ގެއްލިގެން ހޯދަމުން އައި ތައުފީގު ފެނުނީ އެންޑީއޭގެ ފަރުވާ ހޯދަން ހުއްޓާ!

ގެއްލިގެން ހޯދަން އިއުލާންކުރި، ހއ. ބާރަށު މުހައްމަދު ތައުފީގު، 35: އޭނާ އަކީ މީގެ ކުރިން ވެސް މަސްތުވާތަކެތީގެ މައްސަލައިގެ ކުށުގެ ރެކޯޑު އޮންނަ މީހެއް ކަމަށް ކައުންސިލުން ބުނޭ.--

ފާތިމަތު އަޖްފާން، މިހާރު

27 އޯގަސްޓް 2023 - 13:43

4 comments

މިދިޔަ އަންގާރަ ދުވަހުން ފެށިފެން ގެއްލިގެން ހޯދަމުންދިޔަ މުހަންމަދު ތައުފީގު ފެނިފައިވާ ކަމަށް ފުލުހުން މިއަދު ބުނެފި އެވެ.

ހއ. ބާރަށު ޝައިނިންސްޓާ، މުހައްމަދު ތައުފީގު 35، ގެ ޚަބަރެއް ނުލިބުމުން އޭނާ ގެއްލިފައިވާ ކަމަށް ފުލުހުންނަށް ހުށަހެޅީ އިއްޔެ މެންދުރު އެވެ.

ފުލުހުން ބުނީ އޭނާ ފެނިފައި ވަނީ މިއަދު މާލެ އިން ކަމަށާއި ހާލު ރަނގަޅު ކަމަށެވެ.

ބާރަށު ކައުންސިލުން ބުނިގޮތުގައި ތައުފީގަކީ މަސްތުވާ ތަކެތީގެ މައްސަލަތަކުގައި ކުށުގެ ރެކޯޑު އޮންނަ މީހެކެވެ.

Thaufeeq gelligen hodhaathaa 5 dhuvas, adhives nufeney

The most trusted news source in the Maldives

Mihaaru

"މިހާރު" އަށް އެނގިފައިވާ ގޮތުގައި އޭނާ މިހާރު ވެސް ދަނީ އެންޑީއޭ އިން ފަރުވާ ހޯދަމުންނެވެ. ގެއްލިގެން ހޯދަމުން ދަނިކޮށް ފެނުނީ އެންޑީއޭ އަށް ފަރުވާ އަށް ގޮސް ހުއްޓާކަން ވެސް ވަނީ އެނގިފަ އެވެ.

މީގެ ކުރިން ވެސް މީހުން ގެއްލިގެން އެ މީހުންގެ ފޮޓޯ އާންމުކޮށް، އެމީހުން ހޯދުމަށް ފުލުހުން އާންމުންގެ އެހީއަށް އެދެ އެވެ.