އީޝާގެ ކައިވެނި 11 އަހަރު ފަހުން ރޫޅާލަނީ

ބޮލީވުޑްގެ ތަރި އީޝާ ޑިއޯލް އާއި އޭނާގެ ފިރިމީހާ ބާރަތު ތަހުތާނީ.

08 ފެބުރުއަރީ 2024 - 05:49

ބޮލީވުޑްގެ ތަރި އީޝާ ޑިއޯލް އާއި އޭނާގެ ފިރިމީހާ ބާރަތު ތަހުތާނީ ވަރިވާން ނިންމައިފި އެވެ.

އެ ދެމީހުން ގުޅިގެން މިދިޔަ އަންގާރަ ދުވަހު ނެރުނު ނޫސްބަޔާނެއްގައި ވަނީ މި ޚަބަރު ކަށަވަރުކޮށްދީފަ އެވެ. އެ މީހުންގެ ކައިވެނި މި ރޫޅާލަނީ 11 އަހަރު އެކުގައި އުޅުމަށް ފަހުގަ އެވެ.

އެ ނޫސްބަޔާނުގައި ބުނީ ދެމީހުން ވަކިވާން ނިންމީ އެއީ މި ވަގުތު ދެމީހުންނަށް ވެސް އެންމެ ރަނގަޅު ގޮތް ކަމަށް ފެންނާތީ ކަމަށެވެ. އަދި ދެމީހުން ވަކި ވިޔަސް، ކުދިންގެ ކަންކަމުގައި ދެމީހުން ގުޅިގެން މަސައްކަތް ކުރާނެ ކަމަށް އެ ބަޔާނުގައިވެ އެވެ.

މިއީ އާއިލާއަށް އުނދަގޫ ވަގުތެއް ކަމުން ޕްރައިވެސީ ދިނުމަށް ވެސް އާންމުންގެ ފަރާތުން އެ ދެމީހުން ވަނީ އެދިފަ އެވެ.

ބާރަތު އާއި އީޝާ ވަރިވާން އުޅޭ ކަމަށް ބުނާ އަޑުތައް ފެތުރިފައިވާތާ ގިނަ ދުވަސްތަކެއް ވެއްޖެ އެވެ. އެ ވާހަކަ އެންމެ ބޮޑަށް ދެކެވުނީ އީޝާގެ އުފަންދުވަހުގެ ޕާޓީ އަށާއި އޭނާގެ މަންމަ އަދި ބޮލީވުޑްގެ ކުރީގެ އެކްޓްރެސް ހެމާ މާލިނީގެ އުފަންދުވަސް ފާހަގަކުރަން ބޭއްވި ޕާޓީއަށް ވެސް ބާރަތު ނުދިއުމުންނެވެ.

ބާރަތު އާއި އީޝާ ކައިވެނިކުރީ 2012 ވަނަ އަހަރު އެވެ. އެ ކައިވެންޏަށް ދެ އަންހެން ކުދިން ތިބެ އެވެ. އެއީ ހަ އަހަރުގެ ކުއްޖަކާއި ހަތަރު އަހަރުގެ ކުއްޖެކެވެ.

ބޮލީވުޑް ބޮލީވުޑް ކައިވެނި އީޝާ ޑިއޯލް

1 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

MySuperGreenDOTcom

08 February 2024

އެކީގައި ނޫޅެވެންޏާ އެންމެ ރަނގަޅުގޮތަކީ ވަކިވުން، ގިނަފަހަރުވާގޮތަކީ އެކަކުއުޅެންބެނުންނުވިޔަސް އަނެއްމީހާއުޅެންބެނުންވާނެ، އުޅެންބޭނުންނުވާ މީހާހުންނާނީ އެހެންމީހަކުވެސްހޯދާފަ، ދެންއުފެދެނީ ރުޅިވެރިކަން އެޔަށްފަހު އަތުންފައިންގޯސް، މޮޅުގޮތަކީ އުޅެންބޭނުންނުވާމީހާދޫކޮށްލުން، އާދޭސްކޮށްގެއް މަޑުކުރުވިޔަސް ގިނަފަހަރު ވޯކެއްނުކުރާނެ! އަންހެނުންވެސް ފިރިހެނުންވެސް ދިރިއުޅުމުގައި އެކަނިވެދާނެކަމަށް ކޮންމެވެސްވަރަކަށް މެންޓަލީތައްޔާރުވާންޖެހޭ،