ޚަބަރު / ރިޔާސީ އިންތިޚާބު 2023

މެމްބަރުން ޕާޓީ ބަދަލުކުރުމަކީ ސިޔާސީ ހަގީގަތް، މޮޅުވާ ކޮޅަކަށް މެންބަރުން ދާނެ: މާރިޔާ

ކޮންމެ ދުވަހަކު މާރިޔާ ބާއްވަވާ ނޫސްވެރިންގެ ބައްދަލުވުމުގެ ތެރެއިން: މެންބަރުން ގަތް ކަަމަށް ކުރާ ތުހުމަތަށް އޭނާ މިއަދު ވަނީ ރައްދު ދެއްވާފައި--

އައިޝަތު ނުޒުހާ، މިހާރު

27 އޯގަސްޓް 2023 - 15:11

13 comments

އެއް ސިޔާސީ ޕާޓީން އަނެއް ޕާޓީ އަށް މެންބަރުން ބަދަލުވުމަކީ އާންމުކޮށް ވެސް ކަން ހިނގާ ގޮތް ކަމަށާއި މޮޅުވާ ކޮޅަކަށް މެންބަރުން އަބަދުވެސް ދާނެ ކަމަށް އެމްޑީޕީގެ ރިޔާސީ ކެންޑިޑޭޓު ރައީސް އިބްރާހިމް މުހައްމަދު ސޯލިހުގެ ތަރުޖަމާނު މާރިޔާ އަހުމަދު ދީދީ މިއަދުު ވިދާޅުވެއްޖެ އެވެ.

އެމްޑީޕީން ވަކިވެ، ރައްޔިތުންގެ މަޖިލީހުގެ ރައީސް މުހައްމަދު ނަޝީދު އިސްވެ އުފެއްދި ޑިމޮކްރެޓްސް ޕާޓީ އަށް ސޮއިކުރެއްވި ތޮއްޑޫ ދާއިރާގެ މެމްބަރު ހަސަން ޝިޔާނާއި ކުޅުދުއްފުށީ އުތުރު ދާއިރާގެ މެމްބަރު ޔާސިރު އަބްދުއްލަތީފް ވަނީ އަލުން އެނބުރި އެމްޑީޕީ އަށް ސޮއިކުރައްވައިފަ އެވެ.

އެ މައްސަލައިގައި މެންބަރުން "ގަންނަ" ކަމުގެ ތުހުމަތު ނަޝީދު، ރައީސް އިބްރާހިމް މުހައްމަދު ސޯލިހަށް އަމާޒުކުރުމާ ގުޅިގެން، ނޫސްވެރިންގެ ބައްދަލުވުމުގައި މާރިޔާއާ ސުވާލުކުރުމުން ވިދާޅުވީ އެ މެންބަރުންނަކީ އެމްޑީޕީގެ ޓިކެޓުގައި މަޖިލީހަށް އިންތިހާބު ކުރި މެންބަރުން ކަމަށާއި އެ މެންބަރުން އަލުން އެ ޕާޓީއާ ގުޅިވަޑައިގަތުމަކީ އެފަދަ ތުހުމަތެއް ކުރަން ޖެހޭ ސަބަބެއް ނޫން ކަމަށެވެ.

"އެ ބޭފުޅާގެ ވެރިމކަމުގައި ވެސް ހިނގި. މެންބަރުން ޕާޓީ ދޫކޮށްފައި ދިއުމާއި އަލުން ޕާޓީ އަށް އައުމަކީ އެއީ އަބަދުވެސް ސިޔާސީ ހަގީގަތް، މޮޅުވާ ދިމާލަށް އެންމެން ވެސް އަންނާނެ، މޮޅުވާކަން ޔަގީންވީ އެއީ،" މާރިޔާ ވިދާޅުވި އެވެ.

Member in rishvathu dhey kamah bunaa massala eh majileehun fuluhunnah hushahalhaifi

The most trusted news source in the Maldives

Mihaaru

އޭނާ ވިދާޅުވި ގޮތުގައި، ޝިޔާން އަލުން އެމްޑީޕީއާ ގުޅިވަޑައިގަތީ ސާފު އަޣުލަބިއްޔަތަކުން ރައީސް އިބްރާހިމް މުހައްމަދު ސޯލިހު ރިޔާސީ ދެވަނަ ދައުރެއް ކާމިޔާބު ކުރައްވާ ތަން ފެނިވަޑައިގަންނާތީ އެވެ. އެމްޑީޕީގެ މެނިފެސްޓޯގައިވާ ވައުދުތަކާއި ސިޔާސަތުތައް ތޮއްޑޫ ދާއިރާގައި ތަންފީޒު ކުރުމުގައި އެ ބޭފުޅާގެ ބައިވެރިވުން އޮތުމަށް ބޭނުންވާތީ ކަމަށް މާރިޔާ ވިދާޅުވި އެވެ.

ނަޝީދު ކުރެއްވި ތުހުމަތަކަށް ރައްދު ދެއްވަމުން މާރިޔާ ވިދާޅުވީ، އެމްޑީޕީގެ ފުރަތަމަ ވެރިކަމުގައި ވެސް އިދިކޮޅު ޕާޓީ ދޫކުރައްވައި މެމްބަރުން އެމްޑީޕީއާ ގުޅިވަޑައިގަތް ކަމަށާއި އޭގެ ފަހުން ކުރީގެ ރައީސް އަބްދުﷲ ޔާމީންގެ ވެރިކަމުގައި މަޖިލީހުގެ މެޖޯރިޓީ ހޯއްދެވީ ވެސް އެގޮތަށް ކަމަށް ވިދާޅުވި އެވެ.

"އެ ބޭފުޅާގެ ވެރިކަމުގައި ހިނގި ކަންކަމާ ދޭތެރޭ އެ ބޭފުޅާގެ އަރިހުގައި ވެސް އައްސަވާލައްވާ، އަޅުގަނޑަކީ ވެރިކަމުގައި ހުރި މީހެއް ނޫން،" މާރިޔާ ވިދާޅުވި އެވެ.

ޝިޔާން އަލުން އެމްޑީޕީ އަށް ސޮއިކުރެއްވުމާ ގުޅިގެން ނަޝީދު ކުރެއްވި ޓްވީޓެއްގައި ވަނީ ބިރެއް ނެތި ދައުލަތުގެ ފައިސާ ބޭނުންކޮށްގެން މެނެބަރުން "ގަންނަމުންދާ" ކަަމަށް ތުހުމަތު ކުރައްވައިފަ އެވެ. ނަޝީދު ވިދާޅުވީ އެކަމުން ރައީސް އިބްރާހިމް މުހައްމަދު ސޯލިހަށް ވާނެ މޮޅެއް ނޯންނާނެ ކަމަށާއި ވާނީ ގެއްލުން ކަމަށެވެ.

ރައީސް މުހައްމަދު ނަޝީދު ރައީސް އިބްރާހިމް މުހައްމަދު ސޯލިހް މާރިޔާ އަހުމަދު ދީދީ، ޑިފެންސް މިނިސްޓަރު ރިޔާސީ އިންތިޚާބު 2023 އެމްޑީޕީ ދަ ޑިމޮކްރެޓްސް

13 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

28 August 2023

"މޮޅުވާ ކޮޅަކަށް މެންބަރުން ދާނެ" : މާރިޔާ އަހުރެން އަބަދުވެސް ދިޔައީ އަހުރެން އަބަދުވެސް ހުރި ކޮޅަށް. ބައެއްފަހަރު އެ ކޮޅު ބަލިވެސް ވެފަ އެބަހުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުބޭރު

27 August 2023

މޮޅުވެގެން އުޅެނީ އިންޑިއާހެން ހީވަނީ. ޢެހެންވީމަތާ އިންޑިއަން ކާރުކޮޅުތައް ޑިފެންސް ހެޑްކުއާޓަރަށް ކޭކުފަޅަން ވަދެނިކުންނަތަން ފޮޓޯތަކުން އެފެންނަނީ. މަގާމުގެ ޒިންމާ ނޭގެންޏާ އިސްތިއުފާ ދޭންވީ ނޫންތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

27 August 2023

ރިޔާސީ އިންތިހާބުން އެމްޑީޕީ ބަލިވުމާއިއެކު އެންމެ ފުރަތަމަ ޑިމޮކްރެޓްސްއަށް ދާނެ އެކަކު މި މާރިޔާ މީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެރޭ

27 August 2023

އެހެން ގައުމުތަކާ ޚިލާފަށް ރާއްޖޭގެ ގައުމިއްޔަތުގެ ބަހާ ތަކަކީ ނާޒުކު ތަކެތި... ބަސް، ފައިސާ، އަމިއްލަ އަކުރު، އާދަކާދަ، ރާއްޖޭ ފަސްގަނޑު ފަދަ ތަކެތިވަނީ ނުރައްކަލަށް ހުށަހަޅާފައި. އެކަންކަމާ މެދު ވެސް މިހާރު ގިނަ މީހުން ވިސްނާ. ދިވެހި ބަސް އުވާލަން ހިންގާ ޖަރީމާއަކީ މައާފު ކުރެވޭނެ ޖަރީމާއެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫނިބޭލާ

27 August 2023

ދެން އަވަހަށް މޯދީބެ ކައިރިއަށްދާން ތައްޔާރުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

27 August 2023

މިދީދީގެ ވާހަކައިން އެގިގެން ދިޔައީ އެމްޑީޕީގެ ތެރޭގައި ތިއްބެވި ޑިމޮކްރެޓުން ނިކުމެ އުފެއްދެވި ޒުވާނުންގެ ޕާޓީ The Democratic ރެޖިސްޓްރީ ކުރުމަށް ބާއްވަންޖެހޭ ޖަލްސާގައި ރައީސް ނަޝީދު "ރޫޅާލާނަން" ވިދާޅުވީ ހަމަ ރަނގަޅަށްކަން. # އިންތިޙާބުގެ ވޯޓްލުމަށް 13 ދުވަހަށް ވީއިރު ވެރިކަމުގައި ހުންނެވި ބޭޅާއަށް އެބޭޅާ ވާދަކުރާންޖެހޭ The Democratic އާއި ޕީޕީއެމް އަތުނުވާނެކަން ޔަޤީންވާނެ. އެހެންވީމާ މިފަހަރު ތިޕާޓީގައި މަޖިލިސް މެންބަރެއް ނުހުންނާނެތާ.!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނުބޭ1

28 August 2023

އަފީފު ދީދީ މެންނަށް ސިޔާސީ ކަންކަން ރީޑުކުރަން ނޭނގޭތާ ގެސްކޮށްލަންވެސް ނޭނގޭ. ތި ދަ ޑިމޮކްރޭޓްސް އަށް މިފަހަރު %10 ލިބިއްޖެއްޔާ ތިބޭފުޅާ ހުރިތާކުން ހޯދައިގެން އަހަރެންދާނަން ކާންދޭން. މީ ލައްކަ ވާހަކަ ވަރަށް ކުރުކޮށް. ކޮންމެ މީހަކަށް ހީވަނީ ލައްކައެކޭ ބަލައްޗޭ! %10 ލިބޭނެކަން ޔަޤީންވާނަމަވެސް އޭނާ ކުރިމަތިލާނެ. ބޮލުން ވިސްނަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުލުމީ

27 August 2023

މުއިޒު ކޮޅައް ލައްކަމީހުން ދާން ޜެޑީގަ ތިބީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

27 August 2023

މިމީހުނަށް ވެރިކަމުގެ އިތުރުދައުރެއްދީފިނަމަ މަލްޓިޕާޓީ ޑެމޮކްރެޓިކް ނިޒާމްހޯދަން ދިވެހިންކުރިމަސައްކަތާއި ޤުރުބާނީ ވަޅުލެވި 2008 ގެކުރިން މިޤައުމުއޮތް ހާލަތަށް އަލުން ސޮއްސާލާނެ. # ރާއްޖޭގައި އޮތް ރިޔާސީނިޒާމްގައި "މޮޅުވާ ކޮޅަށް" ސަރުކާރު ޒިމާދާރުކޮށް ޤާނޫނުހަދާ މަޖިލިސް މެންބަރުން އަރާނެކަމަށާއި، އެއީ އެކަންއޮންނާންޖެހޭ އަދި އޮންނާނެގޮތްކަމަށް ބުނާނަމަ، މާދަމާ މިމީހުން ބުނާނެ އުއްތަމަ ފަނޑިޔާރުވެސް ހުންނަވަންވާނީ "ރައީސާއި އެކުގައި" ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

27 August 2023

ތި ޑިމޮކްރަސީ ވަޅު ލިއްޔާ ތަނގަޅީ. ތި ޕާޓީ ތަކަކީ ގައުމަށް ދިމާވެފައިވާ ބޮޑު އުދަނގުލެއް. ކޮންމެ 5 އަހަރަކުން ދަރިން ވިހާގޮތަށް މެންބަރުންވެސް ތިޑިމޮކްރަސީގައި ވިހާވަރުން މިއުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިނަދޫ މީހާ

27 August 2023

ވަރަށް ހެއްވާ ވާހަކައެއް ތިވިދާޅުވީ.. މޮޅުވާ ކޮޅަކަށެއް ނޫން ރައްޔިތުން އަދި މެންބަރުން ބަދަލުވާން ޖެހެނީ.. ދިނާއި ، ޤައުމިއްްޔަތު ، އިންސާފާއި ހަމަހަމަކަން އަދި އަމިއްލަ އެދުމާއި މަސްލަހަތަށް ވުރެ ޤައުމުގެ މަސްލަހަތު އިސްކުރާ ފަޅިއަކަށް މެންބަރުން ވެސް އަދި ރައްޔިތުން ވެސް ދާން ޖެހޭނީ.. ޑިފެންސް މިނިސްޓަރު ތިޔަ ވިދާޅުވީ ވަރަށް ދެކޮޅު ނުޖެހޭ ހޮޅި ވާހަކައެއް. ތިފަދަ މަޤާމެއް ހުންނަ މީހެއް ދައްކަން ހޮޔޮވަރު ނޫން ވާހަކައެއް.