މަޖިލީހުން ރުހުން ނުދިން ވަޒީރުން އަލުން އައްޔަންކުރި މައްސަލަ މަޖިލީހަށް

ގަލޮޅު އުތުރު ދާއިރާގެ މެންބަރު އީވާ އަބްދުﷲ: މަޖިލީޙުން ރުހުން ނުދިން ވަޒީރުން އަލުން އައްޔަން ކުރުމާ ދެކޮޅަށް އޭނާ ވަނީ ގަރާރެއް ހުށަހަޅާފައި -- ފޮޓޯ: މަޖިލިސް

އައިޝަތު ނުޒުހާ، މިހާރު

31 ޖެނުއަރީ 2024 - 15:55

15 comments

ރައްޔިތުންގެ މަޖިލީހުން ރުހުން ނުދޭން ފާސްކުރި ތިން ވަޒީރަކު އަލުން މަގާމަށް އައްޔަންކުރެއްވުމަކީ ގާނޫނުއަސާސީއާ ޚިލާފަށް ކުރެއްވި ކަމެއް ކަމަށް ބުނެ ރައްޔިތުންގެ މަޖިލީހަށް ގަރާރެއް ހުށަހަޅައިފި އެވެ.

މި ގަރާރު މަޖިލީހަށް ހުށަހެޅުއްވީ ގަލޮޅު އުތުރު ދާއިރާގެ މެންބަރު އީވާ އަބްދުﷲ އެވެ.

ގަރާރުގައި ބުނެފައިވާ ގޮތުގައި، ރުހުން ނުދިން ތިން ވަޒީރުން އަލުން އައްޔަން ކުރެއްވުމަކީ މަޖިލީހަށް ދީފައިވާ ބާރު ކަނޑުވާލައި، ވެރިކަން ހިންގުމުގެ ބާރުގެ ފަރާތުން ކުރާ ކަންތައްތައް ހިނގާ ނުހިނގާ ގޮތް ބެލުމަށާއި ވެރިކަން ހިންގުމުގެ ބާރު ޖަވާބުދާރީކުރުވުމުގެ ބާރު ނިގުޅައިގެންދާ ފަދަ އަމަލެެކެވެ.

ގަރާރުގައި އީވާ ވިދާޅުވި ގޮތުގައި، ވަޒީރުންނަށް ރުހުން ހޯދުމަކީ ގާނޫނު އަސާސީން ލާޒިމް ކުރާ ކަމަކަށް ވާއިރު ރުހުން ނެތް ވަޒީރުންނަށް މަގާމުގައި ނުތިބެވޭނެ ކަން ސާފުކޮށް އެނގެން އެބައޮތެވެ.

"ރައްޔިތުންގެ މަޖިލީހުން ރުހުން ނުލިބޭ ތިން ފަރާތެއް ވަޒީރުންގެ މަޖިލީހަށް އަލުން އައްޔަންކޮށް މަގާމުގެ މަސްއޫލިއްޔަތު އަދާކުރަން ފަށާފައިވާއިރު، އެ ނިންމެވުމަކީ ރައްޔިތުންގެ މަޖިލީހުގެ ގާނޫނީ ބާރުވެރިކަމަށް ކަނޑައެޅިގެން ގޮންޖައްސައްވައި ގާނޫނު އަސާސީއާ ހިލާފު ކަމެއް،" ގަރާރުގައި ބުނެފައިވެ އެވެ.

މިއީ ދިވެހި ސަރުކާރަށް އޮތް އިތުބާރު ގެއްލި އުނދަގޫ ހާލަތަކަށް ހިނގައިގެންދާނެތީ، ގާނޫނުއަސާސީއާ އެއްގޮތަށް އަމަލުކުރުމަށް ގަރާރުގައި ގޮވާލާފައިވެ އެވެ.

ރައީސް ޑރ. މުހައްމަދު މުއިއްޒުގެ ފުރަތަމަ ކެބިނެޓަށް އައްޔަން ކުރެއްވި 22 ވަޒީރުންގެ ތެރެއިން މަޖިލީހުގެ މެޖޯރިޓީ އޮތް އެމްޑީޕީން ވިޕެއް ނެރުނީ ހަތަރު މިނިސްޓަރަކަށް ރުހުން ނުދިނުމަށެވެ. އޭގެ ތެރެއިން ތިން މިނިސްޓަރަކަށް ރުހުން ނުދޭން މަޖިލީހުން ފާސްކުރި އެވެ.

ނަމަވެސް ރައީސް ޑރ. މުއިއްޒު ވަނީ މާ ގިނައިރު ތަކެއް ނުވަނީސް އެ ތިން ބޭފުޅުން އަލުން އެ މަގާމުތަކަށް އައްޔަން ކުރައްވައިފަ އެވެ.

އެއީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދާއި އެޓާނީ ޖެނަރަލް އަހުމަދު އުޝާމް އަދި ހައުސިން މިނިސްޓަރު ޑރ. އަލީ ހައިދަރެވެ.

ނަމަވެސް އެއީ ގާނޫނުއަސާސީގެ ދަށުން ރައީސަށް ކުރެއްވިދާނެ ކަމެއް ކަމާ މެދު ގާނޫނީ ބޮޑު ބަހުސެއް ވަނީ އުފެދިފަ އެވެ. އެއީ އެ މަނިކުފާނަށް ކުރެވިދާނެ ކަމެއް ކަމަކަށް އިދިކޮޅު ޕާޓީ އެމްޑީޕީން ވެސް ގަބޫލެއް ނުކުރެ އެވެ.

ކެބިނެޓް ރައްޔިތުންގެ މަޖިލިސް މެމްބަރު އީވާ އަބްދުﷲ

15 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސީލު

01 February 2024

މިއަކީ ހުސް އިންޑިއާގެ އޯޑަރަށް ކުރާ ކަންކަން. އެގައުމުން ވަނީ މި މީހުންނަށް މިކަން ކުރަން މިލިއަނުން ލާރި ބަހާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު މުހަންމަދު

01 February 2024

މި 2 މަސްދުވަހު ގައުމުގެ އިގްތިސާދީ ދުވެލި ހުރި ބާރުމިން ފެނި އެ ހަޖަމް ނުވެގެން އުޅޭހެން ވަރަށް ހީވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަލޮޅު އުތުރުގެ ރައްޔިތުން

01 February 2024

ރައްޔިތުން ހޮވި ސަރުކާރަކަށް ޖެއްސުން ކުރުން ހުއްޓާލުމަށް އީވާއަށް ގޮވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްފާލު

01 February 2024

ރައްޔިތުންގެ އިތުބާރު އެ 3 ވަޒީރުންނަށް އެބަ އޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސީލު

01 February 2024

ފުރުތަމަ އީވާމެން ބުނެދީބަލަ ރައްޔިތުންނަށް، މަގުބޫލު އުޒުރެއް ނެތި އެ 3 ވަޒީރުންނަށް ރުހުން ނުދިން ސަބަބު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލ

01 February 2024

ވަޒީރުންގެ ޝަރުތުތައް ގާނޫނު އަސާސީގައި ކަނޑައަޅާފައި ވީހިނދު، އެ ޝަރުތުތައް ހަމަވާ ބަޔަކު ވަޒީރުން އައްޔަންކުރުމުގެ ބާރު ގއ އިން ދީފައިވާ ފަރާތުން ކަނޑައެޅުމުން، ގާނޫނު އަސާސީގައި ނުބުނާ ކަންކަމާ މަތިކޮށް ރުހުން ނުދިނުން އެއީ އީވާމެެން ގާނޫނު އަސާސީއަށް ގޮންޖެހުން. ގއ އަކު ނެތް އަލުން އައްޔަން ނުކުރެވޭނެ ކަމަކަށް. ރުހުން ނުދޭންވެސް ކިޔަނީ ތުހުމަތޭ. މީހަކު ކުށްވެރިކުރާން ތުހުމަތަކީ ގއ ދަންނަ އެއްޗެއް ނޫން. ތުހުމަތަކީ އުފަންކުރުވާ އެއްޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންގްރޫވް

01 February 2024

މަޖިލީހަށް ބާރު ހޯދިގޮތަކަށް ހޯދާފަ އޮތީ ޑިމޮކްރެޓިކް ހަމަތަކުގެ މަތިން ރައްޔިތުން އިންތިހާބުކުރާ ސަރުކާރާ ރައްޔިތުންނަށް ޖެއްސުންކުރާކަށް ނޫން! ރައްޔިތުން ކަލޭމެން ހޮވާފަ ތިޔަތިބީ ރައްޔިތުންގެ ހެވާ ލާބަޔަށް މަސައްކަތް ކުރުމަށް. ޤާނޫނު ހެދުމާއި އިސްލާހުކުރުމާއި ކަންކަން ކޮށްގެން ޤައުމާއި ރައްޔިތުންގެ ލާބަޔާ މަންފާ އާއި އަދުލު އިންސާފާއި ހަމަހަމަކަން ހޯދައިދީ ޙައްޤުތައް ކަށަވަރު ވާނެ މަގު ހޯދައި ދިނުމަށް. ކަލޭމެންގެ ޖީބުފުރާ މުއްސަނދިވާކަށް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަދޯ

31 January 2024

ސަރުކާރައް ޖެއްސުން ކުރުން ނޫންކަމެއް މިމީހުންނަކައް ނުކުރެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންބޭބެ

31 January 2024

ގާނޫނު ދެންހަމަ ބޭނުންގޮތަކަށް އެމީހަކަށް ފިޓުވާ ވަގޮތަކަށް މާނަކުރަންވީ. ގަބޫލުކުރެވޭ އެއްވެސް ސަބަބަކާއި ނުލައި ގާނޫނު އަސާސީގެ ދަށުން ރައީސު އަޔަންކުރި ވަޒީރުންނަން ރުހުންނުދީ ފޮނުވާލީ ގާނޫނުގެ ބާރުކަޑުވާލަން ޖެއްސުންކުރަން އަދި މަޖިލިސްގެ ބާރު ނަހަމަ ގޮތުގައި ބޭނުން ކުރާކަށްނޫންތަ. ކޯޗެއް ކާކަށް މިއިގެނީ. މުޅިންވެސް މޫމޫ ލައްވާ މާރާމާރީހިންގާ އައުގުރާނަކިޔާ ބައެއް..