ފުލުހުންގެ މައި އިދާރާ: ޕޮލިސް ކޮމިޝަނަރުކަމަށް ޝައުގުވެރިވާ އޮފިސަރުން ހުށަހެޅުމުގެ ފަހު ދުވަހަކީ މި މަހުގެ 19.
14 ޑިސެމްބަރ 2023 - 17:47
15 comments
ޕޮލިސް ކޮމިޝަނަރުކަމަށް ކުރިމަތިލާން ބޭނުންވާ މީހުންނަށް އެ ކަމުގެ ފުރުސަތު ހޯމް މިނިސްޓްރީން މިއަދު ހުޅުވާލައިފި އެވެ.
އެ މިނިސްޓްރީން ކުރި އިއުލާނެއްގައި ބުނީ، އެސިސްޓެންޓް ކޮމިޝަނަރުގެ ރޭންކުން ފެށިގެން މަތީގެ ރޭންކްތަކުގައި މި ވަގުތު ތިއްބެވި އޮފިސަރުންގެ ތެރެއިން ޕޮލިސް ކޮމިޝަނަރުކަމަށް ޝައުގުވެރިވާ ބޭފުޅުން އެ ކަމަށް އެދި ހުށަހަޅަން ހުޅުވާލާފައިވާ ކަަމަށެވެ. "ލެޓާ އޮފް އިންޓްރެސްޓް" ހުށަހަޅަންޖެހޭ ސުންގަޑިއަކީ ހޯމް މިނިސްޓްރީން ބުނިގޮތުގައި މި މަހުގެ 19 ވަނަ ދުވަހުގެ މެންދުރު 12 ޖެހުމާ ހަމައަށެވެ. އެ ހުށަހެޅުން ބަލައިގަންނާނީ ހޯމް މިިނިސްޓްރީއަށެވެ.
މާޗު 27، 2021 ގައި އަމަލުކުރަން ފެށި ދިވެހި ފުލުހުންގެ ހިދުމަތުގެ ގާނޫނުގައިވާ ގޮތުން، ޕޮލިސް ކޮމިޝަނަރުކަމަށް އައްޔަން ކުރަންޖެހޭނީ އެސިސްޓެންޓް ކޮމިޝަނަރުގެ ރޭންކުން ފެށިގެން މަތީގެ ރޭންކުގެ ބޭފުޅެކެވެ.
ޕޮލިސް ކޮމިޝަނަރުގެ މަގާމަށް ބޭފުޅަކު އައްޔަން ކުރަނީ އެ މަގާމަށް ކުރިމަތިލައްވާ ބޭފުޅުންނާ ޕޮލިސް ބޯޑުން އިންޓަވިއުކޮށް، ގާބިލްކަން ވަޒަން ކުރުމަށް ފަހު ކަމަށް ގާނޫނުގައި ވެ އެވެ. ޕޮލިސް ކޮމިޝަނަރު ކަމަށް ބޭފުޅަކު ކަނޑައަޅަނީ ގާނޫނުގައިވާ ގޮތުން ޕޮލިސް ބޯޑުން ވަޒަންކޮށް، މިނިސްޓަރަށް ހުށަހަޅާ ނަންތަކުގެ ތެރެއިން، މިނިސްޓަރުގެ ލަފާގެ މަތިން ރައީސުލްޖުމްހޫރިއްޔާ އެވެ.
ޕޮލިސް ކޮމިޝަނަރުގެ މަގާމު މިދިޔަ ނޮވެމްބަރު މަހުގެ 15 އިން ފެށިގެން ހުސްވީ އެ މަގާމުގައި ހުންނެވި މުހައްމަދު ހަމީދު ފުލުހުންގެ ހިދުމަތުން އެ ދުވަހު ރިޓަޔާ ކުރެއްވުމުންނެވެ. އެހެންވެ، އެކްޓިން ކޮމިޝަނަރުގެ މަގާމު މިހާރު ފުރުއްވަނީ އެސިސްޓެންޓް ކޮމިޝަނަރު ފަރުހާދު ފިކުރީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހުކޮއްތު
16 December 2023
ކުރިންމީ އައްޔަން ކުރައްވާ މަގާމެކެވެ. މިފެންވަރުގެ މަގާމްތައް ހުންނަންވާނީ އެގޮތަށެެވެ. އައުގޮތެއް ހަދައި ނުލިއްޔާ ތިމާމެންގެ މޮޅުކަމެއްވެސް ނޯންނާނެއެވެ
ސާޖަންޓެއް
15 December 2023
އެކަކުވެސް ތިޔަ މަޤާމަށް ނުލާންވީއެވެ. ސަރުކާރުން ފުލުހުން ގަންހިންގަނީއެވެ.
އާންމުކުރަންޖެހޭތަ
15 December 2023
މިވެސް އާންމުކޮށް ހުޅުވާލާ މަގާމެއްތަ؟ ތިއީ އިންޓާނަލް ކަމެކޭ. އާންމުންނަށް ކުރިމަތިނުލެވޭ މަގާމެއް އާންމުކުރަންޖެހޭ ސަބަބެއް ނުވިސްނޭ. ގާބިލުކަން މިހިރަގެންދަނީ ހައްދުފަހަނައަޅައި.
ާދަބަބް
15 December 2023
ކުރިމަތި ލައިގެން މިއުޅެނީ،ފޫޅުމާ ފޯރމް އެކަނި ހުށަނޭޅެނީ،ރައީސް އޮފީހުން ދޫނުކޮށްގެން މިއުޅެނީ،
24 ދޮންޖަންބު
15 December 2023
ވަކިކުރި 2 އޮފިސަރަކު ކޯޓަށް ވައްދައިގެން އުޅޭ މައްސަލަ އެވެރިންނަށް ކާމިޔާބު ވޭތޯބަލަން ފަސްކުރީދޮތަ. ސީޕީ ރިޓަޔަރ ކުރިތާ މަސްދުވަސް ފަހުން ތިޔަ އިއުލާން ކޮށްލެވުނީވެސް. ދޭން ނިންމާފައި އޮތް އޮފިސަރަށް ފަހުން އެކުލަވާލި ރަބަރ ސްޓޭމްޕް ބޯޑުގައިތިބި 4 މެންބަރުން އާބަސްބުނާނެ.
ގެދާނޯމޮސް
15 December 2023
މިކޮމިޝަނަރުންނަށް އެޑްރެސް ކޮށްފޮނުވާ ސިޓީތަކަށް ވާނުވާ މިބަޔަކަށް ނޭންގެންޏާ އެޑްރެސް ކޮށްފޮނުވުމުގެ ބޭނުމެއް އޮތްކަމަކަށް ނުވިސްނެއެވެ. ނުވިތާކަށް ދެއްވާ ޖަވާބެއްގައި މަގާމެއްހާ ހިސާބުވެސް ނުއިނދެ ޖެހުނު މީހަކު ޖަވާބުލިޔެ ތަނަށް އުކާފަ އޮންނަ ތައްގަނޑު ޖަހަނީ ހެއްޔެވެ.
ހަމީދު ދީދީ
14 December 2023
އެ މަގާމަށް އެ ރޭންކްގެ ތައުލީމީ ބޭފުޅަކު ހުރިހެނެއް ހިއެއް ނުވޭ. އާންމުންނަށްވެސް ކުރިމަތި ލެވޭ ގޮތަށް ގާނޫނޫ ބަދަލު ކުރަން ފެނޭ.
ވަރަށް ކަޑާ
14 December 2023
ވަރަށް ކަޑަކޮށް ވަކި މަދު ބައެއްގެ މަސްލަހަތު ހިމާޔަތްކުރަން ހަދާފަ އޮތް ގާނޫނެއް ތިއީ. ތި މަގާމަށް ކުރިމަތި ލެވޭނީ ވަކި މަގާމެއްގެ މަތީގައި ތިބި ބައެއްކަމަށް ލިއެފަ އޮތީމަ ވަރަށް ވަރަށް ކަޑަ. އެއީ، އެންމެ ކުޑަމިނުން ޤައުމުގެ ރައީސްކަމަށްވެސް ޝަރުތު ތަކެއް އޮތީ، މަޤާމުގެ ތަޖްރިބާއާއި ގާބިލް ކަމަކީ އިންޓަވިއުކޮށްގެން ދެނެގަންނަން ޖެހޭކަމެއް. މިއީ މުއައްސަސާތައް ފަނާކުރެވޭގޮތް. ތަނުގަ ތިބޭ މީހުންގެ މަސްލަހަތަށް ޤާނޫނުތައް ހެދުން.
އޮނަރަބްލް އަފީފު ދީދީ
14 December 2023
ފުލުހުންގެ ޤާނޫނު އިސްލާޙްކޮށް ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާންރީޖަން ކަމުގައިކަޑައަޅާ ކޮންމެރީޖަނެއްގައި ކޮމިޝަނަރަކާއި ޑިޕިއުޓީން ބޭތިއްބުމަށްފަހު މިދެންނެވި 3 ރީޖަންގެ ޕޮލިސް ކޮމިޝަނަރުން ރިޕޯޓްކުރަންޖެހޭ ފަރާތަކީ (މިހާރުގެ ޕޮލިސް ކޮމިޝަނަރގެ މަޤާމްއުވާލާފައި އުފައްދާ) Director General of Police ކަމަށް ކަޑައަޅާ ތިތަނުގެ Structure މިޒަމާނަށް ފައްތާކަށް ނުވޭތޯ!
ޖަވާބު.
15 December 2023
ދީދީގެ ކޮމެންޓަށް ލައިކު ކޮށްފަ ހުރިގޮތުން ވަރަށް ބޮޑަށް ހީވޭ ފުލުސް ކުދިންހެން. އެހެންކަމަށް ވެއްޖެ ނަމަ ފުލުހުންވެސް ދީދީ ގެ ޙިޔާލަށް ތާއީދު ކުރަނީތާ ؟
ހަސަނު
14 December 2023
ބަލަ ކުރިން ބައިން މަގާމު ލިބޭނެ މީހާ ކަނޑްއަޅާފަ ކީއްކުރަން ކުރާ އިއުލާނެއްތަ?
ބަސަނު
14 December 2023
އަތަށް ގޮވައިފި. އޭޖީ ދުލެއް ނުދިން.