ފުރަތަމަ ބުރުގެ އިންތިހާބުގެ ވޯޓު ގުނުމުގެ މަސައްކަތް ކުރަނީ: ބާތިލް ވޯޓު މަދުކުރަން ފިޔަވަޅުތަކެއް ވަނީ އަޅާފައި - ފޮޓޯ: ފަޔާޒު މޫސާ | މިހާރު
23 ސެޕްޓެމްބަރ 2023 - 11:55
13 comments
ރިޔާސީ އިންތިހާބުގެ ފުރަތަމަ ބުރުގައި ބާތިލް ވޯޓު ގިނަވާން މެދުވެރި ސަބަބުތައް ބަލައި، ދެ ވަނަ ބުރުގައި އެކަން މަދުކުރުމަށް ފިޔަވަޅުތަކެއް އަޅާފައިވާ ކަމަށް އިލެކްޝަން ކޮމިޝަން (އީސީ) އިން މިއަދު ބުނެފި އެވެ.
މި މަހުގެ 9 ގައި ބޭއްވި ރިޔާސީ އިންތިހާބުގެ ފުރަތަމަ ބުރުގައި 4،000 އަށް ވުރެ ގިނަ ވޯޓު ބާތިލް ކަމަށް ކަނޑައަޅާފައިވެ އެވެ. ގިނަ ވޯޓުތައް ބާތިލް ވެފައި ވަނީ ފާހަގަ މަތިން ދެ ފަހަރަށް ފާހަގަ ޖަހާފައި ހުރުމުންނެވެ. އެއް ފާހަގަ އަށް ވުރެ ގިނައިން ވޯޓު ކަރުދާހުގައި ލާފައިވާ ނަމަ އީސީން ކަނޑައަޅާފައިވާ އުސޫލުގައިވާ ގޮތުން ވޯޓު ބާތިލްވާނެ އެވެ.
މިކަމާ ގުޅިގެން އެމްޑީޕީން ވަރަށް ބޮޑަށް އިލެކްޝަން ކޮމިޝަނަށް ފާޑިކިޔާފައި ވެސް ވެ އެވެ.
އިލެކްޝަންސް ކޮމިޝަނުން މިއަދު ބޭއްވި ނޫސްވެރިންގެ ބައްދަލުވުމުގައި އެ ކޮމިޝަންގެ ނައިބު ރައީސް އިސްމާއިލް ހަބީބު ވިދާޅުވީ، ވޯޓު ކަރުދާހުގައި ފާހަގަ ޖަހަން ކަރުދާސްކޮޅު ބާއްވާ ތަނުގައި ބްރިސިލްބޯޑެއް ދެން އޮންނާނެ ކަމަށެވެ. އޭގެ ބޭނުމަކީ ފާހަގަ ޖަހަން ފަސޭހަ ކޮށްދިނުން ކަމަށް ވިދާޅުވި އެވެ.
އޭނާ ވިދާޅުވީ، ފާހަގަ ޖަހަން ބޭނުންކުރާ ގަލަންތައް ވެސް ދެލި ހިނގާ ގަލަންތަކަށް ބަދަލުކޮށްފައިވާނެ ކަމަށާއި ގަލަމުން ދެލި ނުހިނގައިގެން އުޅެން ނުޖެހޭނެ ކަމަށެވެ.
އަންނަ ހޮނިހިރު ދުވަހު ބާއްވާ ވޯޓު ލުމަށް ބޫތުގެ ތެރެއަށް ވަރަށް ބޮޑަށް ވަންނަންޖެހޭ ގޮތަށް ބޫތުގެ ޑިޒައިން ބަދަލުކޮށްފައިވާނެ ކަމަށް ވެސް ހަބީބް ވިދާޅުވި އެވެ.
"ފަސޭހަ ވާނެ މިހާރު ފާހަގަ ޖަހަން، އަޅުގަނޑުމެން ޓެސްޓް ވެސް ކޮށްފިން. އެއްވެސް މައްސަލައެއް ނުޖެހޭނެ ފާހަގަލުމުގައި،" އޭނާ ވިދާޅުވި އެވެ.
ފުރަތަމަ ބުރުގައި ރަށަކުން ބާތިލްކަމަށް ކަނޑައަޅާފައިވާ ބައެއް ވޯޓު.
— Ahmed Mahloof (@AhmedMahloof) September 12, 2023
އަޅުގަނޑު ދެކެނީ މިއީ ހައްލެއް ބޭނުންވާ މައްސަލައެއްކަމަށް.
މިކަމުގެ ގެއްލުން 2 ކެންޑިޑޭޓުންނަށްވެސް ލިބިދާނެ. pic.twitter.com/43vKbs2kpK
ހަބީބް ވިދާޅުވި ގޮތުގައި ފުރަތަމަ ބުރުގެ ތަޖުރިބާ އަށް ބަލައި ދެ ވަނަ ބުރުގައި ރަނގަޅު ކުރަންވީ ކަންކަން ވަނީ ފާހަކޮށްފަ އެވެ. އެހެންވެ. އެ ކަންކަމަށް ފޮށިތަކުގެ އޮފިޝަލުން ހޭލުންތެރިކުރަމުން އަންނަ ކަމަށް ވިދާޅުވި އެވެ.
ހާއްސަ ގޮތެއްގައި ވޯޓުގެ ސައްހަކަން ކަށަވަރު ކުރުމަށް، ކޮމިޝަނުން ދީފައިވާ އިރުޝާދުތަކަށް އޮފިޝަލުން އަހުލުވެރިކުރުމުގެ މަސައްކަތް ކުރަމުންދާކަން އޭނާ ފާހަގަކުރެއްވި އެވެ.
"ވަރަށް ބޮޑަށް ޝަކުވާ ލިބިފައި ހުރީ ބާތިލް ވޯޓު ކަނޑައެޅުމުގައި އެކި މަރުކަޒުތަކުގައި އެކި ގޮތަށް އަމަލުކޮށްފައިވާ ކަމުގެ. ސައްހަ ވޯޓާއި ބާތިލް ކަނޑައެޅުމުގައި ބައެއް މަރުކަޒުތަކުގައި އެބަހުރި ގޮންޖެހުންތައް ދިމާވެފައި،" ހަބީބް ވިދާޅުވި އެވެ.
"ވަރަށް ބޮޑަށް މޮނީޓަރުންނާއި އޮބްޒާވަރުން މަރުކަޒުގެ ވެރިންގެ މައްޗަށް ނުފޫޒު ފޯރުވައިގެން ސައްހަ ވޯޓު ބާތިލް ވޯޓަކަށް ބަދަލުކޮށްފައި އެބަހުރި. އެއީ ވަރަށް ނުރައްކާ ކަމެއް."
އޮފިޝަލުން އެފަދަ ނުފޫޒުތަކުން ދުރުވާން ޖެހޭނެ ކަމަށާއި މޮނީޓަރުންނާއި އޮބްޒާވަރުންނަށް އެފަދަ އަމަލުތައް ހިންގައިގެން ނުވާނެ ކަމަށް ހަބީބް ވިދާޅުވި އެވެ.
އޭނާ ވިދާޅުވި ގޮތުގައި ސައްހަ ވޯޓާއި ބާތިލް ވޯޓާ ގުޅޭ ގޮތުން ރައްޔިތުން އިތުރަށް ހޭލުންތެރިކުރުމުގެ މަސައްކަތް ވެސް އިލެކްޝަންސް ކޮމިޝަނުން އަންނަނީ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލައިޓް
24 September 2023
ޖޫރީ އަކިި މުޅި ޕަބްލިކް! ޓީ.ވީ އިން އާންމުކޮށް ހުޅުވާލައިގެން ވޯޓް ބާތިލުވާ ގޮތާއި ނުވާގޮތް ކިޔައިދީބަލަ! އޭރުން އޮބްޒާވަރުންނަށް ނުފޫޒް ނުފޯރުވޭނީ !
ފޭރުން
23 September 2023
ބްރޯ. ބާޠިލުވޯޓު މަދު ކުރެވިދާނެ. އެކަމަކު މިފަހަރު ކުރީ ފަހަރަށްވުރެ އިތުރަށް ވޯޓް ނުލާމީހުންގެ އަދަދު 25000 އިތުރު ވާނެ. އެއީ އައިޑީނކާޑު ގަނެގެން ނޫނީ ފޮރުބައިގެން ވޯޓު ލާން ނުދެވޭނެ މީހުން. މިކަމަކީ ޢީސީއަށް ވެސް އެނގިގެން ހިނގާ ކަމެއް.
ޕްރޭމްޗޯޕްރާ
23 September 2023
ވޯޓް ލުން މިއީ އަލަށްކުރާކަމެއްތައް؟ މިހާދުވަސްވާއިރު އިލެކްޝަންއަކަށް ނޭގޭތައް ވޯޓް ބާތިލުވަނީ ކީއްވެކަމެއް… އަސްލު ވޯޓްކަރުދާސްކޮޅު ފާހަގަޖަހަން ބާއްވާ މޭޒުއެހާތިރި މޭޒުމަތި އޮށްވަޅުގޮޑިއެކޭ އެއްވަރު ގަލަން ތިން ހަތަރުފަހަރު ކާތާއިގެން ދެލިއަންނަނީ! މިކަން ކުރިން އިލެޝަންއަށް ނޭގުމަކީ ނާގާބިލުކަން.
ދެރަ
23 September 2023
ރޮގުމަތިން ކިތަންމެފަހަރަކު ފަވާފަހުއްޓަސް ހެވެއްކަން ސާބިތު ވަންޏާ ބާތިލުވެގެން ނުވާނެ، ގިނަފަހަރު ފަވާފައެހުންނަނީ ޢުމުރުން ދުވަސްވީ މީހުން ޔަޤީން ބޮޑުކުރަން. އަދި ގަޑު އެކޮޅުކޮލުން ބަލާއިރު ހެވަކަށް ވިޔަސް އެއީ ހަމަ ހެވެއް. 18 އަހަރުން މަތީ އޯޓިޒަމް މީހުންވެސް ވޯޓްލާނެ، ބްރައިލް ލޯފަން މީހުންނަށް ދެވޭއިރު އޯޓިޒަމްގެ ބައެއް މީހުން އެހެން ފާހަގަ ޖަހާނެ
އެމީލިއޯ
23 September 2023
ދެލި ހިގާ ގަލަން ގަތުމައް 4 މިލިއަން ޖަހާލަބަލަ.
އީސީ ތަންކޮޅެއް ބޮޑުވަރު
23 September 2023
އަނެއްކާ އަނެއްކަންތަށް މިޖެހުނީ، ރަނގަޅު ފާހަގައިގަ އިންނަން ޖެހޭ ސައިޒް މިލިމީޓަރުން ބުނެދޭންވީނު. އަދި ދެލީގެ ބޯމިނާ، ދެލި ފޭދިފަ ހުންނާނެ ވަރާ، މީ ބަނީ އިސްރާއީލްތަ؟
މަހަމަގަބީ
23 September 2023
ތީގަ ބުނަން އޮތީ ތި ބާތިލަކީ ފިސާރި ކެންޑިޑޭޓެކޭ. މިފަހަރުވެސް. ތިން ކެންޑިޑޭޓުން ފަހަތަށް ޖައްސާލި ވިއްޔާ!
ޢަދުނާނު
23 September 2023
ފާހަގަޖަހަންވަންނަ "ބޫތަށް"ގެންނާނެކަމަށްބުނި ބަދަލަކީ، ވޯޓުކަރުދާހުގައި ފާހަގަޖަހަންޖެހެނީ "ސިއްރުކޮށް" ކަމަށް ޤާނޫނުގައި ކަނޑައަޅާފައި އޮތްކަން ބުނެ ސަކުވާކުރީމައި "އެނގުނުކަމަށްޓަކައި"! ސުކުރިއްޔާ
ދޮންއަނބު
23 September 2023
އިސީއިން ވެސް ދެލިހިނގާ ގަލަން ބަހައްޓަން ޖެހޭނެ މީހުން ޝަކުވާކުރުމުގެ ކުރިން! އެއީ އެންމެ މުހިންމު އެއް ކަންތައް ދެއްތޯ؟ މާ ބޮޑަށްވެސް ފަރުުވާ ކުޑަވެފައި ތިޔައޮތީ...
ތައްހާން.
23 September 2023
ފުރަތަމަ ބުރުގައި އަޅުގަޑު ލީ ވޯޓް ބާތިލްވެއްޖެކަން މިހާރު ވަރަށް ޔަގީން. ވީ ގޮތަކީ ފާހަގަ ޖަހާލިއިރު މޭޒުގަ އިން ކޫރުމެއްގެ ސަބަބުން ފާހަގައިގެ ކުލަ ކުޑަކޮށް އައިބުވީ. ދެން ކުލަގަދަ ކޮށްލަން ހަމަ އެފާހަގަ މަތިން އެނެއްކާވެސް ގަލަން ދަމާލީ. ހަމަ އެންމެ ފާހަގައެއް އިންނާނީ ނަމަވެސް ހީވާނެ އެއްފާހަގަ މަތިން އެހެން ފާހަގައެއް ކުރަހާފަ އިންކަން. ލިޔުމުގަ ޝެއާ ކޮށްފަ އިން ޓްވީޓްގެ ފުރުތަމަ ފޮޓޯއާ އެއްގަތަށް އިންނާނީ. ވަރަށް ދެރަ.