ދިއްދޫން 10 ހެކްޓަރު މަދެއް ނުކުރޭ، 26 ހެކްޓަރު ހިއްކާނެ: އާޒިމް

ދިއްދޫން މިހާރު ހިއްކަން ނިންމާފައިވާ ބައިގެ ކުރެހުމެއް.-- ފޮޓޯ: ކައުންސިލް

ފާތިމަތު އަޖްފާން، މިހާރު

15 އޮކްޓޯބަރ 2023 - 12:05

ހއ. ދިއްދޫ ބިން ހިއްކުމުގެ މަޝްރޫއުގެ ދަށުން ހިއްކަން އެއްބަސް ވެފައިވާ ގޮތަށް 26 ހެކްޓަރު ހިއްކާނެ ކަމަށް އެމްޓީސީސީން ބުނެފި އެވެ.

އެމްޓީސީސީ އަށް ދިއްދޫ ބިން ހިއްކުމުގެ މަޝްރޫއުގެ އަމަލީ މަސައްކަތް ހަވާލުކޮށް، މަސައްކަތް ފެށީ މިދިޔަ މަހުގެ 27ގަ އެވެ. އެއީ 26 ހެކްޓަރުގެ ބިން ހިއްކުމުގެ މަސައްކަތެވެ. އެކަމަކު، އެ ރަށުގެ ހިއްކާ ބިމުން ބައެއް އުނިކުރި ކަމުގެ ވާހަކަތައް ރަށު ތެރޭގައި ދެކެވެ އެވެ.

ދިއްދޫ ކައުންސިލްގެ ރައީސް އަބްދުﷲ ރަޝީދު ވިދާޅުވީ 26 ހެކްޓަރުން 10 ހެކްޓަރު މަދުކުރަން ނިންމާފައިވާކަން އެމްޓީސީސީ ސައިޓުގައި ތިބޭ ވެރިން ކައުންސިލަށް އަންގާފައިވާ ކަމަށެވެ. އެހެންކަމުން ބިން ހިއްކާ ނިމޭއިރު އިންނާނީ 16 ހެކްޓަރުގެ ބިން ކަމަށް ރަޝީދު ވިދާޅުވި އެވެ.

"ސައިޓުތަކާ ހަވާލުވެ ތިބި ވެރިންނަށް އެންގީ ދިއްދޫ ބިން ހިއްކައި ނިމޭއިރު އޮންނާނީ 16 ހެކްޓަރު ކަމަށް. ކައުންސިލަށް ވެސް އެނގިފައި އޮތީ. އެކަމަކު ރަސްމީކޮށް އެއްވެސް ތާކުން ނާންގާ، މިނިސްޓްރީ އަކުން ވެސް ނާންގާ،" އޭނާ ވިދާޅުވި އެވެ.

ޕްލޭނިން މިނިސްޓްރީ އަށް އެކަމާ ގުޅޭގޮތުން ކަންބޮޑުވުން ފާޅޫކޮށް ސިޓީ ފޮނުވާފައި ވާނެ ކަމަށާއި 10 ހެކްޓަރު މަދުވި ސަބަބު އޮޅުންފިލުވަން ބޭނުންވާ ކަމަށް ވެސް އޭނާ ވިދާޅުވި އެވެ.

އެކަމަކު އެ ވާހަކަތައް އެމްޓީސީސީގެ މެނެޖިން ޑިރެކްޓަރު އާދަމް އާޒިމް ދޮގުކުރެއްވި އެވެ. އޭނާ ވިދާޅުވީ 10 ހެކްޓަރު މަދު ކޮށްފައި ނުވާ ކަމަށާއި 26 ހެކްޓަރު ހިއްކާ ނިންމާނެ ކަމަށެވެ.

"މަދެއް ނުކުރޭ. އަޅުގަނޑުމެން ކުރި ކަމަކީ ޑްރެޖަރު ބަދަލުކުރީ، ކުރިން ހިއްކަމުން އައީ ބޮޑު ޑްރެޖަރުގައި. މިހާރު އެހެން ޑްރެޖަރެއް އެ ރަށަށް ގެންދަނީ. އެބައިން އިންސްޓްރަކްޝަން އައިސްފައި ހަމަ ކުރިން އޮތް ގޮތަށް ކުރިއަށް ދާނެ ކަމަށް. ދިހަ ހެކްޓަރު މަދެއް ނުކުރާނެ،" އާޒިމް ވިދާޅުވި އެވެ.

މިދިޔަ މަހު ހިއްކަން ފެށި އެ ރަށު ބިމުގެ 16 ހެކްޓަރުގެ ބިން މިހާރު ވަނީ ހިއްކައި ނިންމައިފަ އެވެ.

އެ މަޝްރޫއަކީ 83.07 މިލިއަން ރުފިޔާ އަށް ސަރުކާރުން އެމްޓީސީސީ އަށް ހަވާލުކޮށްފައިވާ މަޝްރޫއެކެވެ.

އެ މަޝްރޫޢުގެ ދަށުން، 1,150 މީޓަރުގެ ސޭންޑް ބަންޑުވޯލްއެއް ހެދުމާއި، 623,968 ކިއުބިކް މީޓަރުގެ ސަރަޙައްދެއްގެ ބިން ހިއްކުމާއި، 10,962 ކިއުބިކް މީޓަރުގެ ގޮނޑުދޮށް ސަރަޙައްދުގެ ބިން ހިއްކުމާއި، 916 މީޓަރުގެ ބަޔޮސްވޭލް ޓްރެންޗްއެއް ކޮނުމާއި، 916 މީޓަރުގެ ޖިއޯ ޓެކްސްޓައިލް އެޅުމުގެ މަސައްކަތް ހިމެނޭ ކަމަށް އެމްޓީސީސީން ވަނީ ބުނެފަ އެވެ.

އެމްޓީސީސީ ހއ. ދިއްދޫ ކައުންސިލް ހއ. ދިއްދޫ

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަކުންބޭ

16 October 2023

ބިން ހިއްކާ ފަ އެއްކޮށް ބިންކޮޅު އާއިލާތަކަށް ބަހާލާނީ ކީއެއް ނޫން، މުސްތަޤްބަލްގެ ބޭނުންތަކަށް، އަންނަން އޮތް ޖީލުތަކަށްވެސް ބިން ބަހއްޓަންޖެހޭ. ހައްލަކީ ކޮންޑޮމީނިއަމްސް ހެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯދާށޭ

15 October 2023

ރަށްރަށުގެ ބިން ހިއްކާއިރު ވެސް ހިއްކަނީ އަމާބުނީތީ ފަރަށްދާ އުސޫލުންނޭ ދިއްދޫ ފަޅުގައި އޮތިއްޔާ އޮތް ބޮޑުމިނަށް އެއްފަހަރާ ބިން ހިއްކާ އެތަނުން އެމްޓީސީސީ އަށް 100 އަހަރަށް ބިންތައް ދީ ދެން އެމްޓީސީސީން އެފަދަ ބިން ތަކުން ކޮންމެ ހެކްޓަރެއްގެ ބިން ބީޗް ފްރަންޓުން 10 މިލިއަން ޑޮލަރަށް 100 އަހަރަށް ވިއްކާލާނީ އެގޮތުން އޭގެ 10 ބިން ވިއްކާލުމުން އެމްޓީސީސީ އަށް ހިއްކަން ދިޔަ ޚަރަދު ލިބި އަދި ފައިދާ އެތައް ގުނައެއް ލިބޭނެއޭ ބިމުގެ ނަފާހޯދާށޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސީރާ

15 October 2023

200 އަހަރު ފަހުން ފަޅުތަށް ވެސް ހިއްކާ ނިމޭނެ. ދެން ވެލި އަޅަން ޖެހޭނީ އަތޮޅު ތެރެއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެކި

15 October 2023

26 ހެކްޓަރުން 10 ހެކްޓަރު މަދުކުރަން ނިންމާފައިވާކަން އެމްޓީސީސީ ސައިޓުގައި ތިބޭ ވެރިން ކައުންސިލަށް އަންގާފައިވާ ކަމަށެވެ... މިކަހަލަ ބޮޑެތި ޕްރޮޖެކްޓްތަތް ހުޓާލިކަމަށް އަނގާއިރު ޖެހޭނެ ލިޔެކިޔުމުން އެކަން ފެންނަން.. މިޒަމާނުގަ އަނގައިން ބުނާ ވާހަކަތަށް ޤަބޫލު ނުކުރައްވާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަތޭކަ

15 October 2023

އެމްޓީސީސީ ސައިޓަކު ނުތިބޭނެ ވެރިންނެއް. ސައިޓުގައި ހުންނާނީ މަސައްކަތް ބަލަހައްޓާ ސުޕަވައިޒަރެއް. އެ ބޭފުޅާ ކޮފީއަށް އަރާ ކައްކާލާ ހިޔާލީ ފޮލަ ކައުންސިލަރަކު ގަބޫލުކޮށްގެން ފެތުރީމަ ދެން އުފެދޭނީ ފިތުނަ .ކަމެއް ރަސްމީކޮށް ސާފު ކުރަން ބޭނުންވާނަމަ ތި ޕްރޮޖެކްޓާއި ހަވާލުވެހުރި ޕްރޮޖެކްޓް މެނޭޖަރު ނޫނީ ޕްލޭނިން މިނިސްޓްރީއަށް ގުޅާލިޔަސް ސާފުވާނެ. ކޮންމެ ފަދަ މީހަކުވެސް ކައުންސިލަރަކަށް ހޮވާފާނެ މި ރައްޔިތުންނޭ ކިޔާ ބައިގަނޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަލީލަ

15 October 2023

ރައްޔިތުންވެސް މުއައްސަސާ ތަކުގެ ޒިންމާދާރު މަގާމުތަކަށް މީހުން ހޮވާއިރު ކަމުވޮށިގެންވޭތޯ ބަލާނުލާ.ދިއްދޫގަ އެހުރީ އޭގެ މިސާލެއް. ސަރުކާރުންވެސް ވަކި ކޮލިފިކޭޝަންއެއްގެ ބަޔަކު ކައުންސިލްތަކާ މަޖިލީހަށް ހޮވަން ޝަރުތުކުރަން އެބަޖެހޭ. އެހެން ނޫނީ ގައުމު ދާނީ އޮޔާ.