ސައުދީ އެމްބަސީން އެޑިއުކޭޝަން މިނިސްޓްރީއަށް ހަވާލުކުރި ފޮތްތަކާ، އެޑިއުކޭޝަން މިނިސްޓަރު ޑރ. އާއިޝަތު ޝިހާމް (މ) ހަވާލުވެވަޑައިގަންނަވަނީ.-- ފޮޓޯ: އެޑިއުކޭޝަން މިނިސްޓްރީ
14 ފެބުރުއަރީ 2017 - 14:29
4 comments
ރާއްޖޭގައި އަރަބި ބަސް ކިޔަވައިދޭން ސައުދީ އަރަބިއްޔާ އިން 17،500 ފޮތް މިއަދު ހަދިޔާކޮށްފި އެވެ.
އެޑިއުކޭޝަން މިނިސްޓްރީގައި ބޭއްވި ރަސްމިއްޔާތެއްގައި މިނިސްޓަރު ޑރ. އާއިޝަތު ޝިހާމާ އެ ފޮތްތައް ހަވާލުކޮށްދެއްވީ، އެ ގައުމުން ރާއްޖެ ކަނޑައަޅުއްވާފައި ހުންނަވާ ޑެޕިއުޓީ އެމްބެސެޑަރު މަޓްރެކް އަބްދުﷲ އަލްދޮސަރި އެވެ.
އެޑިއުކޭޝަން މިނިސްޓްރީން ބުނީ އެ ފޮތްތައް ބޭނުންކުރާނީ ގްރޭޑް 1-5ގެ ގްރޭޑުތަކުގައި ކިޔަވައި ދިނުމަށް ކަމަށެވެ. އެއީ ކޮންމެ ގްރޭޑަކަށް 3،500 ފޮތް ކަމަށް މިނިސްޓްރީން ބުންޏެވެ.
ސައުދީން ހަދިޔާކުރި ފޮތްތަކުގެ ތަފުސީލީ މައުލޫމާތުތައް ރެކޯޑު ކުރުމުގެ މަސައްކަތް ކުރަމުން އަންނަ ކަމަށާއި، އެ މަސައްކަތް ނިމުނުހާ އަވަހަކަށް ސްކޫލުތަކަށް ފޮނުވާނެ ކަމަށް ވެސް މިނިސްޓްރީން ބުންޏެވެ. ރާއްޖޭގައި އަރަބި ބަސް ފުޅާކުރަން ސައޫދީން އަންނަނީ ގިނަ އެހީތަކެއް ދެމުންނެވެ. އެގޮތުން މިދިޔަ އަހަރުގެ ތެރޭގައި ވެސް ރާއްޖެއަށް އެއް ލައްކަ އަރަބި ފޮތް ސައުދީން ހަދިޔާކޮށްފައި ވެ އެވެ. އަދި އަރަބި ކިޔަވައިދޭނެ 17 ޓީޗަރުން، ސައުދީން ވަނީ މިއަހަރުގެ ތެރޭގައި ރާއްޖެ ފޮނުވާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
14 February 2017
ސައުދީން ޓީޗަރުންދީފި، ފޮތްތަށްދީފި، އިސްލާމީ މަރުކަޒުގައި ޖަހާނެ ޓައިލްސްދީފި، މަޖިލިހުގެ އާއިމާރާތުގެ ބައެއް ސާމާނުދީފި، އަދި ދިވެހިސަރުކާރުން ބަދަލުގެ ގޮތުގައި އެތަކެއް ފަޅުރަށެއްދީފި، އަރަބިން އެފަޅުރަށްތަށް އެމެރިކާގެ ކުންފުނިތަކަށް ވިއްކާލައިފި ދެން އަރަބިބަސް ދަސްކޮށްދީގެން އަރަބިންގެ ޑިމޮކްރަސީ ގެނެސްދޭންވީނޫންތޯ؟
ނޯމެންކް
14 February 2017
މުޅި ސައުދީ އަރަބިޔާ ގަ ދާޙިލީ ކަންތައް ގަނޑެއް އުޅޭއިރު ރާއްޖޭގަ މިހާ ގިނަ ކަންތައް މިހިންގަނީ ކީއްކުރަން؟
ޢިބްރާ
14 February 2017
ހާދަ ރަނގަޅޭ
މެންޓަލިސްޓް
14 February 2017
17500 ފޮތް ތިޔައީދެން ކޯންޗެއް ސައުދީ ރޯޔަލްފެމިލީއާއި ބަލާފައި ،، އެމީހުން މަޖާކުރަން ހޮލިޑޭއަކަށްވެސް އެކަކު އެކަނި ޙަރަދު ކުރާނެ 17 މިލިއަން ޑޮލަރު ،، ވަރަށްވެދުން