އެމެރިކާގެ މަތިންދާ ބޯޓު އުފުލާ މަނަވަރު ކާލް ވިންސަން އިން ދަނީ ސައުތު ޗައިނާ ކަނޑުގެ ސަރަހައްދު ބަލަހައްޓަމުން. --ފޮޓޯ:އޭއެފްޕީ
19 ފެބުރުއަރީ 2017 - 10:40
9 comments
ވޮޝިންޓަން (ފެބްރުއަރީ 19) - އެމެރިކާގެ މަތިންދާ ބޯޓު އުފުލާ މަނަވަރު ޔޫއެސްއެސް ކާލް ވިންސަން އިން ސައުތު ޗައިނާ ކަނޑު ޕެޓްރޯލް ކުރަން ފަށައިފި އެވެ.
މަނަވަރުގެ ފްލީޓަކާ އެކު ސައުތު ޗައިނާ ކަނޑު މޮނިޓާ ކުރަނީ، އެމެރިކާ އިން ބުނިގޮތުގައި، "އާދައިގެ މަތިން ހިންގާ އޮޕަރޭޝަނެއްގައި" ކަމަށެވެ. އެމެރިކާގެ މަނަވަރުތައް ސައުތު ޗައިނާ ކަނޑަށް ފޮނުވާފައި މި ވަނީ އެ ސަރަހައްދުގައި ޗައިނާގެ މިނިވަން ކަމަށް ހުރަސް އެޅޭ އެއްވެސް ކަމެއް ނުކުރުމަށް ޗައިނާގެ ފޮރިން މިނިސްޓްރީން އެމެރިކާ އަށް އިންޒާރުކޮށްފައި ވަނިކޮށެވެ.
ސައުތު ޗައިނާ ކަނޑުގެ ފަރުތައް ހިއްކައިގެން ޗައިނާ އިން ހަދާ ރަށްތައް އަސްކަރީ ކަންކަމަށް ބޭނުން ކުރަމުންދާ ކަމަށް އެމެރިކާ އިން ބުނޭ. --ފޮޓޯ:ރޮއިޓާސް
ދެކުނު ޗައިނާ ކަނޑުގެ ވަރަށް ގިނަ ޖަޒީރާތައް ޗައިނާ އިން ވަނީ މިލްކުކޮށްފަ އެވެ. ޗައިނާ ކަނޑުގައި ޗައިނާ އިން ދަނީ ރަށްތަކެއް ހިއްކާ އަސްކަރީ ކަންކަމަށް ބޭނުން ކުރަން ތައްޔާރުވަމުންނެވެ.
އެމެރިކާގެ މަތިންދާ ބޯޓު އުފުލާ މަނަވަރު އެންމެ ފަހުން ސައުތު ޗައިނާ ކަނޑަށް ދަތުރު ކުރީ މީގެ ދެ އަހަރު ކުރިންނެވެ. އެ ފަހަރު ވަނީ މެލޭޝިއާގެ ކަނޑުގެ ސިފައިންނާ އެކު ތަމްރީނުތަކެއް ކުރިއަށް ގެންގޮސްފަ އެވެ. ކާލް ވިންސަން މަނަވަރުގެ 35 އަހަރުގެ ތާރީޚުގައި ސައުތު ޗައިނާ ކަނޑުގެ ސަރަހައްދަށް ވަނީ 16 ދަތުރެއް ކޮށްފަ އެވެ.
އެމެރިކާގެ ރައީސް ކަމުގެ މަގާމަށް ޑޮނަލްޑް ޓްރަމްޕް މިދިޔަ މަހު 20 ވަނަ ދުވަހު ވަޑައިގަތުމަށް ފަހު ވަނީ ސައުތު ޗައިނާ ކަނޑުގައި ޗައިނާ އިން ބާރުގަދަ ކުރަމުންދާ ދިއުން ހުއްޓުވާނެ ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓްރަންޕް
26 May 2017
ޗައިނާ އަކީ ޢެމެރިކާ އާ އަޅާ ކިއޭ ވަރުގެ ގައުމެއް ނޫން.
ޗައިނާ
19 February 2017
ޗައިނާ އަކާ ނުކުޅެވޭނެ.... އެމެރިކާ ހަމަ ޖެހޭނީ ސައިޒުވާން
ޒާ
19 February 2017
އެމެރިކާގެ މަނަވަރު ފުންޏެއް ސައުތު ޗައިނާ ކަނޑުގައި އުޅުނަސް ޗައިނާ ކަހެރުވަކު ތޮއްޓޭވެސް ހީނުވާނެ. އަދި ޗައިނާއިން ކުރާ އެއްވެސް ކަމެއް ހުއްޓާވެސް ނުލާނެ. އެންމެ ރަށެއްވެސް ދޫކޮށް ނުލާނެ. ހީވާކަހަލަދޯ؟ ޗައިނާއަކީ ޢަރަބިންނެެއްނޫން އެހާ ފިނޑިވާކަށް.
އަލީ
19 February 2017
އަރަބިންނަކީވެސް އޭގެޒާތުގައި ފިނޑިބައެއްނޫން އެކަމަކު ރައްސަކަމުގެ ދަހިވެތިކަމުގައި އަރަބިގައުމުތައް ފަހަތަށް ގެންދިޔައީ އެތަންތަން ހިސާރުކޮށްގެން އިންސާނަކަށް ގުޑިނުލެވޭވަރަށް އޮބިއަޅުވައިގެން އާއިލީ ރަސްކަންތައް ދެމެހެއްޓުމަށް ކުރި މަސައްކަތުން ޒަމާނީތައުލީމާއި ޓެކްނޮލޮޖީގައި އަރަބި ގައުމުތައް ފަހަތަށް ދިޔައީ މެދުއިރުމައްޗަކީ ދުނިޔޭގެ ނިސްބަތުން އެންމެގިން ލިޔަންކިޔަން ނުދަންނަ މީހުން އުޅޭބައްރު އަޅެ ސްޓެޓިސްޓިކްސް ބަލާލަބަލަ އެކަމަކު ނިސްބަތުން ގެންމެ ގިނަ މިލިޔަނަރު ޕްރިންސުން އުޅޭނީ އަރަބިގައުމުތަކުގައި
ފަޤީރުކަލޯ!
19 February 2017
ކޮއިފުޅާ ޢަރަބިންވަރުގެ ކެރޭ ޖެހިލުންކުޑަ ބައެއް ދުނިޔޭގައި ނުވާނެ! ޢަރަބިޤައުމުތަކަށް އެއަޅާވަރަށް އެމެރިކާ ތަންތަނަށް ނިކަން ބޮން އަޅާލަބަލަ އެމީހުން ހޯހޯ ގޮވައި އާދޭސްކޮށް ދެފައި ތަޅައި ރޯވަރު ބަލައިލާން! ދުނިޔޭގެ ބާރުގަދަ ހުރިހައި ޤައުމަކުން ޢަރަބިންނާ ދިމާކޮށް ތަޅައި ސުންނާފަތި ކޮށް ހަދަމުން ގެންދާއިރުވެސް ޢަރަބިން އަމާން ނުދީ އެތިބީ އެމީހުންގެ ހިތްވަރު ގަދަކަމުންނެވެ. ތިބާރު ގަދަ ޤައުމުތަކާދެކޮޅަށް އެގޮތަށް ބަޔަކު ނިކުމެ ހަމަލާތަކެއް މެދުނުކެނޑި ދެމުން ގެންދެބަލާށެވެ. އެމީހުން ރޯވަރުބަލަން!ﷲ އިރާދަކުރެއްވިއްޔާ އެދުވަސްވެސް އޮތީ ވަރަށްކައިރީގައެވެ.
ަހަބީބު
20 February 2017
ފަޤީރުކަލޯ ތިބުނާ ދުވަހެއް ނާންނާނެ މުސްލިމު ގައުމުތަކުން އަސްލު އިލްމު ހޯދަން މަސައްކަތް ނުކުރާހާ ހިނދަކު. މިދުވަސް ދެކެންޖެހުނީވެސް ޢިލްމު ދޫކޮށްލާ، ފޭކު 'އިލްމުވެރިން' ތަކެއް އުފެދިގެން.
ޕސްޓާރޖަޖް
19 February 2017
އިޒްރޭލް ފަލަސްތީން ބިންތައް ކަޓުވާއިރު ނިކަން ޕެޓްރޯލް ކުރަންދެބަލާށެވެ. ވަކި ބައަކަށް ހުއްދަ އަނެއް ބަޔަކަށް ހުއްދައެއް ނޫން.. ދެން ކިހިނެއް ޗައިނާ ކަހަލެ ބޮޑު ޤައުމު ތަކުން ތި އެމެރިކާގެ ބުނާގޮތް ހަދާނީ!!
ވިސްނާމީހާ.
19 February 2017
ޓުރަމްޕު ތިއުޅެނީ ޗައިނާ އަތުން ބޮނޑިއެއް ބޯން.
Abdul
19 February 2017
އިރާދަކުރެއްވިއްޔާ.............................!