މިނިސްޓަރުންގެ އެހެން ގައުމެއްގެ ޕާސްޕޯޓް ނެތްކަން ކަށަވަރުކުރަނީ

ކެބިނެޓްގެ ބައެއް މިނިސްޓަރުން: އެހެން ގައުމެއްގެ ޕާސްޕޯޓް އެއްވެސް ބޭފުޅެއްގެ އަތުގައި ނެތްކަން ކަށަވަރު ކުރަން މަޖިލީހުގެ ކޮމިޓީން ވަނީ ނިންމާފައި

ނާޒިމް ހަސަން، މިހާރު

27 ނޮވެމްބަރ 2023 - 12:03

49 comments

ރައީސް ޑރ. މުހައްމަދު މުއިއްޒުގެ ކެބިނެޓް މިނިސްޓަރުންގެ ގޮތުގައި އައްޔަންކުރެއްވި ބޭފުޅުންގެ ތެރޭގައި އެހެން ގައުމެއްގެ ޕާސްޕޯޓް އޮތް ބޭފުޅެއް ހިމެނޭތޯ ކަށަވަރުކުރަން ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން ނިންމައިފި އެވެ.

ގާނޫނުއަސާސީގައިވާ ގޮތަށް ކެބިނެޓް މިނިސްޓަރުންނަށް މަޖިލީހުގެ ރުހުން ހޯދުމަށް ފޮނުވާފައިވާއިރު، އެ މައްސަލަ ދިރާސާ ކުރުމުގެ މަސައްކަތް ކޮމިޓީން ވަނީ ފަށައިފަ އެވެ.

ކޮމިޓީން މިއަދު ބޭއްވި ބައްދަލުވުމުގައި މުގައްރިރު މާފަންނު ހުޅަނގު ދާއިރާގެ މެންބަރު މުހައްމަދު ފަލާހު ވިދާޅުވީ ވަރަށް ގިނަ ދުވަހު ރާއްޖޭން ބޭރުގައި ދިރިއުޅުއްވާފައިވާ ދެތިން ބޭފުޅުން މިނިސްޓަރުންގެ ގޮތުގައި އެބަ ތިއްބެވި ކަމަށާއި އެ ބޭފުޅުންގެ އަތުގައި އެހެން ގައުމެއްގެ ޕާސްޕޯޓް އޮވެދާނެ ކަމަށް ޝައްކު ކުރެވޭ ކަމަށެވެ.

ގާނޫނުއަސާސީގެ 130 ވަނަ މާއްދާގެ (ހ) ގައި މިނިސްޓަރުންގެ ޝަރުތުތަކުގެ ތެރޭގައި ދިވެހި ރައްޔިތަކަށް ވުމާ އެކު، އެހެން ގައުމެއްގެ ރައްޔިތަކަށްނުވުން ހިމަނާފައިވެ އެވެ.

މިނިސްޓަރަކު އެހެން ގައުމެއްގެ ޕާސްޕޯޓް ގެންގުޅުއްވާތޯ ސާފުކުރުމަށް އިމިގްރޭޝަންގައި ވެސް އެދިފައިވެ އެވެ. ނަމަވެސް، އެ އިދާރާ އިން ވަނީ އެއީ އެ ބޭފުޅުންގެ މެންޑޭޓް ތެރޭގައި އޮތް ކަމެއް ނޫން ކަމަށް ބުނެފަ އެވެ. އެހެންވެ، ހިތަދޫ މެދު ދާއިރާގެ މެންބަރު އަހުމަދު ރަޝީދު އެދިވަޑައިގަތީ މިނިސްޓަރުން ކޮމިޓީ އަށް ހާޒިރުކޮށްގެން ނުވަޔަ ލިޔުމަކުން ދަންނަވައިގެން އެކަން ސާފުކުރުމަށެވެ.

ނަމަވެސް، މިނިސްޓަރުންނަށް ރުހުންދޭ މަރުހަލާގައި އެ ބޭފުޅުންނާ އިންޓަވިއު ނުކުރެވޭނެ ކަމަށް ސުޕްރީމް ކޯޓުުގެ ހުކުމެއްގައި ކަނޑައަޅާފައި އޮވެ އެވެ.

ތުލުސްދޫ ދާއިރާގެ މެންބަރު އިބްރާހިމް ނަސީމް ހުށަހެޅުއްވީ ރައީސް އޮފީހަށް ލިޔުމަކުން ދަންނަވައިގެން މިނިސްޓަރުންގެ އެ މައުލޫމާތު ސާފުކުރުމަށެވެ. އެކަމަށް ތާއިދުކުރެއްވި މަޑަވެލި ދާއިރާގެ މެންބަރު ހުސެއިން ފިރުޝާން ވިދާޅުވީ އެހެން ގައުމެއްގެ ރައްޔިތެއްތޯ ކޮންމެހެން ކަށަވަރުކުރަން ޖެހޭ ކަމަށާއި ނަމަވެސް، އެކަން ކަށަވަރުކުރާނެ މަގެއް ގާނޫނުގައި ނެތް ކަމަށެވެ. އެހެންވެ، ފިރުޝާން ވެސް ހުށަހެޅުއްވީ ރައީސް އޮފީހަށް ދަންނަވައިގެން މިނިސްޓަރުންގެ އެ މައުލޫމާތު ސާފުކުރުމަށެވެ.

ކޮމިޓީން މިއަދު ނިންމީ މިނިސްޓަރުންނަށް ރުހުން ދިނުމާ މެދު ގޮތެއް ނިންމުމުގެ ކުރިން ރައީސް އޮފީހަށް ހުށަހަޅައިގެން މިނިސްޓަރުންގެ ރަށްވެހިކަމާ ގުޅޭ މައުލޫމާތު ސާފުކުރުމަށެވެ.

ކެބިނެޓް ރައްޔިތުންގެ މަޖިލިސް ރައީސް ޑރ. މުހައްމަދު މުއިއްޒު ސިޔާސީ މަގާމުތައް

49 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޚޮބާ ހަވަރޭ ލަތީފް

29 November 2023

ނެޝަނަލް ސެކުއުރިޓީ އެޑްވައިޒަރަކަށް ހުންނަ މީޙާ އަތުގަ އެހެން ޤައުމެއްގެ ޕާސްޕޯޓް އޮތްތޯ ބަލަން ޖެހޭ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

28 November 2023

ދިވެހީންގެ ތެރޭ އެބަ އުޅެޔޭ، ބޭރު ރަށްރަށުގެ ކާރު ދުއްވުމުގެ ލައިސަނާއި، ލޯރި ދުއްވުމުގެ ލައިސަނާއި، ބަޑި ގެންގުޅުމުގެ ލައިސަނު އޮތް މީހުންވެސް. އެފަދަ މީހުންވެސް ރާއްޖޭގަ މިނިޝްޓަރުންނަށް ވެވުނަ ދީގެން ނުވާނެ. އެ މީހންވެސް، ދަމާ ނެރެ، ހޯއް ގޮވާ، ފަލީހަތް ކޮށްލާ. ސާބަހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

28 November 2023

ދިވެހިރާއްޖޭގެ ރައްޔިތުން ކުރެ، ވަރަށް ގިނަ މީހުންގެ ދިވެހި ޕާސްޕޯޓެއް ނޯވޭ. އޭގެ ތެރެއިން ގިނަ މީހުން ދުވަހަކުވެސް ޕާސްޕޯޓެއް ނުހައްދާ. ވީމާ ޕާސްޕޯޓު އޮތުމާ، ނެތުމަކީ، ރައްޔިތުކަން ސާބިތު ކުރެވޭ ކަމެއް ނޫން. ޕާސްޕޯޓު ބޭނުންވަނީ، ހަމަ އެކަނި (ބައެއް) ސަރަހައްދީ ރޮނގު ހުރަސްކުރުމަށް. ވީމާ ރާއްޖޭގެ މިނިސްޓަރަކު ހުރެދާނެ، ބޭރު ދައުލަތެއްގެ ޕާސްޕޯޓެއް ނެތި، ބޭރު ދައުލަތެއްގެ ރައްޔިތަކަށްވެފަ. ޕާސްޕޯޓަކި، ހަމައެކަނި ދަތުރުކުރުމަށް ބޭނުންވާ ލިޔުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

28 November 2023

ވަޒީރުންނަކީ "ރައީސް އަންގަވާ ގޮތަކަށް" ކަންކަން ކުރަަން ތިއްބަވާ ބައެއް. އެކަމަކު ރާއްޖޭގެ ފަރާތުން ޤައުމުތަކަށް ފޮނުވާ އެމްބެސެޑަރުންނަކީ އެޤައުމު ތަކުގައި ދައުލަތްވެސް ތަމްސީލު ކުރާ މީހުން. # އެމްޑީޕީގެ ވެރިކަމުގައި އިޤިރޭސިވިލާތުގައި "ރަށްވެހިވެ ދިރިއުޅޭ" ދިވެހިރާއްޖެއަށް އުފަން "އިޤިރޭސި ރަށްޔިތަކަށް" ކޮންމެފަހަރަކު އިޤިރޭސި އެމްބެސެޑަރ ކަމުގެ މަޤާމް ދެއްވަނީވެސް އެވާހަކަ ޤއ ގައި އެގޮތަށް އެކަންކުރަން އަމުރުކޮށްފައި އޮތުމުންތޯ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޭމުގޭ އަހައްމާދީ

28 November 2023

2028ގަ ޗެކްކުރަން މަޑުކޮށްލަންވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަހަހަ

28 November 2023

ބަލަ ޕާސްޕޯޓު ދޫކުރުމާ ރައްޔިތުކަން ދޫކުރުމަކީ ދެކަމެއް. ގއ ގަ އޮންނަނީ އެހެން ގައުމެއްގެ ރައްޔިތަކަށް ވެގެން ނުވާނެއޭ. ޕާސްޕޯޓު ދޫކުރިއަސް އެ ޝަރުތު ފުރިހަމައެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮކ

27 November 2023

ބޭރު ޤައުމެއްގެ ރައްޔިތަކަށް ނުވިޔަސް ޕާސްޕޯޓް ލިބޭ ޤައުމުތައް ހުރޭ ބޯބުރާންތިތަކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކަމޫން

27 November 2023

ތިގަވައިދު އުވާލަންފެނޭ. ދިވެހިޕާސްޕޯޓެއް އޮތީވިއްޔާ އެމީހަކު ވާނީ ދިވެއްސަކަށް. އިތުރުގައުމެއްގެ ޕާސްޕޯޓެއް އޮތީވިއްޔާ ދިވެއްސަކަށް ނުވަނީތަ؟ ވަޒީރުކަމުގެ ހުވާކުރީމާ އެނިމުނީނު؟