ސަރުކާރުގެ އިދާރާތަކުން އާންމުންނަށް އެކި ހިދުމަތްތައް ދިނުމަށް ބޭނުންކުރަމުން އަންނަ އީފާސް ޕޯޓަލް: އެ ޕޯޓަލް އަށް ބާރުބޮޑުވެ ހިދުމަތް ދިނުމުގައި ދަތިތަކެއް ވަނީ ކުރިމަތިވެފައި.-- ފޮޓޯ: ފަޔާޒް މޫސާ | މިހާރު
05 ނޮވެމްބަރ 2023 - 13:58
13 comments
ސަރުކާރުގެ އިދާރާތަކުން އާންމުންނަށް އެކި ހިދުމަތްތައް ދިނުމަށް ބޭނުންކުރަމުން އަންނަ އީފާސް ޕޯޓަލް އަށް މިއަދު ވަރަށް ބާރުބޮޑުވެ، އޯޓީޕީ ނާންނަ މައްސަލާގައި އާންމުންގެ ޝަކުވާ ބޮޑުވެއްޖެ އެވެ.
ދައުލަތުގެ އޮފީސްތަކުގެ އޮންލައިން ޕޯޓަލް، އީފާސް މެދުވެރިކޮށް ސަރުކާރުގެ އެކި އިދާރާތަކަށް އެކި ކަންކަމުގައި ފޯމު ހުށަހަޅަން ޖެހެ އެވެ. ނަމަވެސް، މިއަދު ހެނދުނުން ފެށިގެން އީފާސް ބޭނުންކުރުމުގައި އާންމުންނަށް ވަނީ އެކި ދަތިތަކާ ކުރިމަތިވެފަ އެވެ.
ބެލެވޭ ގޮތުގައި އީފާސްގެ މައްސަލަތަކެއް ދިމާވެގެން އުޅެނީ، ވިނަރެސްގެ ނުވިކި ހުރި ފްލެޓްތައް ވިއްކާލަން މިއަދު ހެނދުނު ހުޅުވުމާލުމާއި މި ސަރުކާރުގެ ގެދޮރުވެރިޔާ ސްކީމްގެ ދަށުން ދޫކޮށްފައިވާ ފްލެޓްތަކުގެ ދާއިމީ ލިސްޓަށް ޝަކުވާ ހުށަހަޅަން ވެސް މިއަދު ހުޅުވާލުމާ އެކު އެެއް ފަހަރާ ގިނަ ބަޔަކު އެ ޕޯޓަލް އަށް ވަންނަމުން ދާތީ އެވެ.
"މިހާރު"ން ބެލިއިރު، އީފާސްގެ ޕޯޓަލްގެ އޯޓީޕީ އެކްސްޕެއާވުމުގެ ކުރިން ނުލިބެ އެވެ. ފޯނު ނަންބަރަށް ލިބެނީ ވެސް ވަރަށް ލަހުންނެވެ. ބައެއް ފަހަރު، އެކްސްޕެއާ ވުމުގެ ކުރިން އީމެއިލް އަށް އޯޓީޕީ ލިބެ އެވެ. ބައެއް ފަހަރު ނުލިބެ އެވެ.
އޯޓީޕީގެ މައްސަލަ އާއި ލޮގިން ވުމަށް ގިނަ ވަގުތު ނެގުމާއި ފޯމު ހުށަހަޅަން އުޅުމުގެ ތެރޭގައި ޕޯޓަލް ކްރެޝްވާ ކަމަށް ވެސް ވެ އެވެ.
ޓެކްނޮލޮޖީއާ ބެހޭ މިނިސްޓްރީގެ ސްޓޭޓް މިނިސްޓަރު މުހައްމަދު ޝަރީފް ވިދާޅުވީ އީފާސްގެ އޯޓީޕީގެ ފޮނުވަނީ ދިރާގުގެ އޯޓީޕީ ސާވިސް މެދުވެރިކޮށް ކަމަށެވެ. ނަމަވެސް، މިއަދު އެ ހިދުމަތަށް މައްސަލައެއް ދިމާވެގެން އޯޓީޕީ ފޮނުވުމުގައި ދަތިތަކެއް އުޅޭ ކަމަށް އޭނާ ވިދާޅުވި އެވެ.
"އަޅުގަނޑުމެން ދިރާގާ ގުޅިގެން އެ މައްސަލަ ހައްލުކުރަން މި އަންނަނީ މަސައްކަތް ކުރަމުން. މިއަދު އިރާދަކުރެއްވިއްޔާ އެ މައްސަލަ ރަނގަޅުވާނެ،" އޭނާ ވިދާޅުވި އެވެ.
ޝަރީފް ވިދާޅުވި ގޮތުގައި، ސަރުކާރުގެ ހައުސިން ސްކީމްތަކަށް ފޯމު ހުށަހެޅުމަށް އީފާސް ލޮގިން މެދުވެރިކޮށް ޕޯޓަލްތަކަށް ވަނުން ވަރަށް ބޮޑަށް އިތުރުވެ، އީފާސްގެ ލޯޑު ވަނީ ބޮޑުވެފަ އެވެ. މިދިޔަ ތިން ދުވަހުގެ ތެރޭގައި އެންމެ ބާރުބޮޑުވީ ވެސް ސަރުކާރުގެ ގެދޮރުވެރިޔާ ޕޯޓަލް އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށަހާ
06 November 2023
ފޭސް ވެރިފިކޭށަން ހިސާބުން ނުވަދެވިފަ. އެތައް ދުވަހަކަށްފަހު ވަންނަން އުޅެ އޯޓީފީ ލިބޭއިރަށް އެ ޖެހޭގޮތެއްނުވެ؛ އަނެއްކާ އޮޓަމެޓިކަލީ ލޮގިންވާން ރިކުއެސްޓް އަންނަނީ.
އޮނަރަބްލް އަފީފު ދީދީ
06 November 2023
ފުލެޓް ވައްކަމަކީ މަޖިލިސް މެންބަރުންނާއި ސަރުކާރުހިންގާން ތިބޭމީހުން ގުޅިލާމެހިގެންހިންގާކަމަކަށްވާތީ ޕްރޮޕަޓީ ޤާނޫނެއްގެދަށުން "ސޯޝަލް ހައުސިން ސްކީމް" ގެތެރެއިން ރައްޔިތުމީހާހޯދާ ފުރަތަމަބިމާއި ފުލެޓުން ޓެކްސްފްރީކޮށް އޭނާ މިލްކުކުރާ 2 ވަނަ ގޯއްޗާއިފުލެޓުން %50 ޓެކްސް އަދި އިތުރަށްހޯދާ ކޮންމެފުލެޓަކާއި ބިމުން %100 ޓެކްސް ނަގަންނިންމާ ދައުލަތުގެ ހައުސިންގ ސްކީމަށް ދޮގުމައުލޫމާތުދީ އެކަމަށްއެހީތެރިވުމަކީ ޖިނާޢީކުށެއްކަމަށް ޤާނޫނުގައި ކަޑަނާޅަނީ.
އައްލާމް
05 November 2023
އީމެއިލްގެ ޒަރިއްޔާއިން އަދިވެސް ލިބެއެވެ. -ކޮންސަރންޑް ރީޑަރ
އަސްލުގ
05 November 2023
ތި އެޕަކުން މައިންބަފައިންނާއި، ދަރިންގެ މައުލޫމާތުވެސް ނުފެންނަތާ ކިތައްމެދުވަހެއް ؟
ބޒބސބ
05 November 2023
އީފާސް ވެސް. އެންސީ އައިޓީވެސް ބަހެއްނާހާ. ދިވެހިންގެ ޑޭޓާތައް އިޒުރަށްދިނީ އަހާވެސްނުލާ. އަނގާވެސްނުލަ. ޑިމޮކިރަސީ
ޗަރުކޭސް
05 November 2023
މިހެންވެ އޮންލައިން ހިދުމަތްތަކަށް އިތުބާރު ނުކުރެވެނީ
ޖޯއި
05 November 2023
އޯޓީޕީސިސްޓަމުގެ ނެތެއްނުން އެއްވެސް ވަރެއް. އެއީ މުއްސަދިންކޮޅު އުޅެލީމައި ވީގޮތް، އަދިކޮބާ ގިނަރައްޔަތުން ކޮޅެ އުޅެލީމާ ވާނެ ވަރު.
ވިކިލޅީކްސް
05 November 2023
ގެދޮރުވެރިޔާ ޕޯޓާލް ޑައުން ވެއްޖެ
އއމނ
05 November 2023
އީފާސް މުޅިން ވެސް ތިހާލު. ކީއްވެބާ އިރު އިރު ކޮޅާ ފޭސް ވެރިފިކޭޝަން ވެސް ކުރަން ޖެހެނީ. އެޕުން ވަދެވޭ ފަހަރަށް ވުރެ ގިނައީ ނުވަދެވޭ ފަހަރު. އީފާސް ވެބްސައިޓުން ވެސް ވަދެވެނީ ހިތަށް އެރިއްޔާ.
ނޫޅެން
05 November 2023
މީގެ 2ހަފްތާ ކުރިންވެސް ހަމަ މިކަން ދިމާވި. ވަރަށް އުނދަގުލުގަ އުޅުނިން. އެކަމަކު މިއަދުގެ ވިނަރެސް ކަންތަކުގަ ކަންނޭނގެ ގިނަ މީހުންނަށް މީގެ ކުޅި ސަމާ މި ފެނުނީ