24 ޑިސެމްބަރ 2023 - 10:44
9 comments
ލޯނު ނުދައްކައިގެން ކޮންމެ މަހަކު އެވްރެޖުކޮށް 200 އެއްހާ ލުއި ލޯނުގެ މައްސަލަ ކޯޓަށް ފޮނުވަން ޖެހޭ ކަމަށާއި އެކަހަލަ މައްސަލަތައް އަވަހަށް ނިމޭނެ ނިޒާމެއް ބޭނުންވާ ކަމަށް ބީއެމްއެލްގެ ސީއީއޯ ކާލް ސްޓުމްކަ ވިދާޅުވެއްޖެ އެވެ.
"މިހާރު" އަށް ދެއްވި ހާއްސަ އިންޓަވިއުއެއްގައި ކާލް ވިދާޅުވީ، އަހަރަކު 2،000 އެއްހާ ލުއި ލޯނުގެ މައްސަލަ ފޮނުވަން ޖެހުމުން، މައްސަލަތައް ވަރަށް ބޮޑަށް ދިގުލައިގެންދާ ކަމަށެވެ.
"އެއީ ލޯނުގެ އިންޓްރެސްޓް ރޭޓު ވެސް ބޮޑުވާ އެއް ސަބަބު. ރިކަވާ ކުރުމަށް ކޯޓު މަރުހަލާގައި އެހާ ގިނަ ދުވަސްވާތީ،" އޭނާ ވިދާޅުވި އެވެ.
ބީއެމްއެލްގެ ލުއި ލޯނުގެ އިންޓްރެސްޓް ރޭޓު މި ވަގުތު އުޅެނީ 15 ޕަސެންޓުގަ އެވެ. ލުއި ލޯނު މެދުވެރިކޮށް 1.2 މިލިއަން ރުފިޔާއާ ހަމައަށް ލޯނު ނެގެ އެވެ. މި ލޯނު އަނބުރާ ދައްކަން ޖެހޭ މުއްދަތަކީ ފަސް އަހަރެވެ.
ކާލް ވިދާޅުވީ، ލުއި ލޯނުގެ ކުދިކުދި މައްސަލަތަކާ ހެދި ބައެއް ހާލަތްތަކުގައި ބޮޑެތި މައްސަލަތައް ވެސް ކުރިއަށް ގެންދިއުމުގައި ކޯޓުތަކުން ވަގުތު ނަގާ ކަމަށެވެ. އޭނާ ވިދާޅުވީ، ކުދިކުދި ލޯނުތަކުގެ މައްސަލަތަކުގައި ކޯޓަށް ދިއުމުގެ ބަދަލުގައި އެފަދަ މައްސަލަތައް ހައްލު ކުރެވޭނެ ފަސޭހަ ނިޒާމެއް ރޭވިފައި އޮތުން ވަރަށް މުހިއްމު ކަމަށެވެ. އޭރުން ފައިސާގެ ބޮޑެތި މައްސަލަތައް ވެސް އަވަސް ވާނެ ކަމަށް އޭނާ ގަބޫލުކުރައްވަ އެވެ.
އޭނާ ވިދާޅުވީ، އެފަދަ ނިޒާމެއްގެ ތެރެއިން މައްސަލަތައް ބަލަން ފަށައިފި ނަމަ، ކޯޓުތަކަށް ވެސް ލުއިތައް ލިބޭނެ ކަމަށެވެ.
ކޯޓުންތަކުން މިދިޔަ އަހަރު ވެސް ވަނީ ލޯނުތަކާއި ދަރަންޏާ ގުޅޭ މައްސަލަތަކުގެ ތެރެއިން 1.4 ބިލިއަން ރުފިޔާގެ މައްސަލަ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމީހުން އެއަށް ކިޔަނީ ރިބާއެއްނޫން "ނަފާ"
24 December 2023
މިގައުމަކީ މަސްވެރިން އަތުން މަސްގަނެފަ ދެގުނަ ބޮޑުކޮއްފަ މަސްދާޅުގެ ގޮތުގައި މަސްވެރިންނަށް ވިއްކާ އެމީހުން ބާނާ މަސް އެމީހުންނަށް ކާންދޭގައުމު
ކޮރަލް
24 December 2023
ކުދި އަދި މެދު ފަންތީގެ ގިނަ ލޯން ތައް ދެނީ ބައި އަޅާ ގޮތަށެވެ. ސީރިއަސް ކޮށް ވިޔަފާރި ކުރާ ބަޔަކަށް ނޫނެވެ.
ޞިލްސިލާ
24 December 2023
ތިފެންނަނީ ބޭންކުގެ ކްރެޑިޓް އިވެލުއޭޝަން ގެ ކަޑަކަން. ތިވަރައް ލުއިލޯނު ދޭކައް ނުވެސް ޖެހޭ. ކަލޭމެން ބޮޑު އިންޓްރަސްޓުގެ ފައިދާ ކުރިމުއްދަތެއްގަ ހޯދަން ކުރާ ކަމެއްތީ.
އާމިނަތު1
24 December 2023
އާމްދަނީ އާ ނުބައްދަލު ދިރިއުޅެން އުޅެން ޖެހެނީ، ރައްޔިތުން ވެސް ހަމަ އެންމެ ފަހުގެ ފޯނާއި ސައިކަލު ބޭނުންވީމަ ނަގާނެ ދޯ ލޯނު. އުމުރު ދުވަހު މަސައްކަތް ކޮށް ކުލީގެ އަޅަކަށް ވެގެން އުޅެނެޖެހެނީ. އެކަމަކު އިއްޒަތްތެރިން އަދިވެސް މަސައްކަތަށް ނުގޮސް އެއްލަކައްކަ ގެއަށް ގެންނަން ޖަހާލަނީ.
ސަންގޯރު
24 December 2023
ބަލަ ލޯނުދެނީ ދެފަރާތް އެއްބަސްވެގެން ލޯނު ނުދެއްކީމާ ހަދަންޖެހޭގޮތް ލިޔެވިފައޮވޭ އެންމެ ސިކުންތެއްލޯނު ނުދެއްކިއޮތަސް އިތުރު އިންޓްރެސްޓް އަރާ އެހެން ކިޔާފަ ލޯނު ގަވާއިދުންދައްކާމީހާއަށްވެސް ފަސޭހަތަކެއްއޮންނަންޖެހޭ ލޯނު ނުދައްކާމީހާގެ ސަބަބުން ލޯނުއިންޓްެސްޓް ބޮޑުވާކަށްނުޖެހޭ ލޯނުގެ ބާކީހުންންނަ ކޮންމެދުވަހަކަށް އިންޓްރެސްޓް އިތުރުވޭ. ކޮންމެދިވެއްސެއްގެ ސަންދޯކުއެއްކޮޅުގައި ނުދެއްކި އޮންންނަ ލޯނެއްއޮވޭ އިންޓްރެސްޓް ހެސްކިޔާފަބޮޑު މީ ރިބާ.
ސަންގޫރު
25 December 2023
ކޮއްކޯ. ލޯންތަކުގެ އިންޓްރެސް ބޮޑުވާނެ ރިސްކް މަތިވާވަރަކަށް. ގޫގުލް ކޮއްލާފަ ކޮމެންޓްކޮއްލާނަމަ ރަނގަޅު.
ކުޑަބޭބެ
24 December 2023
ކޯޓަށް ގޮސްގެން ކޮން ކަމެއްވަނީ. ފައިސާ ދައްކަން އެއްބަސްވެގެން ނިންމަނީ. ބައެއް މީހުން ދައްކަމުންދިޔަސ ކޯޓަށްދޭ. ބޭންކުން ކަސްޓަމަރުންނަށް ގުޅައިގެން އުޅޭނަމަވެސް ރަނގަޅުވާނެ
ރަދީފްއޮފިޝަލް
24 December 2023
''ލޯނު ނުދައްކައިގެން ކޮންމެ މަހަކު އެވްރެޖުކޮށް 200 އެއްހާ ލުއި ލޯނުގެ މައްސަލަ ކޯޓަށް ފޮނުވަން ޖެހޭ''. ދަރަނި ދަންތުރައިގެ ޖެހިފަ އޮތް ޖީލެއް ގައުމުގަ އޮތުން މިއީ ހިތާމައެއް. ހުރިހާ މީހުންގެ ދިރިއުޅުން މިވަނީ އިބާގެ ތެރޭގެ ޢަރަގުވެފަ. މިއީ ވިސްނލަން ޖެހިފައިވާ ގައުމީ މައްސަލައެއް. ވ.ވެދުން
ބއމ ލޯނު ސްކީމް
24 December 2023
މިއީ ދިވެހރާއްޖެ! ތިތަނުން ލޯނު ނަގައިގެން އުޅެނީ ދިވެހިން. ރައްޓެހިންނާ އާއިލާގެ މެންބަރުންއަތުން ފަހުން ދައްކާނެ ކަމައް ވައުދު ވެގެން “ލޯނު” ނަގައިގެން އެ ނުދައްކާ ނޭގޭކަމައަ ހަދައިގެން އުޅޭ އެތައް ހާސް މައްސަލަ ކޯޓުތަކުގަ! ޢެކަންކަން ފަސް ޖައްސާލަ ބއމ ގެ މައްސަލަ ބެލުމުގަ މާނަ އެއް ނެތް! ލޯނު %15 މަތީގަ ރިބާ ޖައްސަނީ ނުލިބޭނެ ކަން އެގޭތީވެ!