ފަނޑިޔާރު ޝަކީލް: އޭނާ ރިޓަޔާވާން ފުރުސަތު ދޭން ނިންމީ ސިއްހީ ސަބަބުތަކާ ހެދި --- ފޮޓޯ/މިހާރު
02 ނޮވެމްބަރ 2023 - 14:38
16 comments
ހައި ކޯޓުގެ ފަނޑިޔާރު އަހުމަދު ޝަކީލް ރިޓަޔާވެ ވަޑައިގަތުމަށް ފުރުސަތު ދޭން ނިންމީ އޭނާގެ ސިއްހީ ހާލަތަށް ރިއާޔަތްކޮށްގެން ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން މިއަދު ބުނެފި އެވެ.
ކްރިމިނަލް ކޯޓުގެ އިސްގާޒީގެ މަގާމުގައި ހުންނަވަނިކޮށް ހައި ކޯޓުގެ ފަނޑިޔާރު ކަމަށް ޝަކީލް އައްޔަންކުރީ މިދިޔަ މާޗް މަހު އެވެ. އެކަމަކު އޭނާ ފަނޑިޔާރުކަމުން ރިޓަޔާވެ ވަޑައިގަތުމަށް ހުށަހެޅުއްވުމުން އެ ފުރުސަތު ދޭން ޖޭއެސްސީން އިއްޔެ ވަނީ ނިންމައިފަ އެވެ.
ޖޭއެސްސީން މިއަދު ނެރުނު ބަޔާނެއްގައި ވަނީ ފަނޑިޔާރު ޝަކީލް ރިޓަޔާވެ ވަޑައިގަތުމަށް ފުރުސަތު ދޭން ނިންމީ އޭނާގެ ސިއްހީ ހާލަތު ހުރިގޮތުން ޑޮކްޓަރުން ދީފައިވާ ލަފާތަކަށް ރިއާޔަތް ކުރުމަށްފަހު ކަމަށެވެ. އެގޮތުން ހިތުގެ ބައްޔެއްގެ ވާހަކަ އެ ބަޔާނުގައިވެ އެވެ. އަދި ފަނޑިޔާރު ޝަކީލަކީ ޝަރުއީ ދާއިރާ އަށް 20 އަހަރު ހިދުމަތް ކުރައްވާފައިވާ ބޭފުޅެއް ކަން ވެސް އެ ބަޔާނުގައި ފާހަގަ ކޮށްފައިވެ އެވެ.
ޖޭއެސްސީން ބުނިގޮތުގައި ސިއްހީ ސަބަބުތަކުގެ މީގެކުރިން ވެސް ފަނޑިޔާރުން ރިޓަޔާވުމަށް ފުރުސަތު ދީފައިވާނެ އެވެ.
ސިއްހީ ސަބަބުތަކަށްޓަކައި ރިޓަޔާވާން އެދުމުގެ ފުރުސަތު ފަނޑިޔާރުންނަށް އޮވެ އެވެ. މީގެކުރިން ވެސް ބައެއް ފަނޑިޔާރުން އެގޮތަށް ރިޓަޔާވާން ފުރުސަތު ދީފައިވެ އެވެ.
ފަނޑިޔާރު ޝަކީލަކީ ވ. އާރަށް މައްސަލާގައި ކުރީގެ ރައީސް އަބްދުﷲ ޔާމީންގެ މައްޗަށް ކުރި ރިޝްވަތާއި މަނީ ލޯންޑްރިންގެ މައްސަލަ ބެއްލެވި ފަނޑިޔާރެވެ. އެ މައްސަލާގައި ޔާމީންގެ މައްޗަށް ކުށް ސާބިތުވެ، 11 އަހަރުގެ ޖަލު ހުކުމެއް ވަނީ އިއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޗީޑި
04 November 2023
ޖުޑިޝަރީ އަށްވީމަ އޯކޭ. އަހަރެން 30 އަހަރަށްވުރެ ގިނަ ދުވަހު ހިދުމައް ކޮށްފަ ސިއްހީ ސަބަބަކަށްޓަކާ ވަކިވީމާ ދިނީ ސުމެއް. ލަދު ކޮބާ؟
ކައުންސެލަރު.
03 November 2023
މިއަދު ކޮޓަރީގެ ކަނަކަށް ވަދެ ފިލާއޮވެވިދާނެ. މާދަމާ ކޮންތާކަށްވަންނާނީ ފިލަން.
ހޮޓްކިންގ
03 November 2023
ރިޓާޔާ ކުރިޔަސް އެމީހަކު ވީ އަނިޔާވެރިކަމެއްގެ ރަހަ ފެންނާނެ.
އަލިބެ22
03 November 2023
އުފާވެރި އަމާން ދިރިއުޅުމަކަށް އެދެން
ބޮސް ގެ ބޮސް
02 November 2023
މެލޭޝިޔާގަ ހުރި ފުލެޓް އެބަ އާދޭސް ކުރޭ އަންނާށޭ ކިޔާފަ..
ބޮސް ގެ ބޮސް
02 November 2023
އިބޫ ވެރިކަމަށް އައިނަމަ ސިއްހަތު ހުންނާނީ މެކުހަށް ޖަހާފަ...މަވެސް ތީނަ ދަންނަން ތި ބުނާހާ ބައްޔެެއް ނޫން..
އުދުހޭ
02 November 2023
އާސަންދައިން ބަލާ ކަންކަން މިހާރު ބަލަނީ ޖޭއެސްސީންތޯ؟
އައްޗީޑި
02 November 2023
އަނެއް ބަޔަކު 35 އަހަރު ހިދުމަތްކޮށްފަ ޑޮކްޓަރު އަންގައިގެން އިސްތިއުފާ ދިނީމަ، ރިޓަޔަމަންޓް ނުދިން. ތަފާތު ކުރެވޭނީ އެވަރަށް. ލަދުގަނޭ އެވާހަކަ ދެއްކިޔަސް، ދޯ؟
ނާސިރު1
02 November 2023
ރިޓަޔަރ ކުރިޔަސް ޙައްޤެއް ނިގުޅައިގަނެފައިވާނަމަ ބެލޭނެ ގޮތެއް އޮންނަންޖެހޭ. ހިތަށްއެރިގޮތަކަށް ހުކުމް ކޮށްފަ ކުރާހުކުމަކުން ފަނޑިޔާރަކަށް މަސްއަލައެއް ނުޖެއްސޭގޮތެއް އޮވެގެންނުވާނެ. އެހެންނޫނީ މިކަހަލަ ކަންކަން ތަކުރާރުވާނީ
ސިއްޚަތު
02 November 2023
ސިއްހީ ހާލަތޭ ކިޔާފައި Bali ނޫން maama އެފަރާތް ރިޓަޔަރ ވާން ނޫލުއްވާނެ ކަންނޭގެ. ސަބަބަކީ ހެޔޮ ހާލުގައި ހުރެ އެފަދަ ބޮޑު ދޮގެއް ހަދައިފިނަމަ ހަމަ އެފަދަ ކަމެއް ޖެހުންވެސް އެކަށީގެންވޭ