ޚަބަރު / ރައީސް އިބްރާހިމް މުހައްމަދު ސޯލިހް

މާލޭ ރައްޔިތުންނަށް ގޯތިދީ ނިންމާނަން، އެއަކު މައްސަލައެއް ނެތް: ރައީސް

ކެމްޕޭން ޖަލްސާއެއްގައި ރައީސް ވާހަކަ ދައްކަވަނީ: މާލޭގެ ރައްޔިތުންނަށް ގޯތީދީ ނިންމާނެ ކަމުގެ ޔަގީންކަން ރޭ ވެސް ދެއްވި.

ފަޒީނާ އަހުމަދު، މިހާރު

03 ސެޕްޓެމްބަރ 2023 - 12:30

56 comments

މާލޭގެ 19،000 އަށް ވުރެން ގިނަ މީހުން ގޯއްޗަށް ޝަރުތު ހަމަވާކަމަށް ލިސްޓް އިއުލާންކޮށްފައި ވިޔަސް ގުޅީފަޅާއި ގިރާވަރުފަޅު ހިއްކައި ނިންމުމަށް ފަހު ގޯތި ދެވިދާނެ ކަަމަށް ސުވާލު އުފެއްދުމުގެ ޖާގައެއް ނެތް ކަމަށް ރައީސް އިބްރާހިމް މުހައްމަދު ސޯލިހް ރޭ ވިދާޅުވެއްޖެ އެވެ.

ރައީސް ތަކުރާރު ކުރެއްވީ މާލޭގެ ރައްޔިތުންނަށް ގުޅީފަޅާއި ގިރާވަރުފަޅު ހިއްކަމުން އަންނަ ކަމަށާއި ގޯތި ދީ ނިންމާނެ ކަމަށެވެ.

ރިޔާސީ ކެންޑިޑޭޓުންގެ ބަހުސްގައި ބޯހިޔާވަހިކަމާ ގުޅިގެން އަމާޒުކުރި ސުވާލުގައި، ރައީސް ވިދާޅުވި ގޮތުގައި ސަރުކާރުތަކުން ހިންގި ބޯހިޔާވަހިކަމުގެ ސްކީމްތަކުގައި އިހުމާލުވި އެއް ބަޔަކީ މާލޭގެ ރައްޔިތުންނެވެ. އެ މީހުންނަށް ބޯހިޔާވަހިކަން ފޯރުކޮށްދޭން މި ސަރުކާރުން ހިންގާ މަސައްކަތާ ދޭތެރޭގައި ސުވާލު އުފައްދައި ވާހަކަ ދެއްކުމަކީ ވެވޭ ވަރަށް ބޮޑު ބޭއިންސާފެއްގެ ގޮތުގައި ދެކެވަޑައިގަންނަވާ ކަމަށް ވިދާޅުވި އެވެ.

މާލެއިން އަގު ބޮޑު ގޯތިތަކެއް ހިލޭ ދޫކުރުމާ ގުޅޭ ގޮތުން އަމާޒުވާ ފާޑުކިއުންތަކުން މާލޭގެ ރައްޔިތުން ދިފާއުކުރައްވަމުން ވިދާޅުވީ މާލޭގެ ރައްޔިތުންނަށް ވެސް ބޯހިޔާވަހިކަމުގެ ހައްލެއް އޮންނަން ޖެހޭ ކަމަށެވެ.

"ގިރާވަރުފަޅުންނާއި ގުޅީފަޅުން އަޅުގަނޑުމެން މި ގޯތި ދެނީ މާލޭގެ ރައްޔިތުންނަށް. މާލޭގެ ރަށްވެހިންނަށް، މިހާތަނަށް އެކަމަށް ހައްލެއް ނައިސް އޮތީ ބޯހިޔާވަހިކަމަށް ކުރި މަސައްކަތް މުޅި ރާއްޖެއަށް ހުޅުވާލީމަ،" ރައީސް ވިދާޅުވި އެވެ.

ހުޅުމާލެ އިތުރަށް ހިއްކައިގެން ގޯތިދޭން ނިންމާފައިވާއިރު، އެ ބިމުގެ ތެރޭގައި ފްލެޓް އަޅަން ބިން ވެސް ހިއްކާނެ ކަމަށް ރައީސް ވިދާޅުވި އެވެ.

ބޯހިޔާވަހިކަމަކީ ރާއްޖޭގެ އެންމެ ބޮޑު މައްސަލަކަން ފާހަގަކުރައްވައި ވިދާޅުވީ އެކަމަށް ކިރިޔާވެސް އެކަށީގެންވާ ހައްލެއް ހޯދައިދޭން މަސައްކަތްތަކެއް މިކުރެވުނީ މި ސަރުކާރަށް ކަމަށެވެ. މާލޭގެ ރައްޔިތުންނަށް އަހަރުތަކެއް ފަހުން ގޯތި ދޭން ނިންމުމަކީ އެ ހައްލުގެ ތެރޭގައި ހިމެނޭ ކަމެއް ކަމަށާއި އެކަމަށް ހިއްކާ ތަންތަން ނިމޭއިރަށް އެގޯތި ދޫކުރާނެ ކަމަށް ވިދާޅުވި އެވެ. "ހުޅުމާލެ އާއި ގިރާވަރު ފަޅާއި ގުޅީފަޅުން ބިން ދޫކުރުމަކީ މައްސަލައެއް ނޫން. އެކަމާ ދެކޮޅަށް މަސައްކަތް ކުރައްވާ ބޭފުޅުންނަކީ މާލޭގެ ރައްޔިތުންނާ މެދު ވަރަށް ބޭއިންސާފުކޮށް ވާހަކަ ދައްކަވާ ބޭފުޅުން. އިރާދަކުރެއްވިއްޔާ އަޅުގަނޑުމެންގެ ވެރިކަމުގައި ބޯހިޔާވަހިކަމުގެ މައްސަލަ ހައްލުކޮށްދޭނަން," ރައީސް ވިދާޅުވި އެވެ.

ހުޅުމާލެ ރައީސް އިބްރާހިމް މުހައްމަދު ސޯލިހް ބޯހިޔާވަހިކަން

56 ކޮމެންޓް, 41 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޭގަރާރު

04 September 2023

ހުޅުމާލެ، ގުޅީފަޅާ ތިލަފަޅު މިއީ މާލޭ މީހުންނަށް އެކަނި ގޯތިދޭން އޮތް ތަނެއް ނޫން. ކޮބާ މާލެ އަތޮޅު އެހެންމީހުންގެ ހައްގުތައް؟ ކޮބާ ހިންމަފުށި، މާފުށި، ގުޅި، ތުލުސްދޫ، ގުރައިދޫ މީހުންގެ ހައްގުތައް؟ ދަފްތަރު މީހުން ކައިރިއަށް މަޖިލިސް އިންތިހާބުގައި ވޯޓު ހޯދަން އާދޭ. އެކަމަކު ގޯތި ވަކިބަޔަކަށްދީ މުއްސަދިކޮށްދިނީ. މިވަރު ބޭއިންސާފު ސަރުކާރެއް މިއިން ޒަމާނަކު ނާދޭ. ނާސިރާއި މައުމޫނު ދައުރުގަ ހިއްކިތަނުން ގޯތިދިންއިރު ރާއްޖެތެރޭމީހުންނަށް ދިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

04 September 2023

އިޓްލޮސްގައި ދިވެހިދައުލަތާއި ދެކޮޅަށް މޮރިޝަށް ސަރުކާރުން ދިވެހި ދައުލަތުގެ ޤާނޫނުއަސާސީގައި ރާއްޖޭގެ ކަނޑުގެ ސަރަޙައްދުކަމަށްލިޔެފައިވާ ސަރަޙައްދެއްހޯދަން ކުރިދައުވާއަށް "ދިވެހި ދައުލަތާއި ދެކޮޅަށް" ބާރުލިބޭފަދަ ސިޓީއެއް މޮރިޝަސްއަށް ދީފައިވެސް ވޭޅާ ވިދާޅުވީ "އޭގައި މައްސަލައެއްނެތް" ކަމަށް. # ސެޕްޓެމްބަރު 9 ވަނަ ދުވަހު ރައްޔިތުންގެ އަތަށް ބާރުވެރިކަން ލިބޭވަގުތު އެމީހުންވެސް "މިނޫން ގޮތެއް ހޯދަން" މައްސަލައެއްނޯންނަ ގޮތަށް ގޮތްނިންމާ ވޯޓްދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެޓޭ

04 September 2023

މިއީ މިހާތަނަށް ރާއްޖޭގެ ވެރިޔަކު ކުރި އެންމެ ވިޔާނުދާކަންތައް! ނަސްލީއިމްތިޔާޒުގެ ލާމަސީލު މިސާލެއް! 14 މިލިޔަން ރުފިޔާގެ އަގުހުރި މުދަލެއް ހިލޭ މި އަގުބޮޑު ސަރަހައްދުން ވަކި ބިމިކަށް ނިސްބަތްވާ ބަޔަކަށް، މަސްނޫއީ އެހެން ބިމަކުން ހަމައެކަނި ލިބޭގޮތަށް ބަހާލުމަކީ އިންސާފާ ޢަދުލުވެރިކަމާ ހަމަހަމަކާ ރާއްޖޭގެ ޤާނުނު އަސާސީގެ ރުހާ އިންސާނީ ކަރާމަތާއިވެސް މުޅިންޚިލާފަށް ހިންގަމުންދާ ވަރަށްބޮޑު ޖަރީމާއެއް! ނާއިންސާފް ހައްދުފަހަނައަަޅާފަ މިއޮތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީދިބެ

03 September 2023

ރައިސް ކޮބާ ފުލެޓް ލިސްޓު ވޯޓުގެ ކުރިން ނުވިޔެއްނޫންތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

03 September 2023

އިއްތިފާގުން ހުޅުމާލެ އިން ހިއްކާފަ ވާ ބިންތައް ލިބުނީ ވަކި ބަޔަކަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމައްޔާއި.

03 September 2023

ދެން ތިވާހަކަ ދައްކާނެ ކަމެއްނެތް. ތިއީ ކަލޭމެން އަމިއްލައަށް ބޮނޑިއެއް. މާލޭގެ ރަށްވެހިންގެ ތެރެއިން އެތައްބަޔަކަށް ފުރުސަތު ނުލިބޭގޮތަށް ތިކަން ކުރަން ކުރިން ކަލޭމެންވެސް ތިބީ ސަރުކާރާއި ބައިވެރިވެގެން. ކަލޭމެން ކަލޭމެން ހޭވި ހަޑި ރަނގަޅު ކުރަން އުޅޭ. އަހަރުމެންނާއި ބައްސާނެ ކަމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުންކުރު

03 September 2023

މާދަމާ ހަރުދަނާ ޖީލެއް ބިނާކުރުމަށް... މާދަމާ އެކަށީގެންވާ ބޯހިޔާވެހިކަން ހޯދުމަށް... މާދަމާ އެކަށީގެންވާ ޞިއްޙީ ހިދުމަތް ހޯދުމަށް... މާދަމާގެ ޒުވާނުންގެ އުޖާލާ ކުރިމަގަކަށް... މާދަމާ އެކަށީގެންވާ ތައުލީމެއް ހާސިލްކުރުމަށް... ނަންބަރު 3 އަށް ވޯޓު ދެއްވާ...ތަރައްޤީ ޔަޤީން!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލަގަ

03 September 2023

ބަލަގަ ގުޅި ފަޅާ ގިރާވަރު ފަޅު މާލޭ ތަނަކަށްވީ ކޮން އިރަކު. ކަލޭގެ ހުރި ބޭއިންސާފުކަން ނިކަން ދެކިބަލަ. ރާއްޖެތެރޭވެސް ކިތަންމެ ރަށެއް ބިންފުރި ގޯތި ނުދޭތާ އެތަކެއް އަހަރު ވެއްޖެ. ފްލެޓް އަޅަިގެންވެސް އިސްކަން ދިނީ މާލޭ މީހުނަށް މީގެ ކުރިންވެސް