މި ފަހަރުގެ ރިޔާސީ އިންތިހާބުގައި ބާދަކުރައްވާ 8 ކެންޑިޑޭޓުން: ސަންގު ޓީވީގެ ބަހުސް އިން ފުރުސަތު ދިނީ ސިޔާސީ ޕާޓީތަކުން ނުކުންނަވާ ކެންޑިޑޭޓުންނަށް އެކަނި.
29 އޯގަސްޓް 2023 - 20:06
31 comments
މި ފަހަރުގެ ރިޔާސީ އިންތިހާބަށް ސަންގު ޓީވީން ބާއްވާ ބަހުސް އަންނަ ހޮނިހިރު ދުވަހުގެ ރޭ ބާއްވަން ނިންމައިފި އެވެ.
އެ ޓީވީގެ މެނޭޖިން ޑިރެކްޓަރު އިބްރާހިމް ވަހީދު (އަސްވާޑު) މިރޭ ވިދާޅުވީ ދައުލަތުގެ މީޑިއާ ޕީއެސްއެމާ ގުޅިގެން ބާއްވާ ބަހުސްގައި ބައިވެރިވުމުގެ ދައުވަތު ދެއްވީ، ސިޔާސީ ޕާޓީތަކުގެ ޓިކެޓްގައި ވާދަކުރައްވާ ފަސް ކެންޑިޑޭޓުންނަށް އެކަނި ކަމަށެވެ. އެއީ؛
- އެމްޑީޕީގެ ކެންޑިޑޭޓް ރައީސް އިބްރާހިމް މުހައްމަދު ސޯލިހު.
- ޕީޕީއެމް/ޕީއެންސީގެ ކެންޑިޑޭޓް ޑރ. މުހައްމަދު މުއިއްޒު.
- ޖުމްހޫރީ ޕާޓީގެ ކެންޑިޑޭޓް ގާސިމް އިބްރާހިމް.
- ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބް.
- އެމްއެންޕީގެ ކެންޑިޑޭޓް މުހައްމަދު ނާޒިމް.
އަސްވާޑު ވިދާޅުވީ ހޮނިހިރު ދުވަހުގެ ރޭ 9-11 އަށް ބާއްވާ ބަހުސްގެ ދައުވަތު ހުރިހާ ކެންޑިޑޭޓުން ވެސް ގަބޫލު ކުރައްވާފައިވާ ކަމަށެވެ. އެކަމަކު، ބަހުސް އޮންނާނެ ތަނެއް އަދި ފައިނަލެއް ނުވެ އެވެ.
ސަންގު ބަހުސްގައި ކެންޑިޑޭޓުންގެ ވައުދުތަކާއި މެނިފެސްޓޯގައި ހުރި ކަންކަން އަދި ތަސައްވުރާ ގުޅޭގޮތުން ވެސް ސުވާލުކުރާނެ އެވެ.
ރިޔާސީ އިންތިހާބުގައި ވާދަކުރައްވާ ހުރިހާ ކެންޑިޑޭޓުންނަށް ހާއްސަކޮށްގެން ދައުލަތުގެ މީޑިއާއިން ވެސް ރިޔާސީ ބަހުސެއް ބާއްވަން މަސައްކަތް ކުރި އެވެ. އެކަމަކު، އަންނަ ހުކުރު ދުވަހު ބާއްވަން ނިންމި ބަހުސް އެންމެ ފަހު ވަގުތު ކެންސަލްކުރީ، ބައެއް ކެންޑިޑޭޓުންނަށް ބައިވެރިވެވެން ނެތް ކަމަށް ބުނެ އެވެ.
އެކަމަކު، ޕީއެސްއެމްގެ ބަހުސް ކެންސަލްކުރިކަން މިރޭ އިއުލާންކުރީ، ރައީސް އިބްރާހިމް މުހައްމަދު ސޯލިހަށް އެ ބަހުސްގައި ބައިވެރިވެވަޑައިނުގަނެވޭތީ އެހެން ދުވަހަކަށް ފަސްކޮށްދޭން އެދިފައި ވަނިކޮށެވެ. ހުކުރު ދުވަހުގެ ރެ އަށް އެމްޑީޕީގެ ބޮޑު ޖަލްސާއެއް ތާވަލްކޮށްފައި ވާތީ އެ ރޭގެ ބަހުސަށް ވަޑައިގަންނަވަން ރައީސަށް ދަތިވީ ކަމަށް އެ ޕާޓީން ބުންޏެވެ.
އެކަމާ ގުޅިގެން ނެރުނު ބަޔާނުގައި ޕީއެސްއެމުން ބުނީ އެ ތަނުގެ ބަހުސް ކެންސަލްކޮށް، ސަންގާ ގުޅިގެން ބަހުސް ބޭއްވުމަށް މަަސައްކަތް ކުރާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޭސިސްޓް
30 August 2023
އަމިއްލަ ކެންޑިޑޭޓުން ބައިވެރި ނުކުރާނަމަ އަހަރެމެން ނުބަލާނަން
ފުކެއް ބޮޑުވަރު
30 August 2023
ދެން ރެކިގަންނަން ކީކޭތޯ ކިޔަނީ ބަލަން ތިބެމާ.
ސުމެއް ސަންގު
30 August 2023
އަމިއްލަ ކެންޑިޑޭޓުން ބައިވެރި ނުކުރަންޏާ ނުވެސް ބަލާނަން
ހަލޯ
30 August 2023
ބަލަ އަމިއްލަ ކެނޑިޑޭޓުންނަށް ވެސް ހަމަހަމަ ފުރުސަތު ދޭންޖެހޭނެ!!!
މުނާލް
30 August 2023
މި ފޮޓޯގައި މީހުން އަތުރަންވާނީ އެބަޔަކަށް ލިބިފައިވާ ކެނޑިޑޭޓު ނަމްބަރު ތަރުތީބުން. އިންސާފުވެރިއެއްނޫން
ކެނެޑީ
30 August 2023
އަމިއްލަ ގޮތުން ބައިވެރިވާ ކެނޑިޑޭޓުންނަށް ފުރުސަތު ނުދިނުން އަސްލު ރަނގަޅު. އެއީ ވޯޓު ބޭކާރުކުރަން އަރާ ބައެއް. ހަމަޔަގީނުންވެސް އެމީހުންނަށް އެނގޭނެ އެމީހުންނަށް 50 ކީއްކުރަން 10 ޕަސަންޓްވެސް ނުލިބޭނެކަން. ވީމާ އެމީހުންގެ ހަމައެކަނި މަގްސަދަކީ 2 ވަނަ ބުރަކަށް ދުއްވާލާ ދެން އުފެދޭ ސަރުކާރެއްގެ ކޯލިޝަންގައި ބައިވެރިވެ ކޭކުން ބަޔެއްހޯދުން.
ކުރުސީކުރު
30 August 2023
ޑިމޮކްރަސީގަ ނުހުންނާނެ ބޭކާރު ވޯޓެއް. ކޮންމެ ވޯޓެއްވެސް ގުނަންވާނެ. ބާތިލްވޯޓްވެސް ގުނާނެ.
އަލީމުން
30 August 2023
ރިޔާސީއިންތިޚާބަށް ވާދަކޮށް ކެމްޕޭން ކުރަމުންދާ ކެންޑިދޭޓުންގެ މެދުގައި ތަފާތުކުރުމަކީ އިންސާފުވެރިކޮށް ނިންމެވިނިންމެވުމެއްނޫން. ކޮންމެ ކެންޑިޑޭޓަކުވެސް ރައްޔިތުންނަށް ހުށަހަޅަނީ އެބޭފުޅެއްގެ ތަސައްވުރު. އަދި ރައްޔިތުންނަށް ސާބިތުކޮށްދޭން މަސައްކަތް އެކުރަނީ އެބޭފުޅަކު ހޮވަންޖެހޭސަބަބު. ރާއްޖޭގެ ވެރިކަމަށް އަންނަން ކޮންމެހެން ސިޔާސީޕާޓީއެއްގެ މެމްބަރަކަށްވުން ލާޒިމެއްނޫން. ވީއިރު މިކަމާއިދޭތެރޭ އިތުރަށް ވިސްނަވައި ފުރުސަތުދެއްވުންއެދެން.
އައއަ
30 August 2023
ތިޔަ މިހާރުވެސް ތީގެ މަޤަޞަގުގެއްލުނީ. ވަކި ކެނޑިޑޭޓުންތަކެއް ބާކީ ކުރުމަކީ އިންސާފެއް ނޫން
އޮނަރަބަލް އަފީފް ދީދީ
30 August 2023
ބީ ފެއާ ބުރޯ، ގިވް އީކުއަލް ޗާންސް ޓް އެވްރިވަން
ހާމިދު ޝާހިދު
30 August 2023
މީއިންސާފުން އެއްކިބާވެފައިވާ ބަހުސެއް. އިބްރާހިމް ބައިވެރިވާނަމަ ހުރިހާ ސުވާލެއް މިހާރު އޭނާއަށްވާނީ އަރުވާފައި. އޭނާ ނިކަން ރަނގަޅަށް ހޯމްވޯކް ހަދައިގެން އަންނާނީ! ސުވާލުތައް ޕީއެސްއެމް އިން ދޭން އިންކާރު ކުރީމާ ނުފޫޒު ފޯރުވައިގެން ތިޔަ ކެންސަލް ކުރުވީ. މާކުރިއަކުންނޫން ޖަލްސާ ފުށޫއަރާާގޮތަށް ރާވާފައި އޮތީ. ޕީއެސްއެމް ބަހުސްގައި ބައިވެރިވާނެކަމަށް ބުނެފައި އޮއްވާ ތިޔަ ޖަލްސާއެއް ރޭވީ. ދެން އިނގިދާނެ ހޮނިހިރު ދުވަހުގެ ރޭ ވާނެގޮތެއް. އުމަރު ކޮބާ؟