ސްކޭމްތައް އިތުރުވެ ދެ ހަފްތާ ތެރޭ 500،000 އަށް ވުރެ ގިނަ ރުފިޔާ ފޭރިއްޖެ

ނުދަންނަ ނަމްބަރަކުން މީހެއްގެ ފޯނަށް ގުޅަނީ.--

ފާތިމަތު އަޖްފާން، މިހާރު

09 ނޮވެމްބަރ 2023 - 17:39

މިދިޔަ ދެ ހަފްތާ ސްކޭމްގެ މައްސަލަތައް ވަރަށް ބޮޑަށް އިތުރުވެ އެ މުއްދަތުގައި 500،000 އަށް ވުރެ ގިނަ ރުފިޔާ އެކި މީހުންގެ އަތުން ފޭރިއްޖެ އެވެ.

ފުލުހުންގެ އޮފިޝަލަކު "މިހާރު" އަށް ވިދާޅުވީ މިދިޔަ ދެ ހަފްތާ ސްކޭމްގެ 65 މައްސަލަ ހުށަހަޅާފައިވާ ކަމަށެވެ. އެ މައްސަލަތަކުގައި ޖުމްލަ 533،000ރ. އެކި މީހުން އަތުން ގެއްލިފައިވާ ކަމަށް ވެސް އެ އޮފިޝަލް ވިދާޅުވި އެވެ.

ސްކޭމްތަކުގެ ތެރޭގައި އެންމެ ގިނައީ ސޯޝަލް މީޑިއާ އެކައުންޓްތައް ހެކްކޮށްގެން ހިންގާފައިވާ ސްކޭމްތަކެވެ. އޭގެ 15 މައްސަލައެއް ހިމެނޭއިރު ބޭރު ފައިސާ ގަނެވިއްކުމުގެ ނަމުގައި ހިންގާފައިވާ ސްކޭމްތަކާއި އޮޅުވާލައިގެން މުދާ ނަގައި ފައިސާ ނުދިނުމުގެ މައްސަލަތަކާއި ތަކެތި ވިއްކާ ކަމަށް ބުނެ ފައިސާ އަތުލުމަށް ފަހު މުދާ ނުދިނުމުގެ މައްސަލަތަކާއި ރައްޓެއްސެއްގެ ނަމުގައި އޮޅުވާލައިގެން ފައިސާ ހޯދުމާއި ފޭކް ޓްރާންސްފާ ސްލިޕް ފޮނުވުމުގެ މައްސަލަތައް ވެސް ހިމެނެ އެވެ.

މި ކަންކަމުގެ އިތުރުން އެކި ލިންކްތައް ބޭނުންކޮށްގެން ހެކް ކޮށްފައިވާ ބައެއް މައްސަލަތަކާއި އޯޓީޕޯ ކޯޑު ހޯދައިގެން ހިންގި ސްކޭމްތައް ވެސް ހިމެނެ އެވެ. އަދި ކުންފުންޏަކުން ގުޅައިގެން ކަމަށް ބުނެ އާއި އާއިލާ މީހަކަށް ވެގެންނާއި ޕްރޮމޯޝަނެއްކަމަށް ބުނެ އޮޅުވާލައިގެން ފައިސާ ހޯދި މައްސަލަ ވެސް ހިމެނެ އެވެ.

އޮޅުވާލައިގެން ފައިސާ ހޯދުމަށް ބަޔަކު ފޮނުވާ ސައްހަ ނޫން މެސެޖުތަކާއި ފޯނުކޯލުތަކަށް ސަމާލުވެ، އެފަދަ މެސެޖުތަކާއި ކޯލުތަކަށް ޖަވާބު ނުދިނުމަށް ފުލުހުން ވަނީ އެދިފަ އެވެ. އަދި އެފަދަ ކަމެއް ވެއްޖެ ނަމަ ފުލުހަށް ރިޕޯޓު ކުރުމަށް ވެސް ވަނީ އެދިފަ އެވެ.

ސްކޭމްތައް ގިނަވެ، އެކަން ގައުމީ ބޮޑު މައްސަލައަކަށްވެ، ދައުލަތުގެ އިދާރާތަކުގެ ސަމާލުކަމަށް އެކަން އައުމާ ގުޅިގެން އެކަން ހައްލުކުރުމަށް މީގެ ކުރިން ފިޔަވަޅުތަކެއް ވެސް އެޅި އެވެ. އޭގެ ތެރޭގައި ޖަލުގައި ޖޭމަރު ހަރުކުރުމާއި ފޯން ސިމް ނެގޭވަރު ލިމިޓް ކުރުން ހިމެނެ އެވެ.

ސްކޭމްތައް ގިނަވެ ބޭންކްތަކުން ސަލާމަތީ ފިޔަވަޅުތައް ވަރުގަދަކުރުމާ އެކު އާންމުން ހޭލުންތެރިކަން އިތުރުކުރަން ފެށި މަސައްކަތާ އެކު ސްކޭމްތައް މަދުވިކަން ފާހަގަވި އެވެ.

ފުލުހުން ބީއެމްއެލް އޮޅުވާލައިގެން ފައިސާ ހޯދުން

23 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރޭވަ

12 November 2023

މިއީ ޑުރަގު ފަދަ މައްސަލައެކެވެ. ޑުރަގު ވެސް ހުއްޓަން ބޭނުންވާނަމަ ހުއްޓުވޭނެ މިސާލު ސިންގަޕޫރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބޫޖީ

11 November 2023

ވެރިކަމުން ފައިބަމުން އެދަނީވެސް އާރެކޯޑެއް ހަދާލާފަ ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު33

10 November 2023

ހިސާބަށވުރެން މީހުންގެ ގަމާރުކަންބޮޑުވީމަ އަދި އަމިއްލައެދުން ބޮޑުވީމަ ވަގުންގެ މަޅީީގައި ފަސޭހައިން ޖެހެވެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

10 November 2023

މިދިޔަ ދެ ހަފްތާ ގަ ސްކޭމް ކޮށް 500،000 އަށް ވުރެ ގިނަ ރުފިޔާ އެކި މީހުންގެ އަތުން ފޭރިއްޖެ އެވެ. އެކަން ކުރާ މީޙޫން އެބަ އެނގެ އެވެ. ބަގަށް ނަގާ ފައިސާ ޖަމާ ވާ އެކައުންޓް ވެސް އެބަ އެނގެ އެވެ. އަދި ޖަމާވާ އެކައުންޓުން ފައިސާ ނަގާ ފަރާޓް ވެސް އެނގެ އެވެ. އެކަމު ތަހުގީގު ކޮށް ނުނިމެ އެވެ. އަދި ފައިސާ އެއްވެސް ނުލިބެ އެވެ. ވަގައްނެގި ފައިސާ ޖަމާވި އެކައުންޓް ގެ މައުލޫމާތު ދޭން ބުނީމަ ވެސް ނުދެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެ،މި

10 November 2023

އެއީ ފުލުހުންނާވެސް ގުޅިގެން ކުރާބޮޑެތި ވައްކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބސވސ

10 November 2023

ގުޅާމީހަގެ ނަމްބަރ އެނގޭ .. ލޮކޭޝަން އެނގޭ. ފިޔަވަޅު ނާޅާތިބެ އާއއމުން ސަމާލުވާށޭކިޔަކަށް ކަމަކު ނުދާނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ީސިއުސހއހހ

10 November 2023

ކުރަނީ ކޮންބައެއްކަން ނޭނގިގެނެއް ނޫން ނުހުއްޓުވެނީކީ.. އިހުލާސްތެރިކަމެއް ނެތީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަިސުސހަޖއި

10 November 2023

ސުކޭމް ހިންގަނީ ޖަލުން. ހޯމް މިނިސްޓަރަށް މިކަން ނުހުއްޓުވުން.. ނަމަވެސް ދީނުގެ ދިފާއުގަޔޯ އުޅުއްވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުއްބުލްވަތަން

10 November 2023

މި ކުޑަކުޑަ ރާއްޖޭގައި 4 ލައްކަ މީހުންގެ ކަންކަން ނުބެލެހެއްޓޭ. ފުލުހުންނާ ސިފައިން ބޭރަށް ފޮނުވައިގެން ދެނީ ކޮން ތަމްރީނެއް؟ ދައުލަތުން އެތައް ފައިސާއެއް ކޮންމެ އަހަރަކު މި ދެ މުއައްސަސާއަށް ޚަރަދު ކުރާއިރު ޒަމާނީ ކުރިއެރުމެއް ނާދޭ. ޢިންޓެލިޖެންސޭ ކިޔައިގެން ކޮސް ގޮވަނީ. ތުންތުންމަތިން އަޑުއިވުނީމަ އިންޓެލްއަށް ކަމެއް އެނގެނީ. ލަދުން ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަމާޜު

10 November 2023

ކަލޯމެން ދިވެހިން މިނަށް ވުރެން ގަމާރު ވީމާ ވާނެ އެތި ތިވަނީ. ފުލުހުންވެސް ކުރާނެ ކަމެއް ތިޔަކު ނެތް. އަވަހަށް ބޮޑުލާރި ގަނޑެއް ހޯދަން ހަދައިގެން ގިނަފަހަރު ލަނޑު ލިބެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފްރްއިޑޭ

10 November 2023

ފުލުހުންނަށް ރިޕޯޓު ކޮށްގެން ކޮން ކަމެއްތަ ވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަދީޖާ އަޙްމަދު

10 November 2023

ބީ.އެމް.އެލް އެކައުންޓަކަށް ފައިސާ ޖަމާ ކުރަން ބުނަނީ . އެކައުންޓްވެރި ފަރާތް ވެސް އެނގޭ. މިކަން ކުރާ ބަޔަކު ނު ހޯދޭހާ މޮޅެ "ސްކޭމް" އެއް ނޫން މިއީ. ދިވެހި ފުލުހުންގެ ދުޅާ ކަމުން މިކަން ކުރާ ބަޔަކު ނުހިފިގެން މިއުޅެނީ .