ. އޭރުގެ އާރާއިބާރަށް ބަލާއިރުގައާއި މިފަހަރު އަދަދުތައް ފެންނަގޮތުން އޭރަށްވުރެ ނަތީޖާ ގޯސްވާނެ. ނަމަވެސް ފާނހަގަ ސޮއްސާލިއަސް ހަރު ގޮޅިއެއްގައި ލައްވާނުލާނެކަން ޔަގީން. ވީއިރު މިފަހަރު ޖަހާ ފާހަނގަތައް އުދުހޭމީ ތޯއްޗެކެވެ.
ތުނޑިހަސަނު
22 August 2023
އަދުރޭސަރ ޖަހާހިސާބު ދިމާނުވެނުދާނެ!ޔަގީން މުއިއްޒުގެ ފަހަރުމީ..ހިސްފޭމަސް އީކުއޭޝަން 200000=4×50 ގެރޭ މުއިއްޒު މިފަހަރު 200000 ވޯޓުން ވެރިކަމައް އަންނާނީ!
އަރުތަ
22 August 2023
ކުރިން މަށަށްވެސް ހީކުރެވުނީ މި އިންތިޚާބު ޕީޕީއެމް ކާމިޔާބު ކުރާނެކަމަށް، އެކަމަކު އަދުރޭ ސާރ ބުނީމަ މިހާރު އެގިއްޖެ އެކަން ދެން ވުމަށްވުރެ ނުވުން ކައިރިހެން.
ޢަރުތަ
23 August 2023
ޕީޕީއެމް އިންތިޚާބުގަ ބައިވެރިވެސް ނުވޭ، ރިޔާސީ ކެންޑިޑޭޓުވެސް ރަނިންމޭޓުވެސް ޕީއެންސީގެ މެމްބަރުން، ޔާމީނު މުއިއްޒު އެންޑޯޒެއް ނުކުރެ، އެތެރޭގެ ހަބަރުތައް ބުނާގޮތުން މުއިއްޒުއާ އަދުރޭއާ ބޮޑު ގޭސްގަނޑެއް އަނބުރައިގެން ކޮށްގެން އުޅޭކަމެއް.
ކެޔޮޅުބެ111
22 August 2023
ހިސާބު ދިމާކުރާތި.
ޝޯމޭން
22 August 2023
އަދުރޭ ކޮންމެހެނަކުން ރުޅިއަންނާނެ ކަމެއް ނެތް. ހަގީގަތަކީ ދިވެހިރާއްޖޭގެ ދެވަނަޔަށް އެންމެ ބޮޑު ސިޔާސީ ޕާޓީގެ ރިޔާސީ ކެނޑިޑޭޓެއް މިއިންތިހާބުގަ ނެތްކަން. އެކަމަކާ ހަގީގީ ޕީޕީއެމް މީހުންނެއް ހިތްހަމައެއް ނުޖެހޭނެ. ކުޑަޕާޓީން ނެރުނު ކެނޑިޑޭޓެެއް. އޭނަޔަށް ރިޔާސީ ޓިކެޓުއެވޯޑުކުރީ ޕީޕީއެމް ޕީއެންސީ ސެނެޓުގެ 100އެއްހާމީހުންނެގި ވޯޓެެއްގެ 60 އަކަށް މީހުންގެ ވޯޓު ލިބިގެން. ކޮބާ ޕީޕީއެމް އާއްމުރައްޔިތުން؟ އެމީހުންނަށް ފެންނަނުފެންނަ ނަމަވެސް އަހާލިންތޯ؟
އިއްލި
22 August 2023
އަދުރޭ ހަމަ ބޯބޮޑީ، މިފަހަރު އެއޮތީ ޔާން ބޮލަށްވެސް ދުއްވާލާފަ. ޕީޕީއެމުން މީހަކު ނެރުނަނުދީ އަދުރޭގެ ޕާޓީން ކެންޑިޑޭޓެއް ނެރުނީ އަދުރޭގެ ބޯ ބޮޑުކަމުން.
ދޮން ރަހާ
22 August 2023
އޯއި އަދުރޭ ތަ އަދި ފުއްޕާ ވަރަ ނިވެއި! ތޯ ލިބޭތިކޮށް މަޑުން ހިށުފެލަ!
ފޮނިފޮނިޓައްޕު ކުމާރު
22 August 2023
އަދޫ ހަދާއެއްޗެއް މަ ހަދާނީ. އަދޫއަކީ މަގޭ ގާއިދު. ރޯލްމޮޑެލް.
ދޮންރަހާ
22 August 2023
ތިޔަހެން އަދުރޭ ކުރިންވެސް ފޮނި ކެނޑި އަތައްގޮވީ މިފަހަރުވެސް ކޮސް އަނގަ ނުތަޅާ ކަމެއް ކުރެވޭތޯ ބަލާލަބަކަ’ އަދުރޭ ތެދައް ބުނެލަބަލަ ކިހާވަރެއްގެ ކަޓެއް މުއީޒު އަތުންނަގާގެން ގޭސްގަނޑު ހިންގާލީ އަދުރޭ މިޔައް ތެދުބަހުން ޖަވާބުދާރީ ވެއްޖެނަމަ ރަނގަ ހަދިޔާއެއް ދޮންރަހާ ފަރާތުން އަރުވާނެ އޮންނާނެ މާލެ ގެނެސް ބާރަ ފޫޓު ބާރަ ފޫޓުގެ ކަލްކިޔުލޭޓަރެއް ކެސިއޯގެ މީގެން ސެލްފީވެސް ނެގޭނެ އޯކޭވާނެދޯ
އެސް ޒެޑް
22 August 2023
އާނދޯ؟ އަސްލުގަވެސް ވޯޓުންނޭ ނަތީއްޖާ ފެއްނާނީ މިހާރުވާނީ 2018 ގަވެސް ވޯޓުން ޖަވާބުދީ އަދި ނަތީއްޖާވެސް ދައްކާފަ، ދެން އޮތީ 2023 ، إن شاء الله ، 2023 ގަވެސް ތި މި ދިވެހި ތާރީޚު ދެކިފަނުވާފަދަބޮޑު ވައްކަން ކޮށް އެފަދަބޮޑު އަނިޔާވެރި ވެރިކަމެއްކޮށްފަވާ އަނިޔާވެރި ވަގުކަލޭގެއަށް ވެރިކަން އިޔާދަކޮށްދޭން ތިއުޅޭ މީހުންތައް ބަލިކޮށް އެމްޑީޕީގެ ގުޅިފައިވާ ޕާރޓީތަކުގެ ބަދަހި ލަޝްކަރާއިގެން އިބްރާހީމް މުޙައްމަދު ޞޯލިހް މިއިންތިޚާބު ކާމިޔާބުކޮށްފަ ދައްކާނެ