ގދ. ތިނަދޫ --
24 ނޮވެމްބަރ 2023 - 16:37
37 comments
އެންމެ ފަހުން ވެރިކަން ކުރެއްވި ރައީސް އިބްރާހިމް މުހައްމަދު ސޯލިހު (އިބޫ)ގެ ސަރުކާރުގެ އެންމެ ފަހު ދުވަސްކޮޅު ގދ. ތިނަދޫ، ސިޓީއަކަށް ބަދަލުކުރި ކުރުން މި ސަރުކާރުން ގަބޫލުނުކުރަން ނިންމާފައިވާ ކަމަށް ބުނެ ދަައްކާ ވާހަކަތައް ލޯކަލް ގަވަމެންޓް މިނިސްޓަރު އާދަމް ޝަރީފް މިއަދު ދޮގުކުރައްވައިފި އެވެ.
ރޭ ބޭއްވި އެމްޑީޕީ ގައުމީ މަޖިލީހުގެ ޖަލްސާގައި ހުޅުމާލެ ދާއިރާގެ މެންބަރު އަދި ލާމަރުކަޒީ ކޮމިޓީގެ މުގައްރިރު އަލީ ނިޔާޒް ވަނީ ތިނަދުއަކީ ސިޓީއެއް ކަމަށް ނިންމަވައި ކުރީގެ ރައީސް އިބޫ ނެރުއްވި ގަރާރު މި ސަރުކާރުން ބަަލައިގަންނަން ދެކޮޅު ހަދާފައިވާ ކަމަށް ލޯކަލް ގަވަމެންޓް އޮތޯރިޓީން އަންގާފައިވާ ކަމަށް ކައުންސިލުން ބުނެފައިވާ ކަމަށެވެ.
އެކަމާ ގުޅިގެން "މިހާރު" އިން ސުވާލުކުރުމުން އެކަން ދޮގުކުރައްވައި އާދަމް ޝަރީފް ވިދާޅުވީ، ރިޔާސީ އިންތިހާބުގެ ކެމްޕެއިން ދުވަަސްވަރު ތިނަދު އަށް ސިޓީގެ ދަރަޖަ ދޭން އެންމެ ފުރަތަމަ ވައުދުވެވަޑައިގަތީ މިހާރުގެ ރައީސް ޑރ. މުހައްމަދު މުއިއްޒު ކަމަށެވެ.
އެކަމަކު، ކުރީގެ ސަރުކާރުން އެކަން ކޮށްފައި ވަނީ ބަލަން ޖެހޭ ކަންކަން ނުބަލައި، ގާނޫނީ އިމުން ބޭރުން ކަމަށް އާދަމް ޝަރީފް ވިދާޅުވި އެވެ. މިނިސްޓަރު ވިދާޅުވީ، މިހާރު ކުރަމުން އަންނަނީ ގާނޫނީ އިޖުރާއަތުތަކަށް އެކަން ފެއްތުމުގެ މަސައްކަތް ކަމަށެވެ. އެކަމުގެ އިތުރު ތަފުސީލެއް އޭނާ ނުދެއްވަ އެވެ.
އެކަމާ ގުޅިގެން ތިނަދޫ ކައުންސިލްގެ ރައީސް ސައުދު އަލީ "މިހާރު" އަށް މިއަދު ވިދާޅުވީ، އެކި ފަރާތްތަކުން އެ ގަރާރު އެކި ގޮތަށް މާނަކުރަމުން ދާތީ އެ މައްސަލަ ރައްޔިތުން މަޖިލީހަށް ހުށަހަޅަން ނިންމާފައިވާ ކަމަށެވެ.
ތިނަދު އަށް އިބޫގެ ސަރުކާރުން ސިޓީގެ ދަރަޖަ ދިނީ މި އަހަރުގެ ރިޔާސީ ކެމްޕެއިންގެ ތެރޭގައި މިދިޔަ އޮގަސްޓް މަހުގެ 30 ވަނަ ދުވަހު އެވެ. އެކަމަކު، އިންތިހާބް ކާމިޔާބު ކުރެވިއްޖެ ނަމަ ތިނަދު އަށް ސިޓީގެ ދަރަޖަ ދޭން ރައީސް ޑރ. މުއިއްޒު އޭރު އޮތީ ވައުދުވެވަޑައިގެންފަ އެވެ.
ސިޓީއެއް ކަނޑައެޅުމުގެ ޝަރުތުގެ ގޮތުގައި އާބާދީގައި 10،000 ހަމަވުން ހިމެނޭ ނަމަވެސް، އެންމެ ފަހުގެ ބޯހިމެނުމުން ދައްކާ ގޮތުގައި ތިނަދޫގެ އާބާދީއަކީ 8،000 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަރެސްމާތޮޑާ ސިޓީ.
25 November 2023
މިއަތޮޅުގައި ސިޓީއެއް ހަދާނަމަ ބިން އޮތް ރަށެއްގައި ސިޓީއެއް ތަރައްޤީ ކުރުން މާ ރަނގަޅުވާނެ. އެފަދަ ފުރުސަތު އޮތީ ފަރެސްމާތޮޑާ ނުވަތަ ވާދޫ ފަދަ ރަށެއް ތަރައްޤީ ކޮށްބަލަ.
ޙަބީބު.
25 November 2023
ފިތުނަފަސާދަ އުފެއްދުން އެއީ ވަރައްބޮޑު ކުށެެއް
އަހުމަދު މުހައްމަދު އަލީ
25 November 2023
ފުރަތަމަ ވެސް ޤާނޫނާ ޚިލާފު. 10 ހާސް ތިބެން ޖެހޭ ކަމަށް ޤާނޫނުގަ އޮތިއްޔާ އެގޮތަށް ހިނގަން ޖެހޭނީ. ނޫނީ ޤާނޫނު ބަދަލު ކުރޭ. ޤާނޫނާ ޚިލާފަށް އެއްވެސް ކަމެއް ކޮށްފި ނަމަ އެކުރެވެނީ ކުށެއް. އެއީ ރައްޔިތުންނަށް ކިތަންމެ ފައިދާ ހުރި ކަމެއް ނަމަވެސް ޤާނޫނު ބުނާ ގޮތަކަށް އެމަގުން ހިނގަން ޖެހޭނީ . ޤާނޫނު މުގުރާފަ ބާރުގެ ބޭނުންކޮށްގެން ބިރުދައްކައިގެން ދޭތެރެ ޖައްސައިގެން ކުރަން އުޅޭ ކަމެއް ނަމަ އެކަން ވަގުތުން ހުއްޓާލާ
ކައްޓަލަ މާމަ
25 November 2023
ތިނަދޫގެ ފަހަތައް އިތުރުކުރަންވީ ސިޓީއެއް ނޫން ކުރިއަށް ލާންވީ ހަވަރު ، ހަވަރު ތިނަދޫ މިހެންކީމަ ލަދުގަންނަނީތަ.؟
އަބްޑޫޅް +
25 November 2023
މައް ބީރަށްޓެހީންނަށް މައް ބީރަށްޓެހީންގެ ދަރަޖަ ދިނީމަ މިކަހަލަ ކޫސަނި މައްސަލައެއް ނުޖެހޭނެ.
މަދިރި ބެ
24 November 2023
ޙަބަރުން ސާފުނުވީމަ، މިސަރުކާރުން އެ ދަރަޖަ ގެންދިޔަތަ ނޫނި ނުގެންދޭތަ. ދޮގުކޮށްފިޔާ ނުގެން ދަމޭ ބުނީމަ ސާފުވާނި
އާބާދީ
24 November 2023
ތިނަދޫގެ މިހާރުގެ އާބާދީއަކީ 8،000 ކަމައްވަންޏާ ފަސްއަހަރު ނިމޭއިރު އެއާބާދީ ހުންނާނީ 5،000 އާ 6،000 އާ ދެމެދުގަ. މިހާރު ކަންތައްތައް ހުރިގޮތުން މާލެސަރަހައްދުފިޔަވާ ރާއްޖޭގެ ހުރިހާ ހިސާބެއްގަވެސް އާބާދީ މަދުވާނީ. އެއްގޮތަކުން އެއީ ރަނގަޅަކައްވެސްވެދާނެ އެކަމަކު ރަނގަޅަކައްވާނީ ވަކިވަރަކައް އާބާދީ ދައްވުމުން އެއީ މީހުންނޫޅޭ ރަށެއްގެގޮތައް ކަނޑައެޅޭނެ އުސޫލެއްއޮވެގެން.
އަފްރާސިޔާބު
25 November 2023
ރަށް ރަށް ފަޅުކުރުމަކީ ބޭރުގެ ބާރުތަކަށް ރާއްޖޭގެ ރަށްތަކަށް ވެރިވެގަތުމަށް ދެވޭ ފުރުސަތެއް.
ގުދުގުދާބެއްޔާ
24 November 2023
ތީ މުއިޒް ކަންކުރާނެގޮތް! ހުޅުމާލެއިން ދިން ގޯތިތައްވެސް އަބުރާ ނަގަނީ! އަންހެނުންގެ ކޮމެޓީގެ މީހަކުބުނީ މުއިޒް ނަހަދާނެޔޯ ތެދެއް! އޭނާ ބުނާ ވާހަކަ އަންނާނީ އަބަދުވެސް އިދިކޮޅަށޭ!.
އައްބެ
24 November 2023
ތިނަދޫއަށް ޤާނޫނުގައި ބުނާ އާބާދީ ހަމަނުވަނީސް ސިޓީއެއްގެ ދަރަޖަ ދީފިނަމަ ކޮންމެރަށަކަށްވެސް ސިޓީގެ ދަރަޖަދެވިދާނެ.
ހަވަރު ތިނަދޫ
24 November 2023
މީހުން ތިބޭ މޭޒަށް އަރައި ދުފައި ކޮފީ ބޮއެ ބިލުނުދައްކާ ފިލާ މޭޔަރު އެއީ ކާކު؟
އެމްޑީޕީ މުގުނީ ގޮފި
25 November 2023
ތަޖުރިބާ ދަތުރޭ ކިޔައި މުޅި ރާއްޖެ ކުޑަކޮއް ކައުންސިލްގެ ތިބި އެންމެން ގޮވައިގެން ކައުންސިލް ބަޖެޓުން ހަރަދުކޮއް ދަތުރުކުރާ މޭޔަރަކީ ކާކޫ؟
ޝާމިލު
25 November 2023
ކޮންޑިޝަނަލް ގޯތި ދޭނަމޭ ބުނެ ރައްޔިތުން ގުބޯ ހެއްދި މޭޔަރު އެއީ ކާކު؟
ޙާލިދު
25 November 2023
ރައްޔިތަކު މޭޔަރަށް ހިޔާލެއް ދޭއިރަށް ތިއައްވުރެ ރަނގަޅު ވިސްނުމެއް ތިކަމުގައި ތިމަންނާ އެބަ ގެންގުޅެމޭބުނެ ކަން ކޮއްފަ ނުދެއްކޭ މޭޔަރަކީ ކާކޫ
މަންޒޫމު
25 November 2023
50000ރ މޭޒުމަތީގައި ބާއްވާއިރަށް ސިޓީގެ ކޮންމތާކުވިޔަސް ބޭނުންވާވަރުގެ ބިމެއް ބޭނުންވާ އަގެއްގަ ދޫކުރާ މޭޔަރަކީ ކާކޫ؟
ޢެމް އަލީ
25 November 2023
ރަށަށް އަރާހާ ބަޔަކު ލައްވާ ރުއްޖައްސުވާ ފޮޓޯނަގާ އެފްބީއައްލާ މީހުންނަށް ޓެގުކޮށް ރަށުކައުންސިލްގެ ރައިސްކަމަށް ހޮވުނު މޭޔަރަކީ ކާކު؟ މިހާރު އެރުއްތަށް ކޮބާ؟
ރައްޔިތު ގާޑިޔާ
25 November 2023
ރައްޔިތު ގަޑިޔާއޭ ކިޔާފަ ރައްޔިތުންނާ ބައްދަލު ކުރަން ގަޑިއެއް ހެދީމާ އެއްވެސް ރައްޔިތަކު ބައްދަލުވުމަށް ނުދިއުމުން ބައްދަލުވުން ފެށިނީ ބައްދަލުވުން ނިމުނީއޭ ބުނާ މޭޔަރަކީ ކާކު؟
ޒާހިރް
25 November 2023
އަންހެނުންގެ ކޮމެޓީއަށް ލިބޭ ކްރެޑިޓާއި ހިލޭ އެހީ ކާލާ މޭޔަރަކީ ކާކު؟