ގެދޮރުވެރިޔާ މަޝްރޫއުގެ ފުރަތަމަ 4000 ޔުނިޓު ހިމެނޭ ޓަވަރުތައް --
27 ނޮވެމްބަރ 2023 - 13:39
70 comments
ގެދޮރުވެރިޔާ ސްކީމްގެ ދަށުން މިދިޔަ ސަރުކާރުން ދޫކުރަން ނިންމި ފްލެޓްތަކާ މެދު އަމަލުކުރާނެ ގޮތެއް 20 ދުވަސް ތެރޭ އަންގާނެ ކަމަށް އެންޓިކޮރަޕްޝަން ކޮމިޝަން (އޭސީސީ) ހަވާލާދީ ހައުސިން މިނިސްޓަރު ޑރ. އަލީ ހައިދަރު އަހްމަދު މިއަދު ވިދާޅުވެއްޖެ އެވެ.
ކުރީ ސަރުކާރުން އިއުލާންކުރި ގެދޮރުވެރިޔާ ސްކީމްގެ ދާއިމީ ލިސްޓުގައި ފްލެޓަށް ޝަރުތު ހަމަވާ 13،000 މީހުން އެބަ ތިއްބެވެ. ނަމަވެސް ވެރިކަން ނިމުމުގެ ކުރިން، އޭގެ ތެރެއިން ފްލެޓް ލިބޭ 4،000 މީހުން ކަނޑައަޅައި ލިބޭ ފްލެޓް ވެސް ވަނީ ކަނޑައަޅައިފަ އެވެ. މިކަން ކުރި ގޮތާ މެދު ހިތްހަމަނުޖެހި 7،000 އަށް ވުރެ ގިނަ ޝަކުވާ ހުށަހަޅާފައިވަނިކޮށް ފްލެޓު ދޫކުރުމުގެ ކަންކަން ހުއްޓާލުމަށް އޭސީސީން ވަނީ އަންގައިފަ އެވެ.
ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީގައި މެންބަރުން ކުރި ސުވާލުތަކަށް ޖަވާބުދެއްވަމުން ހައިދަރު ވިދާޅުވީ، އޭސީސީގެ ތަހުގީގުގެ ފުރަތަމަ މަރުހަލާއަށް 20 ދުވަސް ހޭދަވާނެ ކަަމަށް އަންގާފައިވާ ކަމަށެވެ. ނަމަވެސް، އެ ތަހުގީގުގެ ތެރެއިން ޖިނާއީ ތަހުގީގެއް ކުރަން ޖެހިއްޖެ ނަމަ އެއަށް ވުރެ ގިނަ ދުވަސް ވެދާނެ ކަމުގެ އިޝާރާތެއް އޭނާ ވަނީ ދެއްވައިފަ އެވެ.
ހައިދަރު ވިދާޅުވީ މި ސަރުކާރުން ވެރިކަމަށް ހަވާލުވިއިރު އެ މަސައްކަތް ހުއްޓާލަން އޭސީސިން އަންގާފައި އޮތުމުން އެކަމާމެދު ކަންބޮޑުވުން ފާޅުކޮށްފައިވާނެ ކަމަށާއި އެކަން އަލުން ފެށޭނެ ގޮތެއް ހޯދުމުގެ މަސައްކަތް އަދިވެސް ކުރަމުން އަންނަ ކަމަށެވެ.
އަޅުގަނޑުމެންގެ އަތް ބަނދެވިފައި މިއޮތީ އަޅުގަނޑުމެން ވެރިކަމަށް އައިރު އޭސީސީއިން އެކަން ހުއްޓުވާފައި އޮތީމާ: ހައިދަރު
އޭސީސީގެ ތަހުގީގަށް ބޭނުންވާތީ ފްލެޓް ޕޯޓަލްގެ ހުރިހާ ފޯމުތަކާ ލިޔުންތަކެއް ފެންނަ ގޮތަށް އޭސީސީއަށް އެކްސެސް ދީފައިވާނެ ކަމަށާއި އުނިއިތުރު ނުގެނެވޭނެ ގޮތަށް އެކަން ހަމަޖައްސައިދީފައިވާނެ ކަމަށް ވިދާޅުވި އެވެ.
އޭނާ ވިދާޅުވީ އަމަލު ކުރާނެ ވަކި ގޮތެއް އެނގޭނީ އޭސީސީގެ ތަހުގީގު ނިމުމުން ކަމަށެވެ.
އެއްވެސް ބައެއްގެ ފްލެޓު އަތުލުމުގެ ވިސްނުން ނުގެންގުޅޭ ކަމަށާއި އޭސީސީން އަންގާ ގޮތަކަށް އަމަލު ކުރާނެ ކަމަށާއި ޝަރުތު ހަމަވޭތޯ ނުވަތަ ނޫންތޯ ވެސް ނިންމާނީ ވެސް އޭގެ ފަހުގައި ކަމަށް މިނިސްޓަރު ވިދާޅުވި އެވެ. ނަމަވެސް ޝަރުތު ހަމަވާ ނަމަ، ލިބޭނެ ކަމުގެ ޔަގީންކަން އޭނާ މިއަދު ވެސް ދެއްވި އެވެ.
ހައުސިން މިނިސްޓަރު ޑރ. ހައިދަރު.
މިއަދުގެ ކޮމިޓީގައި އެމްޑީޕީގެ ގިނަ މެންބަރުން ވަނީ ފްލެޓު މަސައްކަތް ހުއްޓާލުމަށް އެންގުމުގެ ބާރު ނުލިބޭނެ ކަމަށާއި އެކަން ކުރީ ގާނޫނާ ހިލާފަށް ކަމަށް ސިފަ ކޮށްފަ އެވެ. އަދި އެކަމަށް ހައުސިން މިނިސްޓްރީން އެއްބާރުލުން ދޭތީ ސުވާލު އުފައްދާފައިވެ އެވެ.
އެ ސުވާލަށް ތަކުރާރުކޮށް ޖަވާބުދެއްވަމުން ހައިދަރު ވިދާޅުވީ، އޭސީސީން އެ ނިންމުން ނިންމާފައި އޮތީ މިދިޔަ ސަރުކާރުގައި ކަމަށާއި އެކަމާ މެދު ކުރެވޭނެ ކަމެއް ނެތް ކަމަށެވެ.
"އަޅުގަނޑުމެންގެ އަތް ބަނދެވިފައި މިއޮތީ އަޅުގަނޑުމެން ވެރިކަމަށް އައިރު އޭސީސީން އެކަން ހުއްޓުވާފައި އޮތީމާ،" އޭނާ ވިދާޅުވި އެވެ.
ފުރަތަމަ 4،000 ފްލެޓް ލިބޭ މީހުން ކަނޑައެޅުން ހުއްޓާލަން އޭސީސީން އެންގި ފަހުން ވެސް ކުރީ ސަރުކާރުން ވަނީ އެކަން ކުރިއަށް ގެންގޮސްފަ އެވެ. އެކަމަކު ފަހުން ވަނީ މަސައްކަތް ހުއްޓާލިކަން އިއުލާނުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިޝާނީ
28 November 2023
ތި ކޮމިޝަންގެ މެމްބަރުން ތިއީ 4-6 މަސްދުވަހުން އެމް.އެމް.ޕީ.އާރް.ސީގެ މައްސަލަ ބަލައި ނިންމާނެކަމަށް ބުނެ މަޤާމާ ޙަވާލުވި މީހުން. މިހާރު ކިތައް މަސްދުވަސްވެއްޖެބާ. އެ މައްސަލަ ނިމުނީތަ މިހާރު. އެކަމާ ސުވާލެއް އުފައްދާނެ މީހަކު ވެސް ނެތްތަ؟ 20 ދުވަހުން މައްސަލަ ނިންމޭނެޔޭ ބުނާއިރު ތީ ރިއަލިސްޓިކް ވާހަކައެއްތަ؟
ހުކުމް
28 November 2023
އޭސީސީއަށް މިކަން ނުހުއްޓޭނެ ކަމަށް ބުނަނީ ކޮން ގާނޫނީ ބުރަދަނަކަށް ބަލައިގެންތޯޯ. ކޯޓުގެ ހުކުމުގައި އޮތީ ހިނގަމުންދާ ޕްރޮޖެކްޓް ނުވަތަ މަޝްރޫއު ނުހުއްޓުވޭނެ ކަމަށް. ފްލެޓް އެޅުމަކީ މަޝްރޫޢަކަށް ވިޔަސް އަޅާފައިވާ ފްލެޓް ބަޔަކަށް ދިނުމަކީ މަޝްރޫޢެއް ނޫން. އެއީ އެޑްމިނިސްޓްރޭޓިވް މަސައްކަތެއް. އެޑްމިނިސްޓްރޭޓިވް މަސައްކަތެއް ގޯސްކޮށް ހިނގާނަމަ އެކަން ހުއްޓުވުމުގެ ބާރު އޮންނާނެ. އެހެން ނޫނީ ކޯޓަށް އެ މައްސަލަ ހުށަހައިގެން ހުކުމެއް ހޯދާ.
ގަރާޖުސިޓީ
28 November 2023
ގަރާޖު ސިޓީއެއް ހޯދުމަށްވުރެ ފަސޭހައިން މާލޭގައި އުޅުނު ކަމުގެ ލިޔުން ލިބޭއިރު އެލިޔުމަކީ ޞައްޙަ ލިޔުމެއް ކަމަށް ބަލައިގެން ޕޮއިންޓް ދޭނަމަ ދުވަހަކުވެސް ހައްލެއް ނުފެންނާނެ. އެފަދަ ސިޓީއެއް ހުށަހަޅާނަމަ އެއާއެކު އެކަން ސާބިތުކުރެވޭނެ އެހެނިހެން ލިޔެކިޔުންތަކާއި އެނގޭނެ ގޮތްތައް ހުށަހަޅަންވާނެ. މާލޭގައި ނޫޅޭ މީހަކަށްވެސް މިކަހަލަ ލިޔުމެއް ހުށަހެޅިދާނެ. އަދި މީހާގެ އުމުރަށާއި މާލޭގައި ހޭދަ ކުރި މުއްދަތަކަށް ޕޮއިންޓް ނުދިނުމަކީ އިންސާފެއް ނޫން.
ކުމާރު 1
28 November 2023
މިދިޔަ ސަރުކާރު އަކީ ހަމަ އެއްކަމެއްވެސް ކުރަންއެނގުނު ބައެއްނޫން. ދައުރު ފަހުކޮޅަށް އައިސް ހައުސިންމިނިސްޓަރު ނުވެސް ފެނޭ އެއްވެސްވަރަކަށް. ވ ނާގާބިލު އަނގައިން ހިފަހައްޓައިގެން އުޅުނުބައެއް.
ހުސްނޫ
28 November 2023
ބަލަ ކޮބާތަ ރައީސް ޔާމީންސަރުކާރުން ފުލެޓް ލިބޭނެކަމުގަ ލިއުން ދީފައި ތިއްބާ އެލިއުމަށް ފުލެޓް ނުދީ ރައިސް ސޯލިހް ސަރުކާރުން ހިޔާ ފުލެޓް އެހެމިހެން ބަހާ ހުސްކުރީ އެވެސް އެތައްބައެއްގެ ޙައްގު ހަމަ އެ ލިއުން ދީފަ އެބަ ތިބި އެތައްބަޔަކު ދެން މުއިޒް ކެމްޕޭން ދުވަސް ވިދާޅުވީ ހިޔާ ފުލެޓްގެ ލިއުން ދީފަ ތިބި މީހުންނަ އިސްކަން ދޭނެކަމަށް ، މިހާރު އެވާހަކަ ނުވެސް ދައްކާ ވެރިކަން ލިބުނީމަ
އޭރުވެސް މިހާރުވެސް
28 November 2023
އޭރުވެސް ފްލެޓް ނުލިބުނީ މިހާރުވެސް ހުށަހަޅައިގެން އުޅޭ ގޮތަށް ލިޔުންތައް ހުށަހެޅި މީހުންނަށް. މިހާރުވެސް މީހުން މިއުޅެނީ އެގޮތަށް ހަމައެއް ލަމައެއް ލިޔުންތަކެއް ހުށަހަޅައިގެން ޕޮއިންޓްތަކެއް ހޯދައިގެން. ހުރިހާ އިރެއްގައިވެސް މިހެން އުޅޭ މީހުންނާހެދި އަސްލު ހައްގުވެރިންނަށް ފްލެޓް ނުލިބެނީ. މިމީހުންގެ ކިބައިން ސަލާމަތްވާނެ ގޮތަކަށް އުސޫލުތައް ހަދައިގެން ހަމަޖެހޭނީ.
ރާނީ
28 November 2023
ހައިދަރު އިސްތިއުފާ. ރާއްޖޭން ބޭރުގަ އުމްރުދުވަހު އުޅެފަ އައިސް ދިވެހިން ގެ އިހުސާސް ތަކާ ކުޅެނި
ސިޔާސީ ބޯވަ
28 November 2023
ޔާމީން ސަރުކާރު ނިމިގެން ދިޔައިރު ފްލެޓް ކޮމިޓީ ހަދަން ޖެހުނީ ފޯމްތައްވެސް ހުރީ އުކާފަ. މި ނިމިދިޔަ ސަރުކާރުވާ ޕޯޓަލްއެއް ހަދައި މީހުންނަށް ފަސޭހައިން ކަންކަން ކުރެވޭ ގޮތްވި އޭސީސީ އަށް އެކްސެސް ވެސް ފަސޭހައިން ދެވި އެމީހުންނަށްވެސް ނުޖެހޭނެ ގަނޑު ހާވަން ތިބޭކަށް އެޕޯޓަލްގައި އެވަނީ ހުރިހާ ލިޔެކިޔުންތައް ފަސޭހައިން ފެންނަން. މިކަން ފާހަގަ ކޮށްލާނެ މީހެއް ނެތް!! މިހާރުގެ މިނިސްޓަރުވެސް ނުބުނާނެ ރަނގަޅުކަމެއް!
ދުފާ
28 November 2023
ފޯމުތައް އުކާލީ އަސްލަންމެން އައިސް ފްލެޓްތައް ތަޅާނަމޭވެސް ބުނިދޯ. އެވަރުބަޔަކު ފޯމްތައްވެސް އުކާލާނީދޯ
ފަހި
27 November 2023
ސަރުކާރުން ރައްޔިތުންނަށް ޖެއްސުންކުރަނީ. މުއިއްޒު ވެއްޖެދޯ މިކަމަށް އެއްޗެއް ބުނަން މިހާރު. ކޮން އޭސީސީ އެއްކިޔާކަށް،
ސައީދުބެ
27 November 2023
ކޮބާހޭ ހިޔާ ފްލެޓް މީހުންނަށް ދޭން މުއިއްޒު ވައުދުވި 2 ލައްކަ ރުފިޔާ. އޭތި ނުދީ ހިޔާ ފްލެޓް ސަރަޙައްދަށް މަޖިލިސް އިންތިހާބުގައި ވޯޓު ހޯދަން ޕީއެންސީ، ޕީޕީއެމްގެ މީހުން ނާރާތި. ވަރަށް ސާފުކޮށް ކުރީބައިގައި މި ބުނެލީ
ނުރާ
28 November 2023
ތެދެ ތި ބުނީ ހަތަރު ފާރު ދިނީ އެވެސް އެއްސަރުކާރުން އަނެއްސަރުކާރަށް ޖެއްސުން ކުރަނީ، ރައްޔަތު މީހާ ހާލުގައި ޖެހުނީ ދެން އަންނާނެ މަޖިލިސް އިންތިހާބޭ ކިޔައިގެން ވޯޓު ހޯދަން ހަމަ ހުވާ މިބުނީ މަ ނުދޭނަން، ތި އިން އެއްވެސް މީހަކަށް ދަރާ ވިކިގެން އެ ހަތަރު ފާރުގެ ތެރެއަށް ވަދެވުނީ.
ދެރަ
27 November 2023
އަޅުގަނޑުމެނަށް މިފަހަރު ވެސް ފްލެޓެއް ނުލިބޭނެ، އެއްވެސް ޕާޓީއެއްގަ ނޫޅޭތީ