މިނިވަން މުވައްސަސާތަކާ ބެހޭ ކޮމިޓީން ކުރިން ބޭއްވި ބައްދަލުވުމެއްގައި އެންޓި ކޮރަޕްޝަންސް ކޮމިޝަން (އޭސީސީ)ގެ ރައީސް އާދަމް ޝާމިލް ވާހަކަދައްކަވަނީ.-- ފޮޓޯ: ފަޔާޒު މޫސާ | މިހާރު
18 އެޕްރީލް 2024 - 19:02
27 comments
ގެދޮރުވެރިޔާ ފްލެޓް ސްކީމާ ގުޅިގެން އެންޓި-ކޮރަޕްޝަން ކޮމިޝަން (އޭސީސީ) އިން ހިންގި ތަހުގީގުގައި ޝަރުތު ހަމަނުވާ ކަމަށް ކަނޑައެޅި މީހުންގެ ފްލެޓު ލިސްޓު ކަމަށް ބުނެ ސޯޝަލް މީޑިއާގައި މިހާރު ދައުރުކުރަމުން ދަނީ ސައްހަ ލިސްޓެއް ނޫން ކަމަށް އެ ކޮމިޝަނުން މިއަދު ބުނެފި އެވެ.
އޭސީސީން ނެރުނު ނޫސްބަޔާނެއްގައި ބުނީ ގެދޮރުވެރިޔާ ސްކީމުގެ ދަށުން ފްލެޓް ދޫކުރުމާ ގުޅޭ ގޮތުން ސޯޝަލް މީޑިއާގައި މިހާރު ދައުރުކުރަމުން ދާ ލިސްޓަކީ އެ ކޮމިޝަނުގެ ލިސްޓެއް ނޫންކަން ކޮމިޝަނުން ބެލިބެލުމުން އެނގިފައިވާ ކަމަށެވެ. އެކަމާ ގުޅިގެން އިތުރަށް ބަލަން ޖެހޭ ކަންކަން ބަލައި، އަޅަން ޖެހޭ ފިޔަވަޅުތައް އަޅާނެ ކަމަށް ވެސް އެ ބަޔާނުގައި ބުންޏެވެ.
"އަދި މި ފުރުސަތުގައި، ކޮމިޝަނުގެ އެއްވެސް މަސައްކަތަކަށް އެއްވެސް މީހެއްގެ ނުވަތަ ފަރާތެއްގެ އެއްވެސް ނުފޫޒެއް ނޯންނާނެ ކަމުގެ ފުރިހަމަ ޔަގީންކަން ދިވެހި ލޮބުވެތި ރައްޔިތުންނަށް އަރުވަމެވެ. އަދި ކޮމިޝަނުގެ އެންމެ މަތީ މަސްލަހަތަކީ ގާނޫނު ނަގަހައްޓައި ތިޔަ ލޮބުވެތި ރައްޔިތުންގެ މަސްލަހަތު ހިމާޔަތްކުރުން ކަމުގައި ދަންނަވަމެވެ،" އެ ބަޔާނުގައިވެ އެވެ.
ޝޯޝަލް މީޑިއާގައި މިހާރު ދައުރުވާ ލިސްޓުގައި ބުނަނީ އެއީ އޭސީސީގެ ތަހުގީގުގައި ބެލި ފޯމުތަކުގެ ތެރެއިން ޝަރުތު ފުރިހަމަ ނުވި ނަމަވެސް ފްލެޓް ލިބޭނެ ކަމަށް ކުރީ ސަރުކާރުގެ ހައުސިން މިނިސްޓްރީން ކަނޑައަޅާފައިވާ މީހުން ލިސްޓު ކަމަށެވެ. އެ ލިސްޓުގައި 5،000 އެއްހާ މީހުން ނަން އޮތެވެ.
ގެދޮރުވެރިޔާ ފްލެޓްތައް ލިބޭ މީހުންގެ ދާއިމީ ލިސްޓެއް، މިދިޔަ ސަރުކާރު ނިމެން ދެ ދުވަހަށްވެފައި އޮއްވައި ނެރުމުން އޭސީސީން ވަނީ ފްލެޓް ދޫކުރުން ހުއްޓުވައިފަ އެވެ.
އޭގެ ގާތްގަނޑަކަށް ދެމަސް ދުވަހުގެ ތަހުގީގަށް ފަހު އޭސީސީން ބުނެފައި ވަނީ 4،000 ފްލެޓް ލިބުނު މީހުންގެ ތެރެއިން 60 ޕަސެންޓް މީހުންނަކީ ޝަރުތު ހަމަނުވާ މީހުން ކަމަށެވެ. ޝަރުތު ހަމަވާ ބާކީ ފޯމުތަކުގެ ތެރެއިން އެއްވެސް މައްސަލައެއް ނެތީ އެންމެ 20.7 ޕަސެންޓް ފޯމުގަ އެވެ. އަދި އަނެއް 19.7 ޕަސެންޓަކީ ވެސް ޝަރުތު ހަމަވެ، މައުލޫމާތުގެ ފުށުއެރުންތަކެއް ހުރި ފޯމުތަކެވެ.
މި ސަރުކާރުން ބުނަމުން އަންނަނީ އޭސީސީގެ ތަހުގީގަށް އެގޮތަށް ފާހަގަވި ނަމަވެސް، ހައުސިން މިނިސްޓްރީން އަލުން ހުރިހާ ފޯމެއް ބަލައި ފްލެޓް ދެވެނީ ހައްގުވެރިންނަށްތޯ ޔަގީންކުރާނެ ކަމަށެވެ. އަދި ރައީސް ޑރ. މުހައްމަދު މުއިއްޒުގެ ލަފާފުޅުގެ މަތިން މިހާރު ވަނީ މި ފްލެޓްތަކުގެ ފޯމުތައް އަލުން ދިރާސާކުރުމަށް މިނިވަން ކޮމިޓީއެއް އެކުލަވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައިކދހ
20 April 2024
ދެން މަކަރުހަދާފައި ހުރި ލިސްޓައްފުލެޓް ދީގެން ނުވާނެ އެހެންރައްޔިތުންގެ ހައްގުވެސް ކަސަވަރުކުރަންޖެހޭނެ
ހުވަދޫ އަލިބެއްޔާ
19 April 2024
އެއީ ސައްޙަ ލިސްޓެއް.. އެކަން ތި ރައީސްގެ ދުލުން ބުނެ ޔަޤީންކަން ދިން މީހުން އެބަތިބި.. މަގޭ ސުވާލަކީ މާލޭގައި ދިރިއުޅެ ތަޢުލީމު ޙާސިލްކޮށް، ކައިވެނިކޮށް ދަރިން ލިބި އެދަރިން ފުރާވަރަށް އަރަނީ.. ވަޒީފާގަ 15 އަހަރަށްވުރެން ގިނަ ދުވަސް.. އެކަމަކު މާލޭގައި 15 އަހަރު ދިރިއުޅުނުކަން އެނގެން ނެތް ކަމަށް ނިންމާ ޝަރުތު ހަމަނުވެޔޭ.. ހެޔޮ ވާނީ ކިހިނެއް.. މާތްﷲ ގަނދީ މިބުނީ ވަގު އެއްވެސް ލިޔުމެއް ނުލަން.. މަކަރެއް ނަހަދަން. އެކަމަކު ޝަތުރު ހަމަނުވެޔޯ..
ރތފެ43
19 April 2024
އެއީ ސައްހަ ލިސްޓެއްނޫން. ދޮގުހަދައި މަކަރުހަދާ ޝައިޠާނާއާ ބައިއަތު ހިފައިގެން އިންތިހާބެއް ކާމިޔާބެއްނުވާނެ. އަބަދު އިބިލީހުގެ ވަސްވާހުން އިންސާނުންގެ ލޮލުގަ އަނދުނެއް ނޭޅުވޭނެ.
Hussain Waheed
19 April 2024
އޭސީ ސީ އަށް ޝަރުތު ހަމަނުވާ ކަމަށް ފެންނަމީހުނާ އިންޓަވިއުކުރަންޖެހޭ ރަށްޔިތުމީހާގެ ޙައްޤު ސަރުކާރުން ޔަޤީން ކުރަންޖެހޭ ހަޤީގަތް ރަނގަޅަށްބަލާފަ ނޫނީ އޭސީ ސީ އަށް ނިންމަންދިނުމަކީ ސަރުކާރު ހިންގަންތިބޭބަޔަކަށް ހަޖަމުވެގެންވާނެ ކަމެންނޫން. އޭ ސީ ސީ އަކީ ވަރަށް ފަރުވާ ކުޱަ މުއަށްސަސާއެއް.ކޮންމެކަމަކަށް ބޭނުންވަނީ އަދުލުވެރިން
ކަޅިބިޔާގެ ހައްވާދީ
19 April 2024
ދެން ކުބުހޭ ނުކިޔާ ރަނގަޅު ލިސްޓު ނެރެންވެއްޖެދޯ
ގުރުސިންހާ ނިއުޕޯޓު
19 April 2024
ދެން ކަލޭ ރަނގަޅު ލިސްޓެއް ނުނެރި ލަސްވަނީ ކީތްވެ މިހާދުވަސް ވަނީ ކީތްވެ ކަލޭ ސިޔާސީ މީހަކު އަގުވައްޓާލަން ވެއްޖެނަމަ ފަޅި ސިކުންތު ކޮޅެއްތެރޭ އެކަން ނިންމާނެ މިހާރު މިފުލެޓު ކަންތައް ބޮޑު ބަލާޔަކައް ވެއްޖެ
ކާލާގުލާމް
19 April 2024
އިންތިޚާބު ނިމުނީމަ ސައްހަ ވާނެ އެ. ސަރުކާރަށް ވޯޓު ދީ. އެހެންނޫނީ ލިސްޓު އެކްޓިވޭޓްވާނެ
ފެންނަގޮތް
19 April 2024
ދޮންއަމާ ފިލުމު ކުޅުބަޔަކަށް ލިސްޓެއް ހަދާކަށް އުނދަގުލެއް ނުވާނެތާ..
ކިލަމަންޑާ
19 April 2024
މިމީހުންތަ މިހާރު ފްލެޓް ދޫކުރުމާއި ގޯތިގެދޮރު އިމާރާތްކުރުމުގެ ކަންކަމުގައި އުޅެނީ
މ)ޑް
19 April 2024
ފުލެޓް ތައް އަތުލުމުގެ ގާނޫނީ އެއްވެސް ބާރެއް އޮތް ތަނެއް ނޫން އޭސީސީ އަކީ
ކކޖކ3
18 April 2024
މޑޕ އަށް މަޖިލިސް ލިބިއްޖެނަމަ މިގައުމުގަ އިގްތިސާދީ ހުރިހާ ޕްރޮޖެކްޓެއް ހުއްޓުވާނެ. ޕާޓީ ވިޕަކުން ނިންމާލާނެ ޕްރޮޖެކްޓް ހިންގަން ހުއްދަނަގާ ގާނޫނު ހަދާ އެއަށް ވޯޓުލާން. ދެން ރައީސުލްޖުމްހޫރިއްޔާ އިންވެސްޓަރު އަތުގަ ހިފައިގެން ހިނގަ ހިނގައިހުންނަންޖެހޭނީ. ޕްރޮޖެކްޓްތައް އަނބުރަ އަނބުރާ މޑޕ މަޖިލިސް މެންބަރުން ތިބޭނެ. ހަމަ ހިލާ ރާއްޖޭގަ އެއްވެސް ކަމެއް ވިޔަނުދޭނެ އެވެރިން. އެކަން މި ވޭތުވި 4 މަހު ސާބިތުކޮށްދިނުމަށް މީހުންގެ މުސާރަ ބޮޑުކޮށްފި.