ފިނޭންސް މިނިސްޓަރު އިބްރާހިމް އަމީރު ނޫސްވެރިންގެ ބައްދަލުވުމެއްގައި ވާހަކަދައްކަވަނީ -- ފޮޓޯ: މިހާރު
26 އޮކްޓޯބަރ 2023 - 11:49
1 comments
ސަރުކާރުން އެކި ފަރާތްތަކަށް ބަދަލުގެ ގޮތުގައި، ބަޖެޓުގައި ކަނޑައަޅާފައިވާ އަދަދަށް ވުރެ ތިން ގުނަ އިތުރަށް ހޭދަކޮށްފި އެވެ.
ފިނޭންސް މިނިސްޓްރީގެ ތަފާސް ހިސާބުތަކުން އެނގޭ ގޮތުން މިއަހަރުގެ މިހާތަނަށް ބަދަލުގެ ގޮތުގައި 374 މިލިއަން ރުފިޔާ ވަނީ ހޭދަކޮށްފަ އެވެ. މިއަހަރުގެ ބަޖެޓުގައި ބަދަލު ދިނުމަށް ކަނޑައަޅާފައިވަނީ 100 މިލިއަން ރުފިޔާ އެވެ. އެހެންވެ، މިހާރު ހޭދަކުރި އަދަދަކީ ބަޖެޓުގައި ކަނޑައެޅި އަދަދަށްވުރެ 270 ޕަސެންޓު އިތުރު އަދަދެކެވެ.
މި އަހަރުގެ ފުރަތަމަ ހަ މަސް ތެރޭ ވަނީ، ގެއްލުމުގެ ބަދަލަށް ކަނޑައެޅި ބަޖެޓް ހުސްވެފަ އެވެ. މިއަހަރު ބަދަލު ދީފައިވާ ކުންފުނިތަކުގެ މައުލޫމާތު ހޯދަން "މިހާރު" އިން ހުށަހެޅުމުން ވެސް އެ މައުލޫމާތު ދޭން ފިނޭންސް މިނިސްޓްރީން ވަނީ ދެކޮޅުހަދައިފަ އެވެ. އެ މައްސަލަ އިންފޮމޭޝަން ކޮމިޝަނުން އަންނަނީ ބަލަމުންނެވެ.
ވޭތުވެދިޔަ ހަތަރު އަހަރު ބަދަލުގެ ގޮތުގައި އެކި ފަރާތްތަކަށް 1.6 ބިލިއަން ރުފިޔާ ދޫކޮށްފަ އެވެ. އެ ބަދަލުތައް ދޭން ޖެހެނީ ސަރުކާރުން ވެފައިވާ އެއްބަސްވުންތައް ގާނޫނާއި ގަވާއިދާ ހިލާފަށް ބާތިލުކުރަން ޖެހުމުގެ ސަބަބުންނެވެ. މިދިޔަ ހަތަރު އަހަރު ވެސް ވަނީ ގެއްލުމުގެ ބަދަލުގެ ގޮތުގައި ބަޖެޓުކުރި އަދަދަށް ވުރެ އިތުރަށް ސަރުކާރުން ހޭދަކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮން
26 October 2023
ސުކޫލުތަކާއި އޮފީސްތަކަށް ބޭނުންވާ ޒަރޫރީ ބަޖެޓްވެސް ނުދެވި އަދި ކުންފުނިތަކުން ކުރި މަސައްކަތްތަކަށް ޕޭމަންޓް 2 މަސް 3މަސް ވާއިރުވެސް ނުދެވި ކުންފުނިތައް މަގުމަތިވެ އުވާލަންޖެހިއްޖެއެވެ. ދޯހޮޅި ރޯނު އެދުރުން ލައިގެން ލާރި ޗާޕްކޮށް އެލާރި ބަދަލުގެ ގޮތުގައި ދީ އެފައިސާއިން ކެމްޕެއިން ކުރީމާ ނަތީޖާ މިއޮތީ ފެނިފައެވެ. ދެންވެސް އަވަހަށް މޭޒުތަކާއި ގޮޑިތައް ހުސްކުރައްވާ ގެޔަށް ވަޑައިގެން ދެންވުންއެދެމެވެ.