ވިޔަފާރި / ދައުލަތުގެ ބަޖެޓް 2024

ދެ މަސް ދުވަހުގެ ކޭޝްފްލޯ މެނޭޖްކުރަން ގޮންޖެހުންތައް ވަރަށް ގިނަ: ޝަފީގު

ފިނޭންސް މިނިސްޓަރު ޑރ. މުހައްމަދު ޝަފީގު ބަޖެޓު ކޮމިޓީގައި ވާހަކަ ދައްކަވަނީ -- ފޮޓޯ: ނިޝާން އަލީ / މިހާރު

ފާތިމަތު ޝަނާ މުހައްމަދު، މިހާރު

20 ނޮވެމްބަރ 2023 - 16:34

ކުރިއަށް އޮތް ދެ މަސް ދުވަހުގެ ކެޝްފްލޯ މެނޭޖްކުރަން ވަރަށް ބޮޑެތި ގޮންޖެހުންތައް އެބަހުރި ކަމަށާއި އެކަން ހައްލު ކުރަން ބޭރުގެ ގައުމުތަކާ އެކު މަޝްވަރާތައް ކުރިއަށް ގެންދާ ކަމަށް ފިނޭންސް މިނިސްޓަރު ޑރ. މުހައްމަދު ޝަފީގު މިއަދު ވިދާޅުވެއްޖެ އެވެ.

މިނިސްޓަރު ކަމާ ހަވާލުވެވަޑައިގަތް ފަހުން ފުރަތަމަ ފަހަރަށް ވާހަކަދައްކަވަމުން، މިއަދު ބަޖެޓު ކޮމިޓީގައި ޝަފީގު ވިދާޅުވީ ކޭޝްފްލޯގެ ތާށިކަން ހައްލުކުރަން ކުރިއަށް އޮތް ދެ މަހު 200 މިލިއަން ޑޮލަރަށް ވުރެ ބޮޑު އަދަދެއް ބޭނުންވާ ކަމަށެވެ. ޝަފީގު ވިދާޅުވީ، ވީހާ ވެސް އަވަހަކަށް އެ އަދަދުތައް ހޯދުމަށް މަސައްކަތް ކުރަމުން އަންނަ ކަމަށެވެ.

"ވަރަށް ބޮޑެތި ގޮންޖެހުންތަކެއް އެބަހުރި. އަޅުގަނޑުމެން މިބަދަލަކީ މިހާރު ރާއްޖޭގެ ބޭންކްތަކާއި ޓީބިލްއަށް އިންވެސްޓް ކުރި ފަރާތްތަކާ ވާހަކަދައްކައިގެން އެންމެ ރަނގަޅު ގޮތެއްގައި މިދެމަހު ވެސް މެނޭޖްކުރެވޭތޯ. ސަރުކާރު ހަވާލުވިތާ މިއަދު މީ ތިން ވަނަ ދުވަސް. ބޮޑަށް ވާހަކަ މިދެކެވެނީ މެދު އިރުމަތީގެ ގައުމުތަކާ،" އޭނާ ވިދާޅުވި އެވެ.

ފިނޭންސް މިނިސްޓަރު ޑރ ޝަފީގު ބަޖެޓު ކޮމިޓީގައި ވާހަކަދައްކަވަނީ -- ފޮޓޯ: ނިޝާން އަލީ / މިހާރު

ޝަފީގު ވިދާޅުވީ، ހުވާކުރުމުގެ ރަސްމިއްޔާތަށް ބޭރުން ވަޑައިގެންނެވި ވަފުދުތަކާ އެކު ވެސް މިކަމުގައި މަޝްވަރާތައްކުރެއްވި ކަމަށެވެ. ބަޖެޓް ސަޕޯޓު ދޭން ބައެއް ގައުމުތަކުން ރަނގަޅު ރެސްޕޮންސެއް ލިބޭ ކަމަށް އޭނާ ވިދާޅުވި އެވެ.

މިނިސްޓަރު ވިދާޅުވީ، މިވަގުތު ރާއްޖޭގެ އިގްތިސާދީ ހާލަތު އޮތީ ބިރުގަންނަން ޖެހޭފަދަ ހާލަތެއްގައި ކަމަށާއި އިގްތިސާދީ ގޮތުން ދިމާވެފައިވާ މައްސަލަތައް ހައްލު ކުރުމަށް، މުހިއްމު ފިޔަވަޅުތަކެއް އެޅުމަށް ރޭވިފައިވާ ކަމަށެވެ. އޭނާ ވިދާޅުވީ، އެގޮތުން ސަބްސިޑީ ރީޕޯމު ކުރުމަށް ބަޖެޓުގައި އަޅަން ކަނޑައެޅި ފިޔަވަޅުތައް ވީ އެންމެ އަވަހަކަށް އެޅުމަށް މަސައްކަތް ކުރައްވާނެ ކަމަށެވެ.

ބަޖެޓު ފޮތުގައިވާ ގޮތުން އަންނަ އަހަރުގެ ޖުލައި މަހުގައި އެ ފިޔަވަޅުތައް އަޅަން ޖެހެ އެވެ. ސަރުކާރުން ދޭ ބައެއް ސަބްސިޑީތައް ޓާގެޓު ކުރުމުގެ ގޮތުން ބަޖެޓުގައި 600 މިލިއަން ރުފިޔާ ކަނޑައަޅާފައިވެ އެވެ. އަދި އާބާދީގެ 65 ޕަސެންޓަށް ސަބްސިޑީގެ ފައިދާ ލިބޭ ގޮތަކަށް ކަންކަން ރޭވިފައިވާ ކަމަށް ފިނޭންސް މިނިސްޓްރީން ބުންޏެވެ.

ފިނޭންސް މިނިސްޓްރީ ދައުލަތުގެ ބަޖެޓް ދައުލަތުގެ ބަޖެޓް 2024 ޑރ. މުހައްމަދު ޝަފީގް (ފިނޭންސް މިނިސްޓަރު)

13 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުކުނާ

22 November 2023

އެމް.އެމް އަށް ލިބޭ ޑޮލަރުކޮޅު ބޭންކްތަކަށް ދީ ދަށުން ދަމާ ކުޅެނީ! ފުލުހުން، ޕޮލިޓިކްސް ވެފައި، ގައުމަށް ނުކަތާވަރުގެ ޤާނުނުއަކާއި އަދި ޤަވާއިދު ހެދިހެދީމުންގޮސް %85 ފުލުހުންނަކަށް ޤާނުނު އަދި ޤަވާއިދެއް ނޭގޭ! ފުލުހުންގެ ޙަރަދު އެހާ ބޮޑު އަދި ޕްރޮޖެކްޓްތަކުން ދަށުންދަމާ އެވަރަށް ކުޅޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޯޓޮމާޓޯ

21 November 2023

ބަހަނާ އަޑު އަހާ ހިތެއްނުވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

21 November 2023

ތިޔަ ކޭޝްޕްލޯ ހަމަޔަކަށް އެޅޭނެ މިކިޔާ "ފުށިދިއްގަރުފަޅު" ޕްރޮޖެކްޓް އަދި ހޯލްޑްކޮށްލިއަސް އަދި މިވަގުތު ދައުލަތުން ހިންގަންފަށާފައިވަ ބޯހިޔާވަހިކަމުގެ ކަންކަަމަށް ފޯކަސް ކުރިއްޔާ ރަގަޅު ވާނެ. މިއީ އަމިއްލަ ވައުދުތައް ހިންގަން ނޫޅޭ ދައުލަތައް އެންމެ ފަސޭހަވާނެހެން ކަނަކްނ ކުރަންވި ވަގުތު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދުން

21 November 2023

ކޭސްފުލޯ ނުކިޔާ މިވަގުތަށް އިތުރު ޕުރޮޖެކްޓް ނުފާށައި މަޑުކޮށްބަލަ.ވެރިކަމުގެ ދަހިވެތި ކަމުގައި މިހާރު ތި ވިސްނަނީ އަނެއްކާވެސް ކުރިއަށް އޮތް ފަސްއަހަރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތާހިތު

20 November 2023

ވެރިކަމުން ފައިބާއިރު އެކަމާ ޒިންމާކުރުވަާ ގޮތަށް ކަންކަން ކުރުން ކިހިނެއްވާނެ. ކުރެވޭނެ ކަމެއްބާ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއައު

20 November 2023

ހިނގާ އަނެއްކާވެސް ބޮޑު ހަރަދެއްކޮށްލާފަ ޖަލްސާއެއް ހަފްލާއެއް ކަހަލަ އެއްޗެއް ބާއްވަން. ނޫނީ އައު މިނިސްޓްރީއެއް އުފައްދަން. އޭރުން ތިޔަކަން ހައްލުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

20 November 2023

ގައުމު ދަރަނިވާނެތާ... ވެރިކަމުގެ ފަހު ތަޅާލުމުގައި ބަޖެޓަކަށް އެހެން އެއްޗަކަށް ބެލުމެއްނެތި ބިން ހިއްކުމާ މުސާރަ ބޮޑުކުރުމާ ޕްރޮމޯޝަނާ ބެހީ. މަހުގެ އަގު 17ރ އިން 25ރ އަށް ބޮޑުކުރީ ލޯނަކުން. އަދި ނުވިތާކަށް ބަޔަކު ރިޓަޔާވެސް ކޮށްފި. މިހުރިހާ ކަމެއް ރިވިއުކުރަން އެބަޖެހޭ.