ފުރަތަމަ ހަފްތާގެ ހަރަދު 520 މިލިއަން، އާމްދަނީ 615 މިލިއަން

ފިނޭންސް މިނިސްޓްރީގެ އިމާރާތް. 520 މިލިއަން ވަނީ ހަރަދުކޮށްފައި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

07 ޑިސެމްބަރ 2023 - 14:34

ސަރުކާރުގެ ފުރަތަމަ ހަފްތާގައި މުސާރަ ދިނުމާއި ޕްރޮޖެކްޓްތައް ހިންގުމަށް 520 މިލިއަން ރުފިޔާ ހޭދަކުރި އިރު އާމްދަނީގެ ގޮތުގައި 614.5 މިލިއަން ރުފިޔާ ލިބިއްޖެ އެވެ.

ފިނޭންސް މިނިސްޓްރީން އާންމުކުރި މައުލޫމާތުގައިވާ ގޮތުން އެންމެ ބޮޑު ހޭދައެއް ކުރީ މުވައްޒަފުންގެ މުސާރަ ދިނުމަށެވެ. މުވައްޒަފުންގެ މުސާރަ އާއި އިނާޔަތްތަކާއި ސަރުކާރުން ހިންގުމުގެ ހަރަދަށް 314 މިލިއަން ރުފިޔާ ވަނީ ހަރަދުކޮށްފަ އެވެ. އޭގެ ތެރެއިިން ބޮޑު ބައެއް ހޭދަކުރީ ސަބްސިޑީގެ ހަރަދަށެވެ. ސަބްސިޑީގެ ހަރަދަށް 186 މިލިއަން ރުފިޔާ ހަރަދުކޮށްފައިވެ އެވެ.

ޕްރޮޖެކްޓްތަކަށް ހޭދަކުރީ 206 މިލިއަން ރުފިޔާ އެވެ. އޭގެ ތެރެއިން މަގު ހެދުން ފަދަ މަޝްރޫއުތަކަށް ވަނީ 185 މިލިއަން ރުފިޔާ ހަރަދުކޮށްފަ އެވެ.

މިދިޔަ ހަފްތާއެއްހާ ދުވަހު ޓެކްސްގެ ގޮތުގައި 261 މިލިއަން ރުފިޔާ ވަނީ ލިބިފަ އެވެ. އަދި ޓެކްސް ނޫން އާމްދަނީގެ ގޮތުގައި 53 މިލިއަން ރުފިޔާ ވަނީ ލިބިފަ އެވެ. އަދި ހިލޭ އެހީގެ ގޮތުގައި 1.1 މިލިއަން ރުފިޔާ ލިބިފައިވެ އެވެ.

މި އަހަރުގެ މިހާތަނަށް ބަޖެޓުން ވަނީ 42 ބިލިއަން ރުފިޔާ ހޭދަކޮށްފަ އެވެ. މި އަހަރު ޖުމްލަ ބަޖެޓުން ވަނީ، 49.3 ބިލިއަން ރުފިޔާ ވަނީ ހޭދަކޮށްފަ އެވެ. އެއީ ސަޕްލިމެންޓްރީ ބަޖެޓުގެ ގޮތުގައި 6.5 ބިލިއަން ރުފިޔާ އިތުރުކޮށްގެންނެވެ.

ފިނޭންސް މިނިސްޓްރީ ދައުލަތުގެ ބަޖެޓް ދައުލަތުގެ އަހަރީ ބަޖެޓް 2023

4 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޟމމމ

07 December 2023

އާމްދަނީއަށް ވުރެ ޚަރަދުކުޑަވާނެތާ މަމެން ރަށުގަ ކުރިން ހިންގަމުންދިޔަ ހުރިހާ މަޝްރޫޢެއް މިހާރުވަނީ ހުއްޓާލާފަ ވިއްޔަ. ބަނދަރު އަޕްގްރޭޑްކުރުން ހުއްޓިފަ. ފެނާ ނަރުދަމާ ހުއްޓިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާކުއްދާ

07 December 2023

ސަރުކާރުގެ ޚަރަދު ތިހާވަރުގަ ހިފެހެއްޓިއްޖެނަމަ ކިތަންމެހާވެސް ރަނގަޅު. މާނައަކީ 27 ވަރަކަށް ބިލިއަނުން އަހަރު ނިންމާލެވުން. އަދި އިތުރަށް 10 ނުވަތަ 15 އިންސައްތަ އިތުރުވިޔަސް ގިނަވެގެން ހިނގާނީ 31 ވަރަކަށް ބިލިއަން. ދަރަނި އަދާކޮށްފަވެސް ޚަރަދަށްވުރެ އާމަދަނީ އިތުރުވާނެތީވެ ރިޒާރވް އިތުރުވެގެންދާނެ ކަމަށް ލަފާކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

07 December 2023

ތި ގޮތަށް ކޮންމެ މަހަކުވެސް މިހާރު ނޫހުން ޚަބަރު ގެނެސްދޭންވީނުން. އަދި ޕްރޮޖެކްޓް އެވޯޑް ކުރި ފަރާތާއި ޖުމުލަ އަގާއި ނިންމަން ކަނޑައެޅި މުއްދަތުވެސް ކުންފުނީގެ ނަމާއެކު ގެނެސްދޭންވީނުން. އެއިރުން އެކަމުގައި ކޮރަޕްޝަން އުޅޭ/ނޫޅޭ ރައްޔިތުންނަށް އެނގިގެންދާނެ.