ފޮނަދޫގައި ދޫކުރި ވޯޓު ކަރުދާހެއްގައި ކުރަހާފައި.-
30 ސެޕްޓެމްބަރ 2023 - 12:01
6 comments
ލ. ފޮނަދޫގެ ތިން ވަނަ ނަމްބަރު ވޯޓު ފޮށީގައި ދޫކުރި ކަރުދާސްތަކެއްގައި ކުރެހި އޮފިޝަލު މަސައްކަތުން ދުރުކޮށްފި އެވެ.
ރިޔާސީ އިންތިހާބަށް ފުލުހުން ފެށި އޮޕަރޭޝަން ބްލޫ ވޭވް އިން ކުރި ޓްވީޓެއްގައި ބުނީ ފޮނަދޫގައި ވޯޓުލާ މަރުކަޒުގެ އޮފިޝަލަކު ވޯޓު ކަރުދާހުގައި ކުރަހާފައި ދޭ ކަމުގެ ޝަކުވާ އެ އިދާރާއަށް ހުށަހަޅާފައިވާ ކަމަށެވެ.
އެކަމާ ގުޅިގެން ބަލަންޖެހޭ ކަންތައްތައް ބަލަމުންދާ ކަމަށް އެ ޓްވީޓުގައިވެ އެވެ.
އިލެކްޝަންސް ކޮމިޝަން (އީސީ) ގެ ނައިބު ރައީސް އިސްމާއިލް ހަބީބް "މިހާރު" އަށް ވިދާޅުވީ ވޯޓު ކަރުދާހުގައި ކުރަހާފައި ދޭ މައްސަލަ ފެންމަތިވުމުން ވޯޓުލުން ވަގުތީ ގޮތުން މެދުކަނޑާލާފައިވާ ކަމަށެވެ. އިރުކޮޅެއްގެ ތެރޭގައި ވޯޓުލުން ފަށާނެ ކަމަށް ވެސް އޭނާ ވިދާޅުވި އެވެ.
"އާ ފޮއްޓަކަށް ދެން ވޯޓުލާން ފަށާނީ." ހަބީބް ވިދާޅުވި އެވެ.
އެ މައްސަލައާއެކު، ހަބީބް ވިދާޅުވީ، ވޯޓު ކަރުދާސް ދޫކުރަން އިން މަރުކަޒުގެ އެހީތެރިޔާ އެ މަސައްކަތުން ދުރުކޮށްފައިވާ ކަމަށެވެ.
"އޭނާ އެއީ ވޯޓު ކަރުދާސް ދޫކުރަން އިންނަ އޮފިޝަލް. އޭނާ މަސައްކަތުން ދުރުކުރީމަ ދެން ކުރަންޖެހޭ ކަމެއް ނޯންނާނެ."
ފޮނަދޫގައި އޮފިޝަލަކު ވޯޓު ކަރުދާހުގެ ކުރެހި ކަމަށް ބުނާ މައްސަލައެއްގައި ވޯޓުލުން މެދުކަނޑާލައިފި https://t.co/sbjkiHsrUG
— Mihaaru (@Mihaarunews) September 30, 2023
ވޯޓު ކަރުދާހުގައި ކުރެހި މައްސަލަ ފެންމަތިވީ އެ ފޮއްޓަށް ވޯޓު ލާން ދިޔަ މީހަކަށް ދިން ވޯޓު ކަރުދާހެއްގައި ކުރަހާފައި ހުރި ކަން އެނގިގެން އޭނާ އެ މައްސަލަ ޖެއްސުމުންނެވެ. އޭނާ ބުނި ގޮތުގައި، އޮފިޝަލުގެ ސަމާލުކަމަށް އެކަން ގެނެސް ދެ ފަހަރަށް ވޯޓު ކަރުދާސްކޮޅު ބަދަލުކުރި އިރު، ފަހުން ދިން ކޮންމެ ކަރުދާސްކޮޅެއްގައި ވެސް ހުރީ ކުރަހައިފަ އެވެ. ވޯޓު ކަރުދާހުގައި ފާހަގަ ޖަހަން އިންނަ ގޮޅީގެ ބޭރުގައި އެއްވެސް އެއްޗެއް ކުރަހައިފި ނަމަ އެ ވޯޓެއް ބާތިލުވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓެރޭސް
30 September 2023
ކުރަހާނެ ގޮތެއް ފުނުވަންވީތަ؟ އަޖައިބެއް ކަހަލަ ކަމެއް.
ވަހީދުބެ
30 September 2023
ވޯޓު ބާތިލުކޮށްލަން ކުރި ކަމެއް
އައްބެ
30 September 2023
ކުޅުދުއްފުށީ ފޮއްޓެއްގެ ކައިރީގައި ފާޅުގައި އިބޫއަށް ކެމްޕޭންކުރޭ ހުއްޓުވާނެ މީހަކުނެތް
ބަރުބާދު
30 September 2023
ހަމައެކަނި މަސައްކަތުން ދުރުކުރުމަކުން ނުފުދޭ، ހައްޔަރުކޮއް މައްސަލަބެލެންޖެހޭނެ.
އ އަހްމަދު
30 September 2023
ހަބީބު ތިހިސާބުންނިމިގެންނުވާނެ މަސައްކަތުންދުރުކުރިނަމަވެސް އޭނާ އެކުރީކުށެއް އެކުށައްއަދަބުލިބެންޖެހޭނެ ތަހުގީގުކުރެވި ގާނޫނީ ފިޔަވަޅުއެޅެންވާނެ ޒިންމާދާރު މަގާމެއްގާހުރެ އޮޅުވާލުމުގެ ބޮޑުޢަމަލެއް އެހިންގީ ގާނޫނީ ފިޔަވަޅުނޭޅޭނަމަ އެއީހިތާމަހުރިކަމެއް
އޮނަރަބްލް އަފީފު ދީދީ
30 September 2023
މިގޮތަށް އެމީހަކު ޖެހުނުދިމާލަކުން ޤާނޫނުތައް މުގުރަން ޖާގަދިނުމަކީ ވަރަށް ނުރައްކާތެރިކަމެއް. ޤައުމުގައިހިގާ މިފަދަކަންކަންބަލާނެ އެތައްބަޔަކު ތިބޭނެ. # ޤައުމުގެތެރޭގައި ރައްޔިތުން ބައިބައިވެފައިވާމިންވަރާއި ޤާނޫނާއި ޤަވާއިދުމުގުރާލުމުގައި ޤައުމުގެރައްޔިތުން ބައިވެރިވާނިސްބަތަށް ބަލައިގެން އޭގެނާޖާއިޒު މަންފާނަގާން ބޭނުންމީހުން (ރާއްޖެއާއި ރާއްޖެއިން ބޭރުގެ ފަރާތް ތައްވެސް) ތިބޭއިރު މިފަދަ އަމަލުކުރާމީހުނަށް ޤާނޫނީ އަދަބުދިނުން ވަރަށް މުހިންމު.