ކްލައިމެޓް ފައިނޭންސް އާ ގުޅޭ ޕެނަލް ޑިސްކަޝަންގައި ޒަމީރު ވާހަކަ ދައްކަވަނީ. --ފޮޓޯ: ފޮރިން މިނިސްޓްރީ
16 ފެބުރުއަރީ 2024 - 23:58
21 comments
މޫސުމީ ބަދަލުތަކުގެ އަސަރު ރާއްޖެއަށް ވަރަށް ބޮޑަށް ކޮށްފައިވީ ނަމަވެސް، ދިވެހިންގެ އަޒުމެއް ނުގުޑާނެ ކަމަށް ވިދާޅުވެ، ކްލައިމެޓް ފަންޑިން އަވަހަށް ލިބޭނެ މަގުފަހިކޮށް ދިނުމަށް ފޮރިން މިނިސްޓަރު މޫސާ ޒަމީރު ދުނިޔެއަށް ގޮވާލައްވައިފި އެވެ.
ޖާމަނީގެ މިޔުނިކްގައި ކުރިއަށްދާ ސެކިޔުރިޓީ ކޮންފަރެންސްގެ ތެރެއިން ކްލައިމެޓް ފައިނޭންސިން އާ ގުޅޭ ޕެނަލް ޑިސްކަޝަނެއްގައި ވާހަކަ ދައްކަވަމުން ޒަމީރު ވިދާޅުވީ އެންމެ ބައި މިލިއަނެއްހާ މީހުން ދިރިއުޅޭ ރާއްޖެ ފަދަ ޖަޒީރާ ގައުމެއްގައި ތިމާވެއްޓާ ރައްޓެހި، އިޔާދަކުރަނިވި ހަކަތަ ފަދަ މަޝްރޫއުތަކުން ފައިދާ ނެރެވޭނެ ކަމަށް ބޭންކުތަކާއި ޕްރައިވެޓް ސެކްޓަރަށް ވިސްނައިދިނުމަކީ ވަރަށް އުނދަގޫ ކަމެއް ކަމަށެވެ.
އެހެންކަމުން، ރާއްޖެ ފަދަ ގައުމުތަކުގައި މިފަދަ މަޝްރޫއުތަކުން ފައިދާވާ މިންގަނޑު ބަދަލުކުރަންޖެހޭ ކަމަށް މިނިސްޓަރު ވިދާޅުވި އެވެ.
"އަޅުގަނޑުމެންގެ ގާތު އަބަދުވެސް ބުނަނީ މި މަޝްރޫއުތަކުން ފައިދާވާނެތޯ ސާބިތުކޮށްދޭން. މިއީ ވާނެ ކަމެއް ނޫން،" ޒަމީރު ވިދާޅުވި އެވެ.
ކްލައިމެޓް ފައިނޭންސް އާ ގުޅޭ ޕެނަލް ޑިސްކަޝަންގައި ޒަމީރު ވާހަކަ ދައްކަވަނީ. --ފޮޓޯ: ފޮރިން މިނިސްޓްރީ
ބޯކޮށް ވާރޭވެހުމާއި އުދައެރުން އަވަސްވެ، ވަރުގަދަވަމުންދާ ކަން ފާހަގަކުރައްވައި، އޭނާ ވިދާޅުވި ގޮތުގައި ސްކޫލްތަކާއި ހޮސްޕިޓަލުތައް އެޅުމަށް ހުރި ދައުލަތުގެ މަދު ފައިސާ ކޮޅު މިފަދަ ގުދުރަތީ ކާރިސާތަކުން އަރައިގަތުމަށް ބޭނުންކުރަން ވަނީ މަޖުބޫރުވެފަ އެވެ.
ނަމަވެސް، މި ކާރިސާތަކުގެ ސަބަބުން ދިވެހިންގެ އަޒުމެއް ނުގުޑާނެ ކަމަށާއި މޫސުމީ ބަދަލުތަކުން އަރައިގަތުމަށް ރާއްޖޭން ކުރާ މަސައްކަތް ހުއްޓާނުލާނެ ކަމުގެ ޔަގީންކަން މިނިސްޓަރު ދެއްވި އެވެ.
"އަޅުގަނޑުމެން ފޮށި ތަންމަތި ބަނދެގެން ރާއްޖެ ދޫކޮށް ނުދާނަން. މި ރަށްތަކުގައި އަޅުގަނޑުމެން ގެދޮރު ބިނާކޮށްގެން ދިރިއުޅޭތާ 4،000 އަހަރު ވެއްޖެ،" ޒަމީރު ވިދާޅުވި އެވެ.
އޭނާ ވިދާޅުވި ގޮތުގައި، އިޔާދަކުރަނިވި ހަކަތައިން ކަރަންޓު ބޭނުންކުރާ މިންވަރުގެ 33 ޕަސަންޓަށް ހެދުމާއި ތިން މީޓަރަށް އުސްކޮށް "ސޭފް އައިލެންޑް" ކޮންސެޕްޓަށް ރާއްޖޭގެ ރަށްތައް ތަރައްގީ ކުރަން ސަރުކާރުން ޕްލޭންތައް ހަދާފައިވާ އިރު، އެ ކަމަށް ފައިސާ ބޭނުންވެ އެވެ.
މިހާރު ކްލައިމެޓް ފައިނޭންސިން ލިބެން އޮންނަ މަގު ކުރުކޮށް، އަވަހަށް ލިބޭނެ މަގު ފަހިކޮށް ދިނުމަށް ޒަމީރު ވަނީ ތަކުރާރުކޮށް ގޮވާލައްވައިފަ އެވެ.
"އެންމެން ގުޅިގެން ރާއްޖެ ފަދަ ނާޒުކު ގައުމުތަކަށް ވަގުތު އޮއްވައި ކްލައިމެޓް ފައިނޭންސް ލިބޭނެ މަގު ފަސޭހަކޮށްދޭން،" އޭނާ ވިދާޅުވި އެވެ.
"މިއަދު ހޭދަ ކުރާ ކޮންމެ ޑޮލަރަކުން، މާދަމާ އަޅުގަނޑުމެންނަށް 15 ޑޮލަރު ސަލާމަތް ކުރެވޭނެ."
މިރޭގެ ޕެނަލްގައި ޒަމީރުގެ އިތުރުން، ބަންގްލަދޭޝްގެ ބޮޑުވަޒީރު ޝެއިހް ހަސީނާ އާއި، އެމެރިކާގެ ކްލައިމެޓް އެންވޯއީ ޖޯން ކެރީ އާއި ބާބޭޑޯސްގެ ބޮޑުވަޒީރު މިއާ މޮޓްލީ ވެސް ވަނީ ބައިވެރިވެވަޑައިގެން ވާހަކަ ދައްކަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮލަމާހުއްޓާ
18 February 2024
ހެހެ. ކޮންކަމކަށްް ވަގުތު އޮއްވައި ފައިސާ ދޭންވީ. މަޖްލިސް ކެމްޕޭނަށް ޚަރަދުކުރަން؟ ރިޝްވަތުދޭން؟
އަލިދީ
18 February 2024
ޢެއްގޮތަކަށް ވެސް ތި ފައިސާ ރާއްޖެއަށް ދޭނެކަމެއް ނެތް. ތިފައިސާއިން ކުރާ ކަމަކީ ތިމާވެށި ހަލާކު ކުރުން. ފަޅުކޮނެ ބޭކާރުގޮތުގައި ރަށްތައް ހިއްކާ މުރަކަތައް ހަލާކު ކުރުން. އެންވެެރިކަމެއް ނެތް. ރަށުގައި ގުދުރަތީ ފަޅެއް ނެތް. ތިމާވެށި ހިމާޔަތް ކުރާ ފައިސާ ތިމާވެށި ހަލާކު ކުރާ ބަޔަކަށް ދޭނެކެއް ނެތް. ރަގަޅު ގޮތުގައި ބޭނުން ކުރާ އެހެން ބަޔަކަށް ތި ފައިސާ ދީ.
ސަލީމު އިދުރީސް
18 February 2024
ހަޔާތްކުޑަވީމަ މިވަގުތު ދުނީއޭގެ އިގުތިސޯދު ހަލަބޮލިވީމަ ދުނިއޭގެ އެއްމެ މުއްސަދި ގައުމުތަކުންވެސް ނުހަދާނެ ކަނޑުއަޑީ ބިއްލޫރި ޓަލަކާ 2ހާސްވަރުމީހުން ދަތުކުރަން ނަވާރަ ކިލޯމީޓަރު ބުރިޖެއް ހަދަން ވައުދުވެފަ ބޭރުގަ ތިގޮތައް ސަލާންޖަހަނީ! އެފައިސާއަކީ މުޅި ރާއްޖެ އިއާދަ ކުރަނި ހަކަތަޔައް ބަދަލު ކުރާހާ ފައިސާ!ދަންދޮރު ފިލާމިހުން ލަދުގަންނާނެ އެކަމަކު އިނޑިޔާސިފައިން ޔުނީފޯމުބޭލުމާ އެމިހުން ގައުމުން ބޭލުމާހުރި ތަފާތު ނޭގޭބަޔަކައް ނޭގޭނެ ލަދުގަންނާކައް
ބަރުބާދު
17 February 2024
ކިހާވަގުތެއް ކޮކަމެއްކުރަންބާ އޮތީ؟.
ބަރުބާދު
17 February 2024
ތިފައިސާ ދިނިއްޔާ ކްލައިމެޓް ހަމަމަގައް އަޅުވަން ކިހިނެއްތޯހަދާނީ؟. ކުއްލިޔަކައް ގޮއްރާޅުގަ ބޯވިއްދާ ކޮމްޕެނީކިޔާފަ ބަޔަކުއުފެދޭނެ. ހުރިހާ ފައިސާއެއް ކޮންމެސް ބޮޑެއްގެ ޕޮކެޓައް.
ޝާވޭ
17 February 2024
ޅާރިއެއްވިއްޔާ އަވަހަށް ލިބެންވާނެތާ.
ކީއްވޭ މީނަ
17 February 2024
ކީއްވެތަ މީނަ މިވާހަކަ ދައްކަނީ. މުއިއްޒުގެ ތިމާވެއްޓާއި ބެހޭ ވަޒީރަކާއި ކްލައިމެޓް އެންވޯއީ އެއް ހުރެއެއްނު. މީނަ ކީއްކުރަންތަ މި އުޅެނީ. ވާހަކަ ދެކެވޭވެސް މީހެއްނޫން.
ދިވެހިޅެންފަރުވާ
17 February 2024
ބަލަ ކޮބާހޭ މިރާއްޖެޔަށް ޓޫރިޒަމުންވަންނަ ކަމަށް ބުނާ މިލިޔަން މިލިޔަން ޑޮލަރު، އަދިވެސް ދުނިޔޭގެ އެހެން ގައުމުތަކަށް ސަލާން ޖަހަމުންތި ދުވަނީ؟ އަހަރުމެން މިހާރު ލަދުގަނެޔޭ ރާއްޖޭން ބޭރުގައި އަހަރުމެން މީ ދިވެހިންނޭ ބުނަން. މީހުން އެބަ ގޮވާ ސަލާން ޖަހާ ޓުރިޒަމް ބިލިޔަނަޜުންނޭ އަހަރުމެންނާ ދިމާލަށް
އައްޔަ ބޮޑޭ
17 February 2024
އަހަރެމެން ކަނޑާލާ ގަހަކުން ނަގާފަސްކޮޅަކުން މިބޮޑުދުނިޔޭގެ ތިމާވެއްޓޭ ތިކިޔާއެއްޗަކައް އަސަރެއްކުކުރާނެ.އެއްމެގަހެއްނުކަނޑާ ދަތްއުނގުޅާލާނެ ވެލިފުކެއްވެސް ނުނަގާތިބިއްްޔާ މިތަންތަން ނުގިރާ އޮންނާނެބާ,ރާއްޖޭގެ ހުރިހާ ރައްރަށުގެ ފަޅުތަކުގެ އަދި ބޮޑެތި ފަރުތަކާ އެފަރުތަކުގަ ހެދެމުން ދިޔަރީތި ބަގީޗާފަދަ މުރަކަ ތަކާގާތައް މަރުވެ ނެތިދިޔައީ ކާކު ކޮންތަނެއްހިއްކައިގެން ކޮންގަހެއްކަޑައިގެން ކޮންވެއްޔެއް ނަގައިގެންތޯ,
MySuperGreenDOTcom
17 February 2024
ލ.ގަން (ތުނޑި) ހުޅަނގުފަރާތުން ގިރަމުންގޮސް ގާތްގަނޑަކަށް 20 ސަކަށްފޫޓު (ރަށުތެރެއަަށް) ގިރާނިމިއްޖެ، 100-200 ރުށް މިސަރަހައްދުން ވެއްޓިފައިވާނެކަމަށްބެލެވޭ، ރުއްތަކުގެ ބުޑު އަދިވެސްއެހެރީ ބަލާލެވޭނެ! އެމްޓީސީސީ އާ ރަށްނުގިރާގޮތްހަދަން ހަވާލުކޮށްފައިވާކަމަށް އަޑުއިވޭ ނަމަވެސް އަމަލީއެއްވެސް މަސައްކަތެއް ކޮށްފައެއްނެތް، އިޔާދަކުރެވޭހަކަތައޭކިޔާފަ ރާއްޖެއިން ހަމައެކަނިސޯލަރ އަށް ޑިޕެންޑުނުވެ މޫދުގެއޮއިވަރު ބޭނުންކުރަންޖެހޭ، އެއީ 24/7 ލިބޭނެއެއްޗެއް