ވަގުތުން އެކްޓިވޭޓްކުރެވޭ އިންސްޓަންޓް ކާޑު އެމްއައިބީން ތައާރަފްކޮށްފި

އެމްއައިބީން ހުޅުވި ބިޒްނަސް ސެންޓަރު. -- ފޮޓޯ: އެމްއައިބީ

އައިޝަތު ޖަޒްލީ، މިހާރު

04 ޖެނުއަރީ 2024 - 11:15

އެމްއައިބީގެ އެކައުންޓާ ލިންކުކޮށް ވަގުތުން އެކްޓިވޭޓުކުރެވޭ ވިސާ ޑެބިޓް ކާޑެއް އެމްއައިބީން ތައާރަފްކޮށްފި އެވެ.

އެ ބޭންކުން ބުނި ގޮތުގައި މި ކާޑު ތައާރަފްކުރީ އޮންލައިންކޮށް އެކައުންޓު ހުޅުވުމުގެ ހިދުމަތާ އެކު ފަސޭހައިން އެކައުންޓަށް ލިންކުކުރެވޭނެ ކާޑެއް ފޯރުކޮށްދިނުމުގެ ގޮތުންނެވެ. މި ކާޑާ އެކު ލިބޭ ކިއުއާރުކޯޑު ސްކޭންކޮށްގެން ފަސޭހައިން ކާޑު އެކައުންޓާއި ލިންކުކޮށް އެކްޓިވޭޓުކުރެވޭނެ އެވެ.

މި ކާޑު އެމްއައިބީގެ ބްރާންޗުތަކާ ސޭލްސް ސެންޓަރުތަކުން މިހާރު ލިބެން ހުންނާނެ އެވެ.

މި ކާޑާ އެކު އެކައުންޓް ހުޅުވާ އެކައުންޓުގެ ހިދުމަތްތައް އޮންލައިންކޮށް ހޯދުމުގެ ހިދުމަތް އިތުރަށް ފުރިހަމަވާނެކަމަށް އެ ބޭންކުން ބުންޏެވެ. އެމްއައިބީން އޮންލައިންކޮށް އެކައުންޓު ހުޅުވުމުގެ ހިދުމަތް ތައާރަފް ކުރީ މިދިޔަ ސެޕްޓެމްބަރު މަހު އެވެ.

Instant Card | Maldives Islamic Bank

Official website of Maldives Islamic Bank. We are a full suite Islamic Bank offering deposit and financing products to individuals and businesses in the Maldives.

ކާޑާ ގުޅޭ އިތުރު މައުލޫމާތު މި ލިންކުން ލިބޭނެ.

އެމްއައިބީން ވަނީ އެކައުންޓު ހުޅުވުމުގެ އިތުރުން އެ ބެންކުގެ ފައިނޭންސިން ފެސިލިޓީގެ ހިދުމަތްތައް ވެސް ޑިޖިޓަލައިޒް ކޮށްފަ އެވެ. އެ ބޭންކުގެ އަމާޒަކީ ހިދުމަތްތައް ޑިޖިޓަލައިޒްކޮށް ހުރިހާ ހިދުމަތްތަކަކީ ވެސް ރާއްޖޭގެ ކޮންމެ ހިސާބެއްގައި ހުރެގެން ފަސޭހައިން ހޯދޭނެ ހިދުމަތްތަކަކަށް ހެދުމެވެ.