މިދިޔަ އަހަރު ސައުދީން ރާއްޖެއަށް ހަދިޔާކުރި ކަދުރު ބަހަނީ-- ފޮޓޯ: ނިޝާން އަލީ/ މިހާރު
08 އެޕްރީލް 2024 - 08:47
50 comments
ސައުދީ ސަރުކާރުން ރާއްޖެ އަށް ހަދިޔާ ކޮށްފައިވާ ކަދުރު ބެހުމުގެ މަސައްކަތް އިސްލާމިކް މިނިސްޓްރީން ފަށައިފި އެވެ.
ރޯދަމަހާ ދިމާކޮށް ކޮންމެ އަހަރަކު ވެސް ސައުދީ އިން ރާއްޖެ އަށް ކަދުރު ހަދިޔާ ކުރެ އެވެ. އާންމުކޮށް ކޮންމެ އަހަރެއްގެ ވެސް ރޯދަމަސް ފެށުމުގެ ކުރިން ނުވަތަ ފުރަތަމަ ހަފުތާގެ ތެރޭގައި ކަދުރު ބަހަ އެވެ.
އެކަމަކު މި ފަހަރު ރޯދަމަސް ނިމެން ގާތްވެފައި ވަނިކޮށް ކަދުރު ބަހަން ފަށާފައިވާއިރު، އިސްލާމިކް މިނިސްޓްރީން ރޭ ވަނީ ކަދުރު ބަހާނެ ގަޑިތައް އިއުލާނުކޮށްފަ އެވެ.
ކަދުރު ބަހާނެ ދުވަސްތަކާއި ގަޑިތައް:
- އޭޕްރީލް 8-9 އަށް، މެންދުރު 1 އިން 3 އަށް
- އޭޕްރީލް 14-18 އަށް، މެންދުރު 1 އިން 3 އަށް
- އޭޕްރީލް 23-25 އަށް ހެނދުނު 9:30 އިން މެންދުރު 12 އަށް
މާލެ އާއި ވިލިމާލެ އަދި ހުޅުމާލޭގައި އުޅޭ މީހުންނަށް ކަދުރު ބަހާނީ އިސްލާމިކް މިނިސްޓްރީންނެވެ. ކޮންމެ ގޭބިސީއަކަށް ވެސް އެއް ޕެކެޓް ކަދުރު ދޭން ނިންމާފައިވާއިރު ކަދުރު ބަލައި ދާއިރު އައިޑީކާޑު ގެންދަން ޖެހެ އެވެ.
ރަށް ރަށުގައި ކަދުރު ބަހާނީ ކައުންސިލްތަކާ ހަވާލުކޮށްގެންނެވެ.
މިދިޔަ އަހަރު ސައުދީ އިން ވަނީ ރާއްޖެއަށް 50 ޓަނުގެ ކަދުރު ހަދިޔާކޮށްފަ އެވެ. މިދިޔަ އަހަރު ކަދުރު ބެހީ ފަގީރުންގެ ދަފްތަރުގައި ހިމެނޭ ކޮންމެ ގޭބިސީއަކަށް އެއް ޕެކެޓް ދިނުމަށް ފަހު، މީހުން ދިރިއުޅޭ ގޭބިސީތަކުގެ ތެރެއިން ކަދުރު ބަލައި ދާ މީހުންގެ ތަރުތީބުންނެވެ. އެގޮތަށް ހެދުމުން ކޮންމެ 100 ގޭބިސީއަކަށް ޖެހެނީ 26 ޕެކެޓް ކަދުރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓޯހާ
09 April 2024
ޙާދަ ވޭސްޓް ޕްލާސްޓިކެކޭ
ކަދުރުބޭ
09 April 2024
ތިއަކުން ދެން ކުރާނެ ބޭނުމެއް މިހާރަކު ނެތް. ރޯދަމަހަށް ބޭނުންވީ. މަގޭ ކަދުރުކޮޅު މިނިސްޓަރަށް ..
ބުޅި
08 April 2024
ޞަދަޤާތުފައުންޑޭސަނުގެހެޔޮއެދުންތަކާއެކުތޯ
ދޮގުލިއުން
08 April 2024
އާއްމުކޮށް ފުރަތަމަ ހަފްތާގަ ބަހައޭ ބުނާއިރު މިދިޔަ 5 އަހަރުތެރޭ އީދުގެ ފަހުންވެސް ކަދުރު ބަހާފަ އެބަހުރި.
ދެރަ
08 April 2024
ސައުދީން ފަލަސްތީނަށް ކީއްވެބާ މިކަހަލަ އެހީއެއް ނުދެނީ؟ އަޅެ އަހަރުމެން ތި ހަދިޔާ ކޮށްލަ ދެއްވާ، އަޅުގަނޑުގެ ބައި
ޙެހެހެ
08 April 2024
ބަހާ އެއްޗެއް ވިއްޔާ އެތެރެ ކުރަންވާނެ. މަވާ ސަލާމް،
ޔަހޫދީ އެމެރިކާ
08 April 2024
އަހަރެމެނަށް ނުބަހާ، ތި ސައުދީ ރޯޔަލް ކުދިންނަށް ބަހާ، އެމީހުނަށް އެމަދުވާނީވެސް، ނޫނި ޔަހޫދީއަކަށްދީ؟
ވަލީދު
08 April 2024
ސައުދު އާއިލާ އިސްތިއުފާ!
ދޮންފުތުބެ
08 April 2024
އަވަހޭ ލަހޭ މިތާ ގޮވިޔަސް. ގައްޒާއޭ ޔަމަނޭ ބަޔަކު ކިޔަސް. އަވީގަ ކިޔުއޭ ހަޅޭއްލެވިޔަސް. އެބޭނުންވާ ބަޔަކު ހޭވައްޓާލާފަ ގޮސް ނަގާ ހުސްކުރާނެ.
ނުހާ އާލި
08 April 2024
ކަދުރު ދޭނެ ބަޔަކު ވެރިކަމަށް އެއްމެ ފަހުން އަގުވެއްޖެ