ފައިލޭރިއާ އޮތީ ކޮންޓްރޯލްގައި، ކަންބޮޑުވާންޖެހޭ ކަމެއް ނެތް: މިނިސްޓަރު

ފައިލޭރިއާއަށް ޓެސްޓުކުރަން ލޭގެ ސާމްޕަލް ނަގަނީ

އާސިމާ ނިޒާރު، މިހާރު

26 ޑިސެމްބަރ 2023 - 10:55

ރާއްޖެއިން ނައްތާލިކަމަށް ކަނޑައަޅާފައިވާ ފައިލޭރިއާ ޖެހިފައި ތިބި ބިދޭސީންގެ ބަޔަކު ފެނުނަސް ކަންބޮޑުވާންޖެހޭ ކަމެއް ނެތް ކަމަށާއި އެ ބަލި އޮތީ ކޮންޓްރޯލްގައި ކަމަށް ހެލްތު މިނިސްޓަރު އަބްދުﷲ ހަލީލް އިއްޔެ ވިދާޅުވެއްޖެ އެވެ.

އާ ސަރުކާރުގެ ހެލްތު މިނިސްޓަރު، "މިހާރު" އަށް ދެއްވި އިންޓަވިއުގައި ވިދާޅުވީ ފައިލޭރިއާ އަކީ ފަސޭހައިން ފެތުރޭ ބައްޔެއް ނޫން ކަމަށެވެ. އެހެންވެ، ކޮމިއުނިޓީ ސްޕްރެޑަކަށް ދިއުމުގެ ކަންބޮޑުވުމެއް ނެތަސް، ރާއްޖެއިން ނައްތާލާފައިވާ ބައްޔެއް ފެނުމަކީ ކަންބޮޑުވުމެއް ކަމަށް ހަލީލް ވިދާޅުވި އެވެ.

"100 ޕަސެންޓް ކޮންޓްރޯލްޑް ކަމެއް މިއީ. އަދި މަދިރި ޖައްސާތަނުން ދާ އެއްޗެއް ނޫން މިއީ. އެތައް ފަހަރަކު މަދިރި އައިސް ބައިޓްކުރީމަ ދާ އެއްޗެއް މިއީ. އެ ފެތުރުމުގެ ކަންބޮޑުވުމެއް އަޅުގަނޑުމެންގެ ނެތް. އަޅުގަނޑުމެންގެ ކަންބޮޑުވުމަކީ ރާއްޖެއިން އެލިމިނޭޓްވެފައި އޮތް ބައްޔެއް،… pic.twitter.com/CEUm8N7dcQ
— Mihaaru (@Mihaarunews) December 26, 2023

މިނިސްޓަރު ހަލީލް "މިހާރު"އާ ވާހަކަ ދައްކަވަނީ.

ރާއްޖެއިން ފައިލޭރިއާ ނައްތާލިކަމަށް ޑަބްލިއުއެޗްއޯއިން ކަނޑައެޅީ 2016 ވަނަ އަހަރު އެވެ. މި ސަރަހައްދުން އެ ޝަރަފު ދެން ހޯދާފައިވަނީ ސްރީ ލަންކާ އެވެ.

އެ ބައްޔަށް ބިދޭސީންތަކެއް ޕޮޒިޓިވްވިކަން އެންމެ ފުރަތަމަ އެނގުނީ، ދުނިޔޭގެ އެއިޑްސް ދުވަސް ފާހަގަކުރަން މި މަހުގެ 1 އަދި 2 ވަނަ ދުވަހު ހދ. ކުޅުދުއްފުށީގައި ބޭއްވި ސްކްރީނިންގެ ތެރެއިންނެވެ. މިހާތަނަށް 683 މީހުން ޓެސްޓުކުރި އިރު، އޭގެ ތެރެއިން 32 މީހަކަށް އެ ބަލި ޖެހިފައިވާކަން ވަނީ ކަށަވަރުކުރެވިފަ އެވެ.

އޭގެ ތެރޭގައި ހިމެނެނީ އިންޑިއާގެ 30 މީހަކާއި ބަންގްލަދޭޝްގެ ދެ މީހެކެވެ. ގިނަ މީހުން ރާއްޖެ އައިތާ އަދި ހަ މަސް ދުވަސް ނުވެ އެވެ.

ހެލްތު މިނިސްޓަރު ޑރ. ހަލީލް، އެ މިނިސްޓްރީގެ ބައްދަލުވުމެއްގައި ބައިވެރިވެވަޑައިގަންނަވަނީ.-- ފޮޓޯ: ހެލްތު މިނިސްޓްރީ

މިނިސްޓަރު ވިދާޅުވީ މިހާތަނަށް 155 ދިވެހިން ޓެސްޓުކުރި ކަމަށެވެ. އެކަމަކު، އެއްވެސް މީހަކު ޕޮޒިޓިވް ނުވާތީ، ރާއްޖެއިން ފެނުނީ އިމްޕޯޓު ކޭސްތަކެއްކަން އޭނާ ފާހަގަކުރެއްވި އެވެ.

"އެ ފެތުރިދާނެ ކަމުގެ ބިރެއް ނެތް އަޅުގަނޑުމެންގެ އިރާދަކުރެއްޔާ."

ފައިލޭރިއާ ޖެހިފައިވާނަމަ ރާއްޖޭގައި ދެނީ މައިގަނޑު ތިން ބޭހެކެވެ. ހަލީލް ވިދާޅުވި ގޮތުގައި، އެ ބޭސްތައް އަދި ޓެސްޓުކުރަން ބޭނުންވާ ކިޓް ރާއްޖޭގައި އެބަހުއްޓެވެ. ނަމަވެސް، އެ ތަކެތި އިތުރަށް ހޯދުމުގެ މަަސައްކަތްކުރާނެ ކަމަށް މިނިސްޓަރު ވިދާޅުވި އެވެ.

"100 ޕަސެންޓް ކޮންޓްރޯލްޑް ކަމެއް މިއީ. އަދި މަދިރި ޖައްސާތަނުން ދާ އެއްޗެއް ނޫން މިއީ. އެތައް ފަހަރަކު މަދިރި އައިސް ބައިޓްކުރީމަ ދާ އެއްޗެއް މިއީ [ހަށިގަނޑުގެ ތެރެއަށް]. އެ ފެތުރުމުގެ ކަންބޮޑުވުމެއް އަޅުގަނޑުމެންގެ ނެތް. އަޅުގަނޑުމެންގެ ކަންބޮޑުވުމަކީ ރާއްޖެއިން އެލިމިނޭޓްވެފައި އޮތް ބައްޔެއް، ރާއްޖޭގައި އުޅުމުގެ ކަންބޮޑުވުން މި އޮތީ. އެހެންވެ، މިހާރުން މިހާރަށް ވެސް ކޮންމެ މީހަކަށް ވިޔަސް، ބޭރު މީހަކަށް ވިޔަސް އެ މީހުން އައިސް ދިނުމުގެ ބަދަލުގައި ފޯރުކޮށްދެނީ ބޭސް އެ މީހުންނަށް." ހަލީލް ވިދާޅުވި އެވެ.

ހެލްތު ޕްރޮޓެކްޝަން އެޖެންސީ ހެލްތު މިނިސްޓްރީ ޑރ. އަބްދުﷲ ހަލީލް (ފޮރިން މިނިސްޓަރު)

15 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަރުބާދު

27 December 2023

ކިހިނެއް ކޮންޓްރޯލްކޮއްފަތޯ؟. ޖެހިފަތިބި ހުރިހާމީހުން އައިސޮލޭޓްކޮއްފަތޯ ނޫނީ ފައިލޭރިއާޖައްސާ މަދިރި ކުޑަގޮޅިއައްލީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

27 December 2023

ފައިފަލަބައްޔަކީ އިންޑިޔާއިން އަންނަ އެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަތްދިދަ

27 December 2023

ރާއްޖޭގެ ސިއްހީ ނިޒާމު، ސަރުކާރު ހޮސްޕިޓަލްއިން ދެވޭ ހިދުމަތާއި ހިދުމަތުގެ ފެންވަރުވެސް އޮތީ ވެރިން ކަންބޮޑުވާ ހިސާބަކު ނޫން، ނިކަމެތި ރައްޔިތުން ކަންބޮޑުވާ ހިސާބުގަ. ޤައުމުގެ ވެރިންނާއި ވެރިންގެ އާއިލާތަކަށް ކަންކަން ކަންބޮޑުވާންޖެހޭ ހިސާބަށް ދިއައީމަ ވަރަށް ރަގަޅަށް އެގުންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަތްދިދަ

27 December 2023

ހާސްކަނޑާލާ ، ހަމަޖެހޭނެ . ރާއްޖޭގެ ވެރިން ކަންބޮޑުވާންޖެހޭ ހިސާބަކަށް އެެއްވެސް ކަމެއް ނުދާނެ، ނިކަމެތި ރައްޔިތުން ހަނާވާނީ . ރާއްޖޭގަ ޤަވައިދާ ހިލާފަށް އުޅެމުންދާ ބިދޭސީންގެ މައްސަލަވެސް އޮތީ ވެރިން ކަންބޮޑުވާންޖެހޭ ހިސާބަކުނޫން ، އެކަމު ނިކަމެތި ރައްޔިތުން ކަންބޮޑުވެ މާޔޫސް ވާންޖެހޭ ހިސާބުގަ. ބަޒާރުގަ ތަކެތީގެ އަގު އުފުލެމުން ދިއުންވެސް އަދި އޮތީ ވެރިން ކަންބޮޑުވާންޖެހޭ ހިސާބަކުނޫން އެކަމު ނިކަމެތި ރައްޔިތުން ހަނާވާ ހިސާބުގަ……

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

26 December 2023

ކޮވިޑްގަވެސް ތި ލަވަ ކިޔާއުޅުނު. މިފަހަރު ކިހިނެއް ވާނެބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕަރީދާ

26 December 2023

މިނިސްޓަރު އިތުރުފުޅު ނުހައްދަވާ. 500 ކިޓު ހުރީ ޓެސްޓުކުރާ. ކުޅުދުއްފުށިން ޓެސްޓުކުރި މަދިރިފަނިން ކިއުލެކްސް މަދިރިވެސް އެރަށުގައި އުޅޭކަން އެނގިފަ އޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމް

26 December 2023

ކަންބޮޑެއްނުވޭ. ހަތަރެސްކަން ހަމަވެދާނެތީ މައްސަލައަކީ؟ ބަލިމީހުން ފޮނުވާލެވިއްޖެތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

26 December 2023

ކަލޭމެން ސިޔާސީ ބޭފުޅުން މިގައުމުގައި މިހިރަ ބޮޑެތި މައްސަލަތކުގައި ކަންބޮޑުވާ ނެކަމެއްނެތް. ކަން ބޮޑުވާނަމަ 5 އަހަރު ކޮށްފައި ދާއިރު ތިބޭފުޅުން އަތުގައި އެންމެ ލޯލާރިފޮއްޗެއް ވެސް ނޮއޮންނާނެ ވިއްޔާ.ވ ވެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

26 December 2023

މުސްކުޅިން ބުނާ ހަރުބަހެއް އޮވޭ ކޮނުނު ވަރަކަށް ފަސް ގިނަވާނޭ. ހަމަ އެގޮތަށް ފައިލޭރިއާ ޓެސްޓް ހެދިވަރަކަށް ޕޮޒިޓިވް ކޭސްތައް ގިނަވާނެ. ޓެސްޓް ހެދުން ހުއްޓާލާ އެއިރުން އިތުރު ކޭހެއް ނުފެންނާނެ އަދި ބުނޭ މިހާރު ކޮންޓްރޯލް ވެފައޭ އޮތީ. ދުވަސް ކޮޅަކުން ފެންނާނީ މިރާއްޖޭގެ އެންމެން ފައި ފަލަވެފައި ތިއްބާ. ހެޔޮނުވާނެ މަދިރި ކޮންޓްރޯލް ކުރަން ދުންޖެހުން ގާނޫނަކުން ނަމަވެސް ލާޒިމު ކުރޭ.