ތުރުކީގައި ރާއްޖޭގެ އެމްބަސީއެއް ހުޅުވަނީ

ރައީސް ޑރ. މުހައްމަދު މުއިއްޒު ތުރުކީއަށް ކުރެއްވި ދަތުރުފުޅުގައި ތުރުކީގެ ރައީސް އުރުދުޣާންއާ ބައްދަލުކުރައްވަނީ: ރާއްޖޭގެ އެމްބަސީއެއް އެ ގައުމުގައި ހުޅުވަން ސަރުކާރުން މިހާރު ވަނީ ނިންމައިފައި.-- ފޮޓޯ: ރައީސް އޮފީސް

އިފްރާޒް އަލީ، މިހާރު

10 ޑިސެމްބަރ 2023 - 18:27

17 comments

ތުރުކީގައި ރާއްޖޭގެ އެމްބަސީއެއް ހުޅުވަން ވަޒީރުންގެ މަޖިލީހުން މިއަދު ނިންމައިފި އެވެ.

ރައީސް އޮފީހުގައި މިއަދު ހަވީރު ބޭއްވި ޕްރެސް ކޮންފަރެންސްގައި ޕަބްލިކް ޕޮލިސީގެ އަންޑަ ސެކްރެޓަރީ މުހައްމަދު ފިރުޒުލް ވިދާޅުވީ މި އެމްބަސީ ހުޅުވުމަކީ ރައީސް ޑރ. މުހައްމަދު މުއިއްޒު ވެރިކަމާ ހަވާލުވެޑައިގަތުމަށް ފަހު ރާއްޖެއިން ބޭރަށް ކުރެއްވި ފުރަތަމަ ރަސްމީ ދަތުރުފުޅުގައި ތުރުކީ އަށް ވަޑައިގެން އެ ގައުމުގެ ސަރުކާރާ އެކުގައި ކުރެއްވި މަޝްވަރާތަކުގެ ތެރޭގައި ހިމެނޭ ކަމެއް ކަމަށެވެ.

މި އެމްބަސީ ހުޅުވަން ނިންމާފައި ވަނީ ތުރުކީގެ ވެރިރަށް އަންކާރާގައި ކަމަށް ފިރުޒުލް ވިދާޅުވި އެވެ.

"ތުރުކީގައި އެމްބަސީއެއް ހުޅުވަން ނިންމެވި ނިންމުމުގައި މުހިންމު ކަންތައްތަކަކަށް އިޝާރަތްކުރައްވާފައިވޭ. އޭގެ ތެރެއިން އެއް ކަމަކީ ރާއްޖެ އާއި ތުރުކީއާ ދެމެދުގައި އޮތް ޒަމާންވީ ސިޔާސީ ގުޅުން އިތުރަށް ހަރުދަނާކޮށް، އާ ހަރުފަތަކަށް ގެންދިއުން،" އޭނާ ވިދާޅުވި އެވެ.

މި އެމްބަސީ ހުޅުވުމާ އެކު ތުރުކީގައި ދިރިއުޅޭ އަދި އެ ގައުމަށް ދަތުރުތަކުގައި ދާ ދިވެހިންނަށް ކޮންސިއުލާ ސާވިސް ދިނުމަށް ފަސޭހަވާނެ ކަމަށް އޭނާ ވިދާޅުވި އެވެ.

ރައީސް އޮފީހުން ބުނި ގޮތުގައި، މި އެމްބަސީ ހުޅުވަން ނިންމީ ތުރުކީ އަކީ އާންމު ދިރިއުޅުމުގައި ބޭނުންކުރާ ގިނަ ބާވަތްތަކުގެ މުދާ ރާއް ޖެއަށް އެތެރެކުރާ ގައުމަކަށް ވެފައި، ރާއްޖެ އަށް އެތެރެ ކުރަން ޖެހޭ އެހެނިހެން މުހިންމު ސާމާނު ވެސް ފަސޭހަކަމާ އެކު ލިބެން ހުރި ގައުމަކަށް ވާތީ ކަމަށެވެ. އަދި ތުރުކީގެ އިންވެސްޓްމަންޓްތައް ރާއްޖޭގައި ކުރިއަރުވައި ރާއްޖޭގެ އުފެއްދުންތައް ތުރުކީ އަށް އެކްސްޕޯޓް ކުރުމަށް ވެސް އިތުރަށް ގިނަ މަސައްކަތްތަކެއް ކުރަން ޖެހޭތީ ކަމަށް ރައީސް ވިދާޅުވި އެވެ.

ރައީސް ތުރުކީ އަށް ކުރެއްވި ދަތުރުފުޅުގައި ވަނީ އެ ގައުމުގެ ސަރުކާރާ އެކު ވިޔަފާރި އެއްބަސްވުމެއްގައި ސޮއިކުރައްވައިފަ އެވެ.

ތުރުކީގައި ގިނަ އަދަދެއްގެ ދިވެހި ދަރިވަރުން މަތީ ތައުލީމު ހާސިލުކުރަމުން ދިއުމާއި އެ ގައުމަށް ދާ ދިވެހި ޓޫރިސްޓުންގެ އަދަދު ވެސް ވަރަށް ބާރަށް އިތުރުވަމުން ދިއުމަކީ މި އެމްބީސީ ހުޅުވަން ނިންމި ސަބަބެއް ކަމަށް ރައީސް އޮފީހުން ބުންޏެވެ.

ތުރުކީއާ އެކު ރާއްޖެއިން ސިޔާސީ ގުޅުން ގާއިމްކޮށްފައި ވަނީ މެއި 28، 1979 ގަ އެވެ.

ކެބިނެޓް ރައީސް އޮފީސް ތުރުކީ ރާއްޖެ-ތުރުކީ ފޮރިން މިނިސްޓްރީ

17 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަނާންް

12 December 2023

އިޤްތިސާދު ކުރިއެރުވުމަށް ވަރަށް ބޮޑު ފުރުސަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޫދު އިބްރާހިމް

11 December 2023

ގައުމު ތަކާ ގުޅުން ރަނގަޅުވުމުގެ ނަތީޖާ މިއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްﷲ މުހުސިނު

11 December 2023

މި މީހުންބުނާނެ މި ވެރިކަން ދަށޭ. އެކަމު ފެންނަ މަންޒަރުތަކުން މުޅިން ތަފާތު. ފެންނަމުން މިދަނީ އިބޫ އާއި ހިލާފަށް މުޢީޒު ރައްޔިތުން އަސްލު ބޭނުންވާ ހިދުމަތްތަށް ދެވޭނެ މަގު ފަހިކުރަމުންދާ މަންޒަރު