ހުޅުމާލެ 2 ގެ ހިޔާ ފްލެޓެއްގެ ތެރޭގައި މީހަކަށް ރޭ ހަމަލާދިނީ އާއިލީ މައްސަލައަކާ ގުޅިގެން ކަމަށް ފުލުހުން މިއަދު ބުނެފި އެވެ.
ފުލުހުންގެ މީޑިއާ އޮފިޝަލަކު ވިދާޅުވީ އެޗް6 ގެ އެޕާޓްމަންޓެއްގައި ފިރިހެނަކަށް ހަމަލާދިން މައްސަލައެއްގެ ރިޕޯޓް ރޭ ލިބިފައިވާ ކަމަށެވެ.
އެ ހަމަލާގައި އުމުރުން 22 އަހަރުގެ ދިވެހި ފިރިހެނަކަށް އަނިޔާވިއިރު، އެ މައްސަލައާ ގުޅިގެން 19 އަހަރުގެ ދިވެހި ފިރިހެނަކު ވަނީ ހައްޔަރުކޮށްފަ އެވެ.
އޮފިޝަލް ވިދާޅުވީ، އެ މައްސަލަ މިހާތަނަށް ބެލި ބެލުމުން އެ ފިރިހެން މީހާ އަށް ހަމަލާދީފައިވަނީ އާއިލާގެ ތެރޭގައި ޖެހުނު މައްސަލައެއްގައިކަން އެނގިފައިވާ ކަމަށެވެ.
"މި މައްސަލަ ފުލުހުން ދަނީ ތަހުގީގުކުރަމުން،" އޮފިޝަލް ވިދާޅުވި އެވެ.
