އިޒްރޭލަށް ދުނިޔޭގެ ތާއީދު ގެއްލެން ފަށައިފި: ބައިޑެން

އެމެރިކާގެ ރައީސް ބައިޑެން.

13 ޑިސެމްބަރ 2023 - 08:46

އިޒްރޭލަށް ދުނިޔޭގެ ސަޕޯޓް ގެއްލެން ފަށައިފި ކަމަށް އެމެރިކާގެ ރައީސް ޖޯ ބައިޑެން އިއްޔެ ވިދާޅުވެއްޖެ އެވެ.

ބައިޑެން އެގޮތަށް ވިދާޅުވީ އޭނާ ނިސްބަތްވެވަޑައިގެންނަވާ ޑިމޮކްރެޓިކް ޕާޓީއަށް ފަންޑުކުރާ މީހުންނާ އިއްޔެ ވޮޝިންޓަންގައި ބައްދަލުކުރައްވައި ދެއްކެވި ވާހަކައިގަ އެވެ. އެއީ އަންނަ އަހަރު ބާއްވާ އެމެރިކާގެ ރިޔާސީ އިންތިހާބުގެ ކެމްޕެއިނަށް ފަންޑު ހޯއްދެވުމަށް އޭނާ ބޭއްވެވި އިވެންޓެކެވެ.

ރިޕޯޓްތައް ބުނި ގޮތުގައި، އެ އިވެންޓުގައި ބައިޑެން ވަނީ އިޒްރޭލުގެ އަމަލުތަކަށް ވަރަށް ބޮޑަށް ފާޑުވިދާޅުވެ، ފުރަތަމަ ފަހަރަށް ވާހަކަދައްކަވައިފަ އެވެ.

"އެމީހުންނަށް [އިޒްރޭލަށް] މިހާރު ސަޕޯޓް ގެއްލެން ފަށައިފި،" ބައިޑެން ވިދާޅުވި އެވެ.

"އަޅުގަނޑަށް ހީވަނީ އޭނާ [އިޒްރޭލުގެ ބޮޑުވަޒީރު ނަތަންޔާހޫ]، މިހާރު އޮތް ސަރުކާރު ބަދަލުކުރަން ވެއްޖެހެން. މިހާރު އޮތް ސަރުކާރާ ހެދި ބަދަލެއް ގެންނަން އޭނާ އަށް ދަތިވޭ."

އިސްރާއިލްގެ ހަމަލާތަކުގައި މަރާލި ފަލަސްތީނުގެ ކުޑަކުއްޖަކު މީހަކު އުރާލައިގެން.

ބައިޑެން ވިދާޅުވީ އިޒްރޭލުން ގާޒާއަށް ހައްދެއް ނެތް މިންވަރަށް ބޮން އަޅައި، މަރުވާ މީހުންގެ އަދަދު އިންތިހާ އަށް އިތުރުވަމުން ދިއުމަކީ ބައިނަލްއަގުވާމީ ގޮތުން އިޒްރޭލުގެ އަސްކަރިއްޔާ އަށް އޮތް ސަޕޯޓް ގެއްލެން ފެށި ސަބަބެއް ކަމަށް އޭނާ ދެކިވަޑައިގަންނަވާ ކަމަށެވެ. އަދި އިޒްރޭލު ސަރުކާރުން އިޒްރޭލާއި ފަލަސްތީނަށް ވެސް ދައުލަތެއް އޮންނަން ދުނިޔެއިން ގަބޫލުކުރާ ސިޔާސަތު ގަބޫލު ނުކުރާ ކަމަށް ވެސް ބައިޑެން ވިދާޅުވި އެވެ.

އެ އިވެންޓުގައި ބައިޑެން މި ވާހަކަތައް ދެއްކެވުމުގެ ކުރިން ނަތަންޔާހޫ ނެރުއްވި ނޫސްބަޔާނެއްގައި ވެސް ވަނީ އިޒްރޭލާއި އެމެރިކާއާ ދެމެދު މި ހަނގުރާމައާ ގުޅިގެން މިހާރު ހިޔާލު ތަފާތުވުންތަކެއް އުފެދިފައިވާ ކަމަށް ވިދާޅުވެފަ އެވެ.

"އާދެ، ހިޔާލު ތަފާތުވުންތަކެއް އެބައުޅޭ ހަމާސްގެ [ހަނގުރާމައިގެ] ފަހުން ވާނެ ގޮތަކާ މެދު. އެކަމަކު އަހަރެން އުއްމީދުކުރަނީ އެއްބަސްވުމަކަށް އަލުން ދެވޭނެ ކަމަށް،" ނަތަންޔާހޫ ވިދާޅުވި އެވެ.

ހަމާސް ނައްތާލުމަށް ކުރާ މަސައްކަތަށް ދޫނުދެއްވާނެ ކަމަށް ނަތަންޔާހޫ ވިދާޅުވާ ވިދާޅުވުން އޭނާ ވަނީ އަނެއްކާވެސް ތަކުރާރު ކުރައްވައިފަ އެވެ.

އޮކްޓޯބަރު ހަތެއްގައި ހަމާސް އިން އިސްރާއިލަށް ދިން ހަމަލާތަކުގެ ބަދަލުގައި އިސްރާއިލުގެ އަސްކަރިއްޔާ އިން ދަނީ މެދުކެނޑުމެއް ނެތި ގާޒާ އަށް ބޮން އަޅަމުންނެވެ. އެ ހަމަލާތަކުގައި މިހާތަނަށް 18،000 އަށް ވުރެ ގިނަ މީހުން ވަނީ މަރާލައިފަ އެވެ.

އިޒްރޭލް ފަލަސްތީން ފަލަސްތީން-އިޒްރޭލް އެމެރިކާ އަގްސާ ތޫފާން

6 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިފުޅު3

14 December 2023

އެމެރިކާގެ މިހާރުގެ ރައީސް އަކީ މުޅިން ހަމަ މީހެއް ކަމަކަށް ނުބެލެވޭ! ދެ ދުވަހު އެކައްޗެއް ނުކިޔާ އޮޅިގެންވެސް. މީނާ ގެންދަންވީ ބަލި މީހުން ބަލަހައްޓާ މަރުކަޒަކަށް. އެވެސް ޝަރަފްވެރިކަމާއެކު ގައުމީ އިއްޒަތުގަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮއްލަ

13 December 2023

ނަތަންޔާހޫ ވިދާޅުވި. ބައިޑަން ވިދާޅުވި.. ގާތިލުންނަށް އިއްޒަތް. ފަލަސްތީނުގެ މުޖާހިދުން އާދައިގެ ބަހުރުވަ. ބުނީ، މަރިވީ. އަދުގެ ނޫސްވެރިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

LaamuonlineDOTcom

13 December 2023

އެއްވެސްއިރެއްގައި ދުނިޔޭގެ ސަޕޯޓެއް އިޒުރޭލަކަށްނުލިބޭ، ބައިޑެން ކަހަލަ ބައެއްވެރިން އިޒުރޭލަށް ވާގިވެރިވިޔަސް އެތަންތަނުގެ ރައްޔިތުން އިޒުރޭލާ މުޅިންދެކޮޅު! ބައިޑެން އިޒުރޭލުކޮޅަށްޖެހި ތަޅުނުފާޑުން ބައިޑެންއަށް އޮތް ސަޕޯޓުގެއްލުނީ، އެހެންވީމާ މިހާރު ރާގުބަދަލުކޮށް ކޮންމެވެސް މޮޔައެއްގޮވަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

13 December 2023

ދުނިޔޭގެ ތާއީދު ގެއްލުނު ކަމުގައިވިޔަސް ޔޫގެ ތާއީދު ލިބޭނެއެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިޑް ޔާހޫ

13 December 2023

މީހުން މެރުމަށާއި ހޮސްޕިޓާ ، މިސްކިތް ސްކޫލްތައް އަދި އާންމުން ދިރިއުޅޭ ގެތައް ހަލާކު ކުރުމަށް އިޒުރޭލަށް ބޮމާއި ، މިސައިލާއި ، އެހެނިހެން ވެސް ހަތިޔާރާއި ފައިސާ ދެނީ އެމެރިކާއިން . ބައިޑަން. އިޒުރޭލުން ކުރާކަމަކީ އެހަތިޔާރުތައް ފަލަސްތީނާއި އަދިވެސް ކައިރީގައި ތިބި އެހެނިހެން އަރަބިން ބޮލަށް އެޅުން. ދެން މީހުން މަރުވިމަ ބައިޑެން މިބުނަނީ އިޒުލޭލުގެ އަގުވެއްޓެނީއޭ. ތިމަންނަގެ އަގުއަރަނީއޭ. އަދިވެސް ތިމަންނަ އަށް ވޯޓް ދޭށޭ.