އާ ސަރުކާރުގެ 458 ޕްރޮޖެކްޓެއް ބަޖެޓުގައި ހިމަނައިފި

އިންތިހާބީ ރައީސް މުއިއްޒު: އާ ސަރުކާރުގެ ގިނަ މަޝްރޫއުތަކެއް އަންނަ އަހަރުގެ ދައުލަތުގެ ބަޖެޓުގައި ވަނީ ހިމަނާފައި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

31 އޮކްޓޯބަރ 2023 - 19:45

28 comments

އާ ސަރުކާރުން ހުށަހެޅި 458 ޕްރޮޖެކްޓެއް އަންނަ އަހަރުގެ ދައުލަތުގެ ބަޖެޓްގައި ހިމަނައިފި އެވެ.

ފިނޭންސް މިނިސްޓްރީން އާންމުކުރި 2024 ވަނަ އަހަރުގެ ބަޖެޓް ރިޕޯޓުގައިވާ ގޮތުން އާ ސަރުކާރުގެ ޕްރޮޖެކްޓްތަކަށް 1.5 ބިލިއަން ރުފިޔާ ވަނީ ކަނޑައަޅާފަ އެވެ. އޭގެ ތެރޭގައި ހިމެނޭ 144 ޕްރޮޖެކްޓަކީ މިހާރު ވެސް ހިންގަމުން އަންނަ މަސައްކަތްތަކަށް ވާތީ، ބަޖެޓުގައި މުޅިން އަލަށް ފަށަން ހުށަހަޅާފައިވަނީ އާ ސަރުކާރުގެ 314 ޕްރޮޖެކްޓެވެ.

އާ ސަރުކާރުން ހުށަހެޅި މަޝްރޫއުތަކުގެ ތެރޭގައި ހިމެނެނީ ރަށްރަށުގެ މަގު ހެދުމާއި އެއާޕޯޓު އެޅުމާއި ބިން ހިއްކުމާއި ސިއްހީ މަރުކަޒުތަކާއި ސްކޫލުތަކުގެ މަސައްކަތްތަކުގެ އިތުރުން މިސްކިތް އިމާރާތް ކުރުން ފަދަ މަޝްރޫއުތަކެވެ.

އާ ސަރުކާރުން ހިންގަން ރޭވި އެންމެ ބޮޑު ޕްރޮޖެކްޓަކީ ފުށިދިއްގަރުފަޅު ހިއްކުމެވެ. އެ ޕްރޮޖެކްޓަށް ވަނީ 400 މިލިއަން ރުފިޔާގެ ބަޖެޓެއް ކަނޑައަޅާފަ އެވެ. ބަޖެޓުގައި މި އަދަދު ކަނޑައެޅި ނަމަވެސް އެ ފައިސާ ހޯދާނެ ގޮތެއް އަދި ކަނޑައެއް ނާޅަ އެވެ.

ބަޖެޓު އޮތްގޮތުން އެ މަޝްރޫއުއަށް ބޭނުންވާ ހޯދާނެ ކަމަށް ބެލެވެނީ ލޯނެއް ނަގައިގެންނެވެ.

ފުށިދިއްގަރުފަޅުން 1،200 ހެކްޓަރުގެ ބޮޑު ސަރަހައްދެއް ހިއްކައިގެން 11،900 އަށް ވުރެ ގިނަ ގޯއްޗާއި 26،000 ފްލެޓް އިމާރާތް ކުރާނެ ކަމަށް އިންތިހާބީ ރައީސް ޑރ. މުހައްމަދު މުއިއްޒު ވަނީ ވިދާޅުވެފަ އެވެ.

އަންނަ އަހަރަށް ލަފާކުރާ ދައުލަތުގެ ބަޖެޓުގައި ޕީއެސްއައިޕީ މަޝްރޫއުތަކަށް ވަނީ 8.6 ބިލިއަން ރުފިޔާ ކަނޑައަޅާފަ އެވެ. އޭގެ ތެރެއިން އެންމެ ބޮޑު އަދަދެއް ކަނޑައެޅީ އެއާޕޯޓު އެޅުމަށާއި ދަތުރުފަތުރުގެ ނިޒާމަށެވެ. އެއާޕޯޓު ފަދަ ޕްރޮޖެކްޓްތަކަށް 3.2 ބިލިއަން ރުފިޔާ ކަނޑައަޅާފައިވެ އެވެ. އަދި ބިން ހިއްކުމުގެ މަޝްރޫއުތަކަށް ވަނީ 1.6 ބިލިއަން ރުފިޔާ ބަޖެޓުގައި ކަނޑައަޅާފައިވެ އެވެ.

ފިނޭންސް މިނިސްޓްރީ ރައްޔިތުންގެ މަޖިލިސް ދައުލަތުގެ ބަޖެޓް ދައުލަތުގެ ބަޖެޓް 2024

28 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަނގަނޑި

31 October 2023

ތިޔައީ މުއިޒުގެ ރައްޓެހިންނާއި ޕާޓީ މީހުންނަށް މަސައްކަތް ހަވާލުކުރަން ދައުލަތުގެ ބަޖެޓުން ނަގާ ފައިސާތަކެއްނު. ހައިވެފަ ތިބި ބަޔަކު ބަނޑު ބޮޑުވީމައެއްުނު އާމު ރައްޔަތަކަށް އެއްޗެއް ލިބޭނީދޯ. ފަސްއަހަރުވީ ވިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

01 November 2023

ކޮށްމެ ބަޔަކަށް ދިނަސް ކަން ކޮށް ނިންމައިފިއްޔާ އެ ނިމުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރުބެއްޔާ

31 October 2023

ކޮންމެ އަހަރަކު ވެސް ތިހެން ބަޖެޓް ގައި ތަރައްގީ އޭ ކިޔާފައި ބޮޑެތި އަދަދުތައް ޖަހާ. ޢެކަމަކު ހަގީގަތަކަށް ވަނީ ތީގެން މަދުކަމެއް. ތި 49 ބިލިއަން ގެ ތެރެއިން ދައުލަތައް ލިބޭނީ 32 ބިލިއަން.. ދެން ޖެހެނީ ލޯނު ނަގަން. ދުނިޔޭގެ ހާލަތު އަދި ރާއްޖޭގެ ދަރަނި ބޮޑުކަމުން ލޯނެއް ހޯދުން ވެސް މިހާރު ފަސޭހައެއް ނިވާނެ.. އާމްދަނީ އިތުރު ވާނެ އެއްވެސް ކަމެއް ނެތް. ޅޯނު ނަގައިގެން ބިން ހިއްކާފަ ހިލޭ ބިން ބެހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން މުހައްމަސު ހަމީދު

31 October 2023

ތަފާތު އިނގޭ މުއިޒް. ފުރަތަމަ ދުވަހުން ފެށިގެން އެތައް ކަމެއް ކުރަނީ މިއޮށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

31 October 2023

ކުދި ރަށްތަކުގައި އެއާޕޯޓް އެޅުމުގެ ބަދަލުގައި ސީޕްލޭން ޓާމިނަލްތައް ބަދަރާއިއެކު ހަދައި ސީޕްލޭން މުޅި ރާއްޖެއަށް އޮޕަރޭޓްކުރެވިދާނެ. ކުދިރަށްތަކުން އެއާޕޯޓް އެޅުމަށް ބޮޑު ބިމެއް ޚާއްސަވުމަކީ ހަފްތާއަކު އެންމެ 2 ފްލައިޓް އޮޕަރޭޓްކުރާއިރު ފީސަބަލް ކަމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ެާރާމިޒް މުހައްމަދު

31 October 2023

މި ހަބަރު ފެނިގެން މިއަދު އެމްޑީޕީ ކުއްޖަކުވެސް ބުނި، މި ސަރުކާރު ނުވާނެޔޭ ހަމަ އެކަޗަކަށްވެސް މުއިޒް ގެންނަ ތަރައްގީއާ ބަލާފަ. އެކަން އޭނަވެސް ގަބޫލް ކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ރާއިފް

31 October 2023

ހަބަރުގެ ހެޑިންގަ އޮތީ އާ ސަރުކާރުގެ 458 ޕްރޮޖެކްޓްކަމަށް. ހަބަރު ކިޔާލީމަ އެނގުނީ އާ ސަރުކާރުގެ 314 ޕްރޮޖެކްޓްކަން. ކޮބާ ރަނގަޅު ގޮތަކީ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު ޔާސީން

31 October 2023

މިވަރުން ދަންޔާ ޔާމީންގެ ތަރައްގީ ނުވާނެ އެއްޗަކަށް. މާ ހަލުވި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިމްނާ މުހައްމަދު

31 October 2023

ތަރައްގީގެ މަގަށް އަނެއްކާވެސް ގައުމު ރުޖޫއަ މިވަނީ. އަދި ހަލުވިވާނެ ކަމަށް ބެލޭވެ. އަރަބި އަދި ޗައިނާއާ ގުޅުން ބޮޑުވީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބަދުﷲ ޝާފިއު

31 October 2023

ސިޔާސީ ވެރިން ހާއްސަކޮށް ގައުމުގެ ވެރިކަމަށް ކުރިމަތިލާމީހުން ދެން ފިލާވަޅު ނަގަންވީ ޑރ.މުއިއްޒް ގެ ކިބައިން. ސަބަބަކީ އިހްލާސްތެރިކަން އެމަނިކުފާނުގެ ހުރީމަ. ފުރުތަމަ ދުވަހުން ފެށިގެން ވި ވައުދު ފުއްދުމުގެ ފައުންޑޭޝަން އަޅާތީ.