ރާޖްކުމާރް ރާއޯ ޕްލާސްޓިކް ސާޖަރީ ހެދި ކަމަށް ބުނެ ފާޑުކިޔުން ބޮޑުވެއްޖެ

ރާޖްކުމާރް ރާއޯ ޕްލާސްޓިކް ސާޖަރީ ހެދި ކަމަށް ބުނެ އަޑު ފެތުރެން މެދުވެރިވި ފޮޓޯ.

15 އެޕްރީލް 2024 - 06:59

ބޮލީވުޑްގެ އެކްޓަރު ރާޖްކުމާރް ރާއޯ ޕްލާސްޓިކް ސާޖަރީ ހެދި ކަމަށް ބުނެ ސޯޝަލް މީޑިއާގައި އޭނާ އަށް ފާޑުކިޔުން ބޮޑުވެއްޖެ އެވެ.

މި ފާޑުކިޔުންތައް ފެށުނީ މިދިޔަ ހޮނިހިރު ދުވަހުގެ ރޭ އިންޑިއާގެ މުމްބާއީގައި ބޭއްވި ލަވަކިޔުންތެރިޔާ ދިލްޖިތު ދޮސާނީގެ ޝޯއެއްގައި ބައިވެރިވުމަށް ރާޖްކުމާރް ދިއުމުން ޕަޕަރާޒީން ނަގާފައިވާ އޭނާގެ ފޮޓޯތައް ސޯޝަލް މީޑިއާގައި ވައިރަލްވުމުންނެވެ. އޭނާގެ މޫނު މަތިން ވަރަށް ބޮޑު ބަދަލެއް ފެނެ އެވެ.

Seems like Rajkumar Rao has undergone cosmetic surgery. His rugged next door looks used to complement his great acting and the relatable characters he played. New look appears a bit odd, but anyway, it's his choice!*

*Marked myself safe from "wo jo marzi kare tumhe kya" gang. pic.twitter.com/RUeFJfMOij
— THE SKIN DOCTOR (@theskindoctor13) April 14, 2024

ޝޯޝަލް މީޑިއާގައި ބައެއް މީހުން ބުނި ގޮތުގައި، ރާޖްކުމާރް ދަތްދޮޅީގެ ކޮސްމެޓިކް ސާޖަރީއެއް ކޮށްފައިވާ ކަމަށް ބެލެވެ އެވެ.

ބައެއް މީހުން ވަނީ އޭނާގެ ކުރީގެ ފޮޓޯތަކާއި މި ފޮޓޯއިން ފެންނަ ތަފާތު އަޅާ ވެސް ކިޔައިފަ އެވެ.

"ސާޖަރީއަށް ފަހު ރާޖްކުމާރް ރާއޯ މިހާރު ހީވަނީ ފައިޓާ ފިލްމުގައި ވިލަން ރޯލު ކުޅުނު މީހާހެން،" އެކްސްގައި މީހަކު ބުންޏެވެ.

Rajkummar Rao after surgery now looks like that villain guy from Fighter 💀 pic.twitter.com/NZn7QHFv2H
— sohom (@AwaaraHoon) April 13, 2024

"މި ފޮޓޯ ފުރަތަމަ ފެނުނުތަނުން މީ އޭނާ ކަން ނުވެސް އެނގުނު،" އެހެން މީހަކު ބުންޏެވެ.

ރާޖްކުމާރް މިހާރު ތައްޔާރުވަމުން އަންނަނީ އޭނާގެ ކުރިއަށް އޮތް ފިލްމު "މިސްޓާ އެންޑް މިސިޒް މާހީ" އަށެވެ. ޖާންވީ ކަޕޫރްއާ އެކު އޭނާ ލީޑު ރޯލު ކުޅޭ އެ ފިލްމު ސިނަމާތަކަށް ގެންނަނީ އަންނަ މަހު 31 ގަ އެވެ.