ނޮވެމްބަރު 10، 2017 ގައި އޭރުގެ ބޮޑުވަޒީރު އަދި މިހާރުގެ ރައީސް ރަނިލް ވިކްރެމަސިންހާ (ކ) ގާނޫނު ހަދާ މަޖިލީހަށް އެ އަހަރުގެ ބަޖެޓް ހުށަހެޅުއްވުމަށް ފަހު އެހެން ވަޒީރަކާ އެކު ސައިފޮދު ހިއްޕަވަނީ. -- ފޮޓޯ: އޭއެފްޕީ
22 ފެބުރުއަރީ 2024 - 05:48
10 comments
ބަނގުރޫޓުވެފައިވާ ސްރީ ލަންކާއަށް އީރާނުން ގަނެފައިވާ 251 މިލިއަން ޑޮލަރުގެ ތެލުގެ އަގު އަދާކުރުމުގެ ގޮތުން މިހާތަނަށް 20 މިލިއަން ޑޮލަރުގެ ސައިފަތް ފޮނުވާފައިވާ ކަމަށާއި މިހާރު ލަންކާއަށް ވަޑައިގެން އުޅުއްވާ އީރާންގެ ފޮރިން މިނިސްޓަރު މިކަމާ ހިތްމަޖެހުން ފާޅުކުރައްވާފައިވާ ކަމަށް ލަންކާއިން އިއްޔެ ބުނެފި އެވެ.
"މިހާތަނަށް 20 މިލިއަން ޑޮލަރުގެ ސައިފަތް ބާޓާގެ އުސޫލުން ހެދި ވިޔަފާރީގެ އެއްބަސްވުމާ އެއްގޮތަށް އީރާނަށް ވަނީ ފޮނުވާފައި،" ލަންކާގެ ބޮޑުވަޒީރު ދިނޭޝް ގުނަވަރްދަނާ އީރާންގެ ފޮރިން މިނިސްޓަރު ހުސައިން އަމީރު-އަބްދުލްއަހިއާންއާ ބައްދަލުކުރެއްވުމަށް ފަހު ނެރުނު ބަޔާނެއްގައި ވިދާޅުވި އެވެ.
ސައިފަތުގެ ބަދަލުގައި ތެޔޮ ދޭ ގޮތަށް ޑިސެމްބަރު 2021 ގައި އެއްބަސްވި ނަމަވެސް އިގްތިސާދީ ހާލަތު ގޯސްވެ ރައްޔިތުން ރުޅިވެރިކަމާ އެކު މަގުތަކަށް ނުކުމެ ހިންގި ހަމަނުޖެހުންތަކާއި އެކަމާ ގުޅިގެން ޖުލައި 2022 ގައި ރައީސްކަމުގެ މަގާމުން ގޮޓާބެ ރާޖަޕަކްސަ އިސްތިއުނާ ދެއްވުން ފަދަ މައްސަލަތަކާ ހެދި ސައިފަތް ފޮނުވުން އޮތީ ލަސްވެފަ އެވެ.
އީރާނަށް ދަތިކުރުމުގެ ފިޔަވަޅުތައް އަޅާފައި އޮންނާތީ، އެ ގައުމުގައި ހުރި ފައިސާ ބޭނުން ނުކޮށް ތެޔޮ ފޮނުވައިގެން، ފެންވަރު ރަނގަޅު ސައިފަތް ހޯދުމުގެ ފުރުސަތު މި އެއްބަސްވުމުގެ ދަށުން އީރާނަށް ވަނީ ފަހިވެފަ އެވެ. ހަމަ އެގޮތަށް، ލަންކާގައި ބޭރު ފައިސާ މަދުވެފައި ވާތީ، އެ ބޭނުން ނުކޮށް ސައިފަތުން އަގު އަދާކުރެވުމުން އެ ގައުމަށް ވެސް ފައިދާ އެވެ.
ބޭރުގެ ދަރަނި 46 ބިލިއަން ޑޮލަރަށް އަރައި އެ ފައިސާ ދެއްކޭނެ ގޮތެއް ނެތި އޭޕްރީލް 2022 ގައި ލަންކާ ބަނގުރޫޓުވިކަން އިއުލާނުކުރި އެވެ. މިދިޔަ އަހަރުގެ ކުރީކޮޅު ލަންކާއިން ވަނީ އައިއެމްއެފްގެ ބެއިލްއައުޓް ހޯދައި 2.9 ބިލިއަން ޑޮލަރު ހޯދައިފަ އެވެ. -- އޭއެފްޕީ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
MySuperGreenDOTcom
22 February 2024
އަޅުގަނޑުމެންގެ ރާއްޖޭގައިވެސް މިގޮތަށް ބާޓާސިސްޓަމަށް ކުރެވިދާނެ ކަންކަން އެބަހުރި، މިސާލަކަށް ތެލުގެބަދަލުގައި ކަނޑުމަސް، މަހަކީ ދުނިޔޭގެ ބާޒާރުގައި އަބަދުވެސް ހާއްސަކޮށް ޔޫރަޕުގެ ބާޒާރުގައި ކަނޑުބަހަކީ (ޓޫނާފިޝް) އަދި ފަރުމަހުގެ ބާވަތްތަކުގެ ތެރެއިން ފާނަ ފަދައެއްޗެއްސަކީ އަގުހުރިއެއްޗެހި، ބައެއްބޭފުޅުން ބުނެފާނެ ކާކުހޭ މަސްބޭނުންވެގެން އުޅެނީ، އެހެންވިއްޔާ ކާކުތޯ ސައިފަތްބޭނުންވެގެން އުޅެނީ؟ މިކަންކަމަކީ ވާހަކަދެއްކީމާ ހަމަޖެހޭޑީލްތައް!
ޑޮލަރު
22 February 2024
ތިޔައީ މާރަނގަޅު ގޮތެއް. ޔޫއެސް ޑޮލަރާ ނުލައި އުޅެވޭނެ ފަސޭހަ ގޮތެއް. އަހަރެމެންވެސް ވީ މިކަހަލަ ގޮތެއް ހޯދަން. ބާނާ މަސް ފޮނުވާނެ ގައުމެއް ހޯދަންވީ. މަހުގެ ބަދަލުގައި އެ ގައުމަކުން ކާޑު ފޮނުވިޔަސް އެންމެ ރަނގަޅެއް ނޫންތަ!
އަފްރާސިޔާބު
22 February 2024
އީރާނަކީ ރަނގަޅު ގައުމެއް. އެމީހުން ހަނޑޫވެސް އުފައްދާ. ރަނގަޅު ކަމެއް ފަށަން.
ކަޅުހުއްތު
22 February 2024
ހަލާކުނުވަނީ ތިހުރިހާ ސައެއް އިރާނުމީހުންނަށް ބޮވޭނެބާ؟
MySuperGreenDOTcom
22 February 2024
@ކަޅުހުއްތު، 2021 ހުގެ ހިސާބުތަކަށްބަލައިރު އިރާނުގެ އޭރު އާބާދީއަކީ 88 މިލިޔަންމީހުން، ދެން ކަޅުހުއްތުބެ ވިސްނާފަބުނެބަލަ ސައިފަތްތައް ހަލާކުނުވަނީސްބޮވޭނެތޯ ނުވަތަ ނޫންތޯ، އެކުސްޕަޔަރީޑޭޓަށް ބަލާ ހަލާކުނުވާގޮތަށް ބައިބަޔަށްކަމަށް ބެލެވެނީ ސައިފަތް ފޮނުވާނީ! ހުރިހާސައިފަތެއް ބުއިމުގެ ބަދަލުގައި ޕުރޮފިޓުގައި އެހެންބަޔަކަށް އެވިއްކުމަކީވެސް އިރާނަށްކުރެވިދާނެކަމެއް! ސައިފަތުގެ ބޭނުމަށްވުރެންބޮޑަށް ތިޔައީ ލަންކާއަށް އެހީވުމަށްކޮށްފައިވާކަމެއް
މިޔަަރު
22 February 2024
ދަރަނިއަދާކުރާން ލައްކާއަށް ރާއްޖެއިން ފޮނުވި މުޝީރު މިހާރު ކޮބާ؟
ނުރަބޯ.
22 February 2024
ދިވެހިން ވެސް އިންޑިއާގެ ލޯނުތައް ދައްކަން ކަނޑުމަސް ފޮނުވާގޮތަށް އެއްބަސްވާންވީ. އޭރުން މަސްވެރިންނަށް ވެސް ފައިދާ ބޮޑުވާނެލ
ބދބޱބޱޱބ
22 February 2024
އިންޑިއާ އަކީ އީރާން ހެން އިންސާނިއްޔަތަށް ހެޔޮއެދޭބައެއްނޫން. އެމީހުންގެ ސަގާފަތަކީ ހިންދީ ފިލްމުތަކުގަ އެދައްކާ ބަދަލުހިފުމާއި މަމޮޅު ދެއްކުމުގެ ސަގާފަތެއް.
ނަން ނުކިޔާ
24 February 2024
އިންޑިޔާ މީހުންނަކީ ކަނޑުމަސްކާ ބައެއްނޫން. އެހެންނޫނަސް އިންޑީޔާ އަކަށް ނެތް ޑޮލަރުގެ ދަތިކަމެއް. އެހެންވީމާ ބަޔަކާއެކޮށް ބާޓާ އަކަށް ދިއުމުގެ މަޖުބޫރުކަމެއްނެތް/
ބާބޫޖީ
22 February 2024
ރާއްޖެ ބަނގްރޫޓުވީމަ ލޯނެއް ދޭނެ މީހަކުނުވޭ ދެން މިޖެހެނީ ޓާމިނަލް އެއް އަޅަށް 12 ފަޅުރަށް ދޭން. ވެރިކަމަށް އެންމެ ފަހުން އެރިމީހާ އެދިޔައީ ދެމޭނެވަރަށް ދަމާފަ.