އައްމަޓީގެ ޕާސްޕޯޓްގެ މައްސަލަ ސުޕްރީމް ކޯޓަށް

ސީލައިފް ގްލޯބަލްގެ ކުންފުނީގެ ވެރިޔާ އަހުމަދު މޫސާ (އައްމަޓީ) ހައި ކޯޓުގެ ޝަރީއަތުގައި

27 ޑިސެމްބަރ 2023 - 12:17

ސީލައިފް ގްލޯބަލްގެ ކުންފުނީގެ ވެރިޔާ އަހުމަދު މޫސާ (އައްމަޓީ) ރާއްޖެއިން ބޭރަށް ދާން ކްރިމިނަލް ކޯޓުން ހުއްދަ ދިން ގޮތް ރަނގަޅަށް ކަމަށް ހައި ކޯޓުން އިއްޔެ ނިންމުމުން އެކަން ސުޕްރީމް ކޯޓުގައި އިސްތިއުނާފްކުރަން ޕްރޮސިކިއުޓާ ޖެނެރަލްގެ އޮފީހުން ނިންމައިފި އެވެ.

ހުޅުމާލޭގައި ފްލެޓް އަޅަން ހަވާލުވެ އެތައް ބައެއްގެ އަތުން ފައިސާ ނެގުމަށް ފަހު ފްލެޓްތައް ނުހަދައި ފައިސާއަށް ހިޔާނަތްތެރިވި ކަމުގެ ތުހުމަތުގައި ދައުވާ ލިބޭ އައްމަޓީގެ މައްސަލައިގައި ހައި ކޯޓުން ނިންމި ނިންމުން މިއަދު ސުޕްރީމް ކޯޓަށް ހުށަހަޅާނެ ކަމަށް ޕީޖީން ބުންޏެވެ.

ޕީޖީ އޮފީހުން ބުނީ އައްމަޓީގެ ޕާސްޕޯޓް ވަގުތީގޮތުން ދޫކޮށްލަން ކްރިމިނަލް ކޯޓުން ނިންމާފައި އޮތީ މި މަހުގެ 6 އިން 25 އާ ހަމައަށް ކަމަށް ވާއިރު ހައި ކޯޓުން މައްސަލަ ނިންމި އިރު ވެސް އޮތީ ޕާސްޕޯޓް ވަގުތީގޮތުން ދޫކޮށްލަން ނިންމި މުއްދަތު ހަމަވެފައި ކަމަށެވެ.

މި މައްސަލަ އިސްތިއުނާފުކުރަން ނިންމާފައިވަނިކޮށް، ޕާސްޕޯޓް ހިފެހެއްޓުމުގެ އަމުރު މުރާޖައާކުރުމުގެ އަޑުއެހުމެއް މިއަދު ކްރިމިނަލް ކޯޓުގައި ތާވަލްކޮށްފައިވާ ކަމަށް ވެސް ޕީޖީން ބުންޏެވެ. ނަމަވެސް ސުޕްރީމް ކޯޓުގައި ކުރާ އިސްތިއުނާފްގައި ވަކި ގޮތެއް ނިމެންދެން މި އަޑުއެހުން ކުރިއަށް ނުގެންދަން ކްރިމިނަލް ކޯޓުގައި އެދިފައިވާ ކަމަށް ވެސް ބުންޏެވެ.

Ammattee raajjein beyrah dhaan huhdha dhinee rangalhah: HC

The most trusted news source in the Maldives

Mihaaru

ހައި ކޯޓުން އިއްޔެ ކުރި ހުކުމުގައިވަނީ އައްމަޓީ ފުރަން ހުއްދަ ދިނުމުގައި އޭނާ ފަރުވާ ހޯދަންޖެހޭ ސިއްހީ މައްސަލައަށާއި އެކަމުގައި ވަށައިގެން ހުރި ކަންކަމާއި އަދި އައްމަޓީގެ ފަރާތުން ކޯޓަށް ކުރިން ދީފައިވާ އެއްބާރުލުމަށް ރިއާޔަތް ކޮށްފައިވާ ކަމަށެވެ. އަދި އެކަމަކީ ރާއްޖެއިން ފަރުވާ ހޯދިދާނެ ކަމަކަށް ވިޔަސް، އެއީ ހަމައެކަނި އެކަމުގެ މައްޗަށް ބިނާކޮށް ކްރިމިނަލް ކޯޓުގެ ނިންމުން ބާތިލް ކުރެވޭނެ ސަބަބެއް ނޫން ކަމަށް ހުކުމުގައިވެ އެވެ.

ދެ ފަނޑިޔާރުންގެ އަގުލަބިއްޔަތުން ކުރެއްވި ހުކުމުގައިވާ ގޮތުން ކްރިމިނަލް ކޯޓުގެ ނިންމުމަކީ ފަނޑިޔާރުގެ އިހްތިޔާރީ ބާރުގެ ތެރެއިން ނިންމާފައިވާ ނިންމުމެއް ކަމަށް ވާއިރު، އެފަދަ ކަންކަމުގެ ތެރެއަށް އިސްތިއުނާފް ކޯޓަށް ވަދެވޭނީ އިސްތިސްނާ ހާލަތްތަކުގަ އެވެ.

އައްމަޓީ ފުރުމުގެ ހުއްދަ ކޯޓުން ދިނަސް، ސަރުކާރުން އަޅާފައިވާ ފިޔަވަޅުތަކުގެ ސަބަބުން އޭނާއަށް ސްރީލަންކާއަށް ވަނުމުގެ ހުއްދަ ނުލިބުނު ކަމަށް އޭނާގެ ފަރާތުން ހައި ކޯޓުގައި ކުރިން ބުނެފައިވެ އެވެ.

އަހުމަދު މޫސާ (އައްމަޓީ) ޕްރޮސެކިއުޓާ ޖެނެރަލް ސީ ލައިފް ގްލޯބަލް

7 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބޫބެ

27 December 2023

އަހަރެމެން މިހާރު ބޭނުންވަނީ މިކަހަލަ މީހުން ސްޕރީމް ކޯޓުންވެސް ދޫކޮށްލަން. ސަބަބަކީ މިޤައުމަކީ ހަމައެކަނި ކުށްވެރިން ހިމާޔަތް ކުރާހަމައެކަނި ޤައުމު ، އެބަ ދުޢާކުރަން ދޫކޮށލާތޯ، ސަބަބަކީ އަނިޔާލިބިފަ ތިބިމީހުނަށް އަދިވެސް އަނިޔާއާއި ހިތާމަ، މިމީހުންނަށް ރާައޖޭނބޭރު ފަރުވާއައި ވި.އައި.ޕީ ޚިދުމަތާއި ރާއްޖޭން ބޭރުން ބޭސްފަރުވާ، އަދި ރަތް ޕާސްޕޯރޓް. އިންޝާ ﷲ ދޫކޮށްލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞަންފަ

27 December 2023

މިނޫނިއްޔާ ނޯންނާނެ ކުށްވެރިންނަށް ވީ.ވީ.އައި.ޕީ ސެކިޔުރިޓީ އާއި ހިޔުމަން ރައިޓްސް އޮންނަ ގައުމެއް، ކުށްވެރިޔަކު ޖަލަށް ލާއިރަށް ބެކްބޯން މައްސަލަ ޖެހޭ ޤައުމެއް، މުޅިދުނިޔޭގަވެސް އެންމެ އަގުބޮޑު ޖަލު މިރާއްޖޭގަ ، ކުށް ގިނަވަނީ ޖަލުގެ ވީ.އައި.ޕީ ޚިދުމަތް ރަނގަޅުވީމަ، ބަރާބަރަށް 4 އިރު ކާންލިބޭ، އެންމެ ފަހުގެ މެޑިކަލް ފެސިލިޓީޒް، އެންމެ ފެންވަރު ރަނގަޅު އެކޮމަޑޭޝަން، އެންމެ ރަނގަޅު ޖިމް، އަދި ހުރިހާ ކުޅިވަރެއް، ދެން ކުށް ނުކުރަންވީ ސަބަބަކީ ކޮބާ؟