އައިވީއެފް އާއި އައިޔޫއައިއަށް އާސަންދަ ދޭ އުސޫލު މި މަހު ފައިނަލްކުރަނީ

ޙހހ

އާސިމާ ނިޒާރު، މިހާރު

12 ފެބުރުއަރީ 2024 - 10:29

އާސަންދައިގެ އެހީގައި އައިވީއެފް ހެދުމަށް ބޭނުންވާ އުސޫލު މި މަހުގެ ތެރޭގައި ފައިނަލްކުރާނެ ކަމަށް އެންސްޕާއިން ބުނެފި އެވެ.

އެ އެޖެންސީގެ ސީއީއޯ ހީނާ ވަލީދު، "މިހާރު" އަށް ރޭ ވިދާޅުވީ އައިވީއެފާއި އައިޔޫއައިއަށް އާސަންދަ ދިނުމާ ގުޅޭ އުސޫލަށް ޓެކްނިކަލް ބޭފުޅުންގެ ލަފާ ހޯދަމުން އަންނަ ކަމަށެވެ. މި ހަފުތާ ނިމޭއިރަށް ޓެކްނިކަލް ކޮމެންޓުތައް ހޯދާ ނިންމާނެ ކަމަށް ވިދާޅުވި އެވެ.

އޭނާ ވިދާޅުވި ގޮތުގައި އިންފާޓިލިޓީއަށް ހާއްސަ އުސޫލު މި މަސް ނިމުމުގެ ކުރިން ފައިނަލްކުރާނެ ކަމަށެވެ. އެއަށްފަހު، ވީ އެންމެ އަވަހަކަށް ގެޒެޓުކުރާނެ އެވެ. އޭގެ ފަހުން އެ ކަންކަމަށް، ސަރުކާރުގެ މެޑިކަލް އިންޝުއަރެންސް ލިބޭނެ ކަމަށް އެންސްޕާއިން ބުންޏެވެ.

އައިވީއެފްއާ އެކު، ދަރިމައިވުމާ ގުޅޭ ފަރުވާތައް އާސަންދައިގެ ތެރެއިން ލިބޭނެ ގޮތް ހަމަޖައްސުމަކީ ރައީސް ޑރ. މުހައްމަދު މުއިއްޒުގެ ވައުދެކެވެ. އެ ވައުދާ އެއްގޮތަށް، އައިވީއެފް އަދި އައިޔޫއައި ނޫން އެހެން ހުރިހާ ފަރުވާއަކަށް މި އަހަރުން ފެށިގެން އާސަންދަ ލިބެ އެވެ.

ނަމަވެސް، އެންސްޕާއިން "ހުސްނުވާ އާސަންދަ ހިންގުމުގެ ގަވައިދު" އަށް މިދިޔަ ޑިސެމްބަރު މަހު ގެނައި ބަދަލުގައިވަނީ ދަރިމައިނުވުމުގެ މައްސަލަތަކުގެ ފަރުވާއަށް ވަކިން ހާއްސަ އުސޫލެއް ހަދަންޖެހޭ ގޮތަށް އާސަންދައިގެ ގަވައިދު ބަދަލުކޮށްފަ އެވެ.

އެންސްޕާއިން މިހާރު މަސައްކަތް ކުރަމުން އަންނަނީ އެ އުސޫލު އާއްމުކުރުމަށެވެ.

ގުދުރަތީ ގޮތުން ދަރިން ނުލިބޭ ނަމަ އެކަމަށް ދެން އޮތް ހައްލަކީ އައިޔޫއައި އަދި އައިވީއެފް މެދުވެރިކޮށް ދަރިން ހޯދުމެވެ. މި ފަހަކާ ޖެހެންދެން ވެސް ރާއްޖޭގައި ތިބެގެން އައިވީއެފް ނުހެދޭތީ އެ ފަރުވާއަށް ގިނަ މީހުން ދަނީ އިންޑިއާއަށެވެ. ނަމަވެސް، އަމިއްލަ އަތުން ކިތަންމެ ބޮޑު ހަރަދެއް ހިނގިޔަސް އެއިން އެއްވެސް ފަރުވާއަކަށް އާސަންދައެއް ނުލިބެ އެވެ.

އެންސްޕާ ހެލްތު މިނިސްޓްރީ ހީނާ ވަލީދު (ސީއީއޯ، އެންސްޕާ) ދަރިން ނުލިބުން އައިވީއެފް

13 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިޒްކާާ

13 February 2024

މި ސަރުކާރުން ރައްޔިތުންނަށް ވާ ވައުދުތަށް ފުއްދުމަށް ދަނީ ކެނޑިނޭޅި މަސައްކަތްކުރަމުން. މި މަސައްކަތުން ރައްޔިތުންނަށް އަވަސް މުސްތަގްބަލެއްގައި ނަފާ ލިބިގެންދާނެ. އަދި ގިނަ ބަޔަކަށް އުންމީދު އާވެގެންހިނގައިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސީލްް

13 February 2024

މިކަންވީހާވެސް އަވަހަކަށް ރައްޔިތުންނަށް ބޭނުންކުރެވުމަކީ ލިބިގެންދާ ބޮޑު އުފަލެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަންބި

12 February 2024

އިންޑިއަށް ބަދު ބަސް ބުނެގެން އައި.ވީ.އެފް ޕޭޝަންޓުންނަށް ވިސާ ނުލިބިގެން މިއުޅެނީ.. އާސަންދަ ހަމަޖައްސާނެކަމަށް ބުނާތާ 2 މަސް ވެއްޖެ.. މިސަރުކާރު އައި ފަހުން ދިވެހިންގެ ހާލަތު ދުވަހެއް ދުވަހެއް ދަށަށް މި ދަނީ.. ނޫހުގެ ހެޑްލައިން ނަހަދާ ތިޤަވައިދެއް ހަދަން ވެއްޖެއެއްނު.. މަޖިލީހުގަ ރައީސް ބުނި މިހާރު އާސަންދައިގެ ދަށުން އައި.ވީ.އެފް ޓްރީމަންޓް ދެވޭކަމަށް.. ރައީސްއަށް އެހެންވީމަ އެހެދުނީ އިތުރުފުޅެއްް ދެއްތޯ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޫނު

14 February 2024

ކާކަށްބަ ނުލިބުނީ. މަށަށް ހީވަނީ ތިފަދަކަމެއް ހިނގައިފިއްޔާ އިދިކޮޅުން މަހެއް މަރަށް ތެޅޭހެން ތެޅޭނެހެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީނާ އަލީ

12 February 2024

އައި.ވީ.އެފް ޕޭޝަންޓެއްގެ ހައިސިއްޔަތުން ދަންނަވާލަން އޮތީ، ކުރީ ސަރުކާރުގަ ލިބުނު އެހީތެރިކަމާއި ގާތަށް ވެސް މި ސަރުކާރުން އައި.ވީ.އެފް ޓްރީޓްމަންޓަށް އަދި އެހީތެރިކަން ނުލިބޭ.. ކުރީ ސަރުކާރުން އައި.ވީ.އެފް ބޭސްވަރުވާއަށް ފަހު ޙަރަދުކުރި ބިލްތައް ހުށައެޅުމުން ހަރަދު ކުރި ފައިސާގެ ބޮޑު ބައެއް އަބުރާދޭ.. މިސަރުކާރަށް ހުށައެޅުމުން ލޯ ލާރިއެއް ވެސް ނުދިން.. ދެން ތިބުނާ އެއްޗެއް ފެށުމުން ވާނެ އެއްޗެއް ބަލަން މިތިބީ..