ޚަބަރު / ރިޔާސީ އިންތިޚާބު 2023

އިންތިހާބުގެ ފުރަތަމަ ބުރުގައި މަސައްކަތްކުރި އޮފިޝަލުންގެ އެލަވަންސް މި ހަފުތާގައި ޖަމާކުރަނީ

ރިޔާސީ އިންތިހާބުގެ ވޯޓު ލުމަށް ތައްޔާރުވުމަށް އޮފިޝަލުންތަކެއް ރެޑީ ވަނީ: ފުރަތަމަ ބުރުގައި މަސައްކަތްކުރި އޮފިޝަލުންގެ އެލަވަންސް މި ހަފުތާގައި ޖަމާކުރަން ވަނީ ނިންމައިފައި.-- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

26 ސެޕްޓެމްބަރ 2023 - 14:18

8 comments

ރިޔާސީ އިންތިހާބުގެ ފުރަތަމަ ބުރުގައި މަސައްކަތް ކުރި އޮފިޝަލުންގެ އެލަވަންސް މި ހަފުތާގައި ޖަމާކުރާނެ ކަމަށް އިލެކްޝަންސް ކޮމިޝަނުން މިއަދު ބުނެފި އެވެ.

އީސީގެ ނައިބު ރައީސް އިސްމާއިލް ހަބީބް އެކްސްގައި ކުރެއްވި ޕޯސްޓެއްގައި ވިދާޅުވީ ރިޔާސީ އިންތިހާބުގެ ފުރަތަމަ ބުރުގެ ޓްރޭނަރުންނާއި ކޯޑިނޭޓަރުންނާއި ލިއޭޒަން އޮފިސަރުންނާއި މާލެ ސަރަހައްދުގެ ވޯޓުލާ މަރުކަޒުތަކުގައި މަސައްކަތް ކުރެއްވި އޮފިޝަލުންނާ އަދި ރިޒާވް އޮފިޝަލުންގެ އެލަވަންސް ވެސް މި ހަފުތާގައި ޖަމާވާނެ ކަމަށެވެ.

"އަތޮޅުތަކުގެ ބައިގެ މަސައްކަތް ވެސް ބާރަށް ކުރިޔަށް އެބަދޭ،" އޭނާ ވިދާޅުވި އެވެ.

ރިޔާސީ އިންތިހާބުގެ ފުރަތަމަ ބުރުގައި 5،000 އެއްހާ އޮފިޝަލުން މަސައްކަތް ކުރި އެވެ. އޮފިޝަލުންގެ އިތުރުން އީސީގެ އިދާރީ އެކި މަސައްކަތްތަކަށް ވެސް ގިނަ އަދަދެއްގެ މުވައްޒަފުން ނަގާފައިވެ އެވެ.

އަންނަ ހޮނިހިރު ދުވަހު ބާއްވާ ރިޔާސީ އިންތިހާބުގެ ދެވަނަ ބުރަށް އިތުރު 200 އޮފިޝަލުން ހޯދަން އީސީން ވަނީ އިއުލާންކޮށްފަ އެވެ.

ދެވަނަ ބުރުގައި އިތުރު 12 ވޯޓު ފޮށި ބަހައްޓަން ވެސް އީސީން ވަނީ ނިންމައިފަ އެވެ.

މި ފަހަރުގެ އިންތިހާބުގައި 282،395 މީހަކަށް ވޯޓުލުމުގެ ހައްގު ލިބެ އެވެ.

އިލެކްޝަންސް ކޮމިޝަން ރިޔާސީ އިންތިޚާބު 2023

8 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަމޫނާ

26 September 2023

ގައުމުގެ ރަސްމީ މުއައްސަސާތަކާ އޮފީސްތަކަކީ ނަމޫނާ ބަޔަކަށްވާންވާނެ. އެމީހަކު ކުރި މަސައްކަތެއް ނިމި ދާ ނުހިކެނީސް އުޖޫރަ ދޭން ދީނުގައި އޮންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

26 September 2023

ބޭރު ގައުމުތަކުގައި ވޯޓް ފޮށި ބަހައްޓަނީ، ދުނިޔޭގެ އެންމެ މުއްސަނދި ގައުުމުތަކުންވެސް ނުކުރާކަންކަން މިހުރީ. ބޭރު ގައުމުތަކުގަ އުޅޭ މީހުންނަށް ހިލޭ ބޭސްކޮށްދިނުމާއި ތައުލީމު ދިނުމަކީ ދިވެހި ދައުލަތަށް ޓެކްސް ދައްކާ ފަރާތްތަކުން ކުރަންޖެހޭނެ ކަމެއް ނޫން. ދިވެހި ގައުމު ދޫކޮށް އެހެން ގައުމުތަކުގައި ހިޖްރަކޮށްގެން އުޅޭ މީހުންނަށް ދިވެހިންގެ ޓެކްސް ޕޭޔަރ ލާރިން ޚަރަދުކުރުމަކީ އިންސާފެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިހްސާސް

26 September 2023

މިހަފުތާގެ ބަންދުނޫން ފަހުދުވަސް މިއަދުދޯ؟ މިއަދު ތިކަންވާނެބާ ބެންކަށް ފޮނުވައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 September 2023

ދިވެހިދައުލަތް 200 މިލިޔަނެއްހާ ޑޮލަރަށް ދަރަނިވެރިވެފައިވާއިރު ޤައުމު ބަޤުރޫޓުން ސަލާމަތްކުރުމަށްޓަކާ ދައުލަތުގެ އިދާރަތަކާއި ސަރުކާރުން ޙަރަދުކުޑަކުރާންޖެހޭ. # މިގޮތުން އެއްވެސް އިންތިޙާބެއްގެ ވޯޓްފޮށި ބޭރު ޤައުމެއްގައި ނުބެހެއްޓުމަށާއި، އަދި މަޖިލިސް، މޭޔަރުން، އަތޮޅު ކައުންސިލުންނާއި ރަށު ކައުންސިލަރުން އަދި WDC ފަދަ އިންތިޙާބް ތަކުގެ ވޯޓްފޮށި "އިންތިޙާބާއިބެހޭ ދާއިރާފިޔަވާ" އެހެން ތަނެއްގައި ބަހައްޓާންނުޖެހޭގޮތަށް ޤާނޫނު ބަދަލުކުރާންޖެހޭ.