ވިޔަފާރި / ވެލާނާ އިންޓަނޭޝަނަލް އެއާޕޯޓް

އެއާޕޯޓުގެ ފިއުލް ހައިޑްރަންޓް ނެޓްވޯކް ޓެސްޓުކުރަން ފަށައިފި

ފިއުލް ހައިޑްރަންޓް ނެޓްވޯކުގެ ރަންވޭގައި އިންސްޓޯލްކޮށްފައިވާ ޕައިފެއް -- ފޮޓޯ: އެމްއޭސީއެލް

ފާތިމަތު ޝަނާ މުހައްމަދު، މިހާރު

22 ނޮވެމްބަރ 2023 - 11:51

7 comments

ވެލާނާ އިންޓަނޭޝަނަލް އެއާޕޯޓުގެ ފިއުލް ހައިޑްރަންޓް ނެޓްވޯކް ޓެސްޓުކުރަން ފަށައިިފި އެވެ.

އެއާޕޯޓު ހިންގާ އެމްއޭސީއެލް އިން ބުނީ، އާ ފިއުލް ފާމާ އެކު ހެދި ހައިޑްރަންޓް ނެޓްވޯކް ޓެސްޓުކުރުމަށް ފަހު ބޭނުންކުރަން ފަށާނީ އަންނަ އަހަރު ކުރީކޮޅު ކަމަށެވެ.

މި ހައިޑްރަންޓް ނެޓްވޯކް އަޅާފައިވަނީ، ރަންވޭގެ އަޑިން ހޮޅިތަކެއް އަޅައިގެންނެވެ. ފިއުލް ހައިޑްރަންޓް ނެޓްވޯކާ އެކު ތެޔޮ އެޅުމުގެ މަސައްކަތް 70 ޕަސެންޓަށް އަވަސް ވާނެ ކަމަށް އެމްއޭސީއެލް އިން ބުނެފައިވެ އެވެ. ކުރިން ވައިޑް ބޮޑީ އެއާކްރާފްޓަކަށް ތެޔޮ އެޅުމަށް ގަޑިއެއްހާ އިރު ހޭދަވާއިރު ފިއުލް ހައިޑްރަންޓް ނެޓްވޯކާ އެކު އެކަމަށް ހޭދަވާނީ 15 ވަރަކަށް މިނެޓު ކަމަށް ބުންޏެވެ.

އެމްއޭސީއެލްގެ އާ ފިއުލް ފާމް.

މިހާރު މަތިންދާބޯޓުތަކަށް ތެޔޮ އަޅަނީ ފިއުލް ފާމުން ތެޔޮ ބައުޒަރުތަކަށް ތެޔޮ އަޅައިގެން އައިސް އެވެ.

އެމްއޭސީއެލް އިން ބުނީ، މި ނެޓްވޯކް ބޭނުންކުރަން ފެށުމާ އެކު އާ ފިއުލް ފާމްގެ ބޭނުން އެއްކޮށް ކުރަން ފެށޭނެ ކަމަށެވެ.

އެއާޕޯޓުގެ ކުރީގެ ފިއުލް ފާމްގެ ކެޕޭސިޓީއަކީ 15 މިލިއަން ލިޓަރެވެ. އަލަށް ހެދި ފިއުލް ފާމުގެ ކެޕޭސީޓީ ވަނީ 45 މިލިއަން ލިޓަރު އިތުރުވެފަ އެވެ. އެ ފާމްގައި ތެޔޮ ރައްކާކުރަން ތިން ޓޭންކް ހުންނާނެ އެވެ. އާ ފިއުލް ޓޭންކުތަކާ އެކު، ފިއުލް ފާމް ކެޕޭސިޓީ 60 މިލިއަން ލިޓަރަށް އިތުރުވާނެ އެވެ.

އާ ފިއުލް ފާމާ އެކު އެވްރެޖުކޮށް ދުވާލެއްގެ މައްޗަށް 1.5 މިލިއަން ލީޓަރު ދޫކުރެވޭނެ ގާބިލްކަން ލިބޭނެ އެވެ. ފިއުލް ފާމު ސަރަހައްދުގައި ތެޔޮ އުފުލާ ބޯޓުތައް ކައިރި ކުރުމަށް ހާއްސަ ފާލަމެއް ހުންނާނެ އެވެ.

ތެޔޮ ވެލާނާ އިންޓަނޭޝަނަލް އެއާޕޯޓް

7 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

22 November 2023

ރައީސް ސައުދީއަށް ކުރައްވަވާ ދަތުރުފުޅުގައި ޝޭޙަށް ދަންނަވައިގެން ރާއްޖޭގެ ސްޓޭޓް ވިޔަފާރިކުންފުނި STO އާއި ސައުދީގެ އެންމެމުއްސަނދި ވިޔަފާރިކުންފުނި ARAMCO އާއި ދެމެދު ތެލުގެއެއްބަސްވުމެއް އެކުލަވާލާ މާލޭ އެއަރޕޯޓާއި، ހަނިމާދޫ އަދި ގޭން އިންޓަރނޭޝަނަލް އެއަރޕޯޓްގައި 6 މަސް ދުވަހަށްބޭނުންވާ ޖެޓްފިއުލް ސްޓޯރކުރެވޭނެ ވަސީލަތް ޤާއިމްކޮށް ރާއްޖޭގެ އުތުރާއި މެދު އަދި ދެކުނުގައި ޕެޓްރޯލް، ޑީސަލް، ކަރާސީނު ތާނގީހަދާ ތެލުގެ ރިޒާވް ޔަޤީން ކުރައްވަން ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

22 November 2023

މާލޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

22 November 2023

ރާއްޖޭގައި ޖެޓްފިއުލް ވިއްކާ އަގު ބޮޑުވުމުގެ ސަބަބުން ގިނަ އެއަރލައިންތަކުން އަންނަނީ ދެކޮޅަށް ބޭނުންވާވަރަށް ތެޔޮ ލޯޑް ކޮށްގެން ކަމަށްވާތީ ފްރޭޓްކުރާ މުދަލާއި ޓިކެޓްގެއަގަށް އޭގެ އަސަރު ކުރޭ. # މިކަމަށް ހައްލުހޯދުމަށްޓަކާ މާލޭ އެއަރޕޯޓާއި އެއްވަރަށް ހަނިމާދޫ އަދި Gan International Airport ފިއުލް ސްޓޯރޭޖް ބޮޑުކޮށް ޒަމާނީ ފެންވަރަށް ތަރައްޤީކޮށް 6 މަސް ދުވަހަށް ރާއްޖެއަށްބޭނުންވާ ތެޔޮރައްކާކޮށް ފިއުލްފާމް ހިންގުމަށް އެސްޓީއޯ އާއި ޙަވާލުކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިބަންކަނޑާލާ

22 November 2023

އަވަހަށް ގޮސް ރިބަން ކަނޑާލާ! ވެރިކަމަށް ހަފްތާއެއް ނުވަނީސް އެއޮތީ ފިއުލް ފާމެއް ނިންމާލާފައި. ކިހާ އަވަސް ދޯ! އަލާއުއްދީނުގެ ވޮއްގަނޑު ގެންގުޅެންޏާ އަވަސް ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެސެޖު

22 November 2023

ބުރޯ. މިފިއުލް ފާމަކީ ޔާމީން ސަރުކާރުގައި ހަދާ ނިމިފަ އިން ތަނެއް. ވޭތުވެދިޔަ ފަސްއަހަރު ނާގާބިލު އިބޫއަށް މިތަން ހުޅުވަން ނޭގިގެން ބަހައްޓާފައިހުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއަލިމޯޑު

22 November 2023

ރިބަނެއްނޫން ބަނޑިޔާ ޖަހާފަ އެތާނގަ ނަށަންވެސް ނަށަންވީ.ވީއައިއޭގެ ފިއުލްފާމާއި ފިއުލް ހައިޑްރަންޓް ސިސްޓަމް އަޅަންފަށާ ބޮޑުބައި ނިންމީވެސް ޔާމީނުގެ ވެރިކަމުގަ. ނެގުނު ވެރިކަމުގަ ކުރަން ހަވާލުވި އަމީނީމަގާއި ބްރިޖު އެއޮތީ ފެންނަން ވާގޮތާއި ވެފައޮތް ގޮތް.