ރާއްޖޭގެ ސިއްހީ ދާއިރާއަށް އިންވެސްޓްކުރަން މިއަށްވުރެ ރަނގަޅު ވަގުތެއް ނެތް: އަފްއާލް

ީއޭޑީކޭ ހޮސްޕިޓަލުން ބާއްވާ ބްރެއިން އެންޑް ސްޕެއިން ކޮންފަރެންސް ފެށުމަށް މިއަދު ބޭއްވި ރަސްމިއްޔާތުގައި، އެ ހޮސްޕިޓަލްގެ މެނޭޖިން ޑިރެކްޓަރު އަފްއާލް ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

25 އޮކްޓޯބަރ 2023 - 11:54

16 comments

ރާއްޖޭގެ ސިއްހީ ދާއިރާއަށް އިންވެސްޓުކުރަން މިއަށްވުރެ ރަނގަޅު ފުރުސަތެއް ނެތް ކަމަށް، އޭޑީކޭ ހޮސްޕިޓަލްގެ މެނޭޖިން ޑިރެކްޓަރު އަހުމަދު އަފްއާލް މިއަދު ވިދާޅުވެއްޖެ އެވެ.

އެ ހޮސްޕިޓަލްގެ ފަސް ވަނަ "ބްރެއިން އެންޑް ސްޕައިން" ކޮންފަރެންސް ފެށުމުގެ ރަސްމިއްޔާތުގައި އަފްއާލް ވިދާޅުވީ ފާއިތުވި އަހަރުތަކުގައި ތަފާތު އެކި ދާއިރާތަކުން ރާއްޖޭގެ ސިއްހީ ދާއިރާ ކުރިއަރާފައިވާ ކަމަށެވެ.

ރާއްޖޭގައި ކުރި އެންމެ ފުރަތަމަ ނިއުރޯ ސާޖަރީއަށް އަންނަ އަހަރު 10 އަހަރު ފުރޭއިރު، އަންހެނުންގެ ބަލިތަކާއި އެހެނިހެން ދާއިރާތަކުން ވެސް ރާއްޖޭގައި ކުރިއެރުންތައް ހޯދާފައިވާ ކަމަށް އޭނާ ވިދާޅުވި އެވެ.

ނަމަވެސް، އަފްއާލް ވިދާޅުވީ މިހާރު ކުރަންޖެހޭ ކަމަކީ އެ ބަދަލުތައް ގެނައުމުގެ ސްޕީޑް އަވަސްކުރުން ކަމަށާއި އެކަން ކުރެވޭނީ ރާއްޖޭގެ ސިއްހީ ދާއިރާއަށް އިންވެސްޓްކޮށްގެން ކަމަށެވެ.

"ރާއްޖޭގެ ސިއްހީ ނިޒާމަށް އިންވެސްޓްކުރަން އެބަޖެހޭ. އަހަރެމެންގެ އަމިއްލަ ސިއްހީ ނިޒާމަށް އަޅާލަން އެބަޖެހޭ.... މިއީ ވަރަށް ރަނގަޅު މުނާސަބަތު ވަގުތެއް މިކަމާ ގުޅޭގޮތުން ފުންކޮށް ވިސްނުމަށް،" ވިލާ ނޯޓިކާ ރިސޯޓްގައި ބޭއްވި ރަސްމިއްޔާތުގައި އޭނާ ވިދާޅުވި އެވެ.

އޭޑީކޭގެ ބްރެއިން އެންޑް ސްޕައިން ކޮންފަރެންސް ފެށުމަށް މިއަދު ބޭއްވި ރަސްމިއްޔާތުގައި ބައިވެރިވެވަޑައިގެންނެވި ބައެއް ބޭފުޅުން.-- ފޮޓޯ: ނިޝާން އަލީ/ މިހާރު

އަފްއާލް ވިދާޅުވީ އެކަމާ މެދު ވިސްނަން ރަނގަޅު ވަގުތެއް ކަމަށް ވިދާޅުވީ ވެރިކަން ބަދަލުވުމުގެ މަރުހަލާ ކުރިއަށްދާތީ ކަމަށެވެ. ފެންވަރު ރަނގަޅު ޓެކްނޮލޮޖީގެ އެހީގައި، ދިވެހީންގެ ފުރާނަ އަވަހަށް ސަލާމަތްކުރަން މަސައްކަތް ކުރަންޖެހޭ ކަމަށާއި ރާއްޖޭގެ ދުވެލި ހިންގުމަށް އެ މީހުންނަށް މަސައްކަތް ކުރެވޭނީ އޭރުން ކަމަށް ވެސް ވިދާޅުވި އެވެ.

އަފްއާލް ވިދާޅުވި ގޮތުގައި ފަސް ވަނަ ފަހަރަށް ބާއްވާ މި ކޮންފަރެންސުން ގިނަ ކަންތައްތަކެއް ދަސްވަމުން އަންނަ ކަމަށެވެ. ދުނިޔޭގެ އެހެން ގައުމުތަކުގައި މި ފަރުވާތައް ދޭ ގޮތްތަކާ އެކު، ޓެކްނޮލޮޖީ ގޮތުން އެ ތަންތަން ކުރިއަރަމުން އަންނަ ގޮތް ފެންނަމުންދާ ކަމަށް ވިދާޅުވި އެވެ.

އޭނާ ވިދާޅުވި ގޮތުގައި ފަސޭހައިން ކަންކަން ދަސްކުރާ ބަޔަކަށް ވުމުކީ ނަސީބެއް ކަމަށާއި އެހެން މީހުން ތަހައްމަލުކޮށްފައިވާ ދަތި އުނދަގޫ ހާލަތަށް ނުގޮސް، ތަންފީޒުކުރުމަކީ ރަނގަޅު ކަމެއް ކަމަށެވެ.

"އެހެންވެ، [ސިއްހީ ދާއިރާ] ރިފޯމް ކުރުމަކީ ވަރަށް ބޭނުންތެރި ކަމެއް،" އަފްއާލް ވިދާޅުވި އެވެ.

އޭޑީކޭގެ ބްރެއިން އެންޑް ސްޕައިން ކޮންފަރެންސް ފެށުމަށް މިއަދު ބޭއްވި ރަސްމިއްޔާތުގައި މަޖިލީހުގެ ރައީސް ނަޝިދު އަދި އޭޑީކޭ ކުންފުނީގެ ޗެއާމަން ނާޝިދު (ވ) ބައިވެރިވެވަޑައިގަންނަވަނީ-- ފޮޓޯ: ނިޝާން އަލީ/ މިހާރު

މި ކޮންފަރެންސް ޝަރަފުވެރިކޮށްދެއްވީ ރައްޔިތުންގެ މަޖިލީހުގެ ރައީސް މުހައްމަދު ނަޝީދެކެވެ. އެ މަނިކުފާނު އަވަހާރަކޮށްލަން މެއި 6، 2021 ގައި ދިން ހަމަލާއަށް ފަހު ނަޝީދަށް އެންމެ ފުރަތަމަ ފަރުވާ ދެއްވީ އޭޑީކޭ ހޮސްޕިޓަލުގަ އެވެ.

އެ ހޮސްޕިޓަލުން ދިން ފަރުވާއަށް ނަޝީދު މީގެ ކުރިން ވެސް ވަނީ ތައުރީފްކުރައްވައިފަ އެވެ.

އަފްއާލް ވިދާޅުވީ އެފަދަ ހާލަތެއްގައި އެ މަނިކުފާނަށް އޭޑީކޭއިން ފަރުވާ ދިނުމުން އިތުރު ބައެއްގެ އިތުބާރު ލިބުނު ކަމަށެވެ.

"މި ނިޒާމު އިސްލާހުކުރެވޭނެ ގޮތާއި އަޅުގަނޑުމެންގެ ނިޒާމަށް ފައިނޭންސް ކުރާ ގޮތްތައް ބަލަންޖެހޭ. އެ ޓެކްސް ފައިސާއިން އެހެން ދާއިރާތައް ކުރިއަރައިގެން ގޮސްފައިވޭ. އެހެންވެ، އަޅުގަނޑުމެން ދައްކާ ޓެކްސްގެ ފައިދާ އަނބުރާ ހޯދައި ސިއްހީ ދާއިރާ ތަރައްގީކުރަންޖެހޭ." އަފްއާލް ވިދާޅުވި އެވެ.

އޭނާ ވިދާޅުވީ މި ވީ މުއްދަތުގެ ތެރޭގައި ހަމައެކަނި ސިއްހީ ނިޒާމެއް ނޫން ކަމަށާއި އެހެން ދާއިރާތައް ޓެކްނޮލޮޖީގެ ދާއިރާއިން ކުރިއަރާފައިވާ ކަމަށެވެ. އެކަމަކު، މި 50 އަހަރުގެ ތެރޭގައި ރާއްޖޭގެ ސިއްހީ ދާއިރާ ހަރުދަނާކުރަން ހަރަދުކުރިނަމަ، މި ދާއިރާ އޮންނަނީ އެހެން ނިޒާމުތަކަށް ވުރެ 50 އަހަރު ކުރީގައި ކަމަށް އަފްއާލް ވިދާޅުވި އެވެ.

ސިއްހަތު އޭޑީކޭ ހޮސްޕިޓަލް އޭޑީކޭ އަހުމަދު އަފްއާލް ސިއްހީ ޚިދުމަތް

16 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮލަމާހުއްޓާ

27 October 2023

މާލޭގެ އެއޮއްބޮޑުބިން ކުޑައަގަކަށް ނަގައިގެން ހެސްކިޔާފަ ބޮޑުއަގުގަ ރައްޔިތުންނަށް ތިދޭޚިދުމަތުގެ އަގު ތިޔަށްވުރެ ކުޑައަގެއްގައި ދިނުމަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

25 October 2023

އަފްއާލު ވިދާޅުވެ ބައްލަވަ މުޅި އޭޑީކޭ ހުރި ބިން ކުޑަ އަގަކަށް 50 އަހަރަށް ނަންގަވައިގެން އަދި އެވަރުން ނުވެގެން ސެންޓްރަލް ހޮސްޕިޓަލު ހުރި ޢިމާރާތް މޯގޭޖްކޮށްގެން ފައިސާ ހޯދައި އަދި އެވަރުން ނުވެގެން މާލޭ ހެލްތު ސެންޓަރުވެސް އޭޑީކޭ ގައި މިނައި މޯގޭޖްކޮށްގެން ލޯނު ނަގައިގެން 10 ބުރީގެ ބިލްޑިންގ ހަދައި އެތަންތަނުން ނާއި އެހެން ޚިދުމަތްތަކުން ނަގާ ފައިސާ އިންތިހާއަށް ބޮޑު ކޮށް ރައްޔިތުންނަށް ތިޔަ ދެނީ ރަނގަޅު ޚިދުމަތެއްތަ. ބޮލުގެ އެއްޗެއް ތިހެދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމަދޫ

25 October 2023

އަނެއްކާ އެހާބޮޑައް އިންވެސްޓް ނުކުރައްވާތި. މިހާރުވެސް އަގުތައް އަތް ނުފޯރާ ފަށުަގައި އުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަންޖަބީލު

25 October 2023

ރާއްޖޭގެ ސިއްހީ ނިޒާމަކީ ރޭވިގެން ނާޖާއިޒް މަންފާނަގާ އެންމެބޮަޑު ދާއިރާ...އާސަންދައާ އެންސްޕާ ގުޅުވާފަ، ސަރުކާރު ހޮސްޕިޓަލްތަކުގެ ދިވެހި ސްޕެޝަލިސްޓް ޑޮކްޓަރުންނާ މިނިސްޓްރީގެ ވެރިންގެ އަމިއްލަ ކްލިނިކުތައް ރާއްޖޭގެ އެކިނކަންކޮޅުތަކުގަ ހިންގަނީ މިނިސްޓްރީއިން އަތޮޅުތަކަށް ދޭންވީ ހިދުމަތް ހުއްޓުވާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އ އަހްމަދު

25 October 2023

އެންމެފުރަތަމަ ދިވެހިރައްޔިތުންނައް ތިޔަދެއްވާ ޚިދުމަތުގެއަގު އަތްފޯރާފަށަައް ތިރިކޮށްދެއްވާ އާދައިގެ ރައްޔިތަކަށް އޭޑީކޭއިން ޚިދުމަތްހޯދުމަކީ ދަތިކަމެއް އެކަންއެބަޖެހޭ ރަނގަޅުވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

25 October 2023

ސިއްހީ ދާއިރާއަކި މިހާރުވެސް ވިޔަފާރިވެރިން ދައްކާ ޓެކްސް އަނބުރާ ވިޔަފާރިވެރިން ހޯދާ ނިޒާމް.. ކުޑަ އަގަކަށް މާލެއިން ބޮޑު ބިމެއް ކުއްޔަށް ދީ ބޮޑެތި ސަބްސިޑީ ދެވޭއިރު އޭޑިކޭގެ އަގުތައް ހުރީ އާންމު މީހާއާ ނުބައްދަލު ހިސާބެއްގަ.. ސިއްހީ ފެންވަރަށް ވުރެ އޭޑީކޭ ކުންފުނީގެ ޓުއަރިޒަމް އިންވެސްޓްމަންތައް ތަރައްގީވާ ސްޕީޑު ހަގުނަ މަތި..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުތަގާލު

25 October 2023

މިގައުމުގައި މިހާރު ވަރަށް އާދަޔާ ޚިލާފުކަންތައް އެބަހިގާ. އެއްދުވަހު އިރުއެރިއިރު ބަންދުގައި ހުރި އަދީބު ޑިންގީއެއްގައި، ބައިވަރު ވެންޓިލޭޓާރު ގަންނަން އެއީ ކޯޗެއްކަންވެސް ނުދަންނަ ބަޔަކަށް، އޮޅިގެން ޓީވީސްޓޭޝަނެއްގައި ޕާޓީއެއެއްގެ ކުލަ، ކޮންކިރިޓް މެސިނުން އޮފީސްތަކުގެ ލިއެކިއުންތައް ނައްތާލުން.. ކޭން ވީ ގެޓް ދަ ރިއަލް މޯލްޑިވްސް ބެކް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

25 October 2023

10 ލައްކަ ރުފިޔާގެ ހިއްސާ ގަތީމަ އަހަރަކަށް ހިއްސާ އަކަށް 2ރ ވެސް ނުލިބޭ! ރާއްޖޭގައި މިއޮތީ ސަޅި ހިއްސާ ބާޒާރެއް! ދެން ބާރައް އަތް ފޫދަންދެން އަތްޖަހާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަށޮދިޔަގެ ފީބޯޅާ

25 October 2023

އޭޑިކޭވެސް މާއަގުބޮޑީ. އާސަންދަ ކަނޑާފައިވެސް އެހާބައިވަރު. ދެން ޚިދުމަށް ދޭންތިބޭ ކުދިންވެސް ކަސްޓަމަރުންނާ މުއާލާކުރަނީ ބޮޑު ބުރައެއް ކަމަށްދެކިގެން. ތިބެނީ ކައުންޓަރު ތެރޭ ހީ ސަމާސާކުރަން. ބަލިމީހާ ބަލިބޮޑުކަމުން ގޮތްހުސްވެފައި ހުންނައިރުވެސް އެފުރިހަމަ އެންޕަތީ އާއި އަޅާލުމެއްނޯވެ. ގިނަމީހުންދަނީ ގޮތެއްނެތިގެން. މައިހޮސްޕިޓަލް އައިޖީއެމްއެޗުން ފުރުސަތެއްނޯވެ، އޮންނަނީ ކުރިއަށްއޮތް 3 މަހަށް އެޕޮއިންޓްމަންޓް ހުސްވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަތީފާ

25 October 2023

މޮޅު ވާހަކަ ދެއްކިދާނެ. ފުރަތަމަ އޭޑީކޭގެ ހިދުމަތްތަށް ރަނގަޅު ކުރޭ. ދެން ތިޔަ ތަނަށް ނަޝީދު ކަހަލަ ޓޮކްސިކް ނޫނީ ފިތުނަވެރި ވާހަކަ ހާމަކަން ބޮޑުކޮށް ދައްކާ މީހެއް ގެންދިއުމުގެ ބޭނުމަކީ ކޮބާތޯ؟ އޭޑީކޭ ނާޝީދުއަށް ނޫނީ އޭޑީކޭ އަށް ވާނެ ފައިދާއެއް ބުނެދެއްވާ؟