ރައީސް މިއަދު ދުބާއީ ފުރާވަޑައިގަތުމަށް ފްލައިޓަށް އަރާވަޑައިގަންނަވަނީ
11 ފެބުރުއަރީ 2024 - 19:00
ރާއްޖެ އިން އިންތިޒާމު ކޮށްގެން ދުބާއީގައި ބާއްވާ އިންވެސްޓްމަންޓް ފޯރަމްގެ އިތުރުން "ވޯލްޑް ގަވަމަންޓްސް ސަމިޓް 2024" ގައިބައިވެރިވެވަޑައިގަތުމަށް ރައީސް ޑރ. މުހައްމަދު މުއިއްޒު މިއަދު އެ ގައުމަށް ފުރާވަޑައިގެންފި އެވެ.
"ވޯލްޑް ގަވަމަންޓްސް ސަމިޓް 2024" އޮންނާނީ މާދަމާ އިން ފެށިގެން އަންނަ ބުދަ ދުވަހުގެ ނިޔަލަށެވެ. އިންވެސްޓްމަންޓް ފޯރަމް ބާއްވާނީ އަންނަ އަންގާރަ ދުވަހު އެވެ.
ރައީސް މުއިއްޒާ އެކު، އިންވެސްޓްމަންޓް ފޯރަމުގައި ބައިވެރިވެވަޑައިގަންނަވާ ރާއްޖޭގެ ވަފުދުގައި ބައެއް މިނިސްޓަރުންނާއި ބައެއް ކުންފުނިތަކުގެ ވެރިންނާއި އަމިއްލަ ވިޔަފާރިވެރިން ހިމެނިވަޑައިގަންނަވަ އެވެ.
"މި ފޯރަމްގައި ގާތްގަނޑަކަށް 200 އެއްހާ ބޭފުޅުން އެބަ ބައިވެރިވެ ވަޑައިގަންނަވާ،" ފޯރަމަށް ދުބާއީ އަށް ގޮސް ތިބި ނޫސްވެރިންނާ ވާހަކަ ދައްކަވަމުން ސަފީރު މުހަންމަދު ހުސެއިން ޝަރީފު (މުންދު) ވިދާޅުވެފައިވެ އެވެ.
The President departs for the UAE to attend the World Government Summit 2024 https://t.co/YeWjeBcHES pic.twitter.com/vRIxQZEKGA
— The President's Office (@presidencymv) February 11, 2024
މުންދު ވިދާޅުވީ ރާއްޖެ އިން އިންތިޒާމުކޮށްގެން ދުބާއީގައި މި ފޯރަމް މި ބާއްވަނީ ރާއްޖެ އާއި ޔޫއޭއީ އަކީ ވިޔަފާރީގެ އެކި އެކި ދާއިރާތަކުން ވަރަށް ގުޅުން ބޮޑު ގައުމެއް އުފެދިފައިވާ ގައުމެއް ކަމަށް ވާތީ ކަމަށެވެ. ހާއްސަކޮށް ޓޫރިޒަމް ދާއިރާގައި ރާއްޖޭގައި ބޮޑެތި އިންވެސްޓްމެންޓްތަކެއް ޔޫއޭއީގެ ވިޔަފާރިވެރިން ކޮށްފައިވާތީ މި ގައުމާއި ރާއްޖެއާ ދެމެދު އޮތް ގުޅުން ވަރަށް މުހިންމު ކަމަށް އޭނާ ވިދާޅުވި އެވެ.
އިންވެސްޓްމަންޓް ފޯރަމްގެ އިތުރުން ވޯލްޑް ގަވަމެންޓްސް ސަމިޓްގައި ރައީސް މުއިއްޒު ބައިވެރިވެވަޑައިގަންނަވާއިރު، މިއީ ރާއްޖޭގެ ރައީސަކު އެ ސަމިޓުގައި ބައިވެރިވެ ވަޑައިގަންނަވާ ފުރަތަމަ ފަހަރެވެ.
"މި އަހަރުގެ ވޯލްޑް ގަވަމަންޓްސް ސަމިޓްގެ ތީމަކީ 'ޝޭޕިން ފިއުޗަ ގަވަމަންޓްސް' އެވެ. މި ސަމިޓުގައި ސަރުކާރުތަކުންނާއި ބައިނަލްއަގްވާމީ އެކިއެކި ޖަމިއްޔާ، ޖަމާއަތްތަކާއި ޕްރައިވެޓް ސެކްޓަރު އަދި އެކި ދާއިރާތަކަށް ހާއްސަ ލީޑަރުން ބައިވެރިވެ، މުސްތަގުބަލަށް ހުރި ގޮންޖެހުންތަކާ ގުޅޭގޮތުން މަޝްވަރާކޮށް، ކުރިއަށް އޮތް ޖީލުތަކުގައި އަންނަ ސަރުކާރުތައް ބާރުވެރިކުރުމަށް ކުރަން ހުރި ކަންކަމާ ގުޅޭގޮތުން މަޝްވަރާތައް ކުރެވޭނެ އެވެ،" ރައީސް އޮފީހުގެ ވެބްސައިޓުގައި ވެ އެވެ.
އެ ސަމިޓުގައި ރައީސް މުއިއްޒު ތަގުރީރު ކުރައްވައި، ބައެއް ގައުމުގެތަކުގެ ވެރިންނާ ވެސް ބައްދަލުކުރައްވާނެ ކަމަށް ރައީސް އޮފީހުން ބުންޏެވެ.
ދުބާއީގައި ބާްވާ ރާއްޖޭގެ އިންވެސްޓްމެންޓް ފޯރަމްގައި ދުނިޔޭގެ ބައެއް ވިޔަފާރި ޖަމިއްޔާތަކާއި ބޭންކްތަކުން ވެސް ބައިވެރިވާނެ އެވެ.
"އަޅުގަނޑުމެންނަށް އެ ބޭފުޅުންނާ ސީދާ ވާހަކަ ދައްކައި މަޝްވަރާ ކުރުމުގެ ފުރުސަތު ވެސް ލިބިގެންދާނެ،" މުންދު ވިދާޅުވި އެވެ.
ޗައިނާގެ ރައީސް ޝީ ޖިންޕިންގެ ދައުވަތަކަށް މިދިޔަ މަހުގެ ކުރީކޮޅު ރައީސް މުއިއްޒު އެ ގައުމަށް ކުރެއްވި ފުރަމާނަ ދަތުރުފުޅާ ދިމާކޮށް ވެސް އިންވެސްޓްމަންޓް ފޯރަމެއް ޗައިނާގައި ބޭއްވި އެވެ. އެ ފޯރަމްގެ ނަތީޖާ ވެސް ރަނގަޅު ކަމަށް ދިވެހި ސަރުކާރުން ވަނީ ބުނެފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ހުސްނުހީނާ
12 February 2024
މީނަ ދުބިޔެ ވަށާ އެނބުރެނީ، މީނަ ގެ އެޑިއުކޭޝަން މިނިސްޓަރު ހިތު ހުރި ގޮތަކަށް ވަޒީފާ ބަހަނީ. މައުމޫނު ސަރުކާރު ހަލާކުވީ ޔާމީނާހުރެ، ނަޝީދު އަފީފާހުރެ، ޔާމީން އަދީބާހުރެ، ސޯލިހު ނަޝީދު އަދި އައިޝަތު އަލީ، ދެން މުއިއްޒު ހީވާގޮތުން ދާނީ އިސްމާއިލާހުރެ. ބަލަމާ.
ފަހުދު.
12 February 2024
މުޅި ގައުމު ދަރާވިކިފަ. ސަރުކާރުގެ ހުރިހާ ޕްރޮޖެކްޓެއް ހުއްޓިފަ. ވެރިމީހާ ދުނިޔެ ބަލާލަން އެމްބުރެނީ.
އަމްނާ ޕީއެންއެފް
12 February 2024
މި ރައީސް އަށް އޮތީ ފައިސާ ތަޅާ ބުރުއްސަން ބޭރުދަތުރުކޮށް، މަޤާމު އުފެއްދުން. މަޖްލިސް އިންތިޚާބުގަ ބޮޑުތަނުން ނޫނެކޭ ބުނާނަން!
ކޮލަމާހުއްޓާ
12 February 2024
ގައުމުދަރާ ވިކިފަ. މަސްވެރިންނާ ސަޕްލަޔަރުންނާ ކޮންޓްރެކްޓަރުންނަށް ފައިސާ ނުލިބޭ. ވެރިމީހާ މުޅި ދުނިޔޭގަ ދަތުރުކުރުމުގަ
ހަސޯ
12 February 2024
ނާށިގަނޑެއް ނުގެންދޭ. ދެންކޮން ފައިސާއެއްހޯދޭނީ.
ނަސޯ
12 February 2024
ނާށިގަނޑުގެ މާނަ ދަސްކުރި ގޮތަށް އިންވެސްޓްމަންޓް ފޯރަމްގެ މާނަ ދަސްކޮށްބަލަ.
ސިލްމާ ޒާހިރު
11 February 2024
ވެރިކަމަށް 3 މަސްނުވޭ. ރާއްޖެއިން ބޭރަށް 5 ދަތުރު. ކޮންމެ ދަތުރެއްގަ 50 ވަރަކަށް މީހުން! ފައިސާއެއް ނެތޯ! މިނިސްޓަރުންގެ އެކި ލެވެލްތަކުގަ 300 ވަޒީފާ. ކޮންމެ 1000 ދިވެއްސަކަށް މިނިސްޓަރުންގެ އެކި ލެވެލްތަކުގެ ސިޔާސީ މީހެއް.
މަޖާދޯ
12 February 2024
ޤައުމު ހިންގާ ގޮތް ނޭގި ވާހަކަ ދެއްކީމަ ކިޔޭނީ ގޯސް އެއްޗެހި. ގޭ ތެރޭގައި ނިދާފަ އޮފވެގެން ތިބޭފުޅާ ކުރަން ބޭނުންވާ ކަންތައްވާނެބާ؟
ފިނރުޓޭ
13 February 2024
ބޭރުގަ ހުންނަ އެމްބަސީތަކަށްވެސް މީހުން ފިސާރި އެބަ ހަމަ ޖައްސާލާ އިނގޭ! އެ ބުނިއޔޭ މެލޭސިޔާގެ ދިވެހި އެމްބަސީގަވެސް ތިބެއޭ 45 މުވައްޒަފުން! ކީކޭ ދެން ފަހެ އަޅެ ބުނާނީ ވިއްޔާ!
މާރީތި
11 February 2024
އެންމެ މަދުވިޔަސް 2 ބިލިއަން ޑޮލަރު ނުލާ އެނބުރިއަންނާނެކަމެއް ނެތް.
ކޮނޭ
11 February 2024
ކޮން ކުލާހަކުންތޯ?
މުނިޔާ
12 February 2024
ޕްރައިވެޓު ޖެޓެއްގަ މިފަހަރުދިޔައީ
ޅިންޑި
11 February 2024
ތި ބޯޓަ ފުރާ ލާރިއަޅައިގެން ނޫނީ ނާންނާތި.
ކެކެކެކެކެ
11 February 2024
އަދި ތި ފުރީ ރަނގަޅު ތަނަށް، މެދު އިރުމަތީގެ ހަލާކު، ޔަހޫދީންގެ ބޮޑު ބޭބެ.
ސާބަސް2
12 February 2024
ހެޔޮ އެއްގޮތެްވެސް ދިވެހިންނަށް ނޯންނާނެ. ކުށް ހޯދުމުން އެއްވަނަ ލިބޭނެ ދިވެހި ގިނަ ބަޔަކަށް