ފިލްމު އެސޯސިއޭޝަނުން 50 ޓީމާ އެކު މާދަމާ މަހަށް؛ ހުރިހާ ފައިސާއެއް ފަލަސްތީން ފަންޑަށް

މޯލްޑިވްސް ފިލްމު އެސޯސިއޭޝަނުން އިންޒާމުކޮށްގެން ބާއްވާ މަސް ދަތުރުގައި ލިބޭ ފައިސާ ހަދިޔާކުރަނީ ފަލަސްތީން ފަންޑަށް.-- ފޮޓޯ: ފިލްމު އެސޯސިއޭޝަން

02 ނޮވެމްބަރ 2023 - 15:21

5 comments

ހާލުގައި ޖެހިފައިވާ ފަލަސްތީނުގެ މީހުންނަށް އެހީވުމަށް މޯލްޑިވްސް ފިލްމު އެސޯސިއޭޝަން (އެމްއެފްއޭ) އިން އިސްނަގައިގެން ކުރިއަށް ގެންދާ "އިންސާނިއްޔަތަށްޓަކާ" ފަންޑްރެއިޒިން ހަރަކާތުގެ ތެރެއިން މާދަމާ މަސް ދަތުރެއް ބާއްވަން ނިންމައިފި އެވެ.

އެ އެސޯސިއޭޝަންގެ އޮފިޝަލަކު މިއަދު ވިދާޅުވި ގޮތުގައި، މާލެ އާއި އެކި ރަށްރަށުން ޓީމުތައް ބައިވެރިވާ ހަރަކާތް ކުރިއަށް ގެންދަނީ ފިލްމު އެސޯސިއޭޝަނާއި ރާއްޖެ އަންނަ ޓޫރިސްޓުންނަށް މަސް ބޭނުމުގެ ކަންކަން އިންތިޒާމުކޮށް ދޭ ސްޕޯޓްސް ފިޝިން މޯލްޑިވްސްއާ ގުޅިގެންނެވެ.

މާލެއިން މަހަށް ފުރާ ޓީމުތައް މާދަމާ މެންދުރު ފަހު 2:00 ގައި ފުރާނީ މަސްވެރިންގެ ޕާކު ކުރިމަތިންނެވެ. އެ ޓީމުތަކާއި މާލެ ކައިރި ބައެއް ރަށްރަށުން މަހަށް ނުކުންނަ ޓީމުތައް މަސް ބާނާ ނިންމައިގެން މާލެ އަށް ލަފާނީ ޓީ-ޖެޓީ ސަރަހައްދަށް މާދަމާ ރޭ 9:00 ގަ އެވެ.

އޮފިޝަލް ވިދާޅުވީ އެންމެ ގިނައިން މަސް ބާނާ ޓީމަކަށް 10،000ރ. ގެ ފައިސާގެ އިނާމެއް ދޭނެ ކަމަށާއި އެ ފައިސާ ހަދިޔާކުރާނީ ފަލަސްތީން ފަންޑަށް ކަމަށެވެ. އަދި އެންމެ ފުލުގައި އޮންނަ ޓީމަށް ޖެހޭނީ އެ ފަންޑަށް 2،000ރ. ހަދިޔާކުރަން ކަމަށެވެ.

"ހުރިހާ ޓީމަކުން ބާނާ މަސް، މާލެ މެރީބްރައުން ކުރިމަތީ، ތޮށިގަނޑު މަތީގައި ވިއްކާނީ. އެ ހުރިހާ މަހެއް ވިއްކައިގެން ލިބޭ ފައިސާ ވެސް ފަލަސްތީން ފަންޑަށް ހަދިޔާކުރާނީ،" އޮފިޝަލް ވިދާޅުވި އެވެ.

މޯލްޑިވްސް ފިލްމު އެސޯސިއޭޝަނުން އިންޒާމުކޮށްގެން ބާއްވާ މަސް ދަތުރުގައި ލިބޭ އިނާމުތައް: މި ފައިސާ ހަދިޔާކުރަނީ ފަލަސްތީން ފަންޑަށް.-- ފޮޓޯ: ފިލްމު އެސޯސިއޭޝަން

މި މަސް ދަތުރުގައި އެންމެ ބޮޑު މަހެއް ބާނާ މީހަކަށް ދޮއްޓެއް ދޭން ވެސް ވަނީ ނިންމައިފަ އެވެ.

ފަލަސްތީން ފަންޑަށް ފައިސާ އެއްކުރުމަށް ފިލްމު އެސޯސިއޭޝަނުން ވަނީ ގިނަ ހަރަކާތްތަކެއް ބާއްވައިފަ އެވެ. މިދިޔަ ހަފުތާ ބަންދުގައި ފިލްމު ފެސްޓިވަލަކާއި ކުޑަކުދިންގެ ހަވީރަކާއި ޖަމްބަލް ސޭލްއެއް ބޭއްވި އެވެ. އެ އެސޯސިއޭޝަނުން ވަނީ މިދިޔަ ދުވަސްތަކުގައި މާލެ އަތޮޅު ބައެއް ރަށްރަށުގައި ވެސް ފަންޑްރެއިޒިން އިވެންޓުތައް ބާއްވައިފަ އެވެ.

ފަލަސްތީން މޯލްޑިވްސް ފިލްމް އެސޯސިއޭޝަން މަސްވެރިކަން ދިވެހި ފިލްމް އިންޑަސްޓްރީ ރާއްޖެ-ފަލަސްތީން ގާޒާ ފަންޑު

5 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

04 November 2023

ކޮންމެއަކަސް، ކުޑަވެސް ޝައްކެން ނެތް، ވަކިފަރާތަކަށް ނުޖެހޭ، ދުނިޔޭގެ-ރައްޔިތު ދައުލަތެއްގެ ހައިސިއްޔަތުން، އަހުރެމެންނަށް އެބަ ޖެހޭ، އުސޫލެއްގެ ގޮތުން، މިހާރުން މިހާރަށް، ހަމާސް ޓެރަރިޝްޓުންގެ އަތްދަށުގައި، ރޭޕުވެ، ހާނީއްކަވާ، އިސްރާއީލުގެ އަސީރުންނާއި، ޔަތީމުވެފަ ތިބި ޔަހޫދީ އަދި މުތަނައްޞަރު ޢަރަބީންގެ އާއިލާ ތަކަށްވެސް އެހީވާން. ފިލްމު އެސޯސިއޭޝަނުން، މިކަންތައް ކޮށްދޭނެބާވަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުބެ

02 November 2023

ފަަލަސްތީނަށްޓަކައި އެއްޗެއް ދިއްކޮށްނުލާ މީހަކު ރާއްޖެއަކު ނުހުންނާނެއެވެ. ޖަމާއަތެއް ރަށެއް ކުންފުންޏެއް ކިޔާނެކަމެއް ނެތެވެ. ޕޮލިސީ ފެންވަރުގަޔާ އަދި އަރެމެންނަށް އެޅެންހުރި ހުރިހާ ފިޔަވަޅެއް އަޅަންވީއެވެ. އެއްފަރާތަކަށް ހުސްވެފައިވާ މުނާފިގުހުޅަނގާ ބޮޑުލިބާސްލީ މުއްސަނދިންނަށް ވިސްނޭނީ ކޮން އިރަކުންބާވައޭ ހިތަށް އަރައެވެ