ރައީސް ޑރ. މުއިއްޒު، ރައީސް އޮފީހުގެ މުވައްޒަފުންނާ މީގެ ކުރިން ބައްދަލުކުރެއްވިއިރު، އެ މަނިކުފާނުގެ ނައިބު ހުސެއިން އަދި ރައީސް އޮފީހުގެ އިސް ބޭފުޅުންތަކެއް މަޑުކޮށްލައްވައިގެން.-- ފޮޓޯ | ރައީސް އޮފީސް
18 ޑިސެމްބަރ 2023 - 16:32
17 comments
ޕޮލިޓިކަލް ޑިރެކްޓަރުގެ ނަމުގައި މި ސަރުކާރުން ސިޔާސީ އާ މަގާމެއް އުފައްދައިފި އެވެ.
ރައީސް ޑރ. މުހައްމަދު މުއިއްޒު ގެންދަވަނީ، މިނިސްޓްރީތަކަށް ސްޓޭޓް މިނިސްޓަރުންނާއި ޑެޕިއުޓީ މިނިސްޓަރުން އައްޔަންކުރަމުންނެވެ. އެ މައުލޫމާތުތައް ރައީސް އޮފީހުގެ ވެބްސައިޓުގައި ވެސް އެބަހުއްޓެވެ.
ނަމަވެސް އޭގެ އިތުރަށް، މިހާރު ވަނީ ޕޮލިޓިކަލް ޑިރެކްޓަރުގެ ނަމުގައި އާ މަގާމެއް އުފައްދައިފަ އެވެ. އޭގެ މައްޗަށް، ސީނިއާ ޕޮލިޓިކަލް ޑިރެކްޓަރުގެ މަގާމު އުފައްދައި، އެ މަގާމަށް ސިޔާސީ ބޭފުޅުން އަންނަނީ އައްޔަންކުރަމުންނެވެ.
އެކަމަކު، އެ ދެ މަގާމަށް ކަނޑައަޅާފައިވާ މުސާރައެއް ރައީސް އޮފީހުން ހާމައެއް ނުކުރެ އެވެ. އޭގެ ތަފްސީލު ހޯދަން ތަރުޖަމާނު މުހައްމަދު ޝަހީބަށް ގުޅައި މެސެޖު ކުރުމުން ވެސް ޖަވާބެއް ނުލިބުނެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ޑެޕިއުޓީ މިނިސްޓަރަށް ވުރެ ދަށުގެ ސިޔާސީ މަގާމެއްގެ ގޮތުގައި އުފެއްދީ "ކޯޑިނޭޓަރު" ގެ މަގާމެވެ. ނަމަވެސް، ނިމިދިޔަ ސަރުކާރުގައި އެކްޓިވިސްޓުންނަށް ދިނީ އެގްޒެެކެޓިވް ޑިރެކްޓަރުގެ މަގާމެވެ.
އެގްޒެކެޓިވް ޑިރެކްޓަރަކަށް އޭރު ކަނޑައެޅީ 18،000ރ. އެވެ. އަދި ސީނިއާ އެގްޒެކެޓިވް ޑިރެކްޓަރަކަށް ދިނީ 25،000ރ. އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޯލި
20 December 2023
އަދި ކޮބާ ހޮސްޕިޓަލްތަކާއި ސިއްހީމަރުކަޒުތައްފަދަ ތަންތަނަށް ލާ މެނޭޖަރުންނާއި އިސްވެރިޔާ ފަދަ މަގާމުތައް. ގާނޫނު އަސާސީގެ 116 ވަނަ މާއްދާގެ ދަށުން ރައީސް އަންޔަންކުރާ ހުރިހާ މީހުންގެ މަގާމާއި ވަނަވަރާއި މުސާރައާއި އެލަވަންސްތައް އެނގޭގޮތަށް އާންމުކުރަންޖެހޭގޮތް ހަދާބަލާށެވެ. ދެން މުއިއްޒަކީ ހުރިހާ އެއްޗެއް ހާމަކުރާނަމޭ ކިޔައިގެން ވެރިކަމަށް އައިމީހަކަށް ވާތީ މި މައުލޫމާތުތައް އާންމުކޮށް ފެންނަން ހުންނާނެގޮތް ހަދާދެއްވާށެވެ.
ބެއްޔަގެ ދަރި
19 December 2023
ތިޔައީ އެކްޓިވިސްޓުން ނުވަތަ ރައީސް ހޮވުމަށް މަސައްކަތްކުރި މީހުންނަށް ދޭ މަގާމެއް. ތިޔަ މަގާމުގައި ކޮންމެހެން ޝަރުތެއް އޮތުން މުހިންމެއް ނޫން
ކަލޯބެއްޔާ
19 December 2023
ކުރިން ތިބީ ކޯޑިނޭޓަރުން، ދެން އެގްޒެކްޓިވް ޑިރެކްޓަރުން މިހާރު ޕޮލިޓިކަލް ޑިރެކްޓަރުން.. ކޮންމެ ސަރުކާރަކަށް ނަމެއް ނުކިޔަސް ކުރިން ކީ ނަމުގަވެސް ހަމަ މީހުން ނެގޭނެތާ..
ރައީސްޔާ
18 December 2023
ކޮންމެ ނަމެއްކިޔަސް އޯކޭ. ހިދުމަތް ހޯދުމަށް ފަސޭހަ ވަންޔާ
ޖުހާނާ
19 December 2023
"ފަސޭހަ ވަންޔާ" އެއް ނޫން ލިޔާނީ. "ފަސޭހަ ވަންޏާ" ލިޔާނީ. "ޔ" އާއި "ޏ" ލިޔަންޖެހޭ ތަންތަން ދަސްކުރޭ.
ފާލިކް
18 December 2023
ހިދުމަތް ކުރެވޭ މީހުން ލަންޔާ ވަރަށް ރަނގަޅު. ކުރީގަ ތިބި ޓްވިޓް ކުރާމީހުންވެސް، އެ ގޯސް
އަލިނާ
18 December 2023
ތަންދިރު ދަންނަ މީހުން ލާފަ ތިބިއްޔާ ރަނގަޅު. ކޮންމެހެން މާ ބޮޑޫ ފާހެއް އޮންނާކަށް ނުޖެހެ
ސްލޯލިޙް
18 December 2023
އެބަތިބި ތަޖުތިބާ ހުރި ކިޔަވަިގެން ތިބި މީހުންވެސް ލާފަ. ޑރ. މުއިއްޒު ގެ ވިޝަން ގޯހެއް ނޫން
ނޫނު
21 December 2023
އެބަހުރި އެެއްވެސް މަދަރުސާއަކުން، ނުކިޔަވާ، އެެއް ވެސް މިންވަރެއްގެ ސެޓުފިކެއް ނެތް މީހަކަށް، ސްޓޭޓް މިނިސްޓަރުކަން ދީފަ.
ކޮމްރޭޑް
18 December 2023
ސޯވިއެޓް ޔޫނިއަންތަ މީ؟
ޑިސްއޮނަރަބަލް ޑީޑީ
18 December 2023
ޑިރެކްޓަރު އޮފް ތާންގީ ކިޔާފާ ވާރޭފެންނަގާ ސިޔާސީމަގާމެއް އުފެއްދުން ކީއްތޯ؟ ދެން ބަނޑިޔާތަކާއެކު ތާންގީދޮށަށް އެންމެން ފެންބަލާދާނީ. ވަރަށް ގައުމިއްޔަތުވާނެ.
މަގުމަތި23
18 December 2023
މަގުމަތީގަ އުޅުނު ކުދީންނަށް ދޭ ހަދިޔާއެއް ދޯ؟
އަފްރާސިޔާބު
18 December 2023
ބަލަ ދިވެހިންނަށޭ ވަޒީފާ ދިނީ. ޕޮލިޓިލް ޑިރެކްޓަރުން ކިޔަސް. ޢެގްޒަކެޓިވް ޑިރެކްޓަރުން ކިޔަސް. މެނެޖިންގ ޑިރެކްޓަރު މިޔަސް ސީނިއަރ ޕޮލިސީ އެގްޒަކެޓިވް ކިޔަސް ޕްލޭނިންގ ޑިރެކްޓަރު ކިޔަސް އެމީހުންގެ ޚިދުމަތް ގައުމަށް ބޭނުންވާތީ ރައީސް މުއިއްޒު އެމީހުންނަށް ވަޒީފާ ދެނީ. އެއީ މައްސަލައެއް ކަމަށް ދެކޭ މީހުން އެއުޅެނީ ހަޖަމު ނުވެގެން.
ދަންނަވަތޯ
18 December 2023
ޕޮލިޓިކަލް ޑައިރެކްޓާރ، އެޑްވައިޒާރ ޓް ދަ ޑައިރެކްޓާރ، އެނަލިސްޓް ޓް ދަ އެޑްވައިޒާރ އޮފް އޯލް ތިންގްސް ޕޮލިޓިކްސް، އެކްޓިވިސްޓް އިންޗާޖް އޮފް އެކްޓިވިސްޓްސް، ޓްސޭޓް އެޑްވައިޒާރ ޓް ޕަބްލިކް، މަތިބަރު ސަރުކާރަކަށްވެ ނިމިއްޖެ.