އިއާދަކުރަނިވި ހަކަތައިން ކަރަންޓު އުފެއްދުން އިތުރުކުރަން 75 މިލިއަން ޑޮލަރުގެ މަޝްރޫއުއެއް

އޭ.ޑީ.ބީގެ ޑެޕިއުޓީ ޑިރެކްޓަރު ޖެނެރަލް ސިންޑީ މަލްވަޗީނީ އަދި ފިނޭންސް މިނިސްޓަރު މުހައްމަދު ޝަފީގު، އިއާދަކުރަނިވި ހަކަތަ ބޭނުންކުރާ މިންވަރު އިތުރުކުރުމުގެ އެއްބަސްވުމުގައި ސޮއިކުރެއްވުން-- ފޮޓޯ: އެންވަޔަރަނަމަންޓް މިނިސްޓްރީ

މާއިދާ މުހައްމަދު ރަޝާދު، މިހާރު

12 ޑިސެމްބަރ 2023 - 19:56

9 comments

އިއާދަކުރަނިވި ހަކަތައިގެ ވަސީލަތްތައް ބޭނުންކޮށްގެން ކަރަންޓު އުފައްދާ މިންވަރު އިތުރުކުރުމަށް އޭޝިއަން ޑިވެލޮޕްމަންޓް ބޭންކް (އޭޑީބީ) އާ ގުޅިގެން 75.5 މިލިއަން ޑޮލަރުގެ މަޝްރޫއުއެއްގައި ސޮއިކޮށްފި އެވެ.

އެންވަޔަރަމަންޓް މިނިސްޓްރީން ބުނީ އެ އެއްބަސްވުމުގެ ދަށުން ޕަވާ ޕާޗޭސިން އެގްރީމެންޓު އުސޫލުން 20 ރަށެއްގައި 20 މެގަވޮޓުގެ އިރުގެ އަލިން ކަރަންޓު އުފައްދާ ނިޒާމުތަކެއް ގާއިމުކުރެވޭނެ ކަމަށާއި އެ ނިޒާމުތަކަށް ގާއިމުކުރެވޭ ރަށްރަށުގެ ގްރިޑް ސްޓެބިލިޓީ ހަރުދަނާކުރުމަށް 44 މެގަވޮޓްއަވާގެ ބެޓެރީ އެނާޖީ ސްޓޯރޭޖް ސިސްޓަމް ގާއިމުކުރުމާއި މިރަށްރަށުގު ކަރަންޓު ވިއުގައިގެ ހާލަތު ރަނގަޅުކުރުން ހިމެނޭ ކަމަށެވެ.

އެ ޕްރޮޖެކްޓްގެ ދަށުން އެއް ރަށުގައި ވައިގެ ހަކަތަ ބޭނުންކޮށްގެން ކަރަންޓު އުފައްދާ ނިޒާމެއް ގާއިމުކުރުމާއި އިތުރު ރަށެއްގައި ކަނޑުގެ އޮއިވަރު ބޭނުންކޮށްގެން ކަރަންޓު އުފައްދުމުގެ ޕައިލެޓް ޕްރޮޖެކްޓް ވެސް ކުރިއަށް ދާނެ އެވެ.

އެ ޕްރޮޖެކްޓްގެ ދަށުން މަގޭ ސޯލާ ޕްރޮގުރާމުގެ ފުރަތަމަ ފިޔަވަހީގެ ތިން މެގަވޮޓު ސޯލާ ޕީވީ ސިސްޓަމްތައް ހޯދުމާއި އިރުގެ އަލި ބޭނުންކޮށްގެން ކަރަންޓު އުފައްދައި އެކަރަންޓުގެ އެހީގައި ހިންގާ ގޮތަށް އެއް ރަށުގައި ކޮމިއުނިޓީ އިރިގޭޝަން ސިސްޓަމަކާއި ކޮމިއުނިޓީ ފާމިން ޑިވެލޮޕްމަންޓް ޕްރޮގަރާމެއް ކުރިއަށް ގެންދާނެ ކަމަށް ވެސް މިނިސްޓްރީން ބުނެ އެވެ.

ދިވެހިރާއްޖޭގައި އިއާދަކުރަނިވި ހަކަތައިގެ ވަސީލަތްތައް ބޭނުންކޮށްގެން ކަރަންޓު އުފެއްދުން އިތުރުކުރުމަށް އޭޝިއަން ޑިވެލޮޕްމަންޓް ބޭންކްއާ އެކު އެއްބަސްވުމުގައި ސޮއިކުރެއްވުން-- ފޮޓޯ: އެންވަޔަރަނަމަންޓް މިނިސްޓްރީ

މިނިސްޓްރީން ބުނި ގޮތުގައި އެ ޕްރޮޖެކްޓްގެ ސަބަބުން އަހަރެއްގެ މައްޗަށް ގާތްގަނޑަކަށް 10 މިލިއަން ލީޓަރުގެ ޑީސަލް ސަލާމަތް ކުރެވޭނެ އެވެ. އަދި އަހަރަކު 26 ހާސް ޓަނުގެ ވިހަ ގޭސް ޖައްވަށް ބޭރުކުރުވުން މަދުކުރެވޭނެ ކަމަށް ވެސް މިނިސްޓްރީން ބުންޏެވެ.

އެކަމުގެ އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި އެންވަޔަރަނަމެންޓް މިނިސްޓަރު ތޯރިގު އިބްރާހިމް ވިދާޅުވީ ދުބާއީގައި މިފަހުން ބޭއްވި މޫސުމާ ބެހޭ ސަމިޓު، ކޮޕް28 ގައި ރާއްޖޭގައި އިއާދަކުރަނިވި ހަކަތައިން ކަރަންޓު އުފައްދާ މިންވަރު 33 ޕަސެންޓް އިތުރުކުރުމަކީ ސަރުކާރުގެ ލަނޑުދަނޑިއެއް ކަމަށް ރައީސް ވިދާޅުވެފައިވާއިރު އެ އެއްބަސްވުމުގެ ދަށުން އެކަން ހާސިލުވުމަށް މަގުފަހިވާނެ ކަމަށެވެ.

މިހާރު މުޅި ރާއްޖޭގައި އިއާދަކުރަނިވި ހަކަތައިން ކަރަންޓު އުފައްދާ މިންވަރު ހުރީ ހަތަރު ޕަސެންޓުގަ އެވެ. އެ އަދަދު އިތުރުކުރެވޭނީ ބޭރުގެ އެހީއާ އެކު ކަމަށް ވެސް ރައީސް ކޮޕް28 ގައި ރައީސް ޑރ. މުހައްމަދު މުއިއްޒު ވިދާޅުވެފައިވެ އެވެ.

ތިމާވެށި އެންވަޔަރްމެންޓް މިނިސްޓްރީ އަވިން ހަކަތަ އުފެއްދުމުގެ މަޝްރޫއު އޭޑީބީ

9 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިލި

13 December 2023

ތި ލާރިގަންޑު ފަހަތު ޖީބައްނުލާތި ......... މިހާރު މި ތިބަ މިނިސްޓަރުން ވވ ފަހަތު ޖީބާ ދޯޅުވާނެ އެކަން ނިމިގެން ދިޔަ ޔާމީން ވެރިކަމުގާ އޮތީ ސާބިތުކޮއްދީފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

13 December 2023

ޒުވާން ދިވެހީންގެ ބަޔަކަށް ތިޔަ މަސައްކަތް ދަސްކޮށްދީ ބަލާށެވެ. މިސާލަކަށް ! ލޭތު ކުރަން ދަސްކޮށްދޭ ކޯސް މިހާރުވެސް ހިންގަ އެވެ. މިހާރު އެ ކޯސް ހެދިއަސް އެދާއިރާގަ ވަޒީފާ އެއް ނެތެވެ. ސޯލާ ޕެނަލް ހަރު ކުރުމުގެ މަސައްކަތަކީ ހަކަތަ ހޯދުމަށް ރާއްޖެ ކަހަލަ ހޫނު ގައުމަކަށް އެންމެ ރަނގަޅު މަސައްކަތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާއްބަ

13 December 2023

ތިވަރު ކަންކަމަކީ ހަފްތާއެއްހާދުވަހުން ހަމަޖެހޭ ކަންކަމެއްނޫން، އެހެންވީމަ ކުރީސަރުކާރުން ހުރިހާކަމެއް ނިންމާފަ ސޮއިކުރަން ރެޑީކޮށްފައޮތް އެއްޗެއްގަކަންނެ މިސޮރުމެން ސޮއެކޮށްގެން ތިއުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 December 2023

މިފައިސާއިން ދެމެހެއްޓެނިވި ޕްރޮޖެކްޓް ތަކެއް ހިންގުމަށްޓަކާ ރަނގަޅަށް ރޭވުންތެރިކަމުގެ ދަށުން ރާއްޖޭގެ ހުރިހާ ޑޮމެސްޓިކް އެއަރޕޯޓްބތަކަކީ ސައްތައިން ސައްތަ ސޯލަރ ޕަވަރ އެއަރޕޯޓް ތަކަކަށް ހަދާން މަަސައްކަތްކުރަން ރަނގަޅު. # ހަމައެގޮތަށް ދިއްދޫ، ކުޅުދުއްފުށި، ގދ. ތިނަދޫ ފުވައްމުލައްް އައްޑޫސިޓީ ފަދަ ބޮޑެތި ރަށްރަށުގެ މިސްކިތްތަކާއި ސްކޫލްތައް ސޯލަރ ކަރަންޓް ބޭނުންކޮށްގެން ހަމަޖައްސާލެވޭނަމަ ވަރަށް ރަނގަަޅު ކުރިއެރުމެއް ލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްދާމުނ

12 December 2023

އިޔާދަކުރުވަނިވިބހަކަތައަށް ސަރުކާރުން ނުވަތަ ފަންޑު ހޯދައިގެން އިންވެސްޓް ނުކުރަނީ ކީއްވެ؟ ތިޔަ ބަހައްޓާ މެގަ ސޯލާ ނިޒާމު ބޭރުގެ ކުންފުންޏަކުން ބަހައްޓާފަ ސްޓެލްކޯއަށް ވިއްކާ ކަރަންޓަ އަނެއްކާ ރައްޔިތުންނަށް ވިއްކީމަ ޑީސަލް ގަތުމާ ތަފާތުވަނީ ކިހާވަރެއް؟ ޞޮޑެތި ޑީލްތައް ހަދާ އޭގެން ކަޓުނެގޭނެ ޕްރޮޖެކްޓްތައް ރާވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯނެއްތާދޯ

12 December 2023

ފަހަތުން ފެންނަ ލިޔުމުގައި އޮތީ ލޯނާއި ގުރާންޓުގެ ވާހަކަ. ސުވާލަކީ ބަނޑަށްޖެހިފައިއޮތް ގައުމަކުން އަނެއްކާ ތިނެގީ ކިތައްމިލިޔަން ޑޮލަރުގެ ލޯނެއްހޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

12 December 2023

ތީގެވެސް ފައިދާ އޮތީ މާލޭމީުުނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

12 December 2023

ބަލަ މާލެއަށޭ އެކަން އޮންނަންވާނީ. ކަލޭމެން މާލެ ގެންނާށޭ މިއުޅެނީ. ކީއްވެހޭ މާލޭގައި އެކަން ކުރާތީ ނުރުހުންވަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލާތޭ

12 December 2023

އިއާދަ ކުރަނިވި ހަކަތައިން ސަލާމަތްވީ ކިތައް ލީޓަރު ޑީސަލްތޭ ތެޔޮ ސަލާމަތްވީ ކިތައް ލީޓަރުތޭ 2000 ވަނަ އަހަރުން ފެށިގެން ތިޔާ ކަމެއްކުރަމުން އަންނަނީ މާލެ ސަރަހައްދުގައި ބޮޑު ނިއުކް އިންޖީނުގެ އެއް އަޅަައިގެން މުޅި މާލެއަށް ކަރަންޓް ދެވޭނެ ވަރަށް ތިޔާ ސޯލަރ އަށް ޚަރަދު ކުރެވިއްޖެއޭ ސަލާމަތްވި އެންމެ ލީޓަރު ޑީސަލެއް ނެތޭ ސްޓެލްކޯއިން ސޯލަރ ޕެނަލް ހަރުކޮށްގެން އުޅޭ ކުންފުނި ތަކަށް މަހަކު 100 މިލިއަން ރުފިޔާ ދޭއިރު އެވަރަށް ތެޔޮ ސަލާމަތްވިތޯ ބަލާތޭ