ފެނަކައިން ރާއްޖޭގެ ރަށެއްގެ އޮފީސް އިމާރާތް. އެކުންފުނިން އެސްޓީއޯއަށް 2021 އިން ފެށިގެން ތެލަށް ފައިސާއެއް ނުދައްކާ -- ފޮޓޯ: ފެނަކަ
10 އެޕްރީލް 2024 - 09:26
5 comments
އާ މެނޭޖްމެންޓުން ކުންފުންޏާ ހަވާލުވި އިރު ފެނަކައިން އެސްޓީއޯއަށް 1.9 ބިލިއަން ރުފިޔާ ދައްކަން އެބަ އޮތް ކަމަށް އެސްޓީއޯގެ މެނޭޖިން ޑިރެކްޓަރު ޝިމާދު އިބްރާހިމް ވިދާޅުވެއްޖެ އެވެ.
"މިހާރު" އަށް ދެއްވި ހާއްސަ އިންޓަވިއުއެއްގައި ޝިމާދު ވިދާޅުވީ، މަގާމާ ހަވާލުވި އިރު ފެނަކައިން ދެ ބިލިއަން ރުފިޔާއާ ގާތަށް ތެލަށް ފައިސާ ނުދައްކާ ހުރި ކަމަށެވެ. އޭނާ ވިދާޅުވީ، އެސްޓީއޯއިން ފެނަކައަށް ތެޔޮ ވިއްކަމުން އަންނަނީ ހާއްސަ ރޭޓެއްގައި ކަމަށާއި އެހެންވެ އެ ފައިސާ ނުދެއްކޭނެ ސަބަބެއް ނެތް ކަަމަށެވެ.
"އަޅުގަނޑުމެންނަށް ދިމާވި އެންމެ ބޮޑު ޗެލެންޖަކީ ފެނަކައިން 2021 އިން ފެށިގެން ފައިސާއެއް ނުލިބޭ. ބަރާބަރަކަށް ނުލިބެނީއެއް ވެސް ނޫން. އަނެއްހެން ނުވެސް ދޭ. އެ ބޭފުޅުން ގަބޫލު ނުކުރައްވަނީ ކަންނޭނގެ ކަރަންޓު އުފައްދަނީ ތެޔޮ ބޭނުން ކޮށްގެން ކަމެއް. އަޅުގަނޑުމެން މުޅިން ޖެހެނީ ސަރުކާރުން ފައިސާ ހޯދަން،" އޭނާ ވިދާޅުވި އެވެ.
އެސްޓީއޯގެ މެނޭޖިން ޑިރެކްޓަރު ޝިމާދު "މިހާރު" އާ ވާހަކަދައްކަވަނީ -- ފޮޓޯ: ނިޝާން އަލީ / މިހާރު
ޝިމާދު ވިދާޅުވީ، ފެނަކައިން ފައިސާ ނުދައްކާ އޮތުމުން އެކަމުގެ ދަތިތައް ކުރިމަތިވަމުންދާ ކަމަށެވެ. އާ މެނޭޖްމެންޓުން ފެނަކައާ ހަވާލުވެ، ކުރީގައި ހުރި ދަރަނިތައް އަދި އެއްކޮށް ނުދެއްކުނު ނަމަވެސް، ފަހުން ހޯދާ ތެލަށް ޕޭމަންޓުތައް ދައްކަމުން އަންނަ ކަމަށް ވެސް އޭނާ ވިދާޅުވި އެވެ.
"މިހާރު އެޓްލީސްޓް، ނަގާ ތެލަށް ކޮންމެވެސް ވަރަކަށް ޕޭމަންޓް ހަދާ،" އޭނާ ވިދާޅުވި އެވެ.
އެ މައްސަލަ ފިޔަވައި އިތުރު އެއްވެސް މާލީ ދަތިކަމެއް އެސްޓީއޯ އަސް ނެތް ކަން ޝިމާދު ފާހަގަކުރެއްވި އެވެ.
ފެނަކައިން އެސްޓީއޯއަށް ފައިސާ ނުދައްކާ މައްސަލައާ ގުޅިގެން ކުރީ ސަރުކާރުގައި އެ ކުންފުނީގެ ހިންގަން ތިއްބެވި ބޭފުޅުން ވެސް ވަނީ އެ މައްސަލަ ފާހަގަކުރައްވައިފަ އެވެ. މިދިޔަ އަހަރު އޭޕްރީލްގައި އެ މައްސަލައާ ގުޅޭ ގޮތުން އެސްޓީއޯއިން އާންމުކުރި މައުލޫމާތުތަކުން އެނގޭ ގޮތުން އޭރު ވެސް ފެނަކައިން އެސްޓީއޯއަށް 1.8 ބިލިއަން ރުފިޔާ ނުދައްކާ އޮތެވެ.
އެސްޓީއޯއަކީ ސަރުކާރު ހިއްސާވާ ކުންފުނިތަކުގެ ތެރެއިން އާމްދަނީ އެންމެ ބޮޑު އެއް ކުންފުންޏެވެ. މިދިޔަ އަހަރު އެކުންފުންޏަށް ވަނީ 16 ބިލިއަން ރުފިޔާގެ އާމްދަނީއެއް ލިބިފަ އެވެ. އަދި ފައިދާގެ ގޮތުގައި 820 މިލިއަން ރުފިޔާ ލިބުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
10 April 2024
މިކަމަށްނިމުން ގެންނާންޖެހޭ. ވެރިކަމުގައިހުންނަމީހާއާއި އޭނާގެޕާޓީއަށް ޙަރަދުކުރާ އަދި އެޕާޓީނަގަހައްޓާން ކޮޑުވިއްދާ ތަންތަންކަމުގައި ދައުލަތުގެ ކުންފުނިތައްހެދުން ހުއްޓުވޭނެގޮތް ހޯދާންޖެހޭ. # ތިޔަކުންފުންޏަކީ ދައުލަތުން ސަބްސިޑައިޒް ކޮށްގެން ކުދިރަށްރަށުގައި ދިރިއުޅޭރައްޔިތުންނަށް "ހެޔޮއަގުގައި" ކަރަންޓްވިއްކުމަށްޓަކާ އޮންނަކުންފުންޏަކަށްހަދާފައި ރާއްޖޭގެބޮޑެތި ހުރިހާސިޓީތަކެއްގައި ކަރަށްޓަށް ދައުލަތުން ސަބްސިޑައިޒްކުރުން ހުއްޓާލަންޖެހޭ. # އަދި
މުހައްމަދުބޭ
10 April 2024
އެމްޑީޕީއިން ކުރި ކަމަކީ ދައުލަތް ރޭޕްކޮށްލީއެވެ. ރައްޔިތުންގެ ޚަޒާނާ ގަސްތުގައި ޕާޓީމީހުންނަށް ބައިއަޅަ އިގެން ހުސްކޮށްލީއެވެ. އެކަމަކުވެސް ހެޔޮތާއެވެ. އެމީހުންނަށްޓަކައި ޖާނާ މާލުން ޤުރުބާންވާ ދިވެހި ރައްޔިތުންވެސް މަދެއް ނޫނެވެ، ރައްޔިތުންނޭވެ. ސުވާލު ކުރެވޭ ދުވަހެއް އަންނާނެވެ. މުދާ ހޯދި ގޮތާއި ބޭނުންކުރި ގޮތެވެ. އަމާނާތްތަށް ބެލެހެއްޓި ގޮތެވެ. މުންކަރާތްތައް ހިންގާ މީހުންނަށް ތާޢީދު ކުރާ މީހުން ވެސް އެދުވަހަކުން ޖަވާބުދާރީވާންޖެހޭނެއެވެ،
ސަސި.
10 April 2024
މުވައްޒަފުން ތިބޭނެ ތަނެއް، ކުރާނެ ކަމެއްނެތަސް ހަމަ ލައްކަ މީހުން މިހާރުވެސް އެބަ ވަޒީފާއަށްނަގާ.
ތެޔޮވާރު
10 April 2024
ކޮއިފުޅާ ދޫންޏާ ތިޔަ ތެލުން ބައިކުޅަ ބައިވެސް ފެނަކައިގެ ރަށްތަކުގެ ޖަނަރޭޓަރު ބޯލަން ނޫނިބޭކަން ވަރަށް ޔަގީންކަމާއެކު ބުނެލަން ކެރޭ. އެޖެންޓުންގެ ގޮތުގައި ތި ތެޔޮ އުފުލަން ޙަވާލު ކުރި މީހުން ބޮއްކުރާގަނޑެއްގައި ފެށިނަމަވެސް އަހަރެއް ދޮޅު އަހަރު ވީއިރު 3 ލައްކަ ލިޓަރުގެ ތެޔޮ އެޅޭ ވަރުގެ ބާރޖް ބަދެގެން ތި ތެޔޮ އުފުލަން ފެށި. މިސާލަކަށް ޖިއޯވޭވް ކުންފި ބައްލަވާށެވެ. ދައުލަތް ކޫޓުވާ ކައި ހުސްކުރަނީ އެވެ. ވަކިތަނެއް ވަކި ވަރެއް ނޫނެވެ.
ކަލީބް
10 April 2024
އެމްޑީޕީން ރައްދުގައި ބުނާނެ ތީހަމަ ތުހުމަތޭ އެޅޭނެ ފިޔަވަޅެއްނެތޭ..ސަހަލު އެއްކަމެއް ނެތޭ ކޮށްފައެއް ވެރިކަމުގައި ތިބިއިރު.